用戶登入
用戶名稱:
密      碼:
搜索
教育王國 討論區 教育講場 夢醒時份⋯ ⋯
樓主: ANChan59
go

夢醒時份⋯ ⋯  

Rank: 6Rank: 6


9346
發表於 22-10-10 22:28 |顯示全部帖子
beastiebistro 發表於 22-10-10 21:55
回覆 cafeva 的帖子

我嘅做法未必人人適用,不過我估精神都係一樣。孩子未出世已經有大方向計劃,跟住逐步 ...
多謝咁真實既分享!咁你小朋友有無去到某個年齡開始反叛期唔多肯同家長溝通唔願意聽意見,好似突然cut 線咁?
另外你哋都係有能力有資源既家長,如果一般家庭真係要靠學校教。

Rank: 12Rank: 12Rank: 12


50087
發表於 22-10-10 22:49 |顯示全部帖子
回覆 cafeva 的帖子

冇喎,或者未啦(希望唔會)。但係我會隨著佢年齡漸大,改變我同佢嘅溝通模式。細時比較單向,越大越裝飾到好似個意見係佢講出嚟咁。

係,我承認我係有資源嘅家長。但係,我認為我投放最多嘅唔係資源,係時間。有段時期(都有三四年)我仔喜歡我陪佢做數,大家一齊做,再大家討論答案(講緊係小五六至中一做緊A level數,係我自己都要溫返先記得點做嘅大學數)。咁我真係每個星期日都抽兩三個鐘咩都唔做,就坐係度同佢做數。呢樣其實唔多使資源,但係絕對需要家長時間嘅付出。有好多資源其實可以免費搵到,問題係家長有冇心機時間去摷。有啲資源有錢都買唔到,又係睇家長肯唔肯俾心機時間去搵。

Rank: 6Rank: 6


5001
發表於 22-10-10 23:05 |顯示全部帖子
回覆 ANChan59 的帖子

我又覺得父母追逐名校的心態,是放諸四海皆是的現象。你不說我也不知道,原來香港有些學校不喜歡資優學生,或許是香港人往往將gifted/talented 與 trouble maker/ADHD等同,但不知是基於什麼理論。

Rank: 14Rank: 14Rank: 14Rank: 14


112607
發表於 22-10-11 04:57 |顯示全部帖子
ckh689 發表於 22-10-10 23:05
回覆 ANChan59 的帖子

我又覺得父母追逐名校的心態,是放諸四海皆是的現象。你不說我也不知道,原來香港有 ...

我不是這方面的專家,只是過來人,我嘗試分享一下我所知的事情,未必完全正確或者說出箇中問題重點。

你說的標簽效應係事實,怕資優學生影響教學進度。香港教育好畸形,政策係照顧大部份學生,bell curve 中間部位,正確的。SEN 在一般學校有額外資源,雖然不是很多,但係資優學生反而冇乜資源上的支持。

兒子小學的資優課程係以增潤形式,不在常規課程內,所以在正常課堂外上的。因為當時校長在這方面是很出名,她學校參加了教育局的先導計劃,所以有少少額外資源,如果冇,根本行唔通。她的經驗及分享讓我們更懂得如何教養自己孩子。

香港每班人數多,class management always an issue. 如果部分學校採用「融合教育」,SEN學生在內,問題可能更明顯。

我家CEO曾經負責整個大專院校的SEN,超過500人,她去過世界各地觀摸交流。她跟我說教育局所講嘅中小學融合教育係好似NSS一樣,抄d唔抄d,效果係有問題。

而且老師多數是專科專教,不像其他國家班主任教所有或大部分科目。如果只教一科未必了解到學生的特性,反而突顯資優學生的麻煩。



God grant me the serenity
to accept the things I cannot change;
courage to change the things I can;
and wisdom to know the difference.

Rank: 14Rank: 14Rank: 14Rank: 14


112607
發表於 22-10-11 05:38 |顯示全部帖子
beastiebistro 發表於 22-10-10 22:49
回覆 cafeva 的帖子

冇喎,或者未啦(希望唔會)。但係我會隨著佢年齡漸大,改變我同佢嘅溝通模 ...

你第一段就係典形嘅transactional analysis ,從100% parents to child,轉變成多咗adult to adult ,而少咗parents to child.

