學校宿舍有蝨

yuyueng

anitawong21 發表於 22-5-5 21:00
其實哩D應該係宿舍做喎，同埋冇理由得你小朋友一個中招，就算你清走晒，隔離房又會走兩隻過嚟點可能斷尾呢 ...

係囉，我都覺得明明係宿舍問題，點解變咗係樓主個仔嘅問題？樓主公子搬開D蝨都唔會自己消失依然起宿舍度。我無諗過原來宿舍會有蝨，大家小朋友返香港屋企時真係要小心處理仔女嘅行李。

katrinafu

yuyueng 發表於 22-5-7 12:35
係囉，我都覺得明明係宿舍問題，點解變咗係樓主個仔嘅問題？樓主公子搬開D蝨都唔會自己消失依然起宿舍度。 ...

係呀 ，唔止宿舍問題，回港仲要入住檢疫酒店，都係要小心的 。

WUINE

etoile 發表於 22-5-7 11:49
學校要做嘢，只係安排學生轉宿舍，咪間接擴散D蝨？！
之前懷疑屋企有床蝨，研究結論都係熱能滅蝨最徹底，呢 ...

問題係寄宿家庭醫生話阿仔仍然有床蝨問題，學校帶阿仔去睇嘅醫生就話床蝨問題已解決，佢只係濕疹。只係開啲藥膏俾佢先。

我哋都認為床蝨問題未解決, 所以唯有自己嚟

WUINE

katrinafu 發表於 22-5-7 13:26
係呀 ，唔止宿舍問題，回港仲要入住檢疫酒店，都係要小心的 。

係, 多謝提示!
我哋都打算叫阿仔回港前棄掉所有衣服行李，再一次全部買過新

cfs

我反而好奇係邊間學校,同學校反映左之後學校點樣去處理?

yuyueng

cfs 發表於 22-5-7 14:12
我反而好奇係邊間學校,同學校反映左之後學校點樣去處理?

其實我都想知。

etoile

WUINE 發表於 22-5-7 13:52
問題係寄宿家庭醫生話阿仔仍然有床蝨問題，學校帶阿仔去睇嘅醫生就話床蝨問題已解決，佢只係濕疹。只係開啲 ...

如果只係濕疹唔係床蝨，咁點解要搬宿舍 ？根本就自相矛盾。
係床蝨嘅話，應該唔止阿仔一個受罪。 如果你唔熟其他英國家長，就叫阿仔問下有冇宿友同佢一樣。尤其是搬咗宿舍之後，新宿舍其他人有冇同樣問題，有就肯定係床蝨擴散咗去新宿舍。 其實housemaster自己唔驚嘅咩？因為啲床蝨遲早會蔓延去佢屋企。

WUINE

cfs 發表於 22-5-7 14:12
我反而好奇係邊間學校,同學校反映左之後學校點樣去處理?

我唔係專業醫生，唔100%肯定到底係寄宿家庭醫生啱，抑或學校醫生啱，所以呢刻開學校名感覺對學校唔公平，同埋阿仔仲讀緊。
學校安排轉宿舍之外，就冇乜跟進，全憑寄宿家庭醫生開既少少藥，即使Easter去寄宿家庭前安排醫生做一次檢查，都係應寄宿家庭要求。學校理由係阿仔嘅新舊roommate  都冇感染(呢樣又係事實)，所以認為床蝨問題已解決或根本無床蝨問題。

WUINE

etoile 發表於 22-5-7 15:17
如果只係濕疹唔係床蝨，咁點解要搬宿舍 ？根本就自相矛盾。
係床蝨嘅話，應該唔止阿仔一個受罪。 如果你唔 ...

搬宿舍係我地要求

etoile

WUINE 發表於 22-5-7 18:57
搬宿舍係我地要求

咁除咗被咬，有冇捉到床蝨或者bedding上面見到一點點黑色？
學校淨係俾佢搬宿舍，冇做滅蝨工作？
我之前俾嘢咬，以為係床蝨，落DE粉噴天盐清做咗3個星期，但係滅蟲公司上到嚟話唔係床蝨，白做一餐。

cfs

WUINE 發表於 22-5-7 18:54
我唔係專業醫生，唔100%肯定到底係寄宿家庭醫生啱，抑或學校醫生啱，所以呢刻開學校名感覺對學校唔公平， ...

