如何考慮小朋友適合LS定IS

FaFaFaLaLaLa

大家好 第一次上嚟問嘢 (emoji)(emoji)

小朋友未夠一歲 仲未睇到啲咩性格

呢排我開始爬文同報幼稚園嘅open day了解多啲學校理念同埋之後升小嘅選項 似乎最好揀定LS or IS就唔駛轉嚟轉去

但了解學校之餘 似乎都要考慮自己小朋友個性係適合LS定IS

想請問大家係小朋友幾大嘅時候睇到佢適合邊種學校多啲？

yubaba

FaFaFaLaLaLa 發表於 22-11-18 15:41
大家好 第一次上嚟問嘢 (emoji)(emoji)

小朋友未夠一歲 仲未睇到啲咩性格

我覺得首要嘅唔係睇小朋友咩性格, 而係睇家庭係以邊種教育理念教小朋友及想要什麼教育。呢樣嘢自己搞清楚先, 再先考慮小朋友嘅性格, 就算國際學校都有文靜嘅學生, 本地學校都有好動好思考嘅學生~

Adiezz

相對家庭教育理念係最緊要，能否配合到國際或傳統教育要求
定咗方向後再係國際或傳統學校裡搵小朋友性格既學校

JKLhome

回覆 FaFaFaLaLaLa 的帖子

當初都猶豫緊LS vs IS, 最後揀咗IS，完全冇後悔，睇到小朋友改變好多，自己又煩少好多

964000

FaFaFaLaLaLa 發表於 22-11-18 15:41
大家好 第一次上嚟問嘢 (emoji)(emoji)

小朋友未夠一歲 仲未睇到啲咩性格

其實所有小朋友都適合IS, 因為IS仲有好多種，IB vs 英式vs 美式 vs 中英雙語, 點都搵到啱。
So far 我只見唔啱IS的家長，通常明明小朋友讀得好開心，但家長睇唔過眼小朋友「太得閒」「冇功課」「唔夠服從」「中文太差」等，呢啲其實都係家長自己理念問題，沒有配合學校。
一個心得我覺得 讀IS讀得好一定要自細培養到閱讀的習慣，閱讀過程中已吸收語文和知識，所謂少功啊課，因為其中一様功課就係看書。其實LS也一樣，不過平時可能真係太忙了。
IS很注重羣體生活，課外活動和家長參與，這才是完整的IS生活, 不止是測驗考試。
另一個考慮，礙於資源及改策問題，疫情中IS受的影響係比較少，IS係會想盡辦法bring students back to classrooms.

FaFaFaLaLaLa

964000 發表於 22-11-21 08:40
其實所有小朋友都適合IS, 因為IS仲有好多種，IB vs 英式vs 美式 vs 中英雙語, 點都搵到啱。
So far 我只見 ...

非常多謝你咁詳盡嘅答覆！咁我放心好多 我自己係想佢讀IS 只係擔心萬一佢上到小學先發現唔啱 再轉LS難適應

自己喺LS填鴨填咗咁多年 希望小朋友對學習keep住有興趣 第日都鍾意睇書搵資料滿足自己好奇心

你咁講我放心好多呢 多謝你

964000

FaFaFaLaLaLa 發表於 22-11-21 11:16
非常多謝你咁詳盡嘅答覆！咁我放心好多 我自己係想佢讀IS 只係擔心萬一佢上到小學先發現唔啱 再轉LS難適應 ...

我聽過有D家長話，佢小朋友要讀LS才適合，因為佢要喜歡follow instruction和有model answer才發揮到，咁其實是否更加應該在IS? 因為主動和創意更像是未來世界需要的才能，follow instruction 的工作AI都做到，所以真係睇家長的理念和想朔造小朋友成怎樣。

FaFaFaLaLaLa

964000 發表於 22-11-21 18:57
我聽過有D家長話，佢小朋友要讀LS才適合，因為佢要喜歡follow instruction和有model answer才發揮到，咁其 ...

我估嗰啲家長以考到好成績為最主要同單一嘅目標 未必唔啱嘅

但係出到嚟社會邊有model answer 個小朋友發展到有獨立思考對我嚟講重要啲

之前有人提過家長自己要調整心態 例如小學時見到讀IS嘅比讀LS嘅學得少 要唔好比較

想問吓你當時忍唔忍到手唔俾佢補習？

FaFaFaLaLaLa

Adiezz 發表於 22-11-19 13:44
相對家庭教育理念係最緊要，能否配合到國際或傳統教育要求
定咗方向後再係國際或傳統學校裡搵小朋友性格既 ...

多謝你

964000

FaFaFaLaLaLa 發表於 22-11-22 11:30
我估嗰啲家長以考到好成績為最主要同單一嘅目標 未必唔啱嘅

但係出到嚟社會邊有model answer 個小朋友發 ...

我小朋友已高小，其實無論IS定LS都會有不同程度的學生，但我唔覺得我女在LS會學多過佢而家學的，佢地學D野有D我地以前中學先學，不過因為唔洗考你背完嘔返出嚟，主要係present下討論下明白便可，所以反而唔會有厭力驚「太深」，可以題材豐富D。我不能代表所有人但我覺得我地好適合IS學習。
我女都有補中文㗎，因為我唔太教到PTH, 而家上學校中文堂佢愈來愈有興趣，PTH聽說都ok.
如果你決定IS, 我知好多都慣咗家中講英文，但提你盡量keep住同佢講下中文（要佢都講），否則4/5歲後有機會太遲轉唔到台，或唔流利，我小朋友係K1時轉台到而家都算流利，但佢有D同年朋友都唔係好講中文。

FaFaFaLaLaLa

964000 發表於 22-11-22 13:00
本帖最後由 964000 於 22-11-22 13:37 編輯

我小朋友已高小，其實無論IS定LS都會有不同程度的學生，但 ...

好perfect嘅situation 肯讀中文(emoji)(emoji)(emoji)(emoji)(emoji)(emoji)