好鬱悶 和老公教育理念不合

200904

我有兩個女，今年讀中一，最近迷上了韓國的blackpink，是一邊做功課一邊聽，然後下載了很多女團的MV，生活小影片，開口閉口就是她們。我有跟她們瞭解過，爲什麽那麽喜歡，她們說人美歌好，四人之間的友誼真誠，以及四人從trainee 一路堅持到出道的堅毅，以及自填的歌詞非常有意義，對音樂的熱忱非常讓人感動。
我很欣賞我的女兒能那麽正面分析，也很欣慰她們有好的idle。但我老公現在一聼到她們聼blackpink的歌，就大發雷霆，讓她們stop，理由是她們應該探索一下廣闊的世界，這個世界不只有blackpink的存在。
但我女兒除了blackpink，也會看老高與小沫，看其他youtuber，看書，只是空閑時會談論這個女團。
前兩天我和我老公溝通，他一點都不聽，還越來越大聲，話我太寵溺兩個女兒，鼓勵她們迷戀女團。
不知道大家的意見如何？

Jane1983

你能夠理解少年人，同佢地friend到，咁係好好。你老公唔贊成，對開口埋口都係明星的行為劃一條綫，亦唔係壞事。

mcl203

以前，小六已經幫佢搶BTS Concert飛，部分女生必經階段～～～

b3410

可能女仔都喜歡聽歌，追星 男仔係玩運動加打機。我兩個女一樣有自己的idol, 平時會互相推薦新歌，也會分享俾我一起聽。我哋有時會一起分析首歌作曲如何，填詞如何，編曲如何，旋律邊一段最好聽。所以佢哋揀的idol 都係要識自己作曲填詞樂器演唱，還要係學霸。我覺得都算正面積極嘅，所以唔會反對。

爸爸就一樣，反對“追星”，覺得浪費時間做無聊之事。不過帶耳機聽歌，又唔會理。所以大家暫時相安無事。

Azzurro

https://zh.wikipedia.org/zh-hk/BLACKPINK
BLACKPINK在韓國流行音樂上已經成為一個顯赫的人物，因其對韓國文化的貢獻，CNN[180]、《荷里活報導》[181]、《福布斯》[182]、《Billboard》[183]等主流媒體公認BLACKPINK在推動韓流中扮演重要角色，她們亦被認可是成功帶領K-Pop挺進曾被認為是堅不可摧的歐美音樂市場的韓國歌手之一[184]，並打破了世人對「能在美國取得成功的K-Pop組合都是男子組合」的刻板印象
被委任成為聯合國氣候變化大會（COP26）的宣傳大使
被委任成為聯合國永續發展目標（SDGs）的宣傳大使
這些可以比你老公睇睇。。

我以前都睇過下 2NE1... 都幾型格架

我覺得應該恭喜你小朋友，有高度愛好絕對係好事
高度愛好不難轉化為後來嘅該領域專業/ 半專業人士
好多二十幾三十幾歲嘅人都冇高度愛好。。

可以延伸為。。
1. 學韓語，香港好多韓國公司
http://homepy.korean.net/~kochamhk/www/

2. 學 K Dance，之前 PMQ 文化院有舞蹈比賽
https://hk.korean-culture.org/hk

3. 學唱歌
4. 文化政策研究，遠在魷魚遊戲之前，好多政府已經研究為何韓國咁成功
5. 國際關係，中韓關係，兩朝關係，港韓關係

Azzurro

老高與小沫，好惡心。。
1. 當咩題目都講嘅時候，即係咩都唔專業。。（例如講新世紀福音戰士那一節）
2. 唔尊重女性，當女主持白癡一樣。。矮化女性，宜家已經 21世紀二十年代啦！

bbc2018

mcl203 發表於 22-5-10 12:49
以前，小六已經幫佢搶BTS Concert飛，部分女生必經階段～～～

阿囡中一時，我要幫佢訂BTS電影戲票，佢同爸爸去睇
同佢一齊屋企睇連續幾小時的BTS現場show

同佢買專輯，閃卡…….
幫佢排隊買珍珠奶茶為咗拿應援，自己要買多一份

中二下學期，阿囡已經唔迷啦！

200904

bbc2018 發表於 22-5-10 23:17
阿囡中一時，我要幫佢訂BTS電影戲票，佢同爸爸去睇
同佢一齊屋企睇連續幾小時的BTS現場show

我都有同感，之前我兩個女勁中意running man，宋智孝，沒過半年就唔迷，小朋友轉地好快。

gigayan

唔會沉迷到放棄學業，聽下歌、睇下佢哋show咁其實都係relax 下，呢個年齡層多數都係聽韓團、韓星、mirror….. 有時都覺得年青人好慘，睇親呢啲好多時俾人標簽「不務正業」，咁世界興緊呢啲，難道睇二、三十年前表演才算懂得藝術…..

