夢醒時份⋯ ⋯

b3410

akys 發表於 22-10-6 12:04
英或美，我覺得和所讀中學有關。IS，私校會有多啲學生報美國，官津多啲英國，名直一半一半啩。報美國相對 ...

的確同學朋輩影響好大。非學術成就最頭疼，唔上唔落，又要有遠見創意，又要有恆心決心，又要有時間精力能力。覺得齋讀書簡單好多。。。。。。你講的幾間，都係大家的dream school  

ANChan59

stillgood20 發表於 22-10-7 09:02
首先,十分感謝你的關注,支持,分析…感謝!
以上,我講述的, 是晦氣,訴求,…暫放下。

很好，晦氣說話過了，你們再想想前面的道路如何走下去。

b3410

hkpapa852 發表於 22-10-7 09:35
真正幫到下一代，係認真去拓展/發展多元產業，唔好再傾斜係個別行業，做到行行搵到食
可惜香港政府近20年嚟 ...

竟然見到你

ANChan59

hkpapa852 發表於 22-10-7 09:35
真正幫到下一代，係認真去拓展/發展多元產業，唔好再傾斜係個別行業，做到行行搵到食
可惜香港政府近20年嚟 ...

你講得好中，我很同意。

發展多元化產業又唔係咁簡單，官產學研的value chain 入面，大家的agenda 可以係南轅北轍，政府係要牽頭，而且要拋開一定要成功的包袱，同埋唔好咁短視，以色列行創科三十幾年，要到二十年過去才看到一點成績。係要專注及堅持！

以前港英政府，口頭上係積極不干預，但暗底裏政策是否這樣呢？就算干預，如何干預，支持？如何避免給人口實官商勾結，利益輸送？

有時鬧得嚟，都明白他們的難處。

舉一個例子，几年前參加一個深圳的行業協會年會，席上有相關官員列席，熱烈參與討論，透露政府的想法，有問題攤出嚟傾，他們的坦白讓我很驚訝，一定程度上加快業界的發展及參與，明白傾斜制度的nutshell，他們最大的優勢係花完錢，不用上立法會解畫，但行差踏錯就躹躬落臺。

臨結束，他們俾面叫我講幾句。我半講笑咁講，你們今天開會叫做官商合作，香港叫官商勾結。大家捧腹大笑！

beastiebistro

回覆 b3410 的帖子

我多口答下嘴。
以最終攞本科學位嚟講（假設大學級數相若），英美分別不大，但過程就天淵之別。
- 英國大學本科三年，美國四年。同一樣時間／金錢，英國可以夠讀埋masters。
- 英國大學術科為主，埋牙就切，冇需要太多其他補充。美國大學要求全人，基本上所有人都須要修humanities嘅學分。如果小朋友係齋數理人，對其他毫無興趣，就要捱下。
- 英國揀咗嗰條路就冇得轉，中途唔喜歡，唯有從新嚟過Year 1開始。美國超級彈性，讀落唔鍾意，隨時轉軌道都得，加加減減又得（轉major又得轉minor又得，double又得，唔minor又得）。而且美國唔少大學，入學時直頭唔使declare major，讀落慢慢揀都仲得。
- 其實讀數可能係近年最Flexible最易搵工嘅科目。銀行喜歡，科網企業喜歡，start-up喜歡，consultancy喜歡。我估美國大學入科網機會多啲，英國都有，不過可能投行／consultancy機會多啲。
我仔都多數會行純數呢條路，所以略有探究。

ANChan59

我昨晚應承咗講個故事，趁有時間講啦。因為故事有關一個網友家庭，係真人真事，我會講得簡單啲，保留私隱。

網友家中年輕人國際學校畢業，入咗去港大醫學院，現在是大二。大一的時候他已經有興趣將來做clinical research，完成MD。網友希望了解我有什麼建議，我們私訊交流。

年輕人電郵我covering letter and CV，看完，學經歷非常亮麗，令我羡慕。

我分享了几個教授很喜歡帶年輕人做研究，建議上網了解他們的research interests，有沒有他個人有興趣的領域。

他做完功課，然後毛遂自薦，發電郵給Chair Professor，附上covering letter and CV. 教授身處外地也安排一個視頻會議。

簡短會議中，他們擦出火花，教授建議他research 一些資料，看看有沒有興趣，然後再安排開學后，讓他參觀教授的實驗室，同時見研究團隊。

一個讀了一年的大學生，短期內很難在lab 做太多事及有貢獻，但係教授給他一個機會，讓他挑選一個有興趣的項目，然後參與其中，如果將來可以登上醫學期刊，可以加上他的名字。

讀醫科已經很忙，課餘時間參加研究，時間管理及壓力不小。

大三enrichment year可以留在實驗室做研究，也可以去海外醫學院交流或者做研究。

到五年後大學畢業，假如first class，有幾年part time 研究經驗，加上聯名出過一份paper，他申請香港或者海外研究院的機會如何？

如果不幸只拿到2:1，你覺得他入研究院的機會又高唔高呢？

見到這些年輕人，真係好開心，替他父母高興不已，培養出這麼優秀的年輕人，這種人見人愛的人才，全世界國家地區都會搶！

ANChan59

beastiebistro 發表於 22-10-7 11:59
回覆 b3410 的帖子

我多口答下嘴。

老友，多謝補充。

有你哋講吓香港冷門，外國熱門學科及發展真係好正，你又質錢入我袋！

akys

beastiebistro 發表於 22-10-7 11:59
回覆 b3410 的帖子

我多口答下嘴。

。專家！ 睇完又真係好唔同。

Yanamami

beastiebistro 發表於 22-10-7 11:59
回覆 b3410 的帖子

我多口答下嘴。

係ig中無意中見到個post, 一個砌磚既嬸嬸Emma Simpson都可以攞到MBE, 我就諗，點解行行出狀員衹會係外國發生？

beastiebistro

回覆 Yanamami 的帖子

外國人冇乜職業歧視...

b3410

beastiebistro 發表於 22-10-7 11:59
回覆 b3410 的帖子

我多口答下嘴。

多謝你的分享！

勁！講的好透徹！明白了大致方向，我都要做多d探究

ANChan59

beastiebistro 發表於 22-10-7 14:09
回覆 Yanamami 的帖子

外國人冇乜職業歧視...

