SPK好神（秘）？

yellowsugar_WT

戴咗頭盔先，我都係以過來人用家來分享，未必啱晒（資料），但希望打破迷思。
我本身好怕WS 備戰乜乜谷，所以如果你都係唔想入WS谷但又想了解多啲，可能啱你！

SPK是男女校，但比例就好懸殊，可以係成班都無男仔，通常得幾個會放埋同一班。因為升小開始是女校，所以我覺得男仔可以有其他選擇，如果你話有妹妹想跟住讀？Sorry，未必可以話跟就跟到！

收生標準？其實同校長傾過計都知，簡單來說，咩人都有機會！我N無、我唔係教徒、我住新界西北區、我無靚工作背景⋯⋯等等等等。以上都不是收生標準！如果你報呢間學校，唔收你唔會關呢堆嘢事！
我自己覺得關⋯禮貌、有禮貌好重要，即係家長平時點教小朋友，面試時老師會見到，但佢地有佢哋一套準則，我又點會知係咩。
禮貌、整潔、有問有答、大B 是我得出來的結論。

課程偏淺，如果你好著重語境，SPK一定唔適合你，因為無NET，又無普通話堂。但俾我感覺就好著重閱讀！
一班大約3x個學生會由兩個班主任帶領每日做唔同嘅學習活動。教本由學校自製，每個教學主題完結老師都會做評估，家長一目了然！學校唔會做多，但也一定不會做少。
自學、自理、自律無得頂。老師唔會有WS提家長帶咩準備咩，全部都好傳統，唔係由小朋友傳話，就係通告或打電話通知。
同埋如果你係好鍾意show off嘅家長，我覺得都未必適合你嘅style！學校絕對唔鼓勵送呢樣送嗰樣俾老師/同學。連生日會個蛋糕都係學校安排，最簡單嘅海棉蛋糕！聖誕節卡都最好唔好買，畫就得。

升小問題，3年幼稚園表現唔代表一切，小學部會喺K3時揀小朋友，都係嗰句，收生準則我又點會知，所以老師見家長時都會鼓勵所有無論叻唔叻表現突唔突出嘅同學，都報多啲出面嘅學校做多幾手準備！唔好以為個女3年表現好，家長又合作就一定收硬！當然，每年個比例都唔一樣，waiting list都會有機會收得番！個遊戲就係咁刺激。

插班/call waiting  求位信必備！插班真係插到K3中段都仲有！魔力之大都唔係講笑。點寫/寫幾多封，我都唔知，睇番有冇人走，所以真係好心儀嘅，過時過節都寫下囉！得閒又寫下掛。同埋call waiting唔一定係安排你下晝班，但你正取想轉又未必俾喎！又係嗰句，咩準則我都真係唔知。

以前我都覺得呢間學校好神秘，好少人講，因為其實學校好樸素，雖然教得淺，但佢地識好多嘢，其實有要求嘅家長，讀邊間學校都會外補㗎啦，所以學校有冇net，上到小學全英，佢地都會應付到。

結論係，男仔可以有其他選擇，對考小學有更大幫助。

有家姐讀緊，妹妹都唔一定收。

裝備自己好緊要，考小學就知無咩競爭力。因為你唔知上唔上得番小學。

學校唔係全部乖乖女，其實好正常，唔好自動神化間學校。

簡單來說，任何人都有機會，試吓就有可能，加油！

snowiemama

同意樓主所講，多謝分享。最近call waiting都有不同方式，有直接call叫註冊，有call轉am，但又有 call叫你見校長先，咩玩法真係校長先知道，無準則可言。雖然happy sch但上到小學/中學，大部分小朋友都受谷受教(當然自己黎)，證明小朋友個底/學習動機幾好。

小驚

當咁多備戰Group、Offer Group 出現，SPK 嘅神秘面紗都已被慢慢打開。

mclh

好神呀

nikkidodo

可以講多啲點解話課程淺？我都想清楚多啲。謝謝(emoji)(emoji)
我諗緊係咪兩文三語嘅語境會好啲⋯⋯

Lightwriter

yellowsugar_WT 發表於 22-5-24 02:56
戴咗頭盔先，我都係以過來人用家來分享，未必啱晒（資料），但希望打破迷思。
我本身好怕WS 備戰乜乜谷，所 ...

