校車安排

JackyTY

本帖最後由 JackyTY 於 22-8-16 01:27 編輯

有關校車，今日剛收到校車上落車final schedule，我哋屋苑距離學校最近距離，但放學就篇排最後一站落車。第一站同我哋一站相差40分鐘，全程車共1小時20分鐘。依家要遊完比我哋屋企距離更遠嘅地區先返到。
睇返以往校車資料，我哋屋苑係最近學校嘅一站，唔知點解忽然有咁嘅安排。唔係一定要篇係第一站，但都無估到變咗最後一站。
本來有其他offer，學校同屋企距離係其中一個選擇學校嘅重要考慮因素，但校車時間嘅安排，遠遠超越我哋估計範圍。而本身安排好嘅課外活動，如果跟校車放學，跟本全部會趕唔切。
搭校車就係想方便接送，同慳時間。本身約4千蚊一個月校車費，就係想買個方便。而家要額外安排交通同人手去提早啲接小朋友，覺得好無奈，又無其他選擇。已同校車公司反映，得出結果係我哋可以選擇withdraw school bus service。
成日諗，應唔應該同學校反映？
純呻文。

ckmammy

回覆 JackyTY 的帖子

呢個安排真係好唔合理，我係你就一定會同學校反映。 不過學校受唔受理係另一回事。 你都要諗定其他方案或者轉校

nervousmichelle

JackyTY 發表於 22-8-16 01:21
本帖最後由 JackyTY 於 22-8-16 01:27 編輯

有關校車，今日剛收到校車上落車final schedule，我哋屋苑距離 ...

可否搵下同個屋苑有冇其他小朋友返同一間學校，幾個人share一部的士返學？我個囡之前學校都係校車時間同地點唔合適，附近亦冇同間學校嘅同學，最後係安排工人姐姐每日接送。

JackyTY

ckmammy 發表於 22-8-16 07:02
回覆 JackyTY 的帖子

呢個安排真係好唔合理，我係你就一定會同學校反映。 不過學校受唔受理係另一回事。  ...

我都唔知應唔應該反映，小朋友日日都响佢哋車，擔心會有說話聽之類。 其他方案就係姐姐搭的士去頭站 (約10分鐘的士車程) 去嗰度接，再帶去上課外活動。頭站係一個要行15分鐘，先到地鐵站嘅屋苑。一個星期有四日都要係咁。本來就係想小朋友先返屋企少少休息，再去上ECA，依家要咁，真係有校車又煩，無校車又煩。
其實今年先插班入，轉校真係好難。

JackyTY

nervousmichelle 發表於 22-8-16 08:33
本帖最後由 nervousmichelle 於 22-8-16 08:34 編輯

可否搵下同個屋苑有冇其他小朋友返同一間學校，幾 ...

唉，呢個方法行唔通，因為我哋住九龍，學校响港島(我哋已經住係最近過海嘅位)，要每日姐姐過海送返學，佢來回好趕。二來學校要登記car plate 先可以入，所以Uber行唔通。
基本上校車公司係獨巿，我只係問下可以點安排，佢已經send email 嚟話直接cancel咗我afterschool service，我反而要覆返請佢先保留個 service.

SISian

回覆 JackyTY 的帖子

九龍去港島要1小時20分鐘咁耐？

JackyTY

SISian 發表於 22-8-16 09:50
回覆 JackyTY 的帖子

九龍去港島要1小時20分鐘咁耐？

我哋住紅磡，回程校車由港島先去太子窩打老道，九龍塘，何文田，土瓜灣，再返紅磡
咁算唔算唔合理？

SISian

回覆 JackyTY 的帖子

咁真係好耐喎，我由將軍澳去深灣都係45-50分鐘

ckmammy

JackyTY 發表於 22-8-16 09:58
本帖最後由 JackyTY 於 22-8-16 09:59 編輯

我哋住紅磡，回程校車由港島先去太子窩打老道，九龍塘，何 ...

