真心求教,中文差,可以點樣進步?

恐龍媽媽b

可否分享方法,謝謝!

foofan123

我都想知呀！

honeybibibibi

多閱讀

簡單啲來講

多默寫

catf2

恐龍媽媽b 發表於 22-8-4 12:11
可否分享方法,謝謝!

多閱讀,去圖書館借D簡單既中文書/小說比小朋友睇, 可以有插畫的, 培養小朋友閱讀的興趣各習慣

恐龍媽媽b

catf2 發表於 22-8-4 16:35
多閱讀,去圖書館借D簡單既中文書/小說比小朋友睇, 可以有插畫的, 培養小朋友閱讀的興趣各習慣 ...

可惜囡囡每次看中文書都不能完成整句,看到她付出努力也學不好,也覺得心痛!

catf2

漫畫的小小字引唔引到興趣

恐龍媽媽b

catf2 發表於 22-8-4 19:37
漫畫的小小字引唔引到興趣

可能平時囡囡睇開英文書,睇得津津有味.而家圖書館借了些有插圖和卡通的中文書,只見佢字不識讀,又唔明意思.所以後難引起興趣

catf2

恐龍媽媽b 發表於 22-8-4 22:23
可能平時囡囡睇開英文書,睇得津津有味.而家圖書館借了些有插圖和卡通的中文書,只見佢字不識讀,又唔明意思. ...

你同佢一齊睇, 解釋得有趣味D, 要比多D 耐性

lambeanmama

是詞彙不足問題。閱讀我分兩類。一是興趣類，超多圖好少字。任佢自己揭。另會安排「學好中文」類書籍。先建立閱讀自信，搵啲簡單啲嘅中文書。重複閱讀也很重。每本書，也叫小朋友自選三個「想學識」的詞語。

慢慢來，一步一步學。

天外之人

多閱讀就肯定,多默寫小小適量就夠(因功課都已經係). 歸根究底點令佢有興趣先係重點,唔知樓主小朋友多大,正常父母應該從小朋友小一開始提昇學習興趣,陪小朋友學習,講生動有趣帶有動態感故事,那些多餘課外習作唔需要太多做,抽樣做就夠.若父母唔怕辛苦,最好自己用筆或電腦抄寫題目更好,有人物就用熟識既(例如父母及小朋友名字),自然小朋友代入感都強啲,做都做得開心啲.

boboapril

做適合程度嘅閱讀理解練習，唔係淨係做完算，將文章朗讀，找新詞語，找佳句，抄寫段落，每星期一篇。另外，整本錯字簿，將平時所有曾經寫錯/唔識寫嘅中文字集合，反覆默寫下，肯定唔會錯，就刪走，比獎勵。

加樂爹

boboapril 發表於 22-8-19 10:40
做適合程度嘅閱讀理解練習，唔係淨係做完算，將文章朗讀，找新詞語，找佳句，抄寫段落，每星期一篇。另外， ...

我都覺得係要精選合程度的練習, 家長亦要先暸解子女能力.不過, 每當做練習, 又唔係個個小朋友咁聽話去做 (以一個1-2年小朋友)

一年級時, 我只選了些好文章. 呀媽話我傻既, 因為我有時會隨手選讀三毛, 朱自清的一小段形容/記事文章念比阿仔聽 (其實小一程度, 重點係要求描述事物).  我唔要求佢寫, 只要記住好的詞句 (份量約8-10句) , 以及運用作句就可以 (可以接受口語, 到時再糾正). 其實, 咁樣玩玩下都要30-45分鐘, 所以只可以星期六日假期同佢做.

當然, 不一定要係名作家, 不過家長須要先讀下文章語體.
(有些家長隨手攞頭條日報....但我覺得識字緊要, 但文章意境, 寫法多樣, 更加重要)

其實圖書館有d教導小學不同年級的作文方法, 可以比家長參考唸書重點應放在那裡.

另外, 坊間好多中文書, 語句都唔通, 又粗皮...家長要先選擇才好.

(可能有偏見, 國內編既語文書本, 係好好多)

到二年級, 當然又加做其他野...

天外之人

加樂爹 發表於 22-8-19 14:38
我都覺得係要精選合程度的練習, 家長亦要先暸解子女能力.不過, 每當做練習, 又唔係個個小朋友咁聽話去做 ( ...

提及的國內書本的確比較好些

boboapril

加樂爹 發表於 22-8-19 14:38
我都覺得係要精選合程度的練習, 家長亦要先暸解子女能力.不過, 每當做練習, 又唔係個個小朋友咁聽話去做 ( ...

其實多閱讀係興趣，真係未必改善到中文科成績，同意坊間d小朋友讀本其實都唔通順、冇邏輯，睇得多中文唔代表進步到呀！睇多啲書實無妨，小心選擇為上。

tkinwong

除非諗住移民，如果唔係就唔好令到小朋友重英輕中。

小觀

多閱讀，加上儘量多啲朗讀出來，容易培養語感，對作句作文會有幫助

Dorothy_1218

多閱讀 多討論 中文老師說 有左一定閱讀量的累積，內化左就自然會輸出

notcool

有時候孩子喜歡重複.
看書看成語故事，
youtube看成語動畫廊，

nhn729

可以睇下謝錫金教授本「幼兒綜合高效識字」，明白學中文字需要搞掂字嘅形、音、義三個範疇，高效地提升小朋友識字量，就可以盡快令佢地可以自行閱讀。