學校教簡体，係屋企會教簡体定繁體？

smilesmilefan

小朋友係學校學簡体，請教家長會係屋企會教簡体定繁體？
發覺自己係屋企教繁體好似幫唔到佢係學校學習，應該點去平衡好呢

supervi

日常出街路牌, 餐牌, 見到既廣告都係繁體, 搭車顯示牌既站名都係繁體, 只要多留意都可以日常學到
所以係屋企一樣學繁體

964000

smilesmilefan 發表於 22-10-11 15:01
小朋友係學校學簡体，請教家長會係屋企會教簡体定繁體？
發覺自己係屋企教繁體好似幫唔到佢係學校學習，應 ...

你小朋友幾大，每個階段唔同
因為小時候（3歲）自己教中文，所以一直廣繁，之後外補班都係廣繁，一些常用字巳入了腦，到Y4為配合校內功課測默，外補就轉了簡普，課外書仍keep住繁體因為方便買賣（不過最近發現簡版平好多，都會買下簡）。
也有朋友同一情況，一直外補keep住繁廣至高小，因為外補程度高於學校，所以校內簡普不大影響，各有各學（他們校內沒有中文測默功課）。
其實兩樣學下都好，國內星馬都是學簡，來到香港也適應到，認到便可，寫問題不大，我而家電話手寫都主要寫簡體，按個制自動轉繁 ，快好多和易認。

melobi12

964000 發表於 22-10-13 07:41
你小朋友幾大，每個階段唔同
因為小時候（3歲）自己教中文，所以一直廣繁，之後外補班都係廣繁，一些常用 ...

我最近都有呢個疑問。

小朋友Y1，一直以嚟我都教繁體、屋企故事書繁體。但我其實冇好努力教，所以佢認得嘅字唔係好多。

今年參加學校中文ECA，可以揀繁/簡體，但ECA老師同我講，佢地學校90%小朋友學簡體… 我都諗緊我應唔應該堅持要佢學繁體，定學校照跟簡體、學寫簡體，然後課外閱讀認繁體就算。因為繁體字佢寫幾隻就冇心機，如果見到同學寫簡體寫得快過佢，佢更加冇心機……

964000

melobi12 發表於 22-10-14 13:48
我最近都有呢個疑問。

小朋友Y1，一直以嚟我都教繁體、屋企故事書繁體。但我其實冇好努力教，所以佢認得 ...

如果同其他人寫不同，有機會冇心機呀，你試一排看怎樣，唔得就轉返。寫簡體真係易好多，小朋友冇咁抗拒, 但和日常生活不多相關，更難感興趣。
我女小時候未接觸過簡體，所以一路學寫和讀繁體，Y4才學寫簡，但先入為主，佢都要些時間才轉返簡，初初她也説簡體字醜 ，但寫得快好多佢便更願意寫，繁體我要求認到些，唔好行出街成個文盲咁夠了，其實而家按一下制都可簡轉換繁（我而家都用緊）。

melobi12

964000 發表於 22-10-16 07:12
本帖最後由 964000 於 22-10-16 15:25 編輯

如果同其他人寫不同，有機會冇心機呀，你試一排看怎樣，唔 ...

係，我都係咁諗，同個女商量左，試下學繁體先，過一排再assess轉唔轉簡體。

你講嘅我都認同，不過突然又諗，其實學簡繁體都要認繁體字，日後可能其實係用拼音打字，咁都一樣可以打到繁體，係咪唔使刻意而家轉簡體？

定係繁體喺學習期間已經被寫字呢環嚇親，結果就會學唔好，倒不如學簡體呢。

964000

melobi12 發表於 22-10-17 07:04
係，我都係咁諗，同個女商量左，試下學繁體先，過一排再assess轉唔轉簡體。

你講嘅我都認同，不過突然又 ...

我現在學簡體主要就返學校，因為小朋友巳高年級，學校開始多寫作又要默書測驗，好難記兩樣，想集中精力應付，攪到我自己都學了不少，現在電話手寫板都用哂簡體了。
小時候冇中文測默，其實我都照學廣繁，基本的繁體字還認得些，始終生活中會見到。
如果你完全唔理學校，其實真係可以只學廣繁，因為是母語及自己可以教，可能仲有效率。
至於寫字，做功課尤其抄寫的真係快好多，不過你初初不多功課影響不大，到佢多野寫要求寫簡也可以，繁轉簡容易，我記得以前中學會考也有同學專登學簡體想寫快啲和少D機會錯字。

nunupipi

我原本自己教小朋友繁體，跟住都跟返學校教簡體，暫時都幾好，原因：
- 簡體真係易寫啲，小朋友無咁抗拒，
- 學一套，書寫時唔會繁簡混雜，
- 好多繁簡字其實共通，就算唔同嗰啲，個形其實都好似，我小朋友都識睇路牌，站名嗰啲。
- 普通話拼音比廣東話拼音普遍同有用，學左普通話拼音對講普通話有幫助，亦比較易學
- 課外書既選擇多好多。