求用家講解SPB真實英文和普通話語境

Poyau

karenaleung 發表於 22-12-22 21:53
不清楚樓主情況，不是針對樓主。
只係看到這裡，有點疑惑。
其實我都不大明白，如果父母是以廣東話為母語 ...

講英文唔講中文 不等如 native
試想 小朋友與工人英文溝通
NCS 學生係學校講英文 會否成 native?

如想英普 native 要向 native 學習
考慮讀英普幼稚園 外聘 native 補雙語
升小如讀LS 繼續外補英普特別係口語
持之以恆 將來放洋 水平不遜於IS

另外 口音大約10歲定型
讀完小四升 IS Y6(10+) 可能為時已晚

993rs

tommychoi1985 發表於 22-12-23 15:26
好奇請教一下為何會LS 轉去IS，是居於什麼原因的決定呢？謝謝。

大約咪又係 daddy 鍾意 IS、mommy 鐘意 LS。個 vibes 好唔同，唔單止係語言嘅分別。仔細講幾日都講唔完。
當日有間非神校但好唔錯嘅女龍，大家傾好六年級時睇吓點。最終同阿囡商量好之後順利過渡 IS。

karenaleung

Poyau 發表於 22-12-23 18:21
講英文唔講中文 不等如 native
試想 小朋友與工人英文溝通
NCS 學生係學校講英文 會否成 native?

exactly what I mean

twhkleung

Poyau 發表於 22-12-23 18:21
講英文唔講中文 不等如 native
試想 小朋友與工人英文溝通
NCS 學生係學校講英文 會否成 native?

绝对同意，好似好多Singaporean 同Indian,佢地指懂講英文，但在當地長大，你唔會話佢d英文唔native呱！同样道理，父母HK 人，英文超好，咁算唔算native港式英文？
最终睇下楼主对native的定義了。用英文思考也只懂英文算唔算native？
定係滿口美式或英式口音？坦白講，就算在HK可講出一口美英式口音，但因為不是在美英生活，一开始，d英美native未必馬上知道你係HK 人，但講多两句，便會发現你用的形容詞跟在英美日常用发不同。所以，如果楼主native定義是咁，除了飛去當地生活是別冇它法。
又好似中国人講普通話，內地同事最常提的哩個東北口音，果個又边道边道口音...
咁楼主的native定義想点學普通話呢？

tommychoi1985

993rs 發表於 22-12-23 18:21
大約咪又係 daddy 鍾意 IS、mommy 鐘意 LS。個 vibes 好唔同，唔單止係語言嘅分別。仔細講幾日都講唔完。
...

Thanks. 我錯誤將LS理解為喇沙. 樓主，你試下扣St jo, 我小朋友讀St jo, 我有時接送留意到佢哋大多數都係講英文, 當然native要睇小朋友是否有語言天份，始終你生活在一個華人的世界。如果真係糾結尼樣野，去外國生活或者是一個好的選擇。

vslc285

tommychoi1985 發表於 22-12-23 18:54
Thanks. 我錯誤將LS理解為喇沙. 樓主，你試下扣St jo, 我小朋友讀St jo, 我有時接送留意到佢哋大多數都係講 ...

同學仔hello!我都suggest叩St Jo, 但樓主冇回應...

其實樓主係要啲facts去convince佢老婆SPB唔啱佢個仔，唔需要其他suggestions...
可能已經手握佢心目中比SPB更合適嘅Offer

adriantai

其實係咪緊張左 ？

hkpapa852

有部份會員, 讚樓主係好爸爸, 識為兒子打算
如果樓主係"話晒事個位", 我係會認同, 不過似乎唔係咁

樓主其實只係想收集一D"支持佢"認為SPC不符合佢要求既資料, 想去拗嬴佢老婆, 但其實拗嬴咗又點?

拗嬴咗今次之後係咪就一天光晒, 以後教養兒子既安排全部由樓主話晒事先? 其實除了嬴咗啖氣, 又嬴咗D乜? 又有冇嘢係會失去咗呢?

教養子女, 父母不同心, 只會事倍功半.

還記得當年幼稚園老師教子女學習 Family 這個字是, 是教他們:

Father And Mother I Love You

一個家庭, 就是要由父母一起負責, 父母不同心, 家不再家

人一生總有錯失與遺憾, 如果自己努力過後仍無法彌補, 就應 Let it go

子女有自己的人生, 不是來為父母去圓夢或彌補遺憾的, 自己一廂情願既好意, 是否真的對他們好呢?

我時刻謹記聖經中的箴言 22:6 - 教養孩童，使他走當行的道，就是到老他也不偏離。

其餘的, 隨緣吧!

Jean1769

vslc285 發表於 22-12-23 23:39
同學仔hello!我都suggest叩St Jo, 但樓主冇回應...

其實樓主係要啲facts去convince佢老婆SPB唔啱佢個仔， ...

