用戶登入
用戶名稱:
密      碼:
搜索
教育王國 討論區 小一選校 宣道 vs 培僑
查看: 24533|回覆: 93
go

宣道 vs 培僑  

Rank: 5Rank: 5


1199
發表於 22-5-17 10:40 |顯示全部帖子
想請大家幫手分析下,點揀好。
我仔仔情況係:
宣道近屋企,培僑就遠好多。
外向活潑好動,個性屬感性,同埋易衝動。
接觸陌生人,一秒鐘就同人熟曬梗。
好鍾意講野,個口成日無停過。
學野算是快,但真是懶,學咩都三分鐘熱誠,入佐門就會懶,唔肯俾心機練習,要逼住去練先得。
鍾意一樣野就會好專注,穩曬資料去研究。
另外,學術方面算過得去。

掙扎點其實在於小學選擇咩生活方式好。宣道應該要衝衝衝,但驚壓力過大會影響佐佢嘅學習興趣。培僑就可以慢慢來,但都驚佢越來越懶。


Rank: 4


967
發表於 22-5-17 14:47 |顯示全部帖子

回覆樓主:

如果經濟唔係問題 宣道比較適合香港教學~ 如果將來有打算去海外讀書 ,就 pkc比較適合

Rank: 4


553
發表於 22-5-17 19:58 |顯示全部帖子
我朋友個女讀宣道,讀得好開心,英數都好好,根基打得紮實,升中可更上一層樓。

Rank: 5Rank: 5


1199
發表於 22-5-18 09:05 |顯示全部帖子
回覆 infong2011 的帖子

Thanks 🙏 我見培僑書院升本地大學成績都几理想,所以都几掙扎

Rank: 5Rank: 5


1199
發表於 22-5-18 09:08 |顯示全部帖子
回覆 dmms 的帖子

Thanks 🙏
佢個女有冇學音樂?我仔仔有練開鋼琴,但得個玩字,無音樂天賦,所以都擔心佢係宣道生存唔到。
其實有少少困惑,宣道大搞音樂路線,但面試在呢方面完全無咩體現到。

Rank: 4


837
發表於 22-5-18 09:12 |顯示全部帖子
本帖最後由 yin0101 於 22-5-18 10:01 編輯

兩間都是好學校, 但我會諗小朋友而家靠自己已經可以考到BAND 1中學既龍校 (培僑DSE成績達Band 1 水平, 而且每年進步中),為何要徙添升中壓力,雖然唔係一定但仔通常都中學先自發開竅,仲要面對呈分試壓力,所以仔既話我會更希望係小學階段係培養學習興趣同啟發思考,培僑亦重思考同Soft Skill、中英語境好、資源多,小朋友本身叻的話,去到邊間學校都光芒掩不住,在培僑資源咁充足下更放心不會被埋沒左,可以魚如得水

Rank: 5Rank: 5


1107
發表於 22-5-18 09:32 |顯示全部帖子
正常都係有龍揀龍, 仲要係Band 1
除非有咩特別原因唔鍾意佢中學就另計

Rank: 5Rank: 5


1199
發表於 22-5-18 16:06 |顯示全部帖子
yin0101 發表於 22-5-18 09:12
兩間都是好學校, 但我會諗小朋友而家靠自己已經可以考到BAND 1中學既龍校 (培僑DSE成績達Band 1 水平, 而且 ...
Thanks!
我一開始都係梗樣諗,但老婆成日話環境好重要,身邊人勁,自己點都唔會差,但講真,我真係唔好想搞到梗鬼緊張,我本身都唔算勤奮嘅人。

Rank: 5Rank: 5


1199
發表於 22-5-18 16:08 |顯示全部帖子
hkhk8888 發表於 22-5-18 09:32
正常都係有龍揀龍, 仲要係Band 1
除非有咩特別原因唔鍾意佢中學就另計
Thanks!
成日睇post,滴人話有宣道SFA一般都唔會考慮培僑,少少困惑,第一個仔仔升小學,無經驗

Rank: 5Rank: 5


2469
發表於 22-5-18 17:48 |顯示全部帖子
dmms 發表於 22-5-18 16:08
Thanks!
成日睇post,滴人話有宣道SFA一般都唔會考慮培僑,少少困惑,第一個仔仔升小學,無經驗 ...
反而多人話呢兩間又谷又無中學,不是首選喎!BTW,  我住九龍,純地點考慮當年無報 pkc wkf

Rank: 3Rank: 3


216
發表於 22-5-18 18:51 |顯示全部帖子
dmms 發表於 22-5-18 16:06
Thanks!
我一開始都係梗樣諗,但老婆成日話環境好重要,身邊人勁,自己點都唔會差,但講真,我真係唔好想搞 ...

認同你老婆,更上一層樓。
個升中名單好吸引。

Rank: 5Rank: 5


3868
發表於 22-5-19 00:03 |顯示全部帖子
dmms 發表於 22-5-18 16:08
Thanks!
成日睇post,滴人話有宣道SFA一般都唔會考慮培僑,少少困惑,第一個仔仔升小學,無經驗 ...

本帖最後由 Sing13 於 22-5-19 00:50 編輯


睇邊一年吧,六年前宣道後列既學生才會考慮升讀培僑書院。
但近幾年三私一直冇咩學生升讀培僑書院了。
因為最近幾年培僑書院中學部收生名額少,今年收生要求band1A了,三私一直band1A學生亦有自己去向,不會選培僑。

我認為兩間都是好學校,反而在乎家長既教育理念.
如果冇咩想法選宣道亦正確,緊跟學校步伐,學校教育多年來證明行之有效.

