考試溫習技巧班

choikiuma

阿囡剛考完呈一，幸好成績還可以，但今次考試發現佢溫習冇技巧，冇planning,唔efficient.

佢中文默書用了倆個full day,英默也用了倆個full day,所以冇咩時間讀其他課，常識溫一課的總結，也溫了半天，最後一天考數學和溫音樂，也是考試前一天才溫，已經教了她溫數學的次序，如先溫習工作紙答錯的題目，點知我放工七點回家，發現佢成個下午用來溫習音樂，數學還未溫書....


其實，考試前我已幫她做了溫習時間表，但她很固執，側如背默句子會背20次，深字寫20次，我叫佢減少次數，唔肯，我再講就爆喊，最後考試前幾日，佢都發現應該溫唔切,但又唔肯改變溫書方法，我只好坐在隔離陪她溫，如溫常識，每個重點只記3-5次，每個深字只寫3-5次，就要跳下一個重點，終於幫佢一個小時溫完一課.....

我再多講她亦未必會聽，其實想她自己撞板，但呈分太重要，不能拿來撞板，學校老師太忙，未必有時間講溫習技巧，唯有想佢去出面學溫習技巧，大家有好介紹嗎？

0030

成績還可以又肯溫書已經好好了我果件不肯溫書，不聽人講，剛考完呈一，已撞板~無奈

day_bo

choikiuma 發表於 22-7-14 12:32
阿囡剛考完呈一，幸好成績還可以，但今次考試發現佢溫習冇技巧，冇planning,唔efficient.

佢中文默書用了 ...

我覺得最適合自己孩子温習方法父母由小一對左5年應該知道，人人唔同，要配合孩子的資質、性格。
不過你囡肯自己溫已好難得，有好既學習態度成績不會太差。數學只溫一日成績還可以，佢數學都叻叻喎！佢學校是否重抄寫？佢要寫好多次先記到D字？
我通常具體D，每日返工前放幾張工作紙叫佢做，晚上我放工回家就改，所以大致佢溫習進度我可以掌握到。但常識就要親身陪佢全日去溫，自己打D填充題比佢做。

gracelam

choikiuma 發表於 22-7-14 12:32
阿囡剛考完呈一，幸好成績還可以，但今次考試發現佢溫習冇技巧，冇planning,唔efficient.

佢中文默書用了 ...

中英默佔比例幾多？

我2個中英默佔成份卷只有5%，所以好難理解分別用2日full day温默書。中文集中温不供詞，當你温熟咗其實中默已經識8，9成。作多幾篇中英文作文，佔分比例高。
做多D補充練習嘅閱讀理解，又係佔分高。

數學從來唔温答題紙錯嗰D，因為唔會重覆出題，只做補充練習，做完睇吓佢哋錯D乜，錯大意提醒吓，錯唔識/做錯就立時講解返。

常識真係花最多時間温，每課要佢哋記重點，自己寫points然後背咗佢。

上到中學唔可以咁温法，因為好多科又多野記，咁温法一定温唔晒架!

慢慢解釋比孩子聽，亦欣賞小朋友努力温習的態度，加油

ha930

gracelam 發表於 22-7-14 14:56
上到中學唔可以咁温法，因為好多科又多野記，咁温法一定温唔晒架!

我反而想請教下, 上到中學要點溫習? 謝謝

gracelam

ha930 發表於 22-7-14 17:25
我反而想請教下, 上到中學要點溫習? 謝謝

中學生每人入腦方法唔同，我2個都係自己寫points記重點，然後背咗佢，其實我2個記性好，抄一次已經記到7，8成，所以最花時間係抄寫重點。

如果係中史 history bio geo嗰D多圖/地圖，我女會畫一次，畫嘅過程已經入咗腦。

數學科主要靠平時上堂留心，唔明唔好積，所以考數前都係做吓練習咁(學校會派好多比佢哋做)，如唔明某啲topic咪做多啲。

每個孩子温習方法唔同，有啲响本書/筆記highlight 重點嚟背，仲要背出聲先入腦。

PAJMama

gracelam 發表於 22-7-14 17:39
本帖最後由 gracelam 於 22-7-14 17:39 編輯

中學生每人入腦方法唔同，我2個都係自己寫points記重點， ...

choikiuma

chitchit0520 發表於 22-7-14 13:46
點會過去4年都未學考試技巧？呈分先嚟訓練架？

因為之前讀書冇咁認真，小五讀書非常認真。

choikiuma

gracelam 發表於 22-7-14 14:56
中英默佔比例幾多？

我2個中英默佔成份卷只有5%，所以好難理解分別用2日full day温默書。中文集中温不供 ...

認同，唯有慢慢落藥

Cliokohonda

自己果啲初中好似中左腦霧症，一兩年先正常返啲

ha930

gracelam 發表於 22-7-14 17:39
本帖最後由 gracelam 於 22-7-14 17:39 編輯

中學生每人入腦方法唔同，我2個都係自己寫points記重點， ...

等我記低先, 我個女又係記性好果 d，第時教佢用這個方法，謝謝~

minichong28

回覆 gracelam 的帖子

我都覺常識最花時間溫喔, 學校出題又真係全方位咁出, 無得只溫重點, 要全課書由頭到尾背晒先得, 仲要溫時事題, 報紙專題, 教吓佢遇到咩新聞, 可以答有咩改善方法咁
可以話讀到人都癲

gracelam

minichong28 發表於 22-7-15 10:44
回覆 gracelam 的帖子

我都覺常識最花時間溫喔, 學校出題又真係全方位咁出, 無得只溫重點, 要全課書由頭到 ...

以前佢哋温常識係預早2星期温

而我負責揾時事題!

charlottechy

其實我女都主要係溫常識同中默, 要背要寫字, 因為其他其實主要靠平時基本功, 臨尾死操都冇咩用。
音樂因為平日有學, 又考埋樂理, 所以又唔駛溫。