如果培育及發展資優小朋友？

happy.4ever

回覆 小曳人 的帖子

好犀利，你哋用好多時間陪小朋友👍🏻👍🏻👍🏻

小曳人

happy.4ever 發表於 22-7-20 23:21
回覆 小曳人 的帖子

好犀利，你哋用好多時間陪小朋友👍🏻👍🏻👍 ...

其實係假像，當係小project咁玩
但有樣野想分享，就係父母係孩子榜樣，如果個小朋友hea的話，家長自己都hea，係無可能俾佢地覺得人係要學習嘅

就等於日日睇TV嘅家長，好難叫得郁d細路睇書一樣

我細仔學習動機都一般，但大仔係停唔到落嚟嗰種 (佢有佢hea嘅時間嘅)
我先生係我識咗佢咁多年，佢都會花錢去學野嘅人：網球、日文 (讀足7年)、小提琴 (考返到8級)，樂理8級、早排學返鋼琴，但因為決定讀第二個master就停咗...

我都好服佢，仲有時間顧d細路，我係hea嗰個.... 不過早幾年都終於讀咗個master (全班幾乎最老係我)

我估，孩子見到我地努力，佢都唔會怕辛苦

你個仲細，仲有好多野可以做，到高小就好難改變到架喇

happy.4ever

回覆 小曳人 的帖子

我哋又真係無試過同佢一齊去學一樣嘢，多謝你哋分享同意見，我會試下

ABC-DAD

happy.4ever 發表於 22-7-20 14:20
回覆 ABC-DAD 的帖子

我仔而家咩都冇學，有時又話好悶，但叫佢揾運動學下，佢又話無興趣 ...

學一啲小朋友會易上手過大人嘅活動，又唔會因體能差異，追唔到大人果類，如花式跳繩，運動攀登之類，好快學習動機就出嚟。

王家爸爸

happy.4ever 發表於 22-7-20 14:20
回覆 ABC-DAD 的帖子

我仔而家咩都冇學，有時又話好悶，但叫佢揾運動學下，佢又話無興趣 ...

朝早或者傍晚去行山，亦可以一齊去游水、溜冰，行下街、食下野、傾下偈，甚至一齊煲劇、學外語，總之多啲親子活動。

happy.4ever

回覆 王家爸爸 的帖子

親子活動有呀，只係唸緊係資優係唔係要做啲乜嘢培育下佢，唔好浪費咗佢嘅優點

iloveapplepie

happy.4ever 發表於 22-7-24 18:32
回覆 王家爸爸 的帖子

親子活動有呀，只係唸緊係資優係唔係要做啲乜嘢培育下佢，唔好浪費咗佢嘅優點 ...

你的情況我深同感受呀,

以上家長所講既嘢好啱呀,  行山游水踩單車溜冰打波睇戲.....呢啲親子活動係一定要

除此之外, 我可以分享吓多D個人經驗



我的小魔怪現在小一, 自識行以嚟, 興趣都好單一,  有社交恐懼, 專家評估差D斷為自閉譜系
幼稚園返咗學成年或同佢去學乜嘢都唔肯, 喊晒死都唔入課室

K2,K3爆疫情, 連學都無得返, 學校又無ZOOM, 大部分時間都係留在家, 乜都無得學, 又無機會同小朋友相處
我好擔心佢升小一會出事 (佢有情緒, 感統和ADHD等等問題)

所以我唯有自己做佢的玩伴, 除了一般的啟蒙學習玩具
我專登找啲一般小朋友最流行的玩具,動畫, 遊戲機俾佢,  
開頭係唔中意, 要"逼" 佢, 佢先肯同我一齊睇一齊玩
之後慢慢識得同我討論吓啲動畫劇情, 打機就一齊研究點打爆機...
呢幾個月開始見佢同小朋友相處叻咗好多


培育方面,
興趣班佢都係無動力, 開頭到現在都係用啲獎勵鼓勵吓佢
都唔係希望佢拎乜獎, 只係俾佢身心有平衡發展的機會
慢慢見佢自己樣樣都有啲啲興趣, 唔洗點再逼
佢現在最中意係運動, 因為可以同一班小朋友玩, 變成咗佢上堂的動力, 亦學得幾好





