St stephen(Stanley) vs 高主教

yubaba

好似無乜人comment高主教?

PTL_L

yubaba 發表於 22-11-20 17:30
好似無乜人comment高主教?

如果想知中學既情況，建議起升中果邊問，呢邊係升小，應該呢邊既網友唔會太清楚中學情況。

feimuijai

同問，仔仔比較內向，但其實想改善呢一點，其實聖士提反啱唔啱呢？

yubaba

feimuijai 發表於 22-11-21 18:02
同問，仔仔比較內向，但其實想改善呢一點，其實聖士提反啱唔啱呢？

都係今年升小?係咪有兩間offer?其實我比較鍾意st Stephen, 不過因為佢有部分嘅學生讀ib, 所以dse成績唔能夠同普通只有dsc exam嘅津校如高主教書院比較, 所以都有參考過佢地學生整體包括ib同dse入大學嘅科目, 粗略嚟睇即使升本地大學都非常不錯。 (我只怕我自己睇錯諗錯)小學方面我怕高主教太傳統, 好悶, 都有朋友讀緊, comment都唔係太好, 佢個仔好似讀到好悶咁~ 今日註冊去咗兩個地方, st Stephen見到啲小朋友上堂好開心~

yubaba

PTL_L 發表於 22-11-20 20:18
如果想知中學既情況，建議起升中果邊問，呢邊係升小，應該呢邊既網友唔會太清楚中學情況。 ...

明白~ 見你小朋友應該讀高主教, 可以分享一下高主教嘅情況嗎?

PTL_L

yubaba 發表於 22-11-21 21:12
明白~ 見你小朋友應該讀高主教, 可以分享一下高主教嘅情況嗎?

真係好個人分享：
校長、老師非常有愛心，穩定性都高，好多好有經驗，無論英語或普通話口音非常好聽加流暢，佢地亦願意聆聽家長意見，呢樣係好，同時亦係缺點，就係容易被家長左右決定。

課程偏深，始終係英文私小，又坐落灣仔捱打區，所以都要裝備好自己既學生，亦因為選過入，同學之間既能力無起津校差異咁大，家庭背景相似，大多數都係斯文乖乖仔。不過愈高年級，插班叻既出走既人愈多，收番既小朋友其實能力不是最top.

至於悶唔悶？疫情前既長假好多活動，例如12月考試後，只需返半日，差不多整個12月都係活動月，英文日、普通話日、stem day、Xmas party等

至於日常上課，係要坐定定既，因為學生多，我覺得學校都有所顧慮，但盡量會起個別日子舉辦活動，等小朋友可以輕鬆下，仲有好多活動，家長都可以親身參與做義工，例如中秋活動、外出參觀等，係好開心既事，小朋友可以起校內見到家長。

yubaba

PTL_L 發表於 22-11-21 21:51
真係好個人分享：
校長、老師非常有愛心，穩定性都高，好多好有經驗，無論英語或普通話口音非常好聽加流暢 ...

多謝分享! 那可以分享一下你為何建議我揀StStephen嗎?

PTL_L

yubaba 發表於 22-11-21 23:16
多謝分享! 那可以分享一下你為何建議我揀StStephen嗎?

我有前設，如「學費及地點不是考慮因素」，會揀ssc，雙學制係吸引，但要一絲出外讀書既想法，否則，如完全唔會考慮到出外讀書或需要諗定後路（以non jupas升大學，預小朋友讀唔掂dse)，我唔會俾咁貴學費讀12年讀dse。
至於咩活動教學、傳統教學，其實唔係「是與否」咁簡單既答案，是「適合與否」，傳統唔係一定死板，而家香港既家長好聰明，選校懂得從多方面考慮，一間私小如果太死板，又諗下市場定位會點？學校唔會搵自己嚟較飛。相反，所謂活動教學又點活動法？活動完升讀大學時，係咪唔駛以傳統學習模式咁學習？就本人情況，係會揀讀rcps。

kkcnine

我上年2個offer 都有，我揀左sscps,因為我仔係鬼馬型，中意玩，學術程度中等，我覺得sscps會較適合我仔，so far 我仔係好中意返學!!!而我都覺得學校係涵接小一都做得幾好！

我大仔較文靜，曾經讀過傳統學校，之後去左sscps,他都中意返學，適應得唔錯！多presentation ,令他多左機會站在人前面，個人自信左！升中壓力細好多

希望以上資料幫到大家！

yubaba

kkcnine 發表於 22-11-27 00:36
我上年2個offer 都有，我揀左sscps,因為我仔係鬼馬型，中意玩，學術程度中等，我覺得sscps會較適合我仔，so ...

