Skh pm/ SH am/ 靈糧am

safana888

findingdory 發表於 22-8-28 01:10
我係六年用家，從來未見過一個惡老師。所有老師，員工，姐姐都對同學極之關愛。校長更加唔使講，無疫情時 ...

既然你講到學校咁好、支援咁全面，對學校充滿信心，但明明楊校長由k1已主張大家勿外補、去多啲公園算，請問你係咪零外補都考到入好嘅學校？點解呢方面又唔遵從學校嘅方針呢？我覺得大家真係不妨老實啲啦。

a_c2612

safana888 發表於 22-8-28 23:24
既然你講到學校咁好、支援咁全面，對學校充滿信心，但明明楊校長由k1已主張大家勿外補、去多啲公園算，請 ...

其實學校有咩唔老實？ 校長有將學校方針第一日同大家講清楚。你小朋友入不到心儀小一真的全因為校長和學校嗎？ 那只代表你未夠了解遊戲規則

findingdory

safana888 發表於 22-8-28 23:03
K2有個老師出晒名惡，矮矮哋嗰個，資深舊生家長都會祝福新生唔好派到佢嗰班，可能你六年都係只關注喺自己 ...

第一，都係好似我之前咁講，從來都未聽過有資深/無咁資深嘅家長講過學校有邊個老師特別惡。而我好彩亦無遇過。

第二，我無講過考到好小學所有功勞歸功哂學校。我有講要考直私，無論邊間幼稚園都要靠家長發功。呢句你有無睇到？
我話學校著重德育多過要谷你入名小。我見嘅skh學生，都係有禮貌大方自信，表達能力強。呢啲特質相信都係受所有學校歡迎吧。再加上家長發力提升學術，自然大部份都成績不錯。不嬲Skh學術係偏淺，不足夠應付考小，唔係係人都知㗎咩？入得去都要預咗補學術。唔係有人天真到，以為入到skh就一定入硬神小嘛？

第三，即使好多學校有舊生家長分享，難道這就唔算係學校支援？而且我有提到小學參觀，我深信唔係間間學校會有spcc, sscps, spb etc特別安排俾skh家長嘅校長講座和專人帶領參觀學校吧。你可以話因為大家都係聖公會旗下，但呢啲咪就係skh俾到嘅bonus囉。

findingdory

safana888 發表於 22-8-28 23:24
既然你講到學校咁好、支援咁全面，對學校充滿信心，但明明楊校長由k1已主張大家勿外補、去多啲公園算，請 ...

都唔明你覺得人哋有咩唔老實係咪乜都要喺班group週圍講先叫老實

大意回覆如上，不重複了

Jean1769

safana888 發表於 22-8-28 23:03
K2有個老師出晒名惡，矮矮哋嗰個，資深舊生家長都會祝福新生唔好派到佢嗰班，可能你六年都係只關注喺自己 ...

喂呀，你咁老實直接得唔得㗎

azure7689

safana888 發表於 22-8-28 23:24
既然你講到學校咁好、支援咁全面，對學校充滿信心，但明明楊校長由k1已主張大家勿外補、去多啲公園算，請 ...

校長係話小朋友一定有小一學位，無話一定入熱門學校，大家要搞清楚。

同埋真係有同學零外補雙手offer最後入到好學校。
每個家庭取態不一樣，有人預咗自己加強，有人根本志不在神校。低調唔掛口邊唔等於收收埋埋，對小朋友有要求亦唔等於競爭心大。講真有好多人無諗住同你鬥亦唔需要同你鬥。

大家眼光闊啲，唔好成日以己度人啦。

Godark

我自己冇補習，亦唔係入所謂神校，但都會俾第二個小朋友入，純粹因為呢間真係一間喺香港來講碩果僅存的一間好好嘅學校。就算有龍、名津、名私幼我都冇揀，呢啲係個人嘅價值觀問題，冇必要爭論，鍾意就鍾意唔鍾意就唔鍾意。大家家長都會志同道合，無論背景同與不同，但理念一致。好嘅學校好嘅家長自然會教出好的小朋友。如果你要搵啲鍾意講喂呀，或者做一啲無聊嘅題目去引來一班志同道合嘅人去寸其他家長不是，咁呢間學校應該唔適合你，學校亦應該有慧眼唔會揀到你，所以唔使擔心。

Jean1769

Godark 發表於 22-8-29 12:35
我自己冇補習，亦唔係入所謂神校，但都會俾第二個小朋友入，純粹因為呢間真係一間喺香港來講碩果僅存的一間 ...

明白，唔講喂呀講哎呀，原來好到全港碩果僅存咁珍罕，好成咁，你之前就唔好vs坑真幼直接去馬丫嘛。

碩果僅存咁勁，我覺得我連提佢個名既資格都無我呢d粗人都係收聲喇，唔好意思褻瀆咗神幼

safana888

azure7689 發表於 22-8-29 10:33
校長係話小朋友一定有小一學位，無話一定入熱門學校，大家要搞清楚。

同埋真係有同學零外補雙手offer最後 ...