如果係咁又未必唔合理，起初你話住喺學校最近屋苑， 以為係講緊假設你住黃埔， 學校喺何文田， 但校巴就先去其他區。 但原來係港島過海咁就另計。 可能比較多學生喺其他區落車， 所以最後先返紅磡。

nervousmichelle

JackyTY 發表於 22-8-16 09:44
唉，呢個方法行唔通，因為我哋住九龍，學校响港島(我哋已經住係最近過海嘅位)，要每日姐姐過海送返學，佢 ...

可否將ECA附近嘅站作為落校車嘅地點，問下校車公司會否新增該點落車，咁樣就無需接送，小朋友自己可以去上ECA?

JackyTY

ckmammy 發表於 22-8-16 10:28
如果係咁又未必唔合理，起初你話住喺學校最近屋苑， 以為係講緊假設你住黃埔， 學校喺何文田， 但校巴就先 ...

所以我都唔知算唔算唔合理，不過我哋選擇學校時，有根據校車網頁上往年車站做reference，佢哋係本來放紅磡係最近學校嘅車站。所以無諗過今年反而放最尾一站。

JackyTY

nervousmichelle 發表於 22-8-16 10:28
可否將ECA附近嘅站作為落校車嘅地點，問下校車公司會否新增該點落車，咁樣就無需接送，小朋友自己可以去上 ...

校車公司回覆，EDB唔容許switch bus 所以只可以同一架車，同一條路線，但可以選擇提早車站落車。

JackyTY

JackyTY 發表於 22-8-16 10:35
所以我都唔知算唔算唔合理，不過我哋選擇學校時，有根據校車網頁上往年車站做reference，佢哋係本來放紅磡 ...

本身考慮學校係一小時內嘅交通時間。

ckmammy

JackyTY 發表於 22-8-16 10:35
所以我都唔知算唔算唔合理，不過我哋選擇學校時，有根據校車網頁上往年車站做reference，佢哋係本來放紅磡 ...

如果係咁可唔可以問下點解佢哋要咁改？

001khuc

回覆 JackyTY 的帖子

最後一站落車，請問係咪最後一站上車？定去程要最早上，回程最後落？

JackyTY

001khuc 發表於 22-8-16 11:00
回覆 JackyTY 的帖子

最後一站落車，請問係咪最後一站上車？定去程要最早上，回程最後落？ ...

去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。

JackyTY

ckmammy 發表於 22-8-16 10:55
如果係咁可唔可以問下點解佢哋要咁改？

校車公司CS答呢個係路線planning team 做嘅路線planning，今個學年都唔會再做改動。

melobi12

個人經驗只可以硬食....

我地揀學校前明明睇左上一學年校車有我地屋苑呢個站，我地先選擇間學校 + 買樓搬屋

點知之後通知我地成條校車線冇左~ 我輾轉揾到一啲家長傾過，又同校車公司周旋過，email cc 埋學校，都係冇用ga。校車咪假咨詢、出返條tentative 路線出嚟，但完全唔就返附近返學小朋友o既pick up point，又收貴其他線成千蚊，結果唔夠人揀 (橫掂都要轉一程車，與期俾貴$1000，其他家長寧願揀其他bus route)。

最後我地焗住揀其他路線放學由屋企人接 + 自己送返學。

佢地根本獨市生意，唔憂做，你呢啲小數家長出聲，佢睬你都傻。除非你個屋苑好多小朋友上車，你地全部家長一齊同佢bargain，咁先有希望。學校唔會幫你搞校車路線上落車先後，在佢嚟講，有你屋企個站，你仲想點? 實有人早落車有人遲落車ga...

mehaha

delete

001khuc

JackyTY 發表於 22-8-16 11:50
去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。
...

咁其實都算公平，一程快一程慢，都叫做有校巴選擇

有些地區，就算接受個半鐘車程，都唔一定肯開校巴路線