讀完Y11，讀a level定foundation好？

6x6=36

我朋友小朋友嚟緊9月Y10，佢哋諗住讀完Y11就讀foundation，佢叫我女都咁樣讀，可以慳一年錢，又快d畢業，不過我女9月Y11，如果轉校讀foundation，會唔會太遲？先謝謝各位指教！

longlokma

其實你有冇了解下讀foundation 同 A level 有乜唔同？去英國讀書，前提不會是慳錢同快啲畢業吧？

貝珠

佢真係靠害

poonseelai

foundation 係可以上大學，但大學和學科選擇有局限，它不是一個高中學歷。所以日後如見工有人問為何選 foundation 而唔考A level，自己想定原因。近年在EK見到有睇法係大學畢業証書一樣就得啦，用什麼途徑上大學無人知，無人理㗎。

6x6=36

貝珠 發表於 22-7-14 00:48
佢真係靠害

點解靠害？因為阿女係英國識左個姐姐，讀緊大學，之前都係讀foundation U，佢都叫阿女讀foundation，我女問我好唔好，我當然上嚟問吓EK高人啦

6x6=36

poonseelai 發表於 22-7-14 07:40
foundation 係可以上大學，但大學和學科選擇有局限，它不是一個高中學歷。所以日後如見工有人問為何選 foun ...

即係如果讀foundation 入大學，學歷無咁完整，是嗎？其實我哋一直都係諗讀a level，不過我有另一個朋友，上年全家去左英國，佢小朋友讀緊公校，同佢傾升學問題，佢又係偏向唔讀a level，令我開始諗foundation 呢個問題… 不過其實我偏向讀a level，只係驚阿女升唔到

謝謝你回覆

beastiebistro

回覆 6x6=36 的帖子

大學嘅foundation course基本上唔係資格互換，所以如果讀某大學嘅foundation，多數只可以上返該大學嘅本科。而且，foundation都唔係萬能，就算夠分上返該大學，都未必可以揀某啲科讀。萬一唔夠分上唔返本校，更加冇其他選擇。

我諗除非你對小朋友非常冇信心，或者求其有間大學讀就得，揀foundation冇乜着數。

yuyueng

又缺錢又想快D畢業既不如留起香港讀算啦，你朋友想揾個伴啫，如果你唔缺錢又唔等住令千金出黎工作揾錢養家既，我會同個朋友講阿女打算讀A Level。

yuyueng

6x6=36 發表於 22-7-14 08:35
點解靠害？因為阿女係英國識左個姐姐，讀緊大學，之前都係讀foundation U，佢都叫阿女讀foundation，我女 ...

除非對讀咩大學咩科都無要求，否則一定會讀2年A Level，博3個A或以上向自己理想出發。

ok_ko

6x6=36 發表於 22-7-14 08:43
即係如果讀foundation 入大學，學歷無咁完整，是嗎？其實我哋一直都係諗讀a level，不過我有另一個朋友， ...

這2-3年離開香港去英國的人特別多。有些家庭的小孩離開時讀緊中5，去英國其實十分尷尬的。等9月入讀A-level的Y12，其實就等於留班。直接上Y13，就算有學校肯收，個小朋友都未必能在大半年準備好。因此，認識一些這樣情況家庭的小孩就直接讀foundation。這是為勢所逼！

不過也有小數成功例子的。有一個朋友的女兒，約10年前在香港讀完中5，朋友見她成績不好，應該唔會有好的DSE成績。然後把心一橫，送了她去英國的一所普通大學讀foundation。最後順利讀完大學，以全級第一名first-hon畢業。再升學到Cambridge讀完MFin才囘港。點解要讀MFin？首先當然劍橋這課程吃香。其次是假如只是普通大學的first-hon，在她這一行找第一份工，很多公司都會關注你A-level考成點。

brother4

6x6=36 發表於 22-7-13 19:16
我朋友小朋友嚟緊9月Y10，佢哋諗住讀完Y11就讀foundation，佢叫我女都咁樣讀，可以慳一年錢，又快d畢業，不 ...

平靚正就：１年英大學學費＝４年大學學費，就是香港大學42000－年，４年本地约160000＝１年英大學。。。。另專科／醫科本地學費－定平過英國。。再平時見大學有歐洲人來香港大學讀書就知香港平靚正！

SIYip

我唔認同讀完中唔去英國讀year 12係留班。英國7年中學，3年大學，hk 6年中學4年大學，學制唔同。
至於foundation，我仔有同學都唔讀a level 轉去foundation，亦聽過有人差好少分升唔到大學要讀多年foundation。我個人認為，讀到書嘅，揀A Level會多d 選擇，起碼A Level 是世界認可嘅考試，用佢嚟報英國以外嘅大學都得。

longlokma

ok_ko 發表於 22-7-14 10:17
這2-3年離開香港去英國的人特別多。有些家庭的小孩離開時讀緊中5，去英國其實十分尷尬的。等9月入讀A-level ...

