全級學生人數少咗，會否影響banding ?

pajamama

請問，如果學校今年六年級學生人數比去年(或之前幾年)少咗，咁對學生嘅banding 估算有冇影響呢？

例如：上學年全級有120人，而家得番90人。

geminialing

按比例會少左band1
例如以往50% band1即有60人,而家會得返45人

Joanlpk

會，邊緣人要小心

medicine

pajamama 發表於 22-9-27 16:35
請問，如果學校今年六年級學生人數比去年(或之前幾年)少咗，咁對學生嘅banding 估算有冇影響呢？

例如：上 ...

簡單講,會.
實際影響因素多,假如同區的外校因素沒變,(僅僅能講)接近是按比例計算減少的各個banding.

同區總人數的變化,包括跨走或外區跨入人數及binding,都是重要影響因素.

舉例:本校120人,各1/3.全區1200人.這好易理解,依然各1/3.

但假如本校120人,B1佔1成,B2兩成,B3佔7成,全區依然1200,則變成90人之後是否比例一樣尼?

該校減少的30人,實際減少3個B1,6個B2,21個B3.全區1200人變為1170個,但B1是400變成還有397個,B2是400變爲394個,B3是400變爲379個.實際此時本區的三個Band人數都是390個,即B1要減少7個,B2要減少4個,B3要增加11個.講白了,即本區減少的是B3多了,那麽B1就在減少人數后變少了.此時,本校的剩餘9個B1就要睇排在哪個位置了,是邊緣人的話又要考慮會否跌.

反過來,本校是B1佔7成,B2佔2成,B3佔一成的話,減少的是B1的多,則剩餘人數增加成爲B1的機會.

medicine

medicine 發表於 22-9-27 17:50
簡單講,會.
實際影響因素多,假如同區的外校因素沒變,(僅僅能講)接近是按比例計算減少的各個banding.

如果考慮跨入的因素,就更複雜了.
跨入的全是B1或B3結果大不同.

正如有人總是講中西區是好校網,那麽跨入的學生就會使各個Band產生的變化較大,因中西區人數少.同爲强區的KL3因人數衆多,變化沒甘大.

中西區,跨入100個B1A至B1B的話,同時跨走100個B2至B3,想想,即刻有100個本區的B1C變B2.(B1校多具吸引力,B2特別是B3沒乜吸引力,那麽本來就跨區入讀的小六生就會轉爲住址抽B2或B3校.而不是猛龍不過江,穩B1才會跨入強區抽.當然,這是假設,實際應該沒甘多)

lot888

都想請教如班人數由上年120人变成今年90人，同樣考級31，RO有什麼变化？如果冇，其實係對自行冇影響？只影響大抽獎？

worldcat

因為阿囝一屆係加班，所以都有嘗試去了解計法。
其實年年人數都有出入，所以不論多左人或少左人計法都係相似。
樓上分享用百分比計返好最大路同易明。

再深入少少係edb會用特定算式好計返每一慣排名的分數然後再做同呈分排名配對。

lot888

如果係咁，即每間學校都有條bell shape curve. Fill in 人數密度有唔同。如果五年級人數多，走咗一班較差，本身中或中上會向後移。相反，如果走咗班勁嘅，中或中下游一班向前移。當然如果小一到小六人數冇变，無論這年多一班或小一班都冇影響。好果真如此，又假設移民多是富有人，資源較多，成績較好，那大家應插港島較好小學，令自己RO自動上升。

worldcat

lot888 發表於 22-9-27 20:56
如果係咁，即每間學校都有條bell shape curve. Fill in 人數密度有唔同。如果五年級人數多，走咗一班較差， ...

所以除咗兩位級一不變，其他名次的RO無話一定好左定差左。主要睇返學校本身歷屆pre s1分數分佈，但呢樣要edb先知道。

HK-MAN

但BAND 1 學校學位冇少到..

cyiuming

pajamama 發表於 22-9-27 16:35
請問，如果學校今年六年級學生人數比去年(或之前幾年)少咗，咁對學生嘅banding 估算有冇影響呢？

例如：上 ...