我諗我仔同你細仔幾似~ 唔係坐定定學唔得, 不過我同老公都唔想埋沒佢呢方面性格, 好想佢學得活D, 似乎SSPCS啱D~
你覺得SSCPS課程如何? 相較好高主教或其他一線直私如何?

kkcnine

yubaba 發表於 22-11-27 00:48
我諗我仔同你細仔幾似~ 唔係坐定定學唔得, 不過我同老公都唔想埋沒佢呢方面性格, 好想佢學得活D, 似乎SSPCS ...

我個人覺得英文程度係深，其他正常！我沒有和高主教和其他一線學校比較的分析！

學校鼓勵閱讀，風氣好好！小朋友大量閱讀會幫到學習好多！

ssmlee

kkcnine 發表於 22-11-27 00:36
我上年2個offer 都有，我揀左sscps,因為我仔係鬼馬型，中意玩，學術程度中等，我覺得sscps會較適合我仔，so ...

我的大仔是文静，現在讀傳統谷的私小。雖然成績可以，但是更加文静。聽到你的大仔自信大左，真的覺得st stephen 是我心中所想的。請問插班是考讀緊嗰年，定apply嗰年呀？我細女下年小一，將會parent child interview。雖然路還很遠，但希望最後可以好似你一樣一齊讀st stephen. 非常感謝!

yubaba

ssmlee 發表於 22-11-28 08:57
我的大仔是文静，現在讀傳統谷的私小。雖然成績可以，但是更加文静。聽到你的大仔自信大左，真的覺得st st ...

以我經驗, 如果你唔想大仔繼續係咁樣你真係快啲轉。我大女係三歲前都係鍾意玩學得比較活性格好sharp, 之後幼稚園入咗女龍, 好明顯性格大逆轉, 而家六年級已經好靜, 但係要變已經好難~ 所以細仔揀小學, 好感恩個天俾sscps offer我地~

zaba

yubaba 發表於 22-11-28 10:07
以我經驗, 如果你唔想大仔繼續係咁樣你真係快啲轉。我大女係三歲前都係鍾意玩學得比較活性格好sharp, 之後 ...

路過, 原來真係會咁
我都識人話個囡係咁, 小二急急轉校
學校對性格塑造真係好緊要

ssmlee

yubaba 發表於 22-11-28 10:07
以我經驗, 如果你唔想大仔繼續係咁樣你真係快啲轉。我大女係三歲前都係鍾意玩學得比較活性格好sharp, 之後 ...

我都希望可以成功轉到，謝謝你的分享

ssmlee

yubaba 發表於 22-11-28 10:07
以我經驗, 如果你唔想大仔繼續係咁樣你真係快啲轉。我大女係三歲前都係鍾意玩學得比較活性格好sharp, 之後 ...

我都好希望細女攞到st stephen offer.我應該係最後嗰D見

meke

如果唔介紹學費同距離，應該揀st stephen無誤吧？幾年前我地最後turn down咗offer，因為小朋友暈車浪

kkcnine

ssmlee 發表於 22-11-28 08:57
我的大仔是文静，現在讀傳統谷的私小。雖然成績可以，但是更加文静。聽到你的大仔自信大左，真的覺得st st ...

我大仔係舊校成績唔錯，乖仔，老師眼中的模範生，上堂聽書，小朋友好易就satisfy 自己，無乜motivation 去接觸挑戰，因為老師都話他乖仔

我好衰，我覺得世界不至於係這樣，安份守己係重要，但其實世界係好大，有好多叻人勁人，所以好大膽去幫他轉。撞上疫情，無乜點返學，他都要較長時間去適應！

雖然他而家未至於話好大膽，好talkative ,好social個種人，但對我而言，他係進步了很多！

希望幫到你

ssmlee

kkcnine 發表於 22-11-28 22:23
我大仔係舊校成績唔錯，乖仔，老師眼中的模範生，上堂聽書，小朋友好易就satisfy 自己，無乜motivation 去 ...

謝謝你的分享。我也覺得這世界很大，有很多叻人，要站得住真的有很多原素。

f00130

如果錢和距離唔係問題, 我會選擇sscps 當中考慮到個人喜好(鍾意學得活一點), 語境和校舍.
高主教對我來講唔算太吸引, 傳統, 大班. 亦有朋友初時讀覺得幾好, 但再讀上去話班中好多人想轉校. (我只係聽返來, 未有深究原因).
當然, 如果你小朋友睇落係適合傳統教學, 咁又另一考慮.