好多幼稚園已考小提琴/鋼琴四、五級？

RGmama

honeybibibibi 發表於 23-4-8 01:29
近排識個朋友，佢小朋友去左X氏學，只係幾個月，依家話要準備考8級。

咁驚？我仲考慮要唔要去葉X學

honeybibibibi

RGmama 發表於 23-4-8 11:42
咁驚？我仲考慮要唔要去葉X學

私人課，好貴一堂
加上會睇父母財力+背景

boboapril

honeybibibibi 發表於 23-4-8 12:16
私人課，好貴一堂
加上會睇父母財力+背景

係咪要$800- 1千蚊堂？會唔會要求－星期兩堂？

honeybibibibi

boboapril 發表於 23-4-10 13:06
係咪要$800- 1千蚊堂？會唔會要求－星期兩堂？

我朋友個囡學緊900蚊堂，有好多係一星期上兩堂。
其他野我唔清楚，因為我都無心去了解。

boboapril

honeybibibibi 發表於 23-4-10 13:20
我朋友個囡學緊900蚊堂，有好多係一星期上兩堂。
其他野我唔清楚，因為我都無心去了解。
...

明白

964000

honeybibibibi 發表於 23-4-10 13:20
我朋友個囡學緊900蚊堂，有好多係一星期上兩堂。
其他野我唔清楚，因為我都無心去了解。
...

認真學學器個班好多都一個星期兩堂
我識得人一星期三堂每次2小時

佢係去外國參加世界賽個D
比賽前再加綀

honeybibibibi

964000 發表於 23-4-10 21:43
認真學學器個班好多都一個星期兩堂
我識得人一星期三堂每次2小時

其實一星期一堂/兩堂都可以好認真。
但香港小朋友真係繁忙兒童，要顧樂器又要顧成績，世上無幾多個天才，要學一堂定兩堂，都係睇自己能力而定。

boboapril

－星期三堂2小時，仲有travel time, 我會覺得係用錢同時間求成績，係堆砌出嚟。我意思如果小朋友根本冇時間自己練、自己研究，無咗老師咁樣陪法，其實練唔到野出嚟㗎？！又好似有d小學級頭，其實係父母堆砌出嚟，讀上去就搞唔掂。拉琴其實練得啱都係好緊要，當比錢陪練係可以的，最怕係依賴左老師。有時間，我會寧願小朋友學下其他樂器、音樂知識，唱歌聽歌、豐富下對音樂嘅興趣仲好。而且相信老師亦好有要求，上堂高強度又死，好折磨，真係有成績都叫有d甜頭，但係一山還有一山高，何必呢。

honeybibibibi

boboapril 發表於 23-4-10 23:39
－星期三堂2小時，仲有travel time, 我會覺得係用錢同時間求成績，係堆砌出嚟。我意思如果小朋友根本冇時間 ...

你講左我心果句
但我唔好意思講

boboapril

honeybibibibi 發表於 23-4-11 01:21
你講左我心果句
但我唔好意思講

Haha, 其實我小朋友一星期都上好多音樂有關嘅堂。佢無perfect pitch, 但佢relative pitch 越嚟越好。最近除咗唱準空弦d音，佢聽完個chord, 可以講啱曬d letter names 出嚟，我真係好高興。把握好細個練好呢啲，otherwise 大個咗練唔到，就知道細個淨係練拉野係無用嘅。

honeybibibibi

boboapril 發表於 23-4-11 09:29
Haha, 其實我小朋友一星期都上好多音樂有關嘅堂。佢無perfect pitch, 但佢relative pitch 越嚟越好。最近 ...

我想知有關音樂訓練既課程，可否俾d資料我？謝謝你。
不過我小朋友唱合唱團，唱音階都幫到下，老師有提過要加強訓練。

四隻貓

964000 發表於 23-4-10 21:43
認真學學器個班好多都一個星期兩堂
我識得人一星期三堂每次2小時

有的。認識一些小朋友，有些跟葉X的老師，也有些跟APA老師，確是有些會一星期上兩三堂，除上堂外，有些更會另外請助教陪練，不過也有很多一星期一堂，自己練習的孩子。不過年幼孩子很多時父母也要陪練陪上堂，真的要投入大量時間金錢精神。我覺得呢個已經唔係為咗考小學，而係想向專業音樂路發展。
這樣看著他們由四五歲到現在已經高中或大學，有的躍上國際舞台上發光發亮、有的在著名音樂大學進修、有的留在演藝學院進修、也有不主修音樂而選擇其他科目的孩子。
如果問值唔值得？我在這一刻覺得係值得的。起碼所見堅持下來的孩子都是走上正路，練習得多，毅力意志是比較強，比賽得多，有自信，思想眼界也比較濶。而且學術成績通常都唔會太差。不少唔讀音樂係去咗讀醫或者law。

Azzurro

我之前去一個 11歲小朋友的鋼琴音樂會，8歲開始讀 hkapa
我小朋友好 hea 都小二考到二級
同學之間好多人小二六級某樂器

從呢幾個事情我完全相信幼稚園畢業完全可以做到四級六級

點樣做到天時地利人和就考父母功力了

LeeCC

Azzurro 發表於 23-4-12 01:16
我之前去一個 11歲小朋友的鋼琴音樂會，8歲開始讀 hkapa
我小朋友好 hea 都小二考到二級
同學之間好多人小 ...

