用戶登入
用戶名稱:
密      碼:
搜索
教育王國 討論區 小一選校 岩岩開始面試就已經覺得好大壓力
樓主: 中女
go

岩岩開始面試就已經覺得好大壓力  

Rank: 8Rank: 8


15690
發表於 22-10-3 08:38 |顯示全部帖子
LHHL 發表於 22-10-3 08:12
請教一下,其實那些cert. 才算比較有用? 真的無乜概念。

其實咁細個唔會有D咩好特別嘅cert,我覺只係一個package, 比個印象小朋友對體藝興趣全面發展,家長又有資源培育下。

Rank: 5Rank: 5


1418
發表於 22-10-3 08:43 |顯示全部帖子
我嘅經驗係最好了解多啲唔同學校嘅優點同缺點,將自己心儀嘅tier 1學校名單擴闊到最少7-8間(例如神校/龍校之類)。其他學校(例如非龍校之中嘅名校/冇咁出名嘅happy school之類)放入tier 2當作後備。當你越了解得多,可能會發現有啲被忽略嘅學校其實好好,值得放入tier 1,咁你就增大咗最終入到心儀學校嘅機會。

其實要從7-8 tier 1學校只要成功收到一個offer或者至少去到final round都唔係難過登天。就算去到final round止步,到咗大抽獎之後大量放位就會收好多call waiting。只要唔好心急、唔好局限自己嘅options、擴大自己可以接受嘅學校名單、寫多幾封求位信,我成日都咁講,未去到6月大抽獎之前都唔好打定輸數。

經驗之談,俾壓力自己同個小朋友係完全冇用。去到interview嘅階段,係識就識,係唔識就唔識,倒不如俾小朋友開開心心入去人地學校投入地玩,鼓勵佢就算識唔識都舉手作答反而效果仲好。

Rank: 5Rank: 5


3950
發表於 22-10-3 08:46 |顯示全部帖子
hideseek 發表於 22-10-3 08:16
起碼係國際機構、運動總會果d比賽或證書

無錯。坊間勁多果d要俾錢買返個獎,上台/展覽又要收場錢果d畫畫比賽,真係算吧啦。估學校傻既咩

Rank: 3Rank: 3


416
發表於 22-10-3 09:52 |顯示全部帖子
本帖最後由 Ckw2019 於 22-10-3 09:52 編輯

我小朋友算慢熱型,上年都好擔心小朋友無offer, 一直都好擔心。但只要小朋友有學術底,再加肯答問題,就算慢熱型,都一定會有offer. 我係估唔到小朋友收到嘅offer遠比我想像多。當中有學術學校,有龍校,有happy school.

依家回想,想同大家講,唔洗過份擔心無offer. 自己放鬆心情,小朋友先會感覺到開心。

Rank: 5Rank: 5


2401
發表於 22-10-3 11:43 |顯示全部帖子
小兒是今年1年班,同大家分享一下上年嘅經歷。

小兒屬於唔怕羞,學術ok個類,但你永遠唔會預計到佢interview時,會有咩蝦碌出現,好似in GT時,同老師講daddy成日都拎住個電話之類既答案,咩都會破口而出....in哂所有學校之後,只係得音小同SFA兩個offer,我都曾經迷茫過,其實佢係唔係唔適合直資學校呢?會唔會官津先岩佢,之後大抽獎抽到第一志願,亦都叩到區內另一間一線。而家移民潮下,真係會多左機會,大抽獎之後,我地亦都收到GT,WKF...既offer,最後小朋友入左男直龍。


升小呢個真係一個緣份遊戲,未到最後你都唔知會點。呢個遊戲真係玩足一年,小兒亦都有同學仔真係開左學先收call,雖然條路真係有0的漫長,但唔好咁快放棄,未去到最後,都唔知會收到咩offer。


我亦都想講下,certificate同課外活動,小兒係有考到flyer既,但一開始報名時,只係得starter或mover既成績,之後亦都無再交返,至於課外活動方面,有學畫畫、游水同長笛,但因為唔係特別標青,亦都無寫落去報名表,其實學校真係唔係太睇,反而我覺得中文要好過英文,因為其實好多學校考既中文係深過英文好多,小兒係英文好,中文差0個類,所以first round無咩offer

Good luck!

Rank: 3Rank: 3


262
發表於 22-10-3 11:46 |顯示全部帖子
有幾間都入到Second ,最心儀個間second 都入唔到。。。亞女仲話識哂。。心很累(emoji)無心情做野(emoji)(emoji)(emoji)

Rank: 5Rank: 5


3950
發表於 22-10-3 12:11 |顯示全部帖子
中女 發表於 22-10-3 11:46
有幾間都入到Second ,最心儀個間second 都入唔到。。。亞女仲話識哂。。心很累(emoji)無心情做野(emoji)(em ...

最心儀既一定係熱門學校。幾千人揀幾百個入second in, 可能係十揀一,入唔到都好正常。

咁諗會唔會好D

Rank: 3Rank: 3


182
發表於 22-10-3 12:19 |顯示全部帖子
ling_lingsky 發表於 22-10-3 11:43
小兒是今年1年班,同大家分享一下上年嘅經歷。

小兒屬於唔怕羞,學術ok個類,但你永遠唔會預計到佢intervi ...