係呀，我第一份工，在香港可能被鄙視㗎，但係在外國就好羡慕及欣賞！

天外之人

stillgood20 發表於 22-10-6 23:01
減厘印……係有幫忙的意見．
用另一個角度, 房屋政策建立一種優惠,是一種考慮．

有家長提及支持大學畢業後學生不要停步繼續進修,先要睇下那些學生仲有冇讀書學習既心. 香港人才短缺,提及培育香港的人材,最先攪好就係從幼稚園開始到中學既教育制度,我敢講剩係呢階段都殺晒好多未來人材, 其次所講進修,情願政府好好攪好老師這環節,令老師可以安心啲工作又可以慢慢進修到博士行列,個個老師做到好似孔子咁能力及心態,攪好以上其中一樣,真正優秀人材都比較容易出現有.

akys

天外之人 發表於 22-10-7 15:42
有家長提及支持大學畢業後學生不要停步繼續進修,先要睇下那些學生仲有冇讀書學習既心. 香港人才短缺,提及培 ...

究竟香港人才短缺定係缺乏職位容納人才？產業傾斜下碰啱兩大產業危危乎，都幾麻煩。


香港教育係有問題，但又未去到需要推倒重來或大改嘅程度，肯用下心微調就可以了。反而產業傾斜政策一日唔改，問題只會繼續依舊。

beastiebistro

ANChan59 發表於 22-10-7 12:48
老友，多謝補充。

有你哋講吓香港冷門，外國熱門學科及發展真係好正，你又質錢入我袋！

唔敢當陳sir，我都係班門弄斧咋。

不過因為小兒都有興趣純數，所以做咗少少功課。你講得啱，佢哋咁大個，有自己思維睇法，未必聽我哋啲老嘢講㗎喇。我溫定書，都係萬一佢真係搵我傾都有啲準備。

beastiebistro

b3410 發表於 22-10-7 14:48
多謝你的分享！

勁！講的好透徹！明白了大致方向，我都要做多d探究

分享多少少。

- 英國方面，最好嘅純數本科應該係劍橋。佢嘅maths tripos係出名難。從前math係劍橋嘅神科，math tripos攞first hon嘅學生（叫Wranglers）有得喺劍橋巡遊，每年最高分嗰位（叫Senior Wrangler）係全劍橋最風頭躉嘅人物。新加坡總理李顯龍都曾經係Cambridge嘅senior wrangler（所以佢IQ唔講得笑）
- Applied maths就要數我母校Imperial College London
- 另外就牛津，Warwick，UCL，Durham，Bristol，Bath，St Andrews等等
- 報英國大學讀數，要考入學試。Cambridge，Warwick用Cambridge STEPS。其他大學用Oxford MAT。
- Cambridge STEPS難過Oxford MAT。

至於美國讀數
- 呢個moment應該MIT排第一，當然純數／applied都強（始終係engineering school）。不過以我所知MIT嘅course structure比較平均，尖子同普通學生都照顧到。
- Harvard純數本科有被譽為地上（其實係全美國）最難嘅math module Math 55，而且Harvard教書較偏向提拔尖子，所以普通學生就真係要自己執生喇。
- 西岸嘅Stanford自然都係數學強門
- 其他就有UC Berkeley，Princeton，Columbia，Chicago，Caltech，CMU，Penn等等。
- 不過報美國大學真係超級繁複，間間都有唔同essay要寫，又要有sustained課外活動，又要demonstrate leadership能力，又要有好嘅reference，仲要成績好，真係唔易。

祝好運。

stillgood20

beastiebistro 發表於 22-10-7 18:13
分享多少少。

- 英國方面，最好嘅純數本科應該係劍橋。佢嘅maths tripos係出名難。從前math係劍橋嘅神科， ...

我老同學囝囝今年係劍橋純數2:1畢業．佢媽媽真係好緊張,希望囝囝攞First Hon.
最後, 稍失望, 追唔到上去．

讀純數．
有天資,興趣,勤力,鬥志,缺一不可．

我細囝只得天份．對數學無興趣．

不過, 每個人有自已的路．

順泰,便很好了!

ABC-DAD

一個社會嘅文化藝術氛圍，可以培養社會大眾學懂欣賞，讚賞，表揚，總用所謂批判思維去對待生活，生活的內涵會不自覺地枯竭。

ABC-DAD

尤其，當所教育同藝術工作都傾向唯利是圖。

幸運的是似乎年輕人都在自覺改變中。

ANChan59

天外之人 發表於 22-10-7 15:42
有家長提及支持大學畢業後學生不要停步繼續進修,先要睇下那些學生仲有冇讀書學習既心. 香港人才短缺,提及培 ...

我覺得你的說法係好難單靠學校教育達致，反而家長的「無忘初衷」才是教養教育的game changer。

靠政府，更加緣木求魚，die hard。自己家長盡量去學習及做好，機會會更大啲。