點為之有阿氏保加症？

ivycwl

小朋友8歲
上網試做了幾份簡單評估，都説沒事，但有時小朋友的情況真係令我有點懷疑。


社交:沒問題，有朋友，又會主動結交新朋友，同朋友玩係合羣的

興趣單一:不是

上課:專心


但對於固執行為同重複行動，有疑問。

重複行動，我見網上指例如要行同一路線，要跟時間表行動，他沒有。
但他有問題時會問你點解要咁，你唔答佢，佢用重複再問，問到你答佢為止，這是重複行動嗎？

固執行為，例如佢覺得要咁做，佢就好堅持，當然有時同佢講佢會好順攤，但有時就好發脾氣想堅持自己的。

留意其他人不留意的細節,例如人地玩收銀機係按制收錢，佢可能係睇點解個制會咁樣向下，不是向上彈，這樣算嗎？

如去私人中心做評估，有冇平一點的？

Nbs

我帶過我女去兒童心理學家。我唔知算唔算proper assessment, 佢係邊同我傾計邊觀察住我女（佢自己玩緊）。 得出結輪係佢係有 d features, 但唔嚴重，唔需要training / intervention. 我唔知asperger 同high functioning autism 有乜分別，不過我覺得我女係high functioning autism.

ivycwl

Nbs 發表於 22-11-12 22:16
我帶過我女去兒童心理學家。我唔知算唔算proper assessment, 佢係邊同我傾計邊觀察住我女（佢自己玩緊）。  ...

咁當初你點解去睇佢既？之後有再跟進嗎？有冇得介紹？

Nbs

ivycwl 發表於 22-11-14 12:48
咁當初你點解去睇佢既？之後有再跟進嗎？有冇得介紹？

當初去睇係因為佢返學唔開心，交唔到朋友
睇咗一次，佢話ok 唔使覆診，有需要先再去
佢叫sumee chan, 你可以google 下

sonokosy

ivycwl 發表於 22-11-12 17:17
小朋友8歲
上網試做了幾份簡單評估，都説沒事，但有時小朋友的情況真係令我有點懷疑。

你唔答小朋友問題，佢問到你肯答為止，都好正常吖。如果你答完，佢仲一直問落去，咁就反而有d似。
小朋友越嚟越大，多咗自己嘅諗法同堅持亦都係正常嘅。佢想跟自己嗰套做，因為佢認為自己啱，咁咪跟囉。阿氏保加(而家唔再用呢個term, 改用ASD) 無藥食嘅，坊間針對性嘅支援亦都唔多。如果小朋友嘅情況唔係好印象佢日常社交生活(例如：老師誤會佢搞作對，長期罰佢，搞到家校合作得唔順利等) 個人認為唔需要特別帶小朋友做評估。

iloveapplepie

ivycwl 發表於 22-11-12 17:17
小朋友8歲
上網試做了幾份簡單評估，都説沒事，但有時小朋友的情況真係令我有點懷疑。

照你所講就唔係

現在應該唔會叫阿氏保加, 以自閉症譜系障礙來分類

你只要簡單睇吓小朋友的社交, 情緒和語言發展, 如果佢的表現令到你困擾才去找專家

ivycwl

iloveapplepie 發表於 22-11-22 01:34
照你所講就唔係

現在應該唔會叫阿氏保加, 以自閉症譜系障礙來分類

佢係學校正常，社交沒有問題。
但往往就是有時候冇啦啦突然會令我覺得佢好難搞，所以令我懷疑佢係咪自閉。

ivycwl

sonokosy 發表於 22-11-19 18:01
你唔答小朋友問題，佢問到你肯答為止，都好正常吖。如果你答完，佢仲一直問落去，咁就反而有d似。
小朋友越 ...

本帖最後由 ivycwl 於 22-11-22 11:11 編輯

本帖最後由 ivycwl 於 22-11-22 11:11 編輯

但有時係我答到忟，佢又忟。
好似有次去食飯，一坐下用搓手液，爸爸話佢去洗手，佢問點解爸爸去洗手，我答可能佢覺得乾淨一點，正常講完未停囉，但之後佢又話我覺得搓手都得啦，你解釋完咁人地想去洗手，你咪搓手囉，佢又覺得我話佢，之後又話咁搓手唔使行嘛。
其實我都唔知係咪有問題，但我聽到就好忟。

同埋當佢發脾氣時佢講既嘢完全唔知佢想表達咩，好似講開一首歌5分鐘，1小時咪唱12首歌囉。佢係度話我知呀，5+5+2咪12囉。我話唔係，係60/5=12,佢又話咁5+5+2=12呀。我真係忟到爆，到之後佢平靜返，我問佢，其實你知唔知頭先自己講咩？佢話唔知，我想亂講d嘢。

