黑心補習社—大圍精思教育中心

女女大過天

大家千奇唔好去呢間野！！！！
   環境：差，求其租間村屋幾間房做課室。宣稱有總校分校，其實只係租左兩間村屋
功課輔導班：課堂管理極差，學生基本無人管，淨係求其做完功課就算，基本英文grammar、數學題都會錯。
專科班：性價比極低，4堂過千，導師都係pt仔，無功課，無練習，上4個鐘就千二，完全學唔
到野。
客戶服務：惡劣 老闆老師勁串 目中無人 完全唔會照顧學生需要 只管收錢了事 教畜多
課程與導師：所謂嘅多樣課程同名校導師其實就是請人兼職翻黎教一兩個鐘，可以真系長期照顧學生嘅老師根本無。
老實講佢功課輔導班唔算貴，但對學生完全無幫助，補呢個只係自己呃自己。只想賺錢嘅黑心
補習社，建議大家千奇唔好中伏，寧願洗多小小錢都好，俾小朋友好啲嘅學習環境。近朱者
赤，近墨者黑，千奇唔好染黑自己小朋友！

aikemty

多謝分享，第一次聽租村屋做故育中心

marrowcherry

小朋友去依d補習社，真係嘥時間又學錯嘢。

piglover

aikemty 發表於 22-9-20 23:51
多謝分享，第一次聽租村屋做故育中心

大圍好多補習社都係租村屋㗎。

大眾教室，Math concept ，公文數都係。

Jean1769

piglover 發表於 22-9-21 14:52
大圍好多補習社都係租村屋㗎。

大眾教室，Math concept ，公文數都係。

你講果幾間大野都係franchise黎

piglover

Jean1769 發表於 22-9-21 16:14
你講果幾間大野都係franchise黎

我見有d細都係村屋嘅。

我係話村屋又未必代表補習社有問題。(利申: 不認識樓主口中嘅補習社)

首先，樓主話自己參加功課輔導班，呢d真係唔好expect有人幫小朋友補習。通常都係幫小朋友睇功課。好d嘅，會教下小朋友做，差嘅，會直頭比埋答案小朋友抄。通常唔好預小朋友會學到嘢。對雙職家長嚟講，呢d班都係make sure小朋友做完功課，無甩漏，明天有得交就算。好d嘅，會幫小朋友溫要默書，當然，都要小朋友合作才可以。有時候有d小朋友一兩個鐘都未做完功課，點會有時間溫默書。

樓主如果想補習，應該搵番專科專補的補習社。呢d所謂全科補習加睇功課，一定唔會補到d咩好肙。人地大型補習社，例如，大眾教室，數研，Math concept ，人地有專人寫教材去教小朋友，真係好唔同㗎。