求用家講解SPB真實英文和普通話語境

Sebbaba

靛青女 發表於 22-12-21 22:03
回覆 Sebbaba 的帖子

你小朋友討厭做中文功課嗎？如果幼稚園已經被老師話字醜，寫得慢；去到小學程度加深 ...

謝謝你的勇氣，站出來分享。每次有人提到不選名氣大的学校都好像要被公審一樣。但那些人其實絕大部份都是無關人士。
我兒子不討厭中文，但每次要寫中文，講中文他會有壓力。班主任也跟我多次表達過他課堂表現。英文課也開心很積極，數學課很快。但一到了中文課就變了另一個人。
我會在小一開學之前盡量幫他再提升中文。
因為中文不能逃避。
而就中文課而言，我覺得普通話的价值比廣東話大。前者14亿人講，後者1.5億。加上自己可以教，普通話語境在香港就很少學校有。

kakokkkk

學習中文一向都唔容易  因中文句子結構是很難  文字系統比較複雜  
但係華人社會  又係黃皮膚   中文差對將來發展都會好大影響
寫中文字要求嘅能力   有空間感協調力小手肌大手肌   一般都需要有一定程度先可能做得好   過程很漫長  但是否要因此避重就輕  其實都好睇家長取捨   

如果個學生鍾意番學   基本會係好學生  
如佢唔鍾意我間學校   上堂唔專心  就係一個壞學生   
規矩只不過係個學生想唔想係呢個環境遵守

最後我想講  
中途轉校對小朋友的成長過程中都係一種壓力
就如大人轉工一樣  
要三思

lavender_mum

Sebbaba 發表於 22-12-21 22:01
請看標題，以不至於迷失，否則off topic 太多沒有討論價值。
如果你想比較某某學校的＂英文＂請自己另外開 ...

就係樓主你不滿SPB英文語境，又提及你心儀的是PKC，正常推斷樓主至少對PKC的英文滿意程度高於SPB，因此網友提出事實未必如樓主所想

其他人講嘅意見係咪事實？大家唔知。但起碼係另一個角度思考。放得上網問，預咗會有不同意見。如果小朋友將來讀IS，更加要接受呢種思維

否則一句「off topic」就以為人哋答錯題，倒不如自己閂埋門一個人慢慢諗

EugeneS

Sebbaba 發表於 22-12-21 22:18
非常同意你的分析，我看了2次。感謝。

那請容我多說幾句

SPB 的語境其實你自已去完開放日已經是事實擺在眼前 （開放日展示的已是學校最好一面，English room 你所見的小朋友相信已經是經籂選後英文最優秀的一批）
但小朋友的成長家庭和諧比語境重要
平心靜氣時再和太太傾下吧

聽你說小朋友本身中文不好
特意加操中文再考到 SPB offer
相信你太太的付出應該不少（時間 金錢 壓力）
當巨大付出過後有一間身邊人都稱之為名校的 SPB 有 offer，你太太心動是很正常的，你要她立刻冷靜地拒絕是很難做到的
反正又不是1月開學，可以大家先沉澱一下再決定
話吾定有更適合的等緊你們

Sebbaba

EugeneS 發表於 22-12-21 23:11
那請容我多說幾句

SPB 的語境其實你自已去完開放日已經是事實擺在眼前 （開放日展示的已是學校最好一面， ...

特別加操的是我
我research，我找課程，我跟進，我寫字卡，我買圖書，我跟呀仔練字，我買其他學校教材教他。8月開始，因為才知道直私面試都是考廣東話和中文，每個月學500個新生字追趕。
每一張字卡都是我寫的。再按呀仔容易忘記，搞錯的字寫在一起，一步一步提煉。
等校巴，坐地鐵的时候也跟他讀字卡和看中文故事書。
我們過去幾個月就是這樣一起走過來的。
SPC 的offer 證明了兒子的努力有成果，我替他高興。
但不是難獲得的東西就是最合適自己。
我太太是個只會提要求，但不會動手的人。
我就凡事太上心。
教育小孩的事情，谁更上心谁輸。

Sebbaba

kakokkkk 發表於 22-12-21 22:44
學習中文一向都唔容易  因中文句子結構是很難  文字系統比較複雜  
但係華人社會  又係黃皮膚   中文差對將 ...