咁香港讀完中五過去英國讀Y12又唔可以話係留班。
有香港學生讀書好叻去英國諗住讀醫科，但係知道要夠18歲英國大學先至收，所以學生選擇香港讀完中五過去讀Y12, 之後入大學就啱啱好

longlokma

yuyueng 發表於 22-7-14 09:42
又缺錢又想快D畢業既不如留起香港讀算啦，你朋友想揾個伴啫，如果你唔缺錢又唔等住令千金出黎工作揾錢養家 ...

ek都見有唔少家長，自己孩子選擇讀 foundation就不停推崇叫人讀foundation   

TTEE1819

6x6=36 發表於 22-7-13 19:16
我朋友小朋友嚟緊9月Y10，佢哋諗住讀完Y11就讀foundation，佢叫我女都咁樣讀，可以慳一年錢，又快d畢業，不 ...

之前都有唔少posts討論過這問題。各有各好，無絕對的答案，睇下你和孩子想要咩多一點。

如要我再揀，我都係鼓勵孩子讀GCE A Level, 好處多，前面的家長已經分享左，我唔再講。

我以前都分享過，今日又分享多一次我朋友的經歷：
佢孩子主動提出讀完GCSE課程，直接讀foundation, 慳一年錢和時間。上左foundation 不久，孩子的數唔掂，讀得好吃力，最終係foundation 畢唔到業，後來要讀多一年，去另一間大學再讀foundation, 共用左兩年時間，等於一個GCE A Level的兩年。

各有喜好，揀最適合自己的，最好。

yuyueng

longlokma 發表於 22-7-14 11:49
ek都見有唔少家長，自己孩子選擇讀 foundation就不停推崇叫人讀foundation   
...

當時人其實對自己既決定無信心想揾個伴啫，衰既一齊衰。

ok_ko

longlokma 發表於 22-7-14 11:45
咁香港讀完中五過去英國讀Y12又唔可以話係留班。
有香港學生讀書好叻去英國諗住讀醫科，但係知道要夠18歲 ...

你後面一段，也是理由。不過一般計劃轉跑道的，一般在香港讀完中2，就過去讀GCSE；或者讀完中4，就過去讀a-level。

在香港讀任何一家IS，無論你考IBDP或iAL，正常都是讀緊Y13（中7）去考。考DSE的就是讀中6去考了。原因大家都知道IS的P1從K2招生，LS卻從K3招生。在香港讀緊LS小5的，要轉IS就直接插中1了。

讀完DSE課程中5的，明明讀多大半年中6就可以考大學了。但卻轉去A level讀中6（Y12），要讀多2年先可以考大學。唔係留班，係咩？我只是坦白，無意冒犯。

當然，人生有不同計劃，大家都應該尊重。

longlokma

ok_ko 發表於 22-7-14 13:43
你後面一段，也是理由。不過一般計劃轉跑道的，一般在香港讀完中2，就過去讀GCSE；或者讀完中4，就過去讀a- ...

我明嘅，過去亦有唔少家長係ek問香港中三/四/五過去應該讀Year幾。
我認為真是好睇學生本身能力及信心，我知道有的香港完成初中過去讀Y11，有的過去讀Y10想慢慢適應，更多的是中四後去讀Y12。
其實兩地學制不同不能直接比較，如小學過去多用年齡入學，香港孩子過去也不能說是「跳级」吧。
無論如何，最緊要考慮孩子需要及能力。

王家爸爸

6x6=36 發表於 22-7-13 19:16
我朋友小朋友嚟緊9月Y10，佢哋諗住讀完Y11就讀foundation，佢叫我女都咁樣讀，可以慳一年錢，又快d畢業，不 ...

你朋友諗住小朋友讀完Y11就讀foundation，如果唔係諗住讀G5，其實可能係唔錯既選擇。
不過，需要考慮既問題唔係讀唔讀foundation，係讀邊間既foundation。

王家爸爸

TTEE1819 發表於 22-7-14 12:20
之前都有唔少posts討論過這問題。各有各好，無絕對的答案，睇下你和孩子想要咩多一點。

如要我再揀，我都 ...

同意各有各好，無絕對既答案，所以重點係睇返自己既情況，同埋小朋友既意願。