請教大家..我應該點做好....

MonkeyGirl

仔, 今年6年級, 星期一,呈2 第一科開考..
仔係邊緣人, 佢理想中學係Band 1B ..
佢最近好努力溫書,每晚溫到1030Pm . 佢每日有功課班, 3pm-7pm , 有時7點幾先返到屋企.
由於佢無咩記性, 所以用好多時間去記野…又或者, 好快唔記得..我見到佢甘努力溫書, 對眼紅曬, 都照記. 但效果不理想, 我都比佢瞓

星期日,佢有個比賽, 佢諗住一定要參加.. 如果參加, 要早上8點起身準備, 大約4點先完.. 姐係星期日, 半日無得溫書..
星期六, 早上要practise , 因為星期日有比賽, 跟住補習. ,食lunch , 接住返教會.. 到夜晚6pm. 姐係得3個鐘溫書

我都有提過, 呈分緊要d , 可以唔去比賽.. 但仔一心要參加..

我覺得如果唔比佢去, 佢可能發脾氣, 唔合作溫書, 會hea 我…唔知會唔會影響佢心理..覺得亞媽唔信佢 ? 之後可能會怪我唔比佢去. 母子間, 可能出現裂痕..因為我唔聽佢講

仔, 都有自己思想, 我應該陪佢一齊經歷 , support佢想做既野.. 照比佢去比賽, ? 讀得幾多得幾多? 無論贏或輸， 就啦啦林， 返屋企， 讀埋佢 ？  如果， 考試成績不理想， 仲要輔導佢。。 同佢講， 仲有一次機會?

講真, 唔比佢去比賽. .我都唔知, 成績會唔會更好, 或更差?

比佢去比賽, 又未必嬴到, 但一定攞到經驗…

而家每科, 其實溫曬, 但佢記唔記得, 又係另一回事…

franciscat888

請問什麼比賽

MonkeyGirl

回覆 franciscat888 的帖子

田徑

0030

小朋友想參加，肯定應該鼓勵他參加，換了是我，就算小朋友不想參加，我都會建議他參加

franciscat888

第一科考乜

MonkeyGirl

回覆 franciscat888 的帖子

chinese

franciscat888

什麼機構搞的比賽

LeeCC

即係媽咪覺得3個鐘頭溫習係唔夠，那麼媽咪認為要多幾多個鐘才足夠?假設媽咪認為多2個鐘才足夠，孩子真的按媽咪意思坐多2個鐘，是否有效率的溫習？孩子本身的專注力精神應付到嗎？孩子又是否忿氣坐定定溫習呢？是否會鬧情緒搞到連原本應有的3個鐘都浪費了？

既然孩子想比賽，就與他分析利弊，再約法三章，如何善用該三個鐘，要孩子對自己的選擇負責

上到中學，孩子會為咗遷就某活動，自發5點起身溫習做功課，家長就只可以在旁分析利弊，讓他自己做決定

yeeling0101

我會俾小朋友揀。
小六了，絕對有能力思考同為自己決定負責。
唔比賽，留家中温書又係米一定好事？
佢會否心掛掛專心唔到先？

我分享下我會考6A2B親戚嘅故事
當年臨考前一日，佢無温書，去左打網球
我問佢明日考Wo，唔洗溫咩？？
佢話唔洗了，因為唔係前一日先黎溫同記的。
反而前一日做下運動可以幫佢減壓，發揮得更好。

多年後，我睇research 見到，其實有啲人的確需要運動，特別係男孩子，會幫到佢地提升專注力同記憶力。

MonkeyGirl

回覆 LeeCC 的帖子

明白, 係....要同佢分析利與弊... 我就是可能對佢無信心, 所以覺得溫多d 會對佢好d , 但又無諗過佢既專注力..謝謝你既分析

MonkeyGirl

回覆 yeeling0101 的帖子

希望呢個比賽會幫佢提升佢既記憶力啦...我驚佢太倦, 同唔夠時間溫書...唔夠瞓既情況下去考試..
明白了..我會同仔一齊經歷佢呢次呈2前, 走去比賽既人生第一課....


希望佢平常渡過

LeeCC

MonkeyGirl 發表於 22-11-11 14:36
回覆 yeeling0101 的帖子

希望呢個比賽會幫佢提升佢既記憶力啦...我驚佢太倦, 同唔夠時間溫書...唔夠瞓既 ...

孩子踏入青少年，家長要捨得放手，畀孩子自己選擇，家長只是從旁分析引導不走歪路，還有孩子背後支持做啦啦隊

yeeling0101

回覆 MonkeyGirl 的帖子

呢個明白嘅，所以你同佢傾一傾時間安排，可以比賽，但事前要好好計劃分配時間。
小朋友應該好鐘意田徑？我諗都係好好嘅動力。

希望你小朋友比賽同測考順利。

MonkeyGirl

回覆 yeeling0101 的帖子

thanks for your idea

doublebmama

MonkeyGirl 發表於 22-11-10 16:39
仔, 今年6年級, 星期一,呈2 第一科開考..
仔係邊緣人, 佢理想中學係Band 1B ..
佢最近好努力溫書,每晚溫 ...

唔去教會會唔會好啲？

Poyau

MonkeyGirl 發表於 22-11-10 16:39
仔, 今年6年級, 星期一,呈2 第一科開考..
仔係邊緣人, 佢理想中學係Band 1B ..
佢最近好努力溫書,每晚溫 ...

請問小學本身有無直屬/聯繫中學
邊緣人意思係 B1A/B 定 B1C/2A?
想自行外闖 B1B 中學?

LeeCC

doublebmama 發表於 22-11-12 01:21
唔去教會會唔會好啲？

如果某些活動你視為日常活動，如教會，做運動，練習樂器，閱讀等，這些係恆常每日每星期的活動，我覺得唔需要為咗考試暫停，考試唔係世界上最重要的事，要正常活動遷就，正如你唔會為咗考試無去吃飯沖涼，反而是教小朋友如何預早安排時間和認識有效率的溫習方法。

利申：小朋友由小一開始，即使考試前，我一樣堅持上球隊和樂器堂，在家練習樂器，星期日做運動，呈分試前一樣無停。到現在中學，考試前自己編溫習時間表，每天都會加入運動和練樂器的時間。

doublebmama

LeeCC 發表於 22-11-13 13:22
如果某些活動你視為日常活動，如教會，做運動，練習樂器等，這些係恆常每日每星期的活動，我覺得唔需要為 ...

咁樣梗係最好啦 但樓主今次話唔夠時間溫書 咁係咪要skip一次教會呢 梗係考試緊要 以後嘅習慣以後慢慢調節

AndrewHo_FB

唔比佢去，發脾氣幾個鐘，發得嚟已經比賽完。

適當的運動是必須的。

LeeCC

AndrewHo_FB 發表於 22-11-13 14:30
唔比佢去，發脾氣幾個鐘，發得嚟已經比賽完。

適當的運動是必須的。

有些男孩子需要每日適當放電，才可以坐定定專心做靜態活動例如上課，做功課。你唔俾佢做下運動，佢會好似身痕咁坐唔定，摸呢樣，摸個樣，遊雲太虛，白白浪費時間。