要為仔仔買平板電腦, 有無好介紹?

Dinowkm

話說我係一個唔鐘意小朋友成日對住個MON的落後家長, 因為我覺得小朋友唔應該太早接觸電子產品.
但係, 學校有好多嘢都係喺網上教育, 有APP有網頁, 唔登入去就學唔到嘢, 所以我而家都投咗降, 決定買部平板俾仔仔. 唔知市面有咩選擇呢? 第一係唔會太傷眼, 第二係CP價要高.

fupigpig

Dinowkm 發表於 22-9-25 22:44
話說我係一個唔鐘意小朋友成日對住個MON的落後家長, 因為我覺得小朋友唔應該太早接觸電子產品.
但係, 學校 ...

都係iPad啦，好多小學揀iPad主要係有d出版商只有IOS版本。
傷唔傷眼係視乎點用啫，應該同咩牌子、型號冇乜關係。
而家小學都推自主學習，電子產品要嚟「用」、要嚟「玩」係兩回事，我又唔覺得早接觸有問題。

加樂爹

我認為睇Budget, 未必一定要i-pad, 因為部平板真係預左只係比阿仔學習用, 家長自已上網, 打機, 煲劇...一定用另一部機, 因為咁樣至安心廣告, 應用程式上下載, 或是遊戲設定時限...都分級受限.  好快就會用1-2年, 到時, 同一功能既平板, 會降價好多, 所以唔值得花太多錢.

最省時方法, 你去豐澤/百老匯問下sales 意見, 佢地真係最貼地推介產品.
之後, 你可以再去其他地方格下價.
可能佢地較貴1-200左右, 但係通常會送回一些禮品.
所以, 除非差好多, 我覺得會買佢地既專業.

我認為考慮條件是:
1. 10" 以上, 屏幕太細, 長期看會眼勀.  通常家裡用, 所以只要不太大, 便可以
2.  顏色不要太鮮艷 (不用那種強色, 煲劇用的)
3.  次考慮條件, 如果有HDMI插頭, 有時可以插上MON/電視看.

akys

Dinowkm 發表於 22-9-25 22:44
話說我係一個唔鐘意小朋友成日對住個MON的落後家長, 因為我覺得小朋友唔應該太早接觸電子產品.
但係, 學校 ...

如果唔要拿回學校，最好係放喺廳嘅PC+ Mon，容易控制。我孩子中五要準備考試，先買部Ipad俾佢，確實用作溫習和做Past Papers，無可取代。

notcool

回覆 Dinowkm 的帖子

>> 第一係唔會太傷眼

這也是我的擔憂。

最後，我買了一台磨砂屏幕的筆記本電腦。用了5年多了...也放在飯廳, 可以監控.

我們主要使用google class、電子郵件、瀏覽器......
所以，更喜歡使用合適的鍵盤。

boyboobee

小學時就買咗部laptop，主要係慳位，而且用完就可以收起鎖埋，冇得濫用。到咗中學因為學校規定要用ipad，咁就冇得揀啦。所以其實如果學校冇指定，又有地方就PC，如果好似我咁想做完功課就鎖機嘅，手提電腦嘅尺寸易收。

hotmilktea_4

見學校多數用i pad