我相信你兒子及我兒子係有反逆期,可能時間較短及可控範圍內。特別係用咗TA,adult to adult 係其中一個方法改善溝通。另一招我改變自己跟佢學他喜歡的事物,將父親身份變成buddy,溝通又會變成他是parents ,我係child。

我都認同時間係最大嘅付出,因為要時間,我辭咗顧問公司partner的職位,返回industry,人工係少咗一截,而不是大家所講嘅資源。

二十年前開始,我在網上找到很多料,但要自己學習同消化,才可以教導兒子,而且父母要align,同學校也要align,才能發揮最大效果。

我有教兒子數,但係跟美國史丹福大學的資優課程,我的參與反而在小一小二的時候他對文字題有困難,主要是英文水平跟唔上數學,所以我停咗佢一段時間,將時間用在英文,這個時候CEO登場教導。

大半年后,再開始番數學課程,呈分試的時候我也叫停,到中二,我們溝通過,最後停哂,因為他冇打算修齊史丹福大學數學嘅credit,將來大學亦不會讀數及工程,也不會考慮美國升學。過程中學到creative problem solving及小心做數及一條數有多於一個解難的方法。

他將時間放在電腦,上網,改善英文及學在網上做生意,幫一些uncle在大學做research,過程當中,他更了解自己喜歡什麼,將來走什麼路,什麼學科及事業。

點評

Yanamami    發表於 22-10-11 08:37
God grant me the serenity
to accept the things I cannot change;
courage to change the things I can;
and wisdom to know the difference.

Rank: 14Rank: 14Rank: 14Rank: 14


112607
發表於 22-10-11 05:43 |顯示全部帖子
beastiebistro 發表於 22-10-10 21:55
回覆 cafeva 的帖子

我嘅做法未必人人適用,不過我估精神都係一樣。孩子未出世已經有大方向計劃,跟住逐步 ...

阿仔跟EPGY,他升小六暑假去咗Stanford campus 上暑期班,creative problem solving. 令他畢生難忘。

我哋都係feed on demand,語文上就朝兩文三語做功夫。
God grant me the serenity
to accept the things I cannot change;
courage to change the things I can;
and wisdom to know the difference.

Rank: 8Rank: 8


19986
發表於 22-10-11 06:01 |顯示全部帖子
Yanamami 發表於 22-10-9 12:23
你講玩"復常"係疫情前社會運作,但你知我知,整個社會制度同管理唔會再"復我地心中果個常",所以根本唔洗 ...
是無

Rank: 6Rank: 6


9346
發表於 22-10-11 08:18 |顯示全部帖子
beastiebistro 發表於 22-10-10 22:49
回覆 cafeva 的帖子

冇喎,或者未啦(希望唔會)。但係我會隨著佢年齡漸大,改變我同佢嘅溝通模 ...
我都覺得進步最顯著係自己跟果段時期。希望你分享下邊度有免費資源。學校負增值你係指咩?

Rank: 6Rank: 6


9346
發表於 22-10-11 08:21 |顯示全部帖子
本帖最後由 cafeva 於 22-10-11 08:22 編輯

Delete

Rank: 10Rank: 10Rank: 10


26327
發表於 22-10-11 08:30 |顯示全部帖子
Unlock potential, 首先要認識自己孩子的優缺點,然後對準目標,投放資源。

我們沒有花錢去補習,但我們用了時間去陪他閱讀、預習、玩玩具、砌模型,daddy會跟他玩數學遊戲、我會聽他練習oral presentation等等。直視他的學習進度,鼓勵他嘗試參加有興趣的比賽。「盡力而為就可以,輸嬴無所謂。」

最後認識及承認他不喜歡的項目。不勉強。
我仔不會唱歌,由幼兒時代開始,無論怎樣播放兒歌、音樂都不會哼一句。至今一樣。我曾陪他上香兒的課程(那個年代在EK個個小朋友都會去上咁),但持續兩年後,明白再去上堂也是徒然。父母有時要去接受他的「無興趣」和「無能力」,這個是最困難。

點評

天外之人    發表於 22-10-11 10:43
beastiebistro    發表於 22-10-11 09:17
Yanamami    發表於 22-10-11 08:33

Rank: 10Rank: 10Rank: 10


26327
發表於 22-10-11 08:58 |顯示全部帖子
cafeva 發表於 22-10-10 22:28
多謝咁真實既分享!咁你小朋友有無去到某個年齡開始反叛期唔多肯同家長溝通唔願意聽意見,好似突然cut 線咁 ...