嗯，看得出您對學習中文很有心得。谢谢指導。
其實我兒子性格是合適IS 的。是我希望他可以學會中國社會的文化才讓他先在local school 一段時間。
所有教過他的老師都覺得他性格比較合適IS。
所以轉IS 我不擔心性格問題。

EugeneS

Sebbaba 發表於 22-12-21 23:20
特別加操的是我
我research，我找課程，我跟進，我寫字卡，我買圖書，我跟呀仔練字，我買其他學校教材教他 ...

我家的選校權是 誰包底誰話事

Sebbaba

EugeneS 發表於 22-12-21 23:31
我家的選校權是 誰包底誰話事

對呀，這樣很公平
但我現在處境是不參與的那位覺得自己有話語權。

kakokkkk

Sebbaba 發表於 22-12-21 23:25
嗯，看得出您對學習中文很有心得。谢谢指導。
其實我兒子性格是合適IS 的。是我希望他可以學會中國社會的 ...

本帖最後由 kakokkkk 於 22-12-21 23:45 編輯

2位尋求共識吧！學習中國人文化底蘊的香港小學都是紅底
其實學校LS直資大多填鴨式教育吧
多數小朋友都不愛中文係事實 但中文唔好 係其他科目上的距離都會成正比

語境只學習語文最初的方法。學校如何係佢有限資源上教好學生的語文水平才重要。
因小朋友下年小學了不再是幼稚園

vslc285

Keep住SPB先，遲啲叩St. Jo。St Jo基本上全英，同學間全英溝通，睇英文書。

英文語境好嘅程度係班主任要enforce同學一星期兩日要帶中文書睇，如果唔enforce啲仔只會睇英文書。
英文老師不是NET但不少係外國回流返嚟，口音極好。
你叩門同校長傾偈就會知校長英文亦係極好。
叩門亦係全英語對答(當然除咗中文科既問題啦)。

SPB 同 St Jo 都係神校級，你老婆應該OK啩

咁當然前提係你仔仔要叩到入去先。

利申: St Jo用家

boboapril

Sebbaba 發表於 22-12-21 23:20
特別加操的是我
我research，我找課程，我跟進，我寫字卡，我買圖書，我跟呀仔練字，我買其他學校教材教他 ...

真係用心良苦，祝你搵到心儀學校！

不過，係因為廣東話差，所以幼兒園沒有朋友？中文堂唔叻表現唔好又變咗另一個人，係咪呢個問題更加要正視同教育下呢？

小朋友無限可能，適應力強，學業嘅嘢好少事啫，宜家唔叻嘅嘢，第時慢慢能力會變好。但升小更加要訓練抗逆能力，EQ都要高，唔好少少嘢就唔高興、做得唔夠人好又縮埋一邊、唔比人話得，人哋比下意見你又嬲、父母都要有高EQ面對小學嘅衝激同挑戰，宜家只係選校，仲未踏入小學雞階段，有排你上心lor.

vslc285

"是我希望他可以學會中國社會的文化才讓他先在local school 一段時間。"



其實中文係相對比較難學嘅語言，英文易pickup好多。所以喺一個中文語景下學習都未嘗唔係一件好事，除非你完全唔在意你小朋友唔識中文。

如果你小四轉IS，小朋友其實只有三年學中文嘅機會。我可以幾肯定咁講佢一定唔會英文退步，但一入IS就會唔記得晒啲中文。果三年嘅中文語境就幫到佢打好中文底，大個起碼識睇報紙識寫中文信。

大波大

作為SPB用家，我衷心建議你唔好揀SPB，聖保羅書院小學家長學生全體都非常團結，All for each and each for all！對學校十分有歸屬感。

既然你去過open day了解過後，覺得學校唔符合你期望小朋友成長嘅環境，仲有咩考慮？如果唔係心儀呢間學校，又或者想之後轉IS，倒不如快快放位比其他小朋友，大把人等緊架。

正所謂免強無幸福，身為用家嘅我都唔建議你選SPB。

會員

vslc285 發表於 22-12-21 23:51
Keep住SPB先，遲啲叩St. Jo。St Jo基本上全英，同學間全英溝通，睇英文書。

英文語境好嘅程度係班主任要en ...

