國際學校的一些問題

siugutsis

想問問有經驗的媽媽，小朋友是否可以handle 二種母語？如學校講英文家裏全廣東話，會唔會影響佢母語發展、思維等等？

另外想問 IB PYP program - 如果小朋友自驅力不足，比較懶散，其實係咪應該選擇一啲 structured d 既 curriculum?

多謝大家 (emoji)(emoji)(emoji)(emoji)
P.S. 小女現只是 PN.

simonchan1986

大部份小朋友都可以handle到兩種母語, 主要係睇有冇機會接觸。

964000

siugutsis 發表於 22-5-18 18:59
想問問有經驗的媽媽，小朋友是否可以handle 二種母語？如學校講英文家裏全廣東話，會唔會影響佢母語發展、 ...

可以的，從語言學來說，如果三至六歲前, 每日平均接觸到每種語言至少三小時（接觸係指和native speaker 有互動的，不只是單向you tube 或和non-native), 小朋友便可acquire 該種語言至native level。
不過同時expose to兩種語言，你要預初初會慢過只expose to一種語言的，始終分薄了時間，到六歲後兩種語言理應可各自catchup至單母語水平（assume adequate exposure)。

siugutsis

simonchan1986 發表於 22-5-19 13:17
大部份小朋友都可以handle到兩種母語, 主要係睇有冇機會接觸。

Thanks

siugutsis

964000 發表於 22-5-19 15:30
本帖最後由 964000 於 22-5-20 07:44 編輯

可以的，從語言學來說，如果三至六歲前, 每日平均接觸到每種 ...

Many thanks for your detailed explanation!

shadeslayer

如果再看得仔細少少，阿女用廣東話同屋企人講嘢絕對冇問題，但係同啲同齡嘅本地學校大嘅小朋友傾偈，仲有啲隔膜。係啲用字有少少唔同。

我哋家長親戚自己聽，同一般香港人講嘢冇分別，但你問同齡嘅後生仔就覺得有啲怪怪地。

咁樣算係咩呢？

964000

shadeslayer 發表於 22-5-20 23:38
如果再看得仔細少少，阿女用廣東話同屋企人講嘢絕對冇問題，但係同啲同齡嘅本地學校大嘅小朋友傾偈，仲有 ...

Native speaking, 係包括文化慣用語slangs揭後語等，呢樣佢地始終英語會比中文好。一樣有班高小/中學才轉IS的同學，如家中冇native語境，其實聽得出英語也有些不同。
不過我識至少幾個大人由細讀ESF, 都係全流利廣東話，完全不察覺和local有分別，佢地唔講我都唔知佢哋讀IS，所以家中有native語境和自細講很關鍵。

964000

964000 發表於 22-5-21 07:49
Native speaking, 係包括文化慣用語slangs揭後語等，呢樣佢地始終英語會比中文好。一樣有班高小/中學才轉I ...

家長平時在家不要就小朋友又中又英，就小朋友專登用哂D好淺嘅字，佢哋唔識中文terms 用英文你就用中文講返，正常講野，詞彙豐富D，一樣用下成語揭後語，小朋友就會學得更地道。

shadeslayer

964000 發表於 22-5-21 07:49
Native speaking, 係包括文化慣用語slangs揭後語等，呢樣佢地始終英語會比中文好。一樣有班高小/中學才轉I ...

我女就係咁樣，係屋企接觸父母親戚朋友，係完全native語境，亦無專登用淺啲嘅字。但係佢要好嘅朋友中冇一個係native 廣東話，所以佢嘅中文只會停留於同家長親戚溝通嗰個程度嘅native，冇去到同年輕人攬頭攬頸傾偈嗰種程度嘅native。