200904

回覆 gigayan 的帖子

贊同！而且我女話通過blackpink 翻唱的歌曲，也讓她們有機會瞭解了以往的音樂。

mimi1102

全個世界都在變, 資訊氾濫, 朋輩影响, 好難用番我地以前阿媽果套, 又或者我地年代果套嚟對待依家的年青人, 只要唔係殺人放火, 慌廢學業, 比佢地迷下偶像, 真係冇咩問題. 依家無論香港偶像或韓國偶像, 都會有一大段關於佢地成功背後的努力故事, 唔理真定假, 年青人睇左, 都好受落, 咪當係比佢地一個寄託.

而且家長亦可投其所好, 增加同子女溝通的機會, 唔好下下問佢温左書未, 做晒功課未, 好快就會冇計傾

vpo0615

諗起以前自己迷BEYOND, 間房貼晒海報, 買CD.....
青春期有偶像係正常, 只係可能樓主老公嘅偶像係...米高佐敦/馬勒當拿...

gigayan

mimi1102 發表於 22-5-11 12:11
全個世界都在變, 資訊氾濫, 朋輩影响, 好難用番我地以前阿媽果套, 又或者我地年代果套嚟對待依家的年青人,  ...

年青人宜家吸收資訊可以話從四面八方, 足不出戶都可以知天下事.......
有時我都諗, 我哋個年代都有四大天王, 外國都有Backstreet boys、spice girls、個時唔興kpop不過興jpop, smap、kinki kids..... 不過個時就無乜後援會, 只係得歌迷會, 不過個時都有fans追車, 我哋後生時都會聽下睇下呢d明星新聞/作品, 點解到宜家年青人做同樣的事時, 又會覺得唔好呢?  

mcl203

bbc2018 發表於 22-5-10 23:17
阿囡中一時，我要幫佢訂BTS電影戲票，佢同爸爸去睇
同佢一齊屋企睇連續幾小時的BTS現場show

我哋果啲係一開賣就幾部機一齊登入，搶搶搶！

又試過係大阪某公園，見到睇唔明人排乜嘅BTS乜乜，好鬼凍下露天坐咗成5粒鐘，成千人係度等，仲以為排concert即日門票，原來賣紀念品，佢仲話一個人入場睇concert都ok，散場去接佢～～～

bbc2018

mcl203 發表於 22-5-11 13:37
我哋果啲係一開賣就幾部機一齊登入，搶搶搶！

又試過係大阪某公園，見到睇唔明人排乜嘅BTS乜乜，好鬼凍下 ...

好在阿囡迷BTS時，無得飛，如果唔係陪佢海外追星就頭痕

迷BTS亦令佢keep 住學琴，彈佢喜愛的樂曲

cyiuming

回覆 mcl203 的帖子

總之同個女約法三章，唔太影響到學業的話冇所謂，如果唔係就減少相關活動，例如冇得參加佢啲活動或者演唱會等，再同老公講,睇吓可唔可以取得平衡

Jane1983

我同意樓上講小朋友有“高度愛好”係好事，但對一個人開口閉口就如數家珍咁講娛樂明星，真係好難接受。

估唔到而家咁多家長支持追星，時代真是不同了。

mcl203

bbc2018 發表於 22-5-11 14:22
好在阿囡迷BTS時，無得飛，如果唔係陪佢海外追星就頭痕

迷BTS亦令佢keep 住學琴，彈佢喜愛的樂曲: ...

最好笑係中一靜雞雞自己去入數俾人，為咗支瑩光捧睇BTS，俾我哋知道笑佢你識去入機㗎咩，仲要嚇親佢，賣家打算買支ver1當ver2就算，好在肯退款，幾舊水對佢當時係大數嚟。大過啦，要面對下社會，太管束唔work嘅，可控範圍乜都俾佢自己試吓～～～

mcl203

Jane1983 發表於 22-5-11 14:37
我同意樓上講小朋友有“高度愛好”係好事，但對一個人開口閉口就如數家珍咁講娛樂明星，真係好難接受。

估 ...

岩岩先講咗個以前事，你唔俾佢做，佢自己會靜雞雞去做，反為你提佢想做乜同父母講，睇住佢做仲安全～～～