仁立放學事件

天外之人

medicine 發表於 22-9-16 16:03
回覆 天外之人 的帖子

會員講得沒錯."都幾搞笑.沒睇新聞就評論."

咁又係,我咁都可以教到小朋友中文咁好.你話幾咁奇怪.
你會錯意吧,提出降低DSE中文要求係因為睇到論壇好多人講中文難,我孩子唔需要降低.

Poyau

Azzurro 發表於 22-9-16 09:07
一般來說，制度係沒咩問題
但是人太多，小孩突發事情太多
小學放學同幼稚園放學有幾混亂

初小唔坐校車/褓姆車 自行解散放學?
通常要大人親自到學校接
老師會睇住無人接無得走

fupigpig

天外之人 發表於 22-9-16 18:36
因為學校安排失當冇得講,所以唔需再多講. 若果家長教得好,孩子點會咁容易走咗出去,明知要坐校車點解冇去坐? ...

其實你到底睇左報導未？定睇完都唔明呢？？
點樣上校車當然係學校去教，家長頂盡都係提醒小朋友要聽老師指示。
佢只係返學半個月，佢係排錯隊，但唔係自己走咗去，佢都係跟住老師，跟左自行隊離開學校範圍！
而你就扭曲到父母唔識教？？

legolas625

梗係仁立責任啦，唔見學生仲唔肯報警，小一新生好細個WOR，俾我都鬧爆學校，分分鐘會出人命。

副校好口臭，暗示受害人一家有問題，好無口德，叫人地點面對同學、家長，我明點解佢俾人粗口問候，咁既態度，唔爆粗至奇。

簡單啲來講

呢個係校方全責，一看就知，校方唔得辯。出個通告道下歉，以後改進，就這麼難麼？副校長還要說人地全家都唔正常，佢腦子不好使吧。不管人地係唔係sen，咁樣就係歧視了。人地是否繼續讀你學校係人地的事。這個副校長根本對家長基本尊重都無。。。遇到事情第一想到就係推卸責任，推比細路仔，推比家長，事情鬧大索性說人地一家人唔正常。這樣的學校真係讓人擔憂。。。

medicine

看來,理性的會員還是佔絕大多數.








上面個句話,亦反映了仍有"一小樶人"是非理性的.以"真理往往掌握在少數人手中"這一句來睇,就不難理解,吃屎的還是大衆,自求多福吧.

Azzurro

Poyau 發表於 22-9-16 18:58
初小唔坐校車/褓姆車 自行解散放學?
通常要大人親自到學校接
老師會睇住無人接無得走

我小朋友小一一開始的時候（上年）已經有同學可以自行回家（我小朋友係校車隊）
班主任會分開幾邊：校車隊，自行隊，家長接隊

如果家和學校距離 300-500米內，我覺得小一（學期中）絕對可以訓練到的

我看地圖，我家距離校車點係 250米，中間有兩個短紅綠燈
我宜家積極訓練自行去校車點 / 自行從校車點回家
一開始自己搞掂其中 50 米，之後加長到 100米，150米等等
當然要反復強調如何應對陌生人，和如何過馬路

天外之人

我所指出家長教好啲,就算孩子冇上校車都唔會比老師帶了孩子出街內. 家及校一起教孩子係最快令孩子成長及學到野,學習係要過程,唔係剩係要結果.由始至終都講今次呢間學校係錯,衹係家長亦都有一部份責任.
小一生唔係中一生,亦都係剛適應新學校階段,家長更應著緊孩子好多教育及生活,咁細個更應教對與錯,明知坐校車就更應教佢唔可以亂走,向老師提出自己係坐校車,唔係盲目掛牌係咩就係咩,就此事件反映小一生係唔應該可以有自行隊,就算走失都應教佢企定定在一個安全固定地方,唔係單單教點樣單獨回家就係叻,更何況交通事故亂咁開車既人幾多,邊位家長咁肯定小一生突如其來舉動唔會做成出錯問題,唔通真係出事故先後悔點解要教佢單獨回家.若家長在孩子小一階段天天肯陪接送,孩子跟本就已經加深記憶回家路,不用刻意去教(除非家長唔想陪,這更是小朋友隨時稔到怕原因之一),這亦都係親子既一種.

medicine

令我想起了一首舊歌.
林憶蓮 - 講多錯多 (都市觸覺 Part I City Rhythm) - YouTube

hundred100

medicine 發表於 22-9-19 11:12
令我想起了一首舊歌.
林憶蓮 - 講多錯多 (都市觸覺 Part I City Rhythm) - YouTube

同感，現今EK真可悲，應來的人不再來，該走的人卻沒走。

高0媽媽

hundred100 發表於 22-9-19 11:23
同感，現今EK真可悲，應來的人不再來，該走的人卻沒走。

同感x2

知已一聲bye bye 遠去這都市⋯⋯

NEWTL

天外之人 發表於 22-9-19 11:01
我所指出家長教好啲,就算孩子冇上校車都唔會比老師帶了孩子出街內. 家及校一起教孩子係最快令孩子成長及學 ...