在家我哋可以選擇百分百廣東話，但係佢識咩朋友我哋根本選擇唔到。又或者選擇了國際學校，已經選擇咗佢嘅朋友。在家係冇辦法提供孩子朋友圈子嗰個native環境。

所以好微細嘅差別，都係仲有。中英文都係。程度好高嘅bilingual，一定可以，而且都幾容易達到。但係bi-native 我覺得唔係咁易。

shadeslayer

阿女有個同學，讀到中學先至由熊貓鞋學校轉過去，但係聽佢講嘢，成個鬼妹講廣東話咁，英文就好地道。呢個我又係唔係好明。唔通熊貓鞋學校裏面唔講中文？

mandy_ng207

shadeslayer 發表於 22-5-21 09:59
阿女有個同學，讀到中學先至由熊貓鞋學校轉過去，但係聽佢講嘢，成個鬼妹講廣東話咁，英文就好地道。呢個我 ...

有啲學校好似係咁，我就親眼見過天光道女校三個小學生圍埋講英文，明明佢哋都係中國人樣

shadeslayer

mandy_ng207 發表於 22-5-21 10:39
有啲學校好似係咁，我就親眼見過天光道女校三個小學生圍埋講英文，明明佢哋都係中國人樣
...

係要好少講廣東話，先至會講到鬼妹咁。咁即係唔係偶然圍埋講英文，係學校大部份時間都講英文，再加上喺屋企屋企人同佢都係講英文。

其實喺香港生活，香港人家庭，孩子講唔到好好嘅廣東話，係捉到鹿唔識脫角。

964000

shadeslayer 發表於 22-5-21 09:59
阿女有個同學，讀到中學先至由熊貓鞋學校轉過去，但係聽佢講嘢，成個鬼妹講廣東話咁，英文就好地道。呢個我 ...

講野個口型要練習和相關肌肉要自細發育，唔係聽得多就自動識，如果唔係日本人就唔會發唔到R音，我哋大個先學亦發唔到Spanish個「震舌音」和German 個「咳痰音」。
你講個同學緊係自細屋企巳經只講英文，因為local school小朋友好多要靠自己keep英文，學校入面有班人亦圍內繼續講英文，結果內外都冇乜機會講中 文，加上廣東話係tonal language, 唔自細講真係會「走音」，佢呢啲多數都半放棄中文會轉IS/出國。不過我覺得香港有語境又係父母「母語」學到應盡量學，否則攪到講都不會，不如一早直接入IS，起碼幼稚園小學玩下先。

964000

mandy_ng207 發表於 22-5-21 10:39
有啲學校好似係咁，我就親眼見過天光道女校三個小學生圍埋講英文，明明佢哋都係中國人樣
...

而家係好奇怪，IS生家裏平時講中文，LS生就家裏平時講英文

Radiomama

在國際學校的環境下，handle 英語不成問題，但始終有些同學語文能力高些，修辭寫作演説都會做得好些。道理上跟同是香港人，中文表現也有高下一樣。

至於香港的國際學校生就算在家會常用中文，他們的廣東話與本地生有距離；特別是廣東話演説，是很蹩腳的。我仔試過發台瘟，忘記了講稿，在台上爆肚講咗一句「進步自己」，笑左。

964000

shadeslayer 發表於 22-5-21 09:49
本帖最後由 shadeslayer 於 22-5-21 09:56 編輯

我女就係咁樣，係屋企接觸父母親戚朋友，係完全native ...

咁點都有主次分別，始終英文係用得多為主，發開口夢都係英文，D中文亦有傾向英譯中。
Native 都有不同程度，佢地應該都係基本生活程度，隨口來個深度討論個啲應該唔得。
不過老實講好多香港人大學畢業中英文都未必可以深度討論，接受各有所長吧

964000

Radiomama 發表於 22-5-21 12:29
在國際學校的環境下，handle 英語不成問題，但始終有些同學語文能力高些，修辭寫作演説都會做得好些。道理 ...

你講得啱，在壓力下，就分到了。
例如我哋local school大的就算英文叫做幾好，如要在公開場合present英文/英文訪問等，點都會有D壓力要準備下，佢地就好自在，相反中文就有點壓力要準備下