南亞幼稚園 你問我答

foxfoxfoxchan

3年前搵南亞幼稚園、但沒咩資料，小女依家k3，想分享一下讀南亞幼稚園的經驗，如想練到流利英文口語，好推薦讀! 可以練到英文，但學術方面就要家長自己努力

囡囡就讀的南亞幼稚園是 西太平洋幼稚園，一班22人，我囡個班只有5個本地生，一中一英班主任，英文班主任全是印籍的，中文班主任全是香港人。

中文是廣東話，沒普通話堂（試過唱歌有一首是普通話）所有課程都是超級淺的，中文到依家k3抄寫仲是詞語，寫緊校長、老師、小狗、小貓，沒造句。k3數學學到數1-100，計數只是10以內加法。上堂除中文外全英文，英文書用的同普通卷校一樣，所以對英文校來說是超級淺。有教phonics, 但都教得好慢

學習愉快，輕鬆沒壓力，囡囡很喜歡番學，每月都有學習評估表。

因為疫情k1沒咩上過堂，k2下學期番左2個月。除超級淺的英文書外，有校本課程，k2下學期有教小朋友觀察四季景色和花園內的動植物。k3到依家翻了2個月學，學了太陽系八大行星。

校內英文語境很好，囡囡跟小朋友溝通也是用英文。老師表示囡囡英文好talk得，講得流利有自信，中文就麻麻。

升小方面，要升直/私的話，要家長自己努力，學校沒back up. 過往2年，66位畢業生，每年各有一個升林文燦（問過老師都是外籍學生，不是本地學生）大部分南亞小朋友升油麻地街坊會小學，其他本地生升小都是普通資助學校，沒咩特別

dreamboy_man

好奇你點解搵南亞學校讀

foxfoxfoxchan

dreamboy_man 發表於 22-11-16 13:08
好奇你點解搵南亞學校讀

因為錢呀撞正疲情，N班讀左Harts樂希兩/三個月，過完年就爆肺炎，等到4月都沒復課，而N班當時是沒任何support, zoom都沒, 剩是識收錢, 一個月$6800, 停課都照收全額，火都黎，白交左幾個月學費, 但得個桔所以退左學。
一心升小想報直/私，所以一定要有英文語境。K1/K2加加埋埋都停左近一年學，十分慶幸當初決定讀南亞幼稚園。K1/K2因為疲情我地都沒外補，但因為在幼稚園，小女已經慣左講英文，在家是講中文，9月K3開學後，上左4堂英文面試班+4堂英文故事班，10月就去左面試。

好幸運地, 作為非教友,非舊生,非該校幼稚園生，第一輪收生已有St. Clare offer

dreamboy_man

原來係咁，我知都有d人對南亞裔有歧視。不過呢，南亞都有分level架嘛。住劏房新移民同投資移民都有分別啦

supervi

foxfoxfoxchan 發表於 22-11-17 11:29
因為錢呀撞正疲情，N班讀左Harts樂希兩/三個月，過完年就爆肺炎，等到4月都沒復課，而N班當時是沒 ...

請問學費大概幾多？

foxfoxfoxchan

dreamboy_man 發表於 22-11-17 19:56
原來係咁，我知都有d人對南亞裔有歧視。不過呢，南亞都有分level架嘛。住劏房新移民同投資移民都有分別啦
...

係呀好多人都睇不順眼南亞，但其實南亞好乖，全班頭3名有2個是南亞的

foxfoxfoxchan

supervi 發表於 22-11-18 00:36
請問學費大概幾多？

南亞幼稚園是免費的，同一般券校一樣

ymyyy

回覆 foxfoxfoxchan 的帖子

多謝分享，南亞裔幼稚園資料少之又少，如果家長想要語境，經濟又未必負擔到私校學費，南亞裔幼稚園真心抵讀。