如何教寫作

Cherryroy

小朋友已p3,但寫作依然同幼稚園k3風格差不多，我要如何要教好小朋友？

AndrewHo_FB

寫日記

Raccch

寫作真係好難，就算出去搵補習都未必搵到適合自己小朋友的。我諗比較有效的係多睇書，積累一段時間就會有提高。

lot888

寫作好多時唔知點開頭，寫到中間冇嘢寫，所以睇多 D 書真係有幫助，只要小朋友鍾意，中英交小說，漫畫，雜誌都俾佢睇。

emmywky

Cherryroy 發表於 22-10-5 01:29
小朋友已p3,但寫作依然同幼稚園k3風格差不多，我要如何要教好小朋友？

除看書之外，我覺得常識和增廣見聞也很重要，一來冇墨水點作都作唔出。二來作文題目未必親身經歷，訓練想象力都十分重要。

我小朋友就睇書時間唔多，但佢作文都會有好多idea,通常都滔滔不絕咁，佢就鍾意睇問答比賽嘅電視節目（外國），新聞、天氣報告、財經金融乜嘢都睇（當然有睇卡通片），咁可短時間內從中知道/接觸/吸收到唔同範疇的知識。觀察力強，作文會易上手D，家長都要幫助下，
例如
1.播新聞中，問吓小朋友明唔明內容講咩，佢有咩睇法咁....
2.睇天氣報告，又問吓鍾意陽光普照定打風咁....

pollywcw

剩係睇書幫唔到d 乜, 睇完係要記得d 詞語. 睇完一本書，叫佢或者你自己揀d 詞語造句或者串句
亦都要自己試下作文,要寫下先有用

lot888

回覆 pollywcw 的帖子

這是硬道理hard skill. 100%正確，但我會配合soft skill. 绝不一開始問小朋友任何讀後感，舉例佳句，新學到生字。而是在冇任何壓力下讓小朋友培養閲讀興趣，習慣，經一段時間後，佢發覺可用書中的知識運用到工課中，獲得老師，同學讚賞後，同你分享喜悅時再教佢讀完每本書後需要獲得新知識，這才可得到更多的讚美，那你就成功。其實同培養新同事一樣。

terrenandtania

Cherryroy 發表於 22-10-5 01:29
小朋友已p3,但寫作依然同幼稚園k3風格差不多，我要如何要教好小朋友？

你小朋友係粵定普教中？

3Meowshome

回覆 Cherryroy 的帖子

由有質素的Guided Reading開始，推開Perspective先。

加樂爹

我同阿仔講, 作文可以大膽的去寫, 唔一定要跟人, 呢個係自已既空間, 老師係要被逼去睇.

每次作文, 寫週記都不斷拋D話題比佢講, 講到興高彩烈時, 引導佢抽取重點再去發揮, 比一些美詞佢去串連.

由P1到P3, 我理解是:

P1 不斷吸收生字, 學寫及運用句子結構, 重點是描寫人,事, 環境, 由大至小, 由遠至近...
P2  敘述故事先後, 行為, 感想...
P3  敘事時, 開始有文章結構, 例如, 目標, 原因, 經過, 困難, 解決方法, 結果, 感受.

作文幫佢整理Mind map, 把口語更正為書寫文, 加入新的美詞, 作文後要佢記住生詞.

作文由中心部份寫起, 做好左, 你會覺得首段係唔須要花時間去諗咁多.

平日有本生字薄, 每天學5個字, 由課文, 小說, 雜誌文章都可以.
作文時隨意睇下, 都會有靈感.

閱讀文章佢唔肯自已讀, 你都要佢坐定定讀比佢聽, 之後抽問內容.

漸漸你會知道佢喜歡什麼類別書本, 再同佢閱讀.

加樂爹

其實, 到P3 中文寫作, 知識闊度, 個人觀點, 故事情節要求不多.當然, 學得比課程博係須要, 呢個係學習能力, 思維, 同小朋友夠唔夠"活"有好大幫助.

P1-3, 我見呢D主題既文章, 雜誌文章真係好多人寫:
- 生日會
- 一個下雨天
- 旅行日記
- 秋雨
- 炎夏
- 節日 (農曆新年, 聖誕節....)

果果小朋友寫都唔同....

eit2003

可以讓他看一些具藝術性,情節特別的電影,激發靈感.
另外,可以引導他思考---發生了這件事之後如何用文字表達出來,什麼要省略,事情對他印象深抑或淺,和自己有何關係,等等.這些是加強文筆必不可少的過程.

Cherryroy

回覆 terrenandtania 的帖子

粤教中