培僑與傳統學校分別唔少,功課唔多,但project唔少.
從小一開始,收集資料,整理內容,設計海報,畫四格漫畫,系全班面前演講,或錄視頻等可算家常便飯.
小朋友主動性,創意,講嘢,畫畫…唔會埋沒左所長.


myimage.jpg

Rank: 5Rank: 5


2526
發表於 22-5-19 08:37 |顯示全部帖子
dmms 發表於 22-5-18 16:06
Thanks!
我一開始都係梗樣諗,但老婆成日話環境好重要,身邊人勁,自己點都唔會差,但講真,我真係唔好想搞 ...

你兩個都啱,所以睇下邊個負責小朋友教育?

Rank: 3Rank: 3


150
發表於 22-5-19 09:08 |顯示全部帖子
同你一樣有宣小同培僑 住宣小附近,但都揀咗遠啲嘅培僑,因為我知自己想要咩教學模式。
同埋培僑嘅中學我都已經滿意,唔洗煩考中學,小學有多啲精神培養學術以外嘅興趣

Rank: 5Rank: 5


2469
發表於 22-5-19 09:28 |顯示全部帖子
小小金 發表於 22-5-19 09:08
同你一樣有宣小同培僑 住宣小附近,但都揀咗遠啲嘅培僑,因為我知自己想要咩教學模式。
同埋培僑嘅中學我都 ...
經常見到唔駛煩呢個原因我意見係作為家長點都預左要煩先比較好
因為仔女到了升中可能有能力考到神校,唔試下轉?亦有可能band2尾成績,咁係唔係照上中學做尾果批?
中學可能更多時間要回校活動,交通遠又浪費時間
點可能唔駛煩。

Rank: 3Rank: 3


150
發表於 22-5-19 10:03 |顯示全部帖子
hkcsty 發表於 22-5-19 09:28
經常見到唔駛煩呢個原因我意見係作為家長點都預左要煩先比較好
因為仔女到了升中可能有能力考到神校,唔試 ...

本帖最後由 小小金 於 22-5-19 10:03 編輯

其實我重點係教學模式,所以有咁嘅選擇,都係要勞心去教育,不過唔想偏重學術同升中競爭啫。
咁當然亦有人一心目標神校,又或者揸住間宣小參加大抽獎,呢啲情況都好常見,尊重個人選擇

Rank: 5Rank: 5


2889
發表於 22-5-19 10:40 |顯示全部帖子
dmms 發表於 22-5-18 16:08
Thanks!
成日睇post,滴人話有宣道SFA一般都唔會考慮培僑,少少困惑,第一個仔仔升小學,無經驗 ...


其實睇你自己鍾唔鍾意培僑呢條龍,
我住馬鐵線但培僑我就無報了,暫時留左位APS,
據宜家讀緊的用家講,APS係屬於初小輕鬆(小一得兩三樣功課)高小忙碌,
有少部分唔想學樂器小二會轉聲樂,如果樂器繼續學上去,老師唔會push小朋友考級,
反而係小朋友之間個氛圍令到小朋友自己更加努力去學習同要求考級,


我小朋友無學過任何學器,佢話想試,咁我都會想比小朋友試下呢個氛圍下學習
APS唔止音樂出色,體育一樣出色,D仔入DBS人數特別誇張,唔知係咪拉晒成隊男排走(純吹水)

Rank: 5Rank: 5


3868
發表於 22-5-19 11:57 |顯示全部帖子
我系培僑簡介會聽校長講解過佢地既教學理念,用咩方法可以使小朋友冇咁易忘記知識,背完書考試其实好容易忘記,最好既方法是小朋友作為小老師去教其他人,我估計用project present既模式亦是其中一種.
又例如小一常識,一般知道人體骨骼206塊就夠了,培僑既作業是畫出骨骼圖.當時我都奇怪依種咩玩法.

Rank: 5Rank: 5


2564
發表於 22-5-19 12:26 |顯示全部帖子
dmms 發表於 22-5-17 10:40
想請大家幫手分析下,點揀好。
我仔仔情況係:
宣道近屋企,培僑就遠好多。

APS的話,一定要預算跟貼一些,特別是樂器,又要上樂器堂,又要帶去樂團訓練,學樂理,考級等等,
加上平常的功課(但量相對不算多),默測考,如果加上排球籃球隊的訓練,繁忙程度可想而知,但雖然如此,還是有不少學生可以做得挺好的。回報是:學術扎實,又有樂器運動傍身,對小朋友的成長有莫大的好處,而且到升中時,特別是報直資時,就會知道有多麼重要。其實,需要插班神校時,也是很有幫助。

我也認識一位家長,在選小一時,跟你面臨的選擇是一模一樣,那時,他們選擇了APS
放棄培僑,但現在很後悔,因為小朋友一直位處下游,學術音樂運動都不突出,如果那時選擇培僑,可能輕鬆一點,小朋友會發展得更好。


Rank: 5Rank: 5


2564
發表於 22-5-19 12:54 |顯示全部帖子
dmms 發表於 22-5-18 09:08
回覆 dmms 的帖子

Thanks 🙏

入讀後,每個學生都會被安排學習一種樂器,一切都是從那時才開始。大部分學樂器的學生都在5年級或6年級考到8級或以上。
有一些學生當然會在半路放棄,改為學歌詠班,只不過在宣小不入樂團,就是入寶山而空手回而已。

每年都會有一些學生,學業排名中間,但有一個八級樂器,玩樂團,結果有B1A學校正選offer. 他們都只是按著進度,一步一步努力學習而已。我發現只要肯跟著大隊學習,大部到最後的升中結果都是令人滿意的。


點評

hkcsty    發表於 22-5-19 13:47
你需要登錄後才可以回帖 登錄 | 註冊