哦咁可以唔開名私下PM，我正在搵學校，學校處理方法都係我要考慮，又或者學校位置丫，南部？東部？中部
不過其他同學冇嘢，又奇怪喎，照計同房一定一齊中架，正常屋企連廳都會有，冇理由同房或者隔離房冇。
希望你的問題可以解決，我都唔識呢啲嘢幫你唔到

bkfans123

peggy 發表於 22-5-5 01:06
用尤加利精油+薰衣草精油+火酒，噴床鋪、地毯、窗簾、房間周圍。

借問聲…尤加利精油和薰衣草精油可在英國買嗎？謝

katrinafu

bkfans123 發表於 22-5-7 21:29
借問聲…尤加利精油和薰衣草精油可在英國買嗎？謝

Amazon UK 搵啦， 好容易買到 ，有機的又有 ， 品牌選擇又很多 。

bkfans123

katrinafu 發表於 22-5-7 21:32
Amazon UK 搵啦， 好容易買到 ，有機的又有 ， 品牌選擇又很多 。

好的，謝謝

anitawong21

WUINE 發表於 22-5-7 13:52
問題係寄宿家庭醫生話阿仔仍然有床蝨問題，學校帶阿仔去睇嘅醫生就話床蝨問題已解決，佢只係濕疹。只係開啲 ...

宿舍咁大地方，就算專業滅蟲公司都要花好多時間至搞得掂啦，可況一個細路？連對住醫生都唔敢講，好明顯學校唔想揚，不過你哋又太溫和，學校咪拖得就拖！

其實無論咩級數學校都好怕俾人唱！首先，哩間學校你係咪經agent報？有冇用當地監護人公司？如有，你有冇同佢哋講過？佢哋有責任幫你向學校投訴，亦有機會搵到其他同公司兼同校學生去了解下。不過無論agent及監護人有否做過嘢，你而家要做嘅唔係買殺蟲水，你要正式出一個投訴email俾校長，內容係話你已經向宿舍投訴過床蝨問題，但一直冇解決，唔單止對呀仔嘅身體、精神上及學習上造成極大困擾，亦波及寄宿家庭！仲要呃醫生話已解決咗，話佢只係濕疹，作為家長嘅你對於學校嘅處理方式非常失望，反映出學校嘅管理及衛生環境好有問題，亦冇盡保護學生嘅責任！為咗唔好影響聲譽，學校必須盡快搵滅蟲專家嚟處理好佢，否則不排除會向有關部門及該區council投訴。你個email要@埋俾正副宿監、收生部代表、照顧呀仔嗰位tutor，學校infirmary 呀頭、監護人及其head office負責人、最最最緊要@埋你個agent（包括head office 及幫你經手嗰個，如果你知大老細email就@埋佢），因為agent係學校米飯班主！

WUINE

anitawong21 發表於 22-5-7 22:17
宿舍咁大地方，就算專業滅蟲公司都要花好多時間至搞得掂啦，可況一個細路？連對住醫生都唔敢講，好明顯學 ...

多謝你嘅提議，而家寄宿家庭講明拒絕再收留阿仔之後，監護人公司已經向學校housemaster 反映，一齊跟進，再睇佢地跟住點。

etoile

WUINE 發表於 22-5-7 23:35
多謝你嘅提議，而家寄宿家庭講明拒絕再收留阿仔之後，監護人公司已經向學校housemaster 反映，一齊跟進，再 ...

你試下去amazon uk揾neem oil，賣DE粉公司話搽上身可以防蝨咬。佢哋另外有種床褥套可以包住整張床褥，可以防止藏身床褥嘅蝨走出黎咬人，亦防止有蝨走入去匿埋。
希望你個問題儘快得到解決！

WUINE

etoile 發表於 22-5-7 19:13
咁除咗被咬，有冇捉到床蝨或者bedding上面見到一點點黑色？
學校淨係俾佢搬宿舍，冇做滅蝨工作？
我之前俾 ...

又無一點點黑色喎

WUINE

etoile 發表於 22-5-8 00:30
你試下去amazon uk揾neem oil，賣DE粉公司話搽上身可以防蝨咬。佢哋另外有種床褥套可以包住整張床褥，可以 ...

唔該晒, 都打算暑假完返過去就用你講既床褥套

kct18

係咪床蟎，唔係床蝨？
我見你話仔有濕疹，而新舊roommates 又無事！
因為去新地方的床，好多人都會敏感發作，你買床褥套或床墊比仔，唔好直接用學校的床單，應該會有改善！