樓主應該等緊DBS call waiting同spcc放榜。

唯有祝佢仔無spcc offer, 否則中文小學超神校佢老婆同佢拗到離婚都似

klam1

Sebbaba 發表於 22-12-21 21:58
你留言之前有没有看標題？
普通話和英文語境
不是要native

我完全明白你的concern. 好多LS 話英文好，只是因為教快一年英文。有啲所謂英小，老師自己都未講得好英文。個人認為要了解學校語境係點，要睇埋playground language, 小朋友平常如何溝通。我覺得赤提SSCPS 做到你想要的，LS 之中真正英文語境好，小朋友平時講英文非常流利，好多NET, happy school.

joeycj

Sebbaba 發表於 22-12-21 20:23
回覆 joeycj 的帖子

YY是10個 Nets + 1 個 drama teacher英文課堂是3個英文老師，Net 負責 spoken English ...

我仔前兩年畢業，依家有三個英文老師一齊上堂咁好。

Zleep

hkpapa852 發表於 22-12-26 00:11
有部份會員, 讚樓主係好爸爸, 識為兒子打算
如果樓主係"話晒事個位", 我係會認同, 不過似乎唔係咁

本來唔想留言，但見papa 你係呢個post 中的2個留言都十分高質，絕對係經驗之談，但佢選擇性失明當睇唔到，其實已經唔駛再夏蟲語冰。

家庭教育一定要一致，唔可以行雙標，否則孩子無所適從，更何況而家係兩走極端，如果自己都搵唔到說服對方的理由，咁即係代表事實唔係佢自以為的樣子囉。

melodychui

如果小四會轉去IS，又同時不喜歡中小，勉強報考中小又取得學位是一種炫耀多於求意見！報考小學不是遊戲，小朋友需要面對不同老師作答問題，也要在中英數等不同方面訓練。在父母角度是為小朋友好，事實上樓主有沒有詢問小朋友希望入那間小學？

只看頭幾個留言，也許你是一店好父親。再看下去，已變成自我中心，很希望你的決定不要令小朋友在學習上無所適從。英小就英小，不要採討中小語境是否優於英小。

VvTara

已知小四會轉IS，但又報中文小學之後話間中文小學冇英文語境(emoji)

如果你個仔中文差，勸你唔好入spb, 因為啲中文頗深。

其實中途轉校仲要由傳統轉IS對於一個小朋友嚟講唔係好事。

你話你老婆係黃，咁你同佢講spb係藍嘅咪得囉(emoji)(emoji)

hkpapa852

VvTara 發表於 23-1-9 13:46
已知小四會轉IS，但又報中文小學之後話間中文小學冇英文語境(emoji)

如果你個仔中文差，勸你唔好入spb, 因 ...

你啱，聖公會掌舵係人大政協，旗下學校都應該係藍

siubobo0051

回覆 Sebbaba 的帖子

本人係SPB用家，希望呢個回覆可以為大家介紹一下SPB的教學情況。首先，SPB係中文小學，所以的確學校不少科目係用中文教的(例如數學，音樂，VA)，但學校亦有不少科目以英文教(例如有英文常識、宗教等)，另外，學校對英文科的課程安排有Eng Lit，Communicative Eng，Eng Comp，GE etc，所以學生英文嘅exposure絕對唔會少。當然，如果你希望有IS嗰種語境，SPB唔會係你杯茶。至於PTH，小一至小三中文科會以廣東話教授，小四至小六會轉為PTH教學，另外PTH亦係其中一個科目。以我所記得，學校開放日圖書館的視頻是PTH的，不肯定大家係咪睇同一條片。
雖然我唔太明白你點解會認為有名氣/語境同小朋友讀得開心與否有什麼關係，但我絕對同意適合的學校至為重要。所謂適合，不只是小朋友，家庭的教育理念是否同學校契合亦十分重要。從你的post，感到你同太太之間對教育冇乜共識，所以建議你哋坦誠溝通一下，如果SPB不適合，希望你哋盡快放位。

我相信每一間學校都有其之強項及不足，我小兒上年有不少offers，最終我哋選擇了SPB，我地亦十分滿意學校的學術質素，功課量，品德的培養，課外活動的安排等等。小兒亦十分享受校園生活。祝願你小朋友都找到適合的學校！

bugmum

小朋友現讀另一直資，學校都冇咩語境，但真係好多同學英文好勁，口語流利，我相信係家長發功

SerenaYuen_FB

bugmum 發表於 23-1-18 10:03
小朋友現讀另一直資，學校都冇咩語境，但真係好多同學英文好勁，口語流利，我相信係家長發功
...

我想問如果學校無語境，屋企唔係講英文，可以點train 到小朋友口語流利。

pickballboy88

外補

我有親人由細到大都本地學校（名校），但因為個個禮拜都有外國人補習都有一口流利英語

SerenaYuen_FB

pickballboy88 發表於 23-1-19 21:05
外補

我有親人由細到大都本地學校（名校），但因為個個禮拜都有外國人補習都有一口流利英語

請問1星期補幾多堂？因為太少感覺又無咩用。搵net 1對1都唔平，要計下數。