認同
玩過就知其實考中文難過英文多多聲,
例如 “ 司;機;老;師 ”,“ 飛;機;輪;船 ”咁比你配翻兩個詞語,
反而英文問果d大部分卷幼都會應付到~

Rank: 6Rank: 6


6590
發表於 22-10-3 12:24 |顯示全部帖子
回覆 JennK 的帖子

考讀句子同詞語都話suppose幼兒應該有大量閱讀, 但係去到考重組句子同配詞就已經係講緊語文練習, 即係話唔專登做係唔會識。唉~ 其實教育者帶頭破壞教育原則~

Rank: 5Rank: 5


1418
發表於 22-10-3 12:41 |顯示全部帖子
中女 發表於 22-10-3 11:46
有幾間都入到Second ,最心儀個間second 都入唔到。。。亞女仲話識哂。。心很累(emoji)無心情做野(emoji)(em ...

介唔介意透露最心儀係邊間?

有少數學校如果寫求位信顯示得好有誠意,話唔定會再俾機會你。

至於Second in嗰啲多數已經係final round (TSL/WKF/HKUGA etc. 除外),計埋最後call waiting機會都唔算細。

Rank: 3Rank: 3


262
發表於 22-10-3 13:10 |顯示全部帖子

回覆樓主:

本帖最後由 中女 於 22-10-3 13:34 編輯

我最心儀的唔係大熱學校,係圓玄。原因係我住天水圍。。得2間直資在附近。。佢收我已經足夠了。。點知,second in 都入唔到。。成個人灰哂

Rank: 3Rank: 3


262
發表於 22-10-3 13:14 |顯示全部帖子

回覆樓主:

本帖最後由 中女 於 22-10-3 13:33 編輯

.......

Rank: 4


925
發表於 22-10-3 15:31 |顯示全部帖子
中女 發表於 22-10-3 11:46
有幾間都入到Second ,最心儀個間second 都入唔到。。。亞女仲話識哂。。心很累(emoji)無心情做野(emoji)(em ...

同你一樣,我個仔都話識晒,但最後有2個收reject,我灰到喊左出黎!我個仔係中文好過英文,但可惜係細b,可能日常對答唔太好!所以好氣餒!

Rank: 4


925
發表於 22-10-3 15:33 |顯示全部帖子
中女 發表於 22-10-3 13:10
我最心儀的唔係大熱學校,係圓玄。原因係我住天水圍。。得2間直資在附近。。佢收我已經足夠了。。點知,sec ...

試下寫信,求佢比個second in你啊

Rank: 4


634
發表於 22-10-3 17:42 |顯示全部帖子
我個仔學術OK,喺學校或者出面上堂既評價都好好,但一去面試,成個人緊張晒,問啲傾閑計既嘢都答唔出。開頭都好沮喪,但諗深一層,佢只不過係五歲既小朋友,努力過後結果唔似預期都無辦法。WKF第一ROUND拍片已經OUT咗都好灰,但都要收拾心情繼續落去。依家都見咗一半,努力埋哩兩個星期就可以抖一抖。

Rank: 3Rank: 3


262
發表於 22-10-3 18:56 |顯示全部帖子
雖然知道面試係一個緣分遊戲,但多offer 有個醒目又反應快的小朋友邊個唔想,希望一起努力的同路人們,有個暢談發洩的地方。。
大家加油

Rank: 3Rank: 3


468
發表於 22-10-3 19:24 |顯示全部帖子
我覺得拍片係團體合作佔多,家長準備功夫好緊要。
我見有d人拍片係打直,求其坐沙發度,著家居便服,唔係唔得,但一堆卷到爆既參加者中,老實講就一定比下去。
我都係卷幼,拍之前搜下YouTube”小一面試”,“231 黃錦輝”,睇下其他人拍成點會有幫助。

Rank: 4


638
發表於 22-10-3 19:33 |顯示全部帖子
回覆 中女 的帖子

每個小朋友都有他的特長,考小面試短時間未必能吸引考官注意到,所以落選不代表小孩能力不夠,最後只要入到合適的學校都不會埋沒其優點的

Rank: 5Rank: 5


2058
發表於 22-10-3 21:41 |顯示全部帖子
我個仔舊年考小一,因為有妹妹跟尾,一直心儀津校,呢個階段只報了2間大熱直資,加上佢性格內向,結果當然2間都係first round out,手上只有二線私小offers。
到了今年1月至4月,有多2間intreview機會,但由於疫情,一間拍片,一間Zoom in,2間也in到喊晒,當然,亦冇offer。

到了6月,大抽獎甲一乙一乙二全部落空,於是,瘋狂入申請表叩門。結果,竟然是一間我原本冇特別考慮的直資收了,跟住我先細心研究間學校,先發現原來呢間學校好適合我個仔,亦同我的教育理念好相近。今年,開學了一個月,覺得真係冇揀錯,個仔讀得開心又學到嘢。

所以,請大家不要灰心,上年,無論我個仔interivew有幾唔理想,我從無懷疑過佢的能力,只要你信任你的小朋友,the best is yet to come,各位加油。

Rank: 4


925
發表於 22-10-3 22:19 |顯示全部帖子
超能爸爸 發表於 22-10-3 21:41
我個仔舊年考小一,因為有妹妹跟尾,一直心儀津校,呢個階段只報了2間大熱直資,加上佢性格內向,結果當然2 ...

我有追你個post呀,覺得你一直心態都好好!好佩服你