認同樓主所講。

送卡個度，學校prefer 用環保物料自己整既卡，唔好花錢買啦，親手整學校仲開心。

德育培訓好出色，去觀課就知，成班女都非常自動自覺，自發性強亦轉數快。個個家長睇完都wow，magic.

係呀家長唔好show off，因為都無地方比你show off. 送禮送零食都唔好啦，上堂時間好趕無得送，放學個個都走送唔到，正經專心返學就夠。

學校教得淺，但老師好識提問學生啟發思考，所以學生唔會學得少，亦絕對不限於書面上既野。

學校有收special learning needs 既學生，個學生都升到小學部。所以佢真係咩人都收。

car071107

禁需要出去外補嗎？

Jean1769

car071107 發表於 22-6-1 11:32
禁需要出去外補嗎？

你話呢

hibella

回覆 car071107 的帖子

有親戚讀緊，佢話真係個個都補習.. 課程實在太淺.  

Poyau

car071107 發表於 22-6-1 11:32
禁需要出去外補嗎？

家長發功內補亦可

FukMaMa

謝謝樓主分享，你個post 解答咗好問號。。。
真係好想知，因為讀得當然想佢升到小學，雖然唔知佢升唔升到，但係都好想知道，小學校風依然純樸嗎？會唔會一上小學，課程就好深好難跟?

甜甜圈10835

多謝樓主分享! 本人囡囡是今年K2 插班生. 其實我是於今年3月中寫求位信, 並於6月收到學校電話約面見時間的. 所以各位家長如果真係好想小朋友入呢間學校, 大家可以寫多幾封求位信, 我相信學校真係會睇的.
其實好似樓主所講, 學校唔係咁神秘, 亦都唔係要d小朋友識好多野. 呢間學校只是非常重視禮貌、自律、自理及陪養閱讀興趣。呢幾樣先係學校教學理念

Adiezz

nikkidodo 發表於 22-5-26 16:59
可以講多啲點解話課程淺？我都想清楚多啲。謝謝(emoji)(emoji)
我諗緊係咪兩文三語嘅語境會好啲⋯⋯
...

學術非常淺，同教育局要求差唔多
而且無語境，所以家長都會補習

happymeme

Adiezz 發表於 22-10-6 21:54
學術非常淺，同教育局要求差唔多
而且無語境，所以家長都會補習

但小朋友上到小學全英又ok!
所以証明幼稚園不一定要有net 有語境，因為小學先係真正學習開始，唔駛太早谷

Adiezz

happymeme 發表於 22-10-10 13:00
但小朋友上到小學全英又ok!
所以証明幼稚園不一定要有net 有語境，因為小學先係真正學習開始，唔駛太早谷: ...

不過讀SPK好多都會外補英語

snowiemama

happymeme 發表於 22-10-10 13:00
但小朋友上到小學全英又ok!
所以証明幼稚園不一定要有net 有語境，因為小學先係真正學習開始，唔駛太早谷: ...

我都想唔通。幼稚園無語境，但小一d英文比外面深，即幼稚園都需要補下eng。因為語文都需要時間浸出來。

Lightwriter

唔需要執著讀spk需唔需要補習既問題，試問呢家讀幼稚園邊個唔補習？自己覺得有需要咩去補lor.

反而讀龍校，有龍校媽媽會0補習去換3年true happy school 體驗，咁佢地又真係上到小學wo, 小朋友就happy 足6年了。咁呢d小朋友最尾係小學都跟得上，雖然唔係最top, 但又唔係最尾lor, ok la。

至於英文問題，即使學校無net, 普遍屋企都有語景的；無語景就自己諗方法，度度都係咁架啦。

熊媽媽45

請問WS係乜嘢意思？

SerenaYuen_FB

我反而想問知唔知小學有無net（有幾多個？），同中文係普定粵教？因為我見佢係英小，所以想知係學校 學生係講廣東話定英文，英文好係家長谷定因為學校教得好？黎間小學仲神秘過幼稚園我覺得，無咩info。

CamilleLily

回覆 熊媽媽45 的帖子

應該係whatsapp group 坊間無論考K定考小都有好多所謂備戰/面試group