又或者應該咁講啦，若然係你教你自己小朋友做一件事，是否講一次小朋友之後就一定做到？而你又如何得知果位小朋友的父母沒有教小朋友不要亂走呢？始終係一個六歲小朋友，就算本身係識應該點做，但第一次發生既特別事故，一個小朋友不能亂，不能做錯決定？我相信就算大人，係其他問題上，因為臨場應變情況下而做錯決定也是有可能的，更何況一個六歲左右的小朋友？我相信大多父母平常亦有教小朋友不要亂走或要聽從老師指示，但小朋友一兩次的失誤總是有的，那若然那小朋友的父母有作出適當的教導，那你先入為主的說法就對那對父母不公平了。而這件事上，學校應負上相當大的責任，而相信所有人包括你都係應該沒有異議的吧   。

天外之人

NEWTL 發表於 22-9-20 01:03
又或者應該咁講啦，若然係你教你自己小朋友做一件事，是否講一次小朋友之後就一定做到？而你又如何得知果 ...

學校負相當大責任就肯定絕無異議.

的確不是講一次就會明白,所以呢啲野從開始上幼稚園時候就濯輸,帶小朋友行街回家的路,一般都唔會去過多唔同地方,讓小朋友加深記憶,且更會講唔好自己一個亂走,走失都去一個最安全既點(如地鐵內詢問處/便利店),絕唔好亂過馬路. 你也會講小朋友隨時都會亂走開機會,更何況剛升讀小一,作為父母著緊小朋友,一定再三向小朋友知道要坐校車回家放學安排,斷唔會走其它方式,如你所講都會有臨場應變情況發生,所以點解我係十分堅持學校小一生應該衹可以家長到校接送才是正確(這亦都是親子關係一種).可以單獨回家唔係叻,我覺得若真係出事故受傷,父母隨時都有可能犯了疏忽照顧兒童罪.

mechanics10

天外之人 發表於 22-9-20 12:00
學校負相當大責任就肯定絕無異議.

的確不是講一次就會明白,所以呢啲野從開始上幼稚園時候就濯輸,帶小朋友 ...

你話 "所以點解我係十分堅持學校小一生應該衹可以家長到校接送才是正確"

唔洗出去工作緊係可以24小時照顧小朋友啦, 香港有好多雙職父母, 要搵食架, 叫4大長老去學校接又驚佢地辛苦, 坐校巴係唯一途徑

你有條件緊係自己接啦, 但唔係個個香港人好似你咁架, 大把阿媽要返工。

964000

mechanics10 發表於 22-9-20 13:10
你話 "所以點解我係十分堅持學校小一生應該衹可以家長到校接送才是正確"

唔洗出去工作緊係可以24小時照顧 ...

其實在學校立場都未必想，個個都自己接送會攪到上下課時間，學校附近的交通好擠塞。

aikemty

好彩小朋友冇事，呢間學校咁都可以推卸責任

fupigpig

mechanics10 發表於 22-9-20 13:10
你話 "所以點解我係十分堅持學校小一生應該衹可以家長到校接送才是正確"

唔洗出去工作緊係可以24小時照顧 ...

N班都冇必須只可家長到校接送啦！更何況係小學呢！

佢硬要將事件中嘅家長責任放大嘅話，其實都冇乜好討論。

hundred100

fupigpig 發表於 22-9-21 07:07
N班都冇必須只可家長到校接送啦！更何況係小學呢！

佢硬要將事件中嘅家長責任放大嘅話，其實都冇乜好討論 ...

個位人士只系生活系自己的邏輯里，根本唔了解香港一般家庭的情況。否則就是懷有特殊目的。大把小一新生坐校車，學校的責任就是要確保搭校車的學生上到校車或者交到校車姨姨手上。家長只需要教小朋友系學校聽老師話，唔需要了解學校分幾個，幾種，幾條放學隊。
又唔見其他學校有呢滴事發生?退一萬步講，間間津校都唔少SEN啦，又唔見人地有事?個副校人品真系差到極致。

AL1987

回覆 hundred100 的帖子

另類宣傳

天外之人

mechanics10 發表於 22-9-20 13:10
你話 "所以點解我係十分堅持學校小一生應該衹可以家長到校接送才是正確"

唔洗出去工作緊係可以24小時照顧 ...

所以呢啲亦都係教育制度唔好之下做成, 我都唔係好有條件,為了孩子好放棄自己職業全職家庭主婦.