I B 補習班

s20121058

小女想係出面報補習班請問有冇好補習社推介??

oooray

自己google已經有好多選擇, 間間都話自己點勁。
補習社好唔好, 都係睇個別老師 (補習社都係同老師拆賬)。
IB都要1對1補先有用,
建議你搵D有免費試堂嘅試下先。

vickling

s20121058 發表於 22-10-4 21:40
小女想係出面報補習班請問有冇好補習社推介??

想請教，你女係本身讀開ib 但未能跟上而要補？ 定讀開傳統而轉考ib 未習慣而補？

定係ib成績其實已好好想再上一層樓做top? 謝謝

想知ib 補習其實常唔常需要

oooray

回覆 vickling 的帖子

補習當然有好過冇, 早好過遲, 只要你有$有時間, 小朋友又唔抗拒。大把成績好嘅學生都有補習;成績越好越需要補習。
好似D人想讀HKU Medicine, 差一分就byebye;
又有D出名大學個CO要求非常高(777,776), 你唔想失手, 自然願意花$去secure個7番黎。


如果有個靚offer係你面前, IB有D subject真冇得補 (好似History呢D殺人科,我估冇人敢同人補習); 咁有得補果D,你補唔補?

講補習係政治不正確, 但有需要就做。

Bigmowmow

oooray 發表於 22-10-11 13:15
回覆 vickling 的帖子

補習當然有好過冇, 早好過遲, 只要你有$有時間, 小朋友又唔抗拒。大把成績好嘅學生 ...

lavender_mum

oooray 發表於 22-10-11 13:15
回覆 vickling 的帖子

補習當然有好過冇, 早好過遲, 只要你有$有時間, 小朋友又唔抗拒。大把成績好嘅學生 ...

Totally agree
事實放在眼前，差一分就差一分，如果afford到一定盡力做

站響道德高地話讀IS唔應該補習，講就易。又或者話自己啲仔女唔洗補都考得好，唯有講句恭喜你啲仔女又醒又叻，完。

poonseelai

需唔需要補習當然每人答案唔同, 如去到dp確保要取盡每分, 去補習可以理解, 我識人dp 6科補4科, 而家情況似係越來越低年級（或小學）已開始補, 個人覺得這樣就有D問題

記得孩子myp時老師講過有同學上課唔留心唔發問, 因認為可以問補習老師

Radiomama

lavender_mum 發表於 22-12-5 14:51
Totally agree
事實放在眼前，差一分就差一分，如果afford到一定盡力做

補習要睇補咩科，同點樣補。

去到DP, 科科補嘅話，真係會無晒時間；另外跟同學一齊補，有啲其實係為social, 甚至拍拖。也有因為補習老師靚仔靚女所以補，真係暈。以上都是實例，所以家長要睇清楚。

有啲成績好嘅學生去補習，當然係想secure 7分到手，更多係想有多兩份卷去drill 吓，以考試為本，所以最緊要搵啱個老師教/識解題，如果唔係得物無所用。

lavender_mum

Radiomama 發表於 22-12-5 20:11
補習要睇補咩科，同點樣補。

去到DP, 科科補嘅話，真係會無晒時間；另外跟同學一齊補，有啲其實係為socia ...

啱，所以唔好一竹篙打一船人
點補/係咪搵啱補習老師，係execution既層面
但唔好妖魔化曬家長搵補習嘅目的
站道德高地講美麗說話
有邊個唔識

Radiomama

lavender_mum 發表於 22-12-5 21:12
啱，所以唔好一竹篙打一船人
點補/係咪搵啱補習老師，係execution既層面
但唔好妖魔化曬家長搵補習嘅目的

不是要站在道德高地講說話，而係希望大家在補習前睇清楚孩子在邊一個地方需要改善，先至去對症下藥。

而且更加唔使一開波就補，個球員都未有機會發揮、你就話佢唔得，咁真係越踢越頭䇯䇯。

我孩子冇去補習，但佢會死chur學校嘅老師幫佢、俾extended exercises 佢做，有唔明佢會約見老師，我覺得係一個好的選擇。

lavender_mum

Radiomama 發表於 22-12-5 21:46
不是要站在道德高地講說話，而係希望大家在補習前睇清楚孩子在邊一個地方需要改善，先至去對症下藥。

而 ...

