代問：轉唔轉中中好？

BB-Tiger

車車Wong 發表於 22-11-23 14:45
你講得啱喎, 都升到班應該唔會太離譜, 可能相比小學成績時差太遠,, 一時失咗信心, 我小朋友小學係三線學校, ...

呢個情況係小朋友有正確讀書方法，需要時間先可以追到，如果佢宜家未有學英文方法，只會越來越差越唔鍾意英文。我當年會考英文都係差，但學其他英文學科的詞彙又無問題。不過無方法，所以英文都係拖後腿，直至工作要講英文，先至經過一段時間變得流利少少。

車車Wong

BB-Tiger 發表於 22-11-24 15:16
呢個情況係小朋友有正確讀書方法，需要時間先可以追到，如果佢宜家未有學英文方法，只會越來越差越唔鍾意英 ...

都明白英文唔好係英中讀係一件困難事, 只係聽到個小朋友本身都唔想轉校,即係都鍾意間學校, 只係想集思廣益睇吓有無辦法幫到佢同畀多小小時間佢試吓

BB-Tiger

車車Wong 發表於 22-11-24 15:34
都明白英文唔好係英中讀係一件困難事, 只係聽到個小朋友本身都唔想轉校,即係都鍾意間學校, 只係想集思廣益 ...

明嘅，大家都係提供意見畀提問個個家庭參考姐，有唔同意見係好正常。我當年無咩方法所以無乜進步，當年同朋友去補習補過獅子會，學友社仲有個名師好似叫Paul Hill，我啲grammar 都係無咩大進步（因為興趣唔大）。但如果叫我去參加歷史常識問答比賽我就10條可以答到8，9條，呢啲根本唔需要花力氣就記低左，同英文兩回事。

DD仔

Rpp 發表於 22-11-21 21:32
朋友叫我代問大家意見，佢唔識玩EK佢個女抽奬入咗區1A中學，無奈英文底子極差，真係一見到英文就唔掂個隻 ...

我諗冇乜比較好嘅中學願意收英文差嘅學生，但以佢咁強勁中文及中史底子，愛國學校，例如將軍澳香島，會唔會機會大啲？喺嗰度，又可以按步就班學返好英文，以後升北大清華都係出路

bananaGi

Rpp 發表於 22-11-22 15:26
操卷高分唔代表真的係識嘛。

操卷都可以英文A, 勁...

Yanamami

DD仔 發表於 22-11-24 16:13
我諗冇乜比較好嘅中學願意收英文差嘅學生，但以佢咁強勁中文及中史底子，愛國學校，例如將軍澳香島，會唔 ...

九龍都有香島，又一城對面，城大旁。

DD仔

Yanamami 發表於 22-11-25 16:27
九龍都有香島，又一城對面，城大旁。

呢間香島成績應該係比較好，會唔會比較難入？我諗band2愛國學校可能性會大d, 呢個case嘅主角嘅英文程度實在太差，比較難搞

Rpp

再補充問問大家意見：個家長講轉中中仲有個目的係想揀理科，因為佢阿女只要有中文解釋d數無問題，有中文字幕science就好勁。唔想揀文科，條路話好窄，咁樣嘅話會唔會不切實際？

Yanamami

DD仔 發表於 22-11-25 17:13
呢間香島成績應該係比較好，會唔會比較難入？我諗band2愛國學校可能性會大d, 呢個case嘅主角嘅英文程度實 ...

實在再差，當年都叫band1生抽入band1A中學，我真係想像唔到可以差到咁，點都比入band2愛國學校既學生强啩？城大果間香島成績好極都仲係band2校啫。

Yanamami

Rpp 發表於 22-11-26 09:40
再補充問問大家意見：個家長講轉中中仲有個目的係想揀理科，因為佢阿女只要有中文解釋d數無問題，有中文字 ...