我都曾以為我個仔在青春期會好反叛,因為佢由trouble two開始已經好trouble, 結果是順利過渡,我覺得要歸功於daddy和學校的老師,爸爸係佢buddy, 而學校有位數學老師比我「更虎」,push 佢push得更利害,比較之下,我「溫柔」好多。Hahaha。

點評

cafeva    發表於 22-10-11 19:45

Rank: 12Rank: 12Rank: 12


50087
發表於 22-10-11 09:04 |顯示全部帖子
ANChan59 發表於 22-10-11 05:38
你第一段就係典形嘅transactional analysis ,從100% parents to child,轉變成多咗adult to adult ,而少 ...
我諗我嘅情況可以話好彩。1. 通常子女反叛期係early teens?但我啲仔女全部照計劃13歲出國寄宿,當一年只見三四個月,每個禮拜都講唔到幾個字電話,根本無從反叛。
2. 通常家長覺得仔女反叛係因為佢哋慣咗說了算嘅高壓統治,但仔女唔再接受。或者,家長有(可能其實唔合理)嘅前設寄望,但係仔女做唔到/唔肯做。前者,我好早就逐步改變自己,後者我時刻警惕唔做。
所以慶幸暫時仲係關係融洽。

至於,一齊學嘢都係增進感情嘅好方法。記得我哋決定去考佢現時學校嘅academic scholarship 嘅時候,其中一個策略係學拉丁文。當時佢唔識,我亦冇學過。還好佢有修開法文,我亦未完全還返我啲法文俾老師,所以我哋決定買書自學。我哋真係買咗本GCSE text book(其實網上都有免費pdf版),每個星期日兩個坐低一齊對住本書學,互相討論,唔識咪上網查字典。結果係用咗一年時間,大致學院整個GCSE課程,上網揾啲past paper睇下都做到7/8成。而佢去到英國學校,程度真係高過讀咗拉丁文三四年嘅同學,基本上keep 住長期喺top set頭。當然我明未必個個有我仔呢方面嘅能力,不過作為父母我哋正正就係應該花時間心機去發掘仔女嘅能力盡量unlock,哪怕係冇晒me time。

Rank: 13Rank: 13Rank: 13Rank: 13


87970
發表於 22-10-11 09:13 |顯示全部帖子
Radiomama 發表於 22-10-11 08:58
我都曾以為我個仔在青春期會好反叛,因為佢由trouble two開始已經好trouble, 結果是順利過渡,我覺得要歸 ...
通常細個越乖果個,升中後先係最反叛果個,反而從小係麻煩友果個,升中後反而正常番。我兩個就係咁。

Rank: 12Rank: 12Rank: 12


50087
發表於 22-10-11 09:15 |顯示全部帖子
回覆 Radiomama 的帖子

非常同意,接受每個人有唔同喜好長短對unlock potential 極重要,亦係家長最難做到嘅嘢。我嘅case係我照辦煮碗咁將我同個仔做嘅嘢,同我二女三女做一次,好快就發現佢哋能力興趣唔喺嗰方面。之後我選擇同佢哋試其他唔同活動,最後發現二女原來喺畫畫方面有啲天份又enjoy ,三女就原來係跳舞人,而家喺英國學校有自己K-pop舞團。
如果唔係接受佢哋係完全唔同嘅個體,逼迫佢哋走某條路,可能連potential 都見唔到,莫講話unlock。

Rank: 12Rank: 12Rank: 12


50087
發表於 22-10-11 09:16 |顯示全部帖子
回覆 Yanamami 的帖子

好彩我嗰啲升中就去晒外國,冇機會俾佢哋做頂心杉

Rank: 13Rank: 13Rank: 13Rank: 13


87970
發表於 22-10-11 09:18 |顯示全部帖子
beastiebistro 發表於 22-10-11 09:04
我諗我嘅情況可以話好彩。1. 通常子女反叛期係early teens?但我啲仔女全部照計劃13歲出國寄宿,當一年只見 ...
所以呢,各有前因莫羨人。呢度幾個出色家長所投放既精神時間心血真非一般人能及,子女成材,正係人地講既台上一分鐘台上十年功,由出世前已計劃好一切。共通點像,你地幾位家長就係子女既老師、伯樂。

Rank: 13Rank: 13Rank: 13Rank: 13


87970
發表於 22-10-11 09:26 |顯示全部帖子
本帖最後由 Yanamami 於 22-10-11 09:26 編輯
beastiebistro 發表於 22-10-11 09:16
回覆 Yanamami 的帖子

好彩我嗰啲升中就去晒外國,冇機會俾佢哋做頂心杉 ...