學業方面, 我暫時無乜理佢(因為要全力幫呈分的姐姐),  只係在考試前一兩日溫一溫, 僥幸全班第一
而佢數學比較好, 但佢唔係特別中意數學
都係威逼利誘下, 今年疫情復課後去間屋企附近的專科補吓習,
我都唔知點解幾個月時間已學到小四, 本來補習老師話評估可以升讀小五課程,
但係姐姐有些自卑和唔開心弟弟開始學佢同樣啲嘢...
所以就唯有暫停唔學住, 以免學得快過姐姐, 同埋都無必要學咁快

反而因佢本身對棋有些興趣, 我就叫佢花多啲時間玩棋, 我仲陪佢一齊學, 做佢棋友一齊練習
現在的棋力大約係初中的水平, 同初中生互有輸贏
見佢有興趣, 我就順水推舟, 同佢一齊定咗個目標, 十歲前棋藝會到達某一個水平,
現在佢都好有熱誠去學, 想做到個目標

閱讀方面, 除了去圖書館借書, 我都任他們去書局買書看,
見到喜歡的書就買, 係可以增加他們的動力
通常佢地一買完就會即刻回家煲書
剛書展, 佢地都買了成二千元書, 呢幾日都已重複睇了幾遍


其實....講咁多, 只係個人意見,  我都唔知可以點培育, 我都係向呢度的家長偷師

你小朋友有天賦唔好浪費, 家長係可以幫佢陪養學習動機的, 共勉之

mandy_520

我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD，搵精神科醫生CHECK咗唔係。跟住又話似資優。叫我哋又去CHECK。最後CHECK到IQ146，詳細分數都好平均。數理邏輯偏高，言語表達需要加強。冇其他SEN問題。EP建議可以搵程度深D學校，或者照讀原校，額外搵資源。宜家讀緊津校，現時呢間學校程度感覺較淺，比較Happy，學校話會提供安排，但唔知津校喺咪都跟教育局指引安排？9月份都升小二，就算轉校，都唔知咩學校會適合佢哋？
阿仔學嘢喺較快，教佢任何嘢，講1-2次，已經明白前因後果，原理！暫時最鐘意都係玩數學，解難遊戲。學緊游水，踢波，鋼琴，每樣佢都幾鐘意！當然打機睇電視喺最愛，啱睇嘅書，講機械，科學，微生物，恐龍，歷史果類，佢都會好投入去睇，喺書本都學到知識再講返比我哋聽！就係阿仔個人太雜，好貪玩，好似咩都啱，如果真係培育，我應該點樣方向好？佢哋都係需要教導，需要學習基本知識，性格品德都要好好教育！我哋夫妻都經常陪伴周圍去玩。

暫時阿仔返學都開心，喺開頭話悶！始終個心，有時都會諗，既然佢可以讀到程度高D嘅課程，咁喺咪可以比佢試下呢。但當初揀Happy School，唔想谷佢，又唔想勿忘初衷。真係好矛盾

happy.4ever

回覆 mandy_520 的帖子

我小朋友情況同你小朋友相似，當初都係揀間程度適中嘅學校比佢，佢開頭返學都好開心，但後來學習態度出左問題，覺得自己唔溫都識，變到好懶散，同埋開始話返學悶，所以升小二時同佢轉左間直資，課程深左，同多D活動，佢話返學好玩左丶開心左..

mandy_520

happy.4ever 發表於 22-7-26 19:28
回覆 mandy_520 的帖子

我小朋友情況同你小朋友相似，當初都係揀間程度適中嘅學校比佢，佢開頭返學都好開 ...

我見好多資優小朋友最後都係津校轉去直資或者國際，其實轉呢類學校真係對佢哋發展較好？

ABC-DAD

mandy_520 發表於 22-7-27 09:25
我見好多資優小朋友最後都係津校轉去直資或者國際，其實轉呢類學校真係對佢哋發展較好？ ...