唉，勸下個家長啦。俾你揀到理科，DSE用中文考又如何？上到大學又如何？咪又係英文？唔通佢打算考清華、交通？英文唔掂，根本條路就窄哂啦。佢思路如此，唔怪得升中策略錯哂啦。如果target北方名大，更應轉去愛國中中。

Rpp

Yanamami 發表於 22-11-26 10:16
唉，勸下個家長啦。俾你揀到理科，DSE用中文考又如何？上到大學又如何？咪又係英文？唔通佢打算考清華、交 ...

哈哈，咁直接嘅你。

Yanamami

Rpp 發表於 22-11-26 10:18
哈哈，咁直接嘅你。

再者，俾你科科**,英文無3咪又係死？我講實際情況啫，直接啲好，何須轉彎抹角。香港啲大學，科科**，中文無3可能仲有商量，肥左英文就.....

DD仔

Yanamami 發表於 22-11-26 10:12
實在再差，當年都叫band1生抽入band1A中學，我真係想像唔到可以差到咁，點都比入band2愛國學校既學生强啩 ...

嗰間香島好似係B1C.  又要靠hkpapa同Poyau喇

DD仔

Yanamami 發表於 22-11-26 10:23
再者，俾你科科**,英文無3咪又係死？我講實際情況啫，直接啲好，何須轉彎抹角。香港啲大學，科科**，中文 ...

贊成！佢依家似乎只有兩個選擇：1. 背城借一，破斧沉舟，搏命學好英文，呢啲例子聽唔少，not impossible, but very difficult 囉； 2. 認命，去愛國中中，走國內路線，一樣可以成才嘅，之不過香港或海外大學就唔好諗喇

Rpp

Yanamami 發表於 22-11-26 10:23
再者，俾你科科**,英文無3咪又係死？我講實際情況啫，直接啲好，何須轉彎抹角。香港啲大學，科科**，中文 ...

仲有嗰個家長講讓阿女淋班打好基礎，其實淋班解決唔到英文差嘅問題呀？我建議佢從頭學拼音學起。

DD仔

Rpp 發表於 22-11-26 10:44
仲有嗰個家長講讓阿女淋班打好基礎，其實淋班解決唔到英文差嘅問題呀？我建議佢從頭學拼音學起。
...

B1A學校應該等唔到學生由phonics學起啩，人哋幼稚園已經開始學得幾好了⋯⋯

Yanamami

Rpp 發表於 22-11-26 10:44
仲有嗰個家長講讓阿女淋班打好基礎，其實淋班解決唔到英文差嘅問題呀？我建議佢從頭學拼音學起。
...

學語文在乎運用同融滙，唔係學文法學拼音就可以解決，留班更唔會解決到根本問題。如果個學生無興趣或無破斧沉舟既心，學乜都同小學時操卷考試一樣，有形無神。

俾個例子你，我女中二追韓星，學韓文，因有興趣關係，好快上手，聽力都好好，因成日煲綜藝。到學日文，校內成績好好，不過佢話自己有自知之明，實質係好唔掂，去日本就算勉強當遊客噏到幾句，都怕聽唔明人地答乜。皆因佢對日本文化無興趣，從不煲日劇之類。你明白我講緊個分別嗎？

Rpp

Yanamami 發表於 22-11-26 10:53
學語文在乎運用同融滙，唔係學文法學拼音就可以解決，留班更唔會解決到根本問題。如果個學生無興趣或無破 ...

佢連發個英文音都唔曉得，你話囉。最基本嘅嘢。

Rpp

Yanamami 發表於 22-11-26 10:53
學語文在乎運用同融滙，唔係學文法學拼音就可以解決，留班更唔會解決到根本問題。如果個學生無興趣或無破 ...

佢連單詞點串默都無方法，又唔識拼埋一齊去讀出個音，死記死背，好快唔記得咗，時間用左去默書基本上零分。

DD仔

Yanamami 發表於 22-11-26 10:53
學語文在乎運用同融滙，唔係學文法學拼音就可以解決，留班更唔會解決到根本問題。如果個學生無興趣或無破 ...

主角本身應該係對中文、中國文學、中史等有興趣，就好似你囡囡鍾意韓風咁，所以佢似乎更應順著本心走，會開心啲，英文達到應付最低要求就算啦