少左相對時間,大家對對方“容忍度”(包容度)係會高好多,亦珍惜相處時間。

不過唔知你有無聽過,有話子女一生陪伴父母身邊既時間,有98%都在18歲前,以你自己經驗,咁細個離開父母,會唔會疏離啲?大Y係完成DSE先出國,細Y比原定早左兩三年,我個心總覺得“蝕左”兩三年一齊既時間。

Rank: 13Rank: 13Rank: 13Rank: 13


87970
發表於 22-10-11 09:30 |顯示全部帖子
beastiebistro 發表於 22-10-11 09:15
回覆 Radiomama 的帖子

非常同意,接受每個人有唔同喜好長短對unlock potential 極重要,亦係家長最難做到 ...
我哋啲生多過一個既父母,比較容易見到,同一對父母生,同樣環境、資源,但唔同個體既性格、體能、興趣、愛好.....可以好南轅北轍,獨生子女既父母,就無得比較。

Rank: 12Rank: 12Rank: 12


50087
發表於 22-10-11 09:42 |顯示全部帖子
本帖最後由 beastiebistro 於 22-10-24 11:13 編輯

回覆 cafeva 的帖子

其實我覺得unlock potential重點係要超越「跟」(跟進既定嘅軌跡),應該諗下點樣幫佢「開」路,或者俾機會佢/encourage佢試多啲試遠啲。

至於負增值,現今嘅教育制度係工業革命遺留落嚟嘅產物,目的係訓練大批大批嘅人入工廠做嘢,所以最好就係均一,人人都係同一個時間學同一樣嘢,互相比較。我會話係LCM (lowest common multiple) 模式,或者係陳Sir話Bell curve中間段模式教學。但係其實每個人生而唔同,點可能一套模式啱晒所有人呢?為咗迎合LCM,所以上堂盡量壓抑小朋友嘅natural curiosity(就算幾有意義嘅延伸問題都唔俾問,可能因為唔夠時間,可能因為老師都唔識答) ;為咗規律化response ,答案一律只有一種(唔跟marking scheme就冇分,話之你幾有創意諗到用另一個方法答);為咗efficiency,啲班有咁大得咁大,啲堂有咁密得咁密,材料有咁多塞咁多,冇時間俾學生消化,冇時間俾佢哋諗嘢,冇時間問問題,連決定鍾意啲咩都冇時間。

我認為全部以上都係負增值,係磨滅緊學生嘅natural curiosity,係限制咗佢哋嘅選擇空間,係淋熄緊佢哋嘅火。當然有啲學校做得比較少,嗰啲咪低「負增值」嘅好學校囉。

點評

cafeva    發表於 22-10-11 22:30
Yanamami    發表於 22-10-11 09:50

Rank: 12Rank: 12Rank: 12


50087
發表於 22-10-11 09:56 |顯示全部帖子
Yanamami 發表於 22-10-11 09:26
少左相對時間,大家對對方“容忍度”(包容度)係會高好多,亦珍惜相處時間。

不過唔知你有無聽過,有話 ...
我阿Q啲咁諗,留得住個人留唔住個心都冇用...

我有好多朋友有大約同齡嘅仔女,話就話留喺香港讀書好似親密啲。但係我見就家長有家長應酬,仔女有仔女約朋友,甚至有啲每分鐘都匿係房上網netflix youtube,一齊住都唔見得聚埋多過我同我啲仔女。起碼我哋一齊嘅時間係真正quality time,會make an effot去搵啲大家想一齊做嘅嘢去做,算係咁喇。

點評

Yanamami    發表於 22-10-11 11:50
你需要登錄後才可以回帖 登錄 | 註冊