會唔會你先係以己度人嗰個？完全活喺自己個世界度，睇下每年學校公佈嘅升小成績啦，數據證明咗你講嘅完全係廢話。

safana888

findingdory 發表於 22-8-29 00:36
都唔明你覺得人哋有咩唔老實係咪乜都要喺班group週圍講先叫老實

大意回覆如上，不重複了

話入skh唔係為名氣，只係為”愛”，咁都叫老實？虛偽到想嘔呀。

Jean1769

safana888 發表於 22-9-15 16:31
話入skh唔係為名氣，只係為”愛”，咁都叫老實？虛偽到想嘔呀。

其實為左名氣、升小而揀學校係非常之正常不過，否則俾幾千蚊為乜？又唔係有語境、校舍又唔係特別掂。

之前睇了集鏗鏘集定星期日檔案，講學券幼稚園被殺校，見到d老師點喺超有限資源下將最好的俾小朋友，就真係感受到佢哋的熱誠同埋愛心

findingdory

safana888 發表於 22-9-15 16:31
話入skh唔係為名氣，只係為”愛”，咁都叫老實？虛偽到想嘔呀。

我無講過呢句說話，唔該唔好亂咁引用。你可以有自己睇法，其他人都可以有唔同睇法。呢位家長唔好咁大壓力，祝福你小朋友入到心儀學校。

siraK

safana888 發表於 22-8-25 13:16
某些老師又嚴又惡、對小朋友包容力十分低，師生比例一班差唔多2:30, 課堂活動又多又密，唔忽視小朋友已萬 ...

我諗外唔外補唔關學術強定弱事，出名學術強既名幼都好多小朋友狂外補，外補與否都係取決於家長考小心態

另外，SKH K3配合課程係3個班主任的

azure7689

safana888 發表於 22-9-15 16:28
會唔會你先係以己度人嗰個？完全活喺自己個世界度，睇下每年學校公佈嘅升小成績啦，數據證明咗你講嘅完全 ...

你都可以話我活在自己嘅世界裏面嘅，因為我身邊嘅SKH家長有分享資訊，小朋友認識到一班好同學，大家外補有多有少都考到好學校，同呢個帖嘅一啲講法真係平行時空咁。
唯一我唔明學校升學數據點樣證明我講嘅係廢話，係同以下邊點有矛盾呢？

A) 校長話小朋友一定有小一學位，無話一定熱門學校
B) 有同學零外補入到好學校
C) 有人志不在神校
D) 低調唔等於收收埋埋
E) 對小朋友有要求唔等於競爭心大
F) 以上皆是？

入神校當然唔易，入一線學校真係唔需要收收埋埋&大量外補，我只係分享我嘅睇法，唔想prospective parents被誤導。

MKH97

回覆 findingdory 的帖子

完全認同findingdory的說法。我是用家，大女剛升小一，細的剛K2. 非常喜歡SKH。 入得去，預左學術不是學校強項，但個人選擇這學校因為著重品德教育。

臭屁股

利申，係近年舊生

Skh又不致於講到咁差嘅，大部分教師職員都有愛心，注重品德教育，但係的確學術淺靠外補，行政慢又唔會與時並進。

K3有三班主任，開始有升小適應課程內容，但係K2考小學嘅支援係近乎0，校長都有點兒佛系，除非你小朋友全軍覆沒，主動揾佢幫手，佢係會盡力幫手。

升小成績亮麗，係因為好多家長係關係人士，即係神校舊生，一班都有幾個，另外感覺唔少聖公會系嘅學校係收多啲skh小朋友，但係港同英華tsl 嗰啲係無咩優勢，入到嘅小朋友都係靠自己嘅。

仲有Skh條長樓梯好鬼攞命，真係行死人

臭屁股

呀仲有，當年，我小朋友班嘅家長係無分享升小資訊的，呢間學校嘅家長係咁架，低調低調低調，保持優雅，身份象徵！

siraK

其實想知道所謂既升小資料，自己班既家長會分享d咩？各學校既報名日期？考d咩？我朋友既小朋友讀某間連鎖名幼，問過佢哋，佢地喺班group都唔會講，只會到出2nd in/ final in/ offer時大家報數邊個入到, 因為話班主任要知道

上年朋友話佢小朋友班得佢個仔入到DBSPD 既second in, 跟住本身同佢有計傾既媽媽s 湊同接放學都無再同佢講野(emoji)

azure7689

siraK 發表於 22-10-19 06:11
其實想知道所謂既升小資料，自己班既家長會分享d咩？各學校既報名日期？考d咩？我朋友既小朋友讀某間連鎖名 ...

我都有呢個疑問，係咪其他學校間間個個家長都會將考小嘅嘢放晒係班group討論

温提某啲學校報名日期、有冇得抽獎、二面結果出email都有係班group分享。

我諗家長如果係第一個小朋友都要出席下活動，接送識下其他人，唔會諗住咩都喺班group share卦。
Label人哋收收埋埋，咁自己有冇付出呢，關係都要雙向吧。

siraK

azure7689 發表於 22-10-20 10:34
我都有呢個疑問，係咪其他學校間間個個家長都會將考小嘅嘢放晒係班group討論

温提某啲學校報名日 ...

係啦，幾時家長要喺班group share升小資訊變左選學校既其中一個指標？

同埋係要咩升小資訊呢？我相信有心考直私既家長，無論邊間幼稚園既家長都會自己做下功課