認識2個都係入小學前2樣樂器5－6級，共同點係媽咪係鋼琴老師，未出世就旁聽鋼琴課 ，識坐就已經坐大髀，玩下琴，3歲前正式學琴後，每日媽咪同佢地上課，陪練琴，5歲幾考到樂理（其中一個仲係10年前的舊制，係試場考筆試）

第二樣樂器係外面跟老師，媽咪一樣跟足陪練和伴奏

媽咪功不可沒，投入大量時間精神幫小朋友，減少學生（當年包括我小朋友）和收入

boboapril

LeeCC 發表於 23-4-12 07:11
認識2個都係入小學前2樣樂器5－6級，共同點係媽咪係鋼琴老師，未出世就旁聽鋼琴課 ，識坐就已經坐 ...

講出重點，媽媽識得教又肯比心機時間，呢啲就係條件同優勢。我自己識啲啲，都係親教樂理、唱so-fa name、拍拍子。雖然唔係日日陪練琴，但係每次陪上堂寫notes，上堂老師未開口鬧我已經鬧咗佢先（比如佢曳或者駁嘴）、落堂後督促小朋友抽練，比佢聽好嘅recording，軟硬兼施。

964000

LeeCC 發表於 23-4-12 07:11
認識2個都係入小學前2樣樂器5－6級，共同點係媽咪係鋼琴老師，未出世就旁聽鋼琴課 ，識坐就已經坐 ...

先天（家長是音樂人必有音樂基因）
加後天（家長有音樂底可以自細親教加陪練）優勢
效果當然與衆不同呢
你見好多出色的音樂家都是家長都精通音樂的。

LeeCC

964000 發表於 23-4-13 14:03
先天（家長是音樂人必有音樂基因）
加後天（家長有音樂底可以自細親教加陪練）優勢
效果當然與衆不同呢

所以我地呢d普通家長無得比，但那位當年因為要教女而減學生的老師話，她小朋友的成績是她每日上課陪練得出來，論領悟力不及我小朋友當年，還說如果我小朋友都有音樂家長教，成績肯定比她女兒好，可見有先天但缺乏後天機遇也難與眾不同

但另方面，也見過有先天，也有後天優勢，媽咪也是樂器老師的，一心要傳授自己專才給孩子，但小朋友死唔肯跟媽咪學，亦拒絕學其他樂器，媽咪已經放棄，只是覺得浪費了天份，有d可惜。直至上中學因為學校要求學一種樂器，才在學校上樂器班玩玩下，亦因為咁小朋友才發現自己的天份和發掘興趣，繼續學落去，長大了仍然享受音樂，經常拿起結他自彈自唱

家長或者要反思下，小朋友學音樂是為了5歲考到5－6級去考小學，還是享受音樂，讓音樂成為他們人生的一個重要元素？

我小朋友學樂器超過10年，我也曾有過迷思，也曾聽到有人話我不夠進取，浪費孩子天份。

這10年間，認識不同老師和音樂孩子的家長前輩，大家交流培育音樂孩子心得。最令我感受深刻的一位家長，孩子14歲考完FT，再領獎學金跟名師學習，每日努力練習。但中五時決定放棄音樂，行另一條路，自此未掂過家中的三角琴，已經差不多10年。家長說，唯一令父母安慰的是，孩子在10多年的音樂路上學會堅毅，不怕辛苦和困難，還有自動自覺，這是一生受用，也是今世代年輕人難得的特質，家中三角琴見證孩子多年努力，完成它的任務，也是一個紀念，所以無人彈都不覺得可惜。

boboapril

音樂路係一條苦路，唔行嘅話父母反而比較寬心。但屋企個琴掂都唔掂，仲要10年，咁真係可惜wor, 即係－個認識10多年嘅朋友，決定唔同佢做朋友，以後連傾計都唔會。可能當係－件兒時玩具，回憶下以前玩佢時嘅高超技巧。。止於此。

考級真係舊派或者行外嘅人先覺得有d嘢比人睇下，我覺得可以係－個階段性嘅目標，有人為升學而考琴，有學生唔知怎樣以演奏質素彈好首歌仔，老師通過考試比佢知道，有老師係要鼓舞小朋友，明明已經有7-8級水平，要小朋友以高水準考5級，所以幾多歲考幾多級完全反映唔到彈樂器嘅實力。

先天又好後天又好，最後都係睇小朋友有冇興趣同努力先可以走得更遠。

四隻貓

LeeCC 發表於 23-4-14 06:54
所以我地呢d普通家長無得比，但那位當年因為要教女而減學生的老師話，她小朋友的成績是她每日上課陪練得出 ...

大提琴家Trey Lee 李垂誼先生係訪問講：佢中學時唔想再拉琴，屋企人覺得好可惜，佢之後去哈佛大學讀經濟，唔再掂個琴仲將個琴收埋冷宮。係華爾街工作了五年之後先發現深愛音樂，重回音樂學院學習，再次投入大提琴演奏之路。
學咗嘅嘢始終都係度，有時啲嘢好難講，可能個位孩子有一日會再彈返部三角琴。

LeeCC

四隻貓 發表於 23-4-14 09:09
大提琴家Trey Lee 李垂誼先生係訪問講：佢中學時唔想再拉琴，屋企人覺得好可惜，佢之後去哈佛大學讀經濟， ...

個大哥哥出外留學回來，工作幾年，最近聽佢媽媽講，呢排得閒都有開返琴彈下，享受音樂