好苦惱，其實係咪有咩問題。

iloveapplepie

ivycwl 發表於 22-11-22 11:08
本帖最後由 ivycwl 於 22-11-22 11:22 編輯

本帖最後由 ivycwl 於 22-11-22 11:11 編輯

你講的情況同我仔仔都有啲似
(我仔仔係新定義下的asd)

好簡單咁解釋吓我對我仔仔的理解(唔一定啱, 都唔一定係你小朋友的情況)


你所擔心的重複問問題,
ASD小朋友其中一個可能情況係不斷重複問一啲佢已知答案的問題,
你小朋友唔係呢個情況, 只係好奇心強
每個人都有好奇心, 只係多少的問題, 唔關IQ事, 都應該唔關ASD事

我的仔仔都係好奇心旺盛, 問嘢問到篤(係有思考過的good questions)
可能我都係咁既性格, 知道佢渴望滿足好奇心
所以我係會任佢問, 慢慢答。
就算佢唔再問(已滿足), 我都會繼續解釋解到佢唔想聽轉話題, haha


另外, 1小時12首歌的情況, 應該係對呢個抽象概念未理解
而佢答5+5+2=12可能只係唔想俾你們覺得佢唔明
如果在你否定佢和解釋期間佢發脾氣 可能係嬲自己做唔到, 或得唔到你的肯定

用我仔仔的情況講, 佢自尊心好強, 尤其在父母面前的形象
例如計數, 遇到能力之外的problems, 佢都會堅持自己解決,
絕對唔可以教和幫助佢, 萬一唔小心提咗小小, 佢會即刻火山爆發
如果成功咗, 咁佢會好滿足
萬一重複失敗, 佢會發脾氣, 好失落, 但仍然唔俾我地教佢

所以以後我學精咗, 如有佢能力之外的問題, 我會在事前俾定個困難度預期佢
佢知道自己係越級挑戰, 就算失敗咗, 佢會舒服D, 都會聽我地教返佢

而呢個情況, 我跟多位精神科醫生講述過, 都應該唔關ASD事

ivycwl

iloveapplepie 發表於 22-11-22 17:52
你講的情況同我仔仔都有啲似
(我仔仔係新定義下的asd)

ASD係過度活躍症嗎？
你小朋友同我有d似。

但過度活躍不是冇時停，坐唔定，不專心？還是會有其他情況。

我小朋友情況係自信不夠，這個一直有老師同我講。但佢好想表現好。所以佢做到我讚佢係好開心，但佢做唔到時我覺得佢有時係抗拒接受自己做不到同抗拒個答案。

我有book了精神科，但唔知其實有冇需要，好貴，你有冇介紹？
另排了評估但要6個月。

iloveapplepie

ivycwl 發表於 22-11-22 18:52
ASD係過度活躍症嗎？
你小朋友同我有d似。

ASD係過度活躍症嗎？ 不是, ASD 係自閉症譜系障礙, 但我仔仔也有過度活躍


我地見過多位精神科醫生,

某著名資深精神科醫生話我仔仔係有ASD病徵, 但不是ASD, 因為他高智商(考試受ASD+ADHD影響搵唔到書, 仍拎級頭)


某權威精神科醫生及其專業團隊判斷我仔仔係ASD,
因為現在最新ASD判症只以 重複行為, 狹隘的興趣, 社交做判斷因素(不考慮智商)


另一位著名兒童精神科醫生認為是兒子的高智商(腦部結構)而引發他的一連串問題....

三位莫衷一是, 所以我就唔亂介紹了

而我地睇精神科首先不是因為妥瑞症, ASD只係做評估時被第二位醫生確診
由於妥瑞症和ADHD要食藥, 一定要睇精神科

以我經驗, 你小朋友的情況不是ASD, 可能係資優, 睇精神科醫生幫助不大

ivycwl

iloveapplepie 發表於 22-11-22 19:25
ASD係過度活躍症嗎？ 不是, ASD 係自閉症譜系障礙, 但我仔仔也有過度活躍

我小朋友唔似係資優啦。
睇你咁講，精神科醫生好似都好難比到個確實答案。我都唔知同佢睇精神科好，定同佢等心理學家做評估好。
因為佢突然好似跳製咁我都好忟，但係過十分鐘二十分鐘，佢又好開心冇事咁。我好想知佢其實咩事。
但如果如你咁講，睇完精神科又怕比不到個答案我。而且精神科一小時2400，都幾貴。

iloveapplepie

ivycwl 發表於 22-11-25 07:02
我小朋友唔似係資優啦。
睇你咁講，精神科醫生好似都好難比到個確實答案。我都唔知同佢睇精神科好，定同佢 ...

單是精神科醫生都做唔晒各項評估,
也要其他專業人士做額外評估, 而各報告又可能有差異和矛盾地方
精神科醫生要綜合各專家的睇法才能斷症

依你提過佢的問題可能只係好奇心和自尊強,
以及間唔中發脾氣, 但十零分鐘可以自己平㑀

咁你要觀察吓係乜嘢原因刺激到佢, 令佢發脾氣