應該係B1易入咗

iloveubb2022

cyiuming 發表於 22-9-28 12:35
應該係B1易入咗

如本身是中西區咁是不是易入返自己區
因為唔想去其他區

lot888

回覆 iloveubb2022 的帖子

中西區多傳統名校，在交通方便的情況下变得更吸引。自行會是一個激烈的戰場，但大抽獎又未必有大改变。看你選邊個戰場。如大抽獎，又是小五就加D力。如是小六，就開足全力。自行唔得，再大抽獎。如果是囡，又能保待 band 1，就更加任我行。祝願入讀心儀學校。

iloveubb2022

lot888 發表於 22-10-9 11:38
回覆 iloveubb2022 的帖子

中西區多傳統名校，在交通方便的情況下变得更吸引。自行會是一個激烈的戰場，但 ...

女呈一後排名暫時是band1
就是怕自行表現唔理想
本身是中西區抽獎是不是較有利

Poyau

iloveubb2022 發表於 22-10-9 13:04
女呈一後排名暫時是band1
就是怕自行表現唔理想
本身是中西區抽獎是不是較有利

中西區大抽獎B1女校有餘位給B2生

lot888

如果係囡囡，優勢更大。有3間傳統名女校，自行會激烈，但大抽獎會較易，我'自已'覺得B2A上移机會高。除非老師話我B2B，否則我會玩大抽獎。不理想再扣門，幾會還是有的。但小心最近一年升中，女英華本身冇扣門，但聖提女好像也沒有扣門資料。可能扣st clare是選擇。努力點，祝願成功。

Charlotte_mom

HK-MAN 發表於 22-9-28 08:02
但BAND 1 學校學位冇少到..

係
但條數唔係咁計，我姨甥上年正是嚇到鼻窿無肉果種
平時頭40 band one（老師保守估計），姨甥難得越戰越勇，兩次呈分排名去到35左右，諗住終於唔駛邊緣
點知晴天霹靂，老師話人少咗，有好微好微機會跌band 2
救命啊！b1同b2係完全兩個世界。你話一開始揀b2嗎？死唔甘心，立定決心只揀b1嗎？唔敢！
結果在自行直資全落空情況下，只敢搏一間肯定b1校, 乙二已選b1c, 乙三已b2
我哋灣仔網，勁夠b1位，但位多同自己跌落b2，係兩回事！如果真係唔好彩真係b2, 再加隨機號碼唔靚，而我哋又照揀晒b1校，係會超勁大煲 （衰咗只能靠叩門，當然，級排名尚算不俗，想叩b1c應該仲有點機）

所以，band 1生少咗，但band 1位無少情況下，只會益咗幸運+敢搏嘅b2生；對不幸邊緣+跌band+照選b1嘅學生，仍有一定影響（如本區band one位不足，邊緣人叩門未必係happy ending)

Charlotte_mom

補充一句，最後姨甥後補入自2（因係他區校，乙4抽入機會甚微），所以相信最後結果係band one (亦有排名差不多同學/選同校自行唔收嘅抽到入band one校）

HK-MAN

Charlotte_mom 發表於 22-10-9 23:25
係
但條數唔係咁計，我姨甥上年正是嚇到鼻窿無肉果種
平時頭40 band one（老師保守估計），姨甥難得越戰越 ...

多謝版主指教!

lot888

回覆 Charlotte_mom 的帖子

Charlotte mom帶出一個非常好的啓示。先問2個問題。1）老師的健議在自行前或自行後？有否改变你所選學校？ 2）級35上年或上上年派位如何，級40前能入讀B1中學？
我識一個人情况跟你相似。老師之前說B1，後说有机會B2。而家長反應也跟你類似。最後驚風險，離場選非熱門直資。
我绝非黑化學校，但學校同家長確是有利益衝突點。你如果自行成功，學校當然高興，大肆宣傳。唔成功，學校嘅止蝕位就係頭3志願。所以佢一定俾你一個危机感，今你放乙2，乙3很大机會能入讀中學。所以家長要客觀，睇學校派位數據，多聽多方面意見，再下決定。小朋友選校應掌握在家長手中，非學校。
相信小朋友自2也是B1中學，不下於乙1選擇。如果係，級35照入B1。從以上論點，B1位足，B2頭學生向上移情况未被打破。從始至終只是老師一句似是而非的一句話令你優心机個月。