正如我之前提及，你講嘅大部份都係執行層面
點樣補/幾時補/搵邊啲老師
而我係着眼於尊重各人選擇
純粹想表達不喜歡「讀IS唔應該
補習」呢啲一言堂說話

相信做父母都會知道自己小朋友係咪需要補習
正等如你清楚你自己仔女係不需要補習，亦肯定自己做啱
大家都係想比仔女最適合嘅嘢

lavender_mum

Btw無端端騎劫咗樓主個post
真係唔好意思

girl2016

Radiomama 發表於 22-12-5 21:46
不是要站在道德高地講說話，而係希望大家在補習前睇清楚孩子在邊一個地方需要改善，先至去對症下藥。

而 ...

wrong message .  deleted

oooray

回覆 lavender_mum 的帖子

原來EK都會有人發聲認同呢種觀點。咁多年見太多虛偽嘅家長愛大吹大擂, 預到比自己強的家長又不敢吭聲(請不要對號入座, 唔該)。

用上帝視角去睇, IB簡單啦, 40+冇難度; 洗乜補習?
正係有好多人攞7, 代表有更多人攞只4,5,6, 總有些人想努力改善成績, 讀間好嘅大學, 唔係偷又唔係搶,有錯?
由少數成績好嘅人, 就可以否定其他人改善成績的方法?

現實係"補習"2字, 好似"同性戀","孩子偷看色情網站"一樣, 係EK係非常忌諱。

mandy_ng207

Radiomama 發表於 22-12-5 21:46
不是要站在道德高地講說話，而係希望大家在補習前睇清楚孩子在邊一個地方需要改善，先至去對症下藥。

而 ...

多謝你嘅分享，你孩子嘅情況就似我同事20+年前去英國讀高中，讀書有自發性，老師又願意幫忙，我覺得呢啲學校嘅教育係非常好。
我就喺香港考A-Level嘅，當年都有補兩科，一科係因為老師太廢，另一科係臨考試前半年想考好啲成績，所以自己求媽咪俾我去補。
咁我同我同事就殊途同歸啦，佢英國AL成績幾好，我就掹車邊，大家一齊入咗香港某大學。
去到高中，我以為係孩子自己決定需唔需要補習？如果學校老師願意提供額外資源，我當年都唔會去補習，有時間點解唔留返嚟瞓覺或者溫書⋯
我仔有排都未考IB，我唔知到時我會唔會都係捉佢去補習嘅虎媽呢⋯⋯不過我更加希望佢係自己提出要補習嗰個人

clkam

Radiomama 發表於 22-12-5 21:46
不是要站在道德高地講說話，而係希望大家在補習前睇清楚孩子在邊一個地方需要改善，先至去對症下藥。

而 ...

小朋友現初小，有點予盾，未見到是否有咩學科有問題或不足，又好難掌握到他現時情況及來緊發展如何，如果他能達標或發展到，當然想省回補習時間及金錢，亦唔太想由小補到入大學。但怕到中學才發現不足去補已遲。

請教下當年如何掌握小朋友能力達標與否？

英文他已會自己閱讀，每天都會閱讀，只係這樣跟正式補英文所學又不同。中文今年即使進了native class, 但老師改變教學方針，沒有任何功課默書，感覺不像以往理解的進度，又開始爭扎要否向外補中文。

想請教下過來人經驗，感謝。

964000

clkam 發表於 23-1-5 17:51
小朋友現初小，有點予盾，未見到是否有咩學科有問題或不足，又好難掌握到他現時情況及來緊發展如何，如果 ...

好多IS 每年都做standard test, 有些兩年一次，包括maths 和English 例如英制會做SAS，和英國學校的水平比較。

poonseelai

clkam 發表於 23-1-5 17:51
小朋友現初小，有點予盾，未見到是否有咩學科有問題或不足，又好難掌握到他現時情況及來緊發展如何，如果 ...

最直接當然同老師溝通，不少IS 由year 3 or 4 開始至初中會每年參加 International School Assessment 的英文和數學 papers, 同全球参加的學生比較下水平，每個孩子有個 report, 可参考一下

Radiomama

clkam 發表於 23-1-5 17:51
小朋友現初小，有點予盾，未見到是否有咩學科有問題或不足，又好難掌握到他現時情況及來緊發展如何，如果 ...

我成日提自己，睇定啲先；唔好急於行動。

初小冇乜功課，但總有成績表、portfolio, 家長會, Student led conference 等等，家長要用心去研究一下，其實不難掌握孩子學了什麼。

不用太過緊張和患得患失，繼續鼓勵閱讀、也可多去不同museums參觀、參加各種活動，讓他擴濶學習的眼界和興趣。

前輩教落，要留啲空間俾孩子去學習，不用太早就用盡全力去跑，以免中學就出現疲態。