唔應該教人hold位囉。好明顯SPB唔係佢杯茶，佢都唔會讀，做乜教佢咁自私hold住個位呢？ 仲有好多心儀SPB嘅只有waiting，人地等call好慘架。

Sebbaba

boboapril 發表於 22-12-22 00:03
真係用心良苦，祝你搵到心儀學校！

不過，係因為廣東話差，所以幼兒園沒有朋友？中文堂唔叻表現唔好又變 ...

嗯，你說的都對
是這樣，他的廣東話用的是英文的grammar。比如：daddy 我要玩同你係lee 度。加上需要時間組織才能說，到了公園經常被小朋友笑。
另外加上小肌肉發展慢，我做了一些測試，看了不少的書，大概是4-5歲的程度，慢了1年多。
幼兒園很傳統，不會跟你探討問題根源，只會投訴，投訴，再投訴。

Sebbaba

大波大 發表於 22-12-22 01:16
作為SPB用家，我衷心建議你唔好揀SPB，聖保羅書院小學家長學生全體都非常團結，All for each and each for  ...

好呀，你幫忙搞定我老婆。

hkpapa852

Sebbaba 發表於 22-12-21 11:36
小兒很幸運拿到了SPB 小一 offer
不過上周六我去了學校的開放日，發現全校都是中文，講廣東話，學生的作品 ...

你需要找的, 係"家庭心理輔導"

明顯你兩公婆本身有太多問題無去處理

(1) 對小朋友升學睇法要求
     我唔認為你地有認真溝通同去構想小朋友既升學路向, 一個話要著重英普唔想太辛苦, 一個被人話追逐名牌學校
     現實係你地到底想點? 留係傳統學制? 走國際路線?
     諗住見步行步到時先算? 只會一步錯, 步步錯

(2) 價值觀
     你話太太係黃絲 (似乎你唔係太認同太太呢方面喎?), 但你又唔介意子女學好普通話日後可以背靠中國, 明顯雙方價值觀有落差吧!

解決以上問題先講吧!

題外話, 你話唔想太早俾小朋友讀IS, 話驚無紀律..... 紀律呢, 從來都係 "家教", 學校雖然會有影響, 但遠不如家庭

至於你話諗住小四先轉去IS, 你估到時一定有IS俾你入到 (唔好同我講德X個D你當IS呀!), 稍為"似樣"既IS, 都唔會易入得過"人氣高"既傳統學制學校

言語之間睇得出你地兩公婆應係平日以粵語為主既香港人 (你話廣東話可以自己教), 咁點解會話小朋友"母語"係"英文"呢? 即係一出世就只會對住佢講D唔理正唔正宗既英文, 同埋全屋都唔會有中文書既教育方式?

你話小朋友既幼稚園老師話小朋友既中文字醜同寫得慢...... 相信你係安排咗佢入一間以應考本地學制小學為主既稚園, 咁如果你咁抗拒本地學制, 當又點解咁做 (無諗過呀, 人做我咪跟住囉!)

諗清楚自己想掂, 解決自己家庭問題先啦!

只係不停收集"資訊"去捍衞自己都無構想清楚既睇法, 嬴了牙骹又如何?

Jean1769

hkpapa852 發表於 22-12-22 09:44
你需要找的, 係"家庭心理輔導"

明顯你兩公婆本身有太多問題無去處理

其實是否讀緊KV。
如咁著重英文語境點解會入KV

boboapril

hkpapa852 發表於 22-12-22 09:44
你需要找的, 係"家庭心理輔導"

明顯你兩公婆本身有太多問題無去處理

最無奈係個小朋友，無所適從

天外之人

靛青女 發表於 22-12-21 13:53
我唔係用家，答唔到你問題。不過好奇點解你覺得英文講得好小朋友就會讀書開心？報讀學校前其實最好兩個家長 ...

我都覺得廣東話又好,普通話又好都係冇咩問題,唔明白樓主咁著緊學校語境重要性? 小朋友點樣先係真正讀得開心樓主又知唔知? 邊一間都好,攪好小朋友真係鐘意讀書,比你入咗間一般性小學都可以出類拔萃,入咩中學都唔係咩咁難既事.