你小朋友呢個類型係最好嘅，平均地高，學業唔難攪，師長都喜歡帶呢類仔架。
你地原生家庭方向好就keep 著，唔好急轉校跳班，等佢可以發展穩定嘅社交同情緒。

有時間再交流下，146，未來155-160+by 10+yr if no critical changes

ABC-DAD

mandy_520 發表於 22-7-26 16:05
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD， ...

應該做嘅係培養佢運動能力，或學業以外嘅興趣作長遠發展同規劃，發展好體質，對成長好有正面作用。參加啲家長可以參與嘅團體活動，體育會，藝術團體都可以試試。

ABC-DAD

轉校或者增加新嘅學習競技平台的話，我選後者，而且我偏向升中階段先轉更理想嘅「學校」，除非本身學校令會係對小朋友健康成長不利嘅主因。

ABC-DAD

有咩可以同Daddy 媽咪一齊學呢？我建議一個，外語，日語，法語，國語，德語，呢幾種語言嘅學習平台係香港算成熟，長遠更可以在升學，旅遊移民有得著。但唔同時學兩樣，打好一種基礎，有中級水平再考慮有無時間學。暑假開始最好天氣熱，係室內學語言咪幾好呢

fixedstar99

回覆 小曳人 的帖子

我發現我女都逐漸冇學習動機，點算好？最近一兩年經常話唔中意返學，但又唔係因為學校d野太淺，只係覺得悶，唔想返～
學緊音樂，一邊唔想放棄，另一邊又話其實自己唔中意音樂，所以平日都唔勤力練，就算考入佐APA個junior music programme，都唔見佢變勤力～
今年入佐HKAGE, 都亦都揀唔到咩特別啱佢興趣嘅課程去報讀，我完全唔知我個女想點

小曳人

fixedstar99 發表於 22-9-28 13:04
回覆 小曳人 的帖子

我發現我女都逐漸冇學習動機，點算好？最近一兩年經常話唔中意返學，但又唔係因為學校 ...

真係好難搞
但我覺得到大大下，佢地接觸到新朋友，有新嘅刺激，可能又有變化
如果遇到班有趣，有熱情學習嘅朋友，真係爭好遠

我知道班細路响 d 通訊apps 開咗好多group (唔係我地班大人識嗰d大路野)，所以，試下參與唔同嘅活動，睇下識唔識到多d人，我仔暫時最能夠有共鳴嘅係DP 嗰班，我聽過唔少人都係因為DP 見到有人做，自己又跟住做 e.g. 自修IAL

fixedstar99

小曳人 發表於 22-9-29 18:21
真係好難搞
但我覺得到大大下，佢地接觸到新朋友，有新嘅刺激，可能又有變化
如果遇到班有趣，有熱情學習嘅 ...

你講得啱，要搵多d機會俾小朋友接觸多d 同類人，peer influence好緊要! 資優學苑課程好似多數系短時課程，會唔會好難識到朋友？

小曳人

fixedstar99 發表於 22-9-30 12:55
你講得啱，要搵多d機會俾小朋友接觸多d 同類人，peer influence好緊要! 資優學苑課程好似多數系短時課程， ...

我仔响DP 度先識到人，因為成個課程要半年，如果大家都繼續讀上去的話，相對容易揾到同路人

fixedstar99

小曳人 發表於 22-10-1 02:51
我仔响DP 度先識到人，因為成個課程要半年，如果大家都繼續讀上去的話，相對容易揾到同路人
...

DP課程(除咗數學)會唔會中學讀好d？

小曳人

fixedstar99 發表於 22-10-1 09:45
DP課程(除咗數學)會唔會中學讀好d？

本身應該會有practical 堂，但疫情關係，我仔無上過practicals所以真係唔知點答好...

其實小學生應該識唔到朋友，因為成班可能30人，得嗰1-2個細路
但我仔明顯上到中學係識到人嘅，佢地仲拉咗好多同類人入群組，亦會約出嚟玩boardgame