有冇君豪LH PN用家?

chichi730

想請教君豪LH PN用家，一班幾多Miss?老師安排上係點?
君豪比較新，資料唔多，覺得教得好嗎？
各方面有優缺點嗎？

Chubu

chichi730 發表於 22-4-25 15:53
想請教君豪LH PN用家，一班幾多Miss?老師安排上係點?
君豪比較新，資料唔多，覺得教得好嗎？
各方面有優缺 ...

一班28人，2班主任。一普/粵，一Net，會再有一個助教幫手。

我覺得個校長OK，幾認真同有Heart，但教得好唔好主要睇兩個班主任。好老師一定有，但始終學校唔耐，有D老師新新地（有fd 話LH係長期請緊老師）相對好的師資應該真係無舊校咁多。所以主要睇好唔好彩，4年換8個老師一定唔會個個都100分。（可能較舊分校可以？）但如果同其他幼稚園比較應該算幾好，因為始終校長要求高好Chur。
缺點係校車成日唔準時，同location有關係，唔怪得學校，但校巴公司員工質素不敢恭維，最好自己送翻學。

chichi730

回覆 Chubu 的帖子

請問個助教係咪長駐?英文有幾多時間?學校著重英文語境嗎？多訓練show and tell嗎？
小朋友上堂開心?多遊樂場時間?
有要求學生坐定定?紀律要求高嗎？
仲想問下我見佢官網個升小數據好少升國際學校，係冇計到K2升國際學校轉走嗰d?定係入得呢間絕大部份家長只想升直私?
太多問題，先多謝你!

wanwan2019

請問英文語境怎樣？是全英文另加廣東話輔助，還是主要廣東話，另每日上下英文堂？

這新校常換老師嗎？
謝謝

蛋白超人

君豪係新校，去年派位唔多好，朋友個仔K1入讀，今年該校畢業，聽講今屆考直私都係唔理想，相反青衣總校好出色，光係女拔已經有8人考到，所以LH基本上都有分天地校，而哩兩三年新開咗幾間分校，成績一定唔能夠同幾間老校相比較，但因為課程一樣，新校應該會比一般幼稚園好，但同其它名幼比，一定輸蝕好多。個人認為如果有其他名幼就讀其它名幼，如果冇就讀新校點都好過普通幼稚園

chichi730

回覆 Chubu 的帖子

請問係4年內全校換左8個老師?

wanwan2019

蛋白超人 發表於 22-4-27 17:09
君豪係新校，去年派位唔多好，朋友個仔K1入讀，今年該校畢業，聽講今屆考直私都係唔理想，相反青衣總校好出 ...

明白，謝謝你分享
始終最後都要出公海搏。。。。

Chubu

chichi730 發表於 22-4-27 17:21
回覆 Chubu 的帖子

請問係4年內全校換左8個老師?

唔係，我意思係pn 讀到k3 共四年，每年都會轉班主任。所以會遇到8個老師

Chubu

chichi730 發表於 22-4-27 11:33
回覆 Chubu 的帖子

請問個助教係咪長駐?英文有幾多時間?學校著重英文語境嗎？多訓練show and tell嗎？

我仔話助教日日都會出現，有時同佢地上堂有時係出面做野。英文中文各一半時間。佢地通常會3個老師分3組小班教學，20分鐘後rotate，一個鐘就上曬3個老師D 堂。所以小朋友d英文係會幾好。
非常多機會訓練show and tell，因為考小好注重表達能力。上堂普遍來講算開心，單都係個句，要睇老師，好小朋友有一年勁開心因為佢好鍾意個老師，有一年一般般因為佢話個老師會鬧人。

非常要求坐定因為學校學術教得深，你見佢面試都係咁考小朋友坐唔坐定就知。紀律要求唔會好嚴格，但禮貌如講拜拜，同用完整句子作答，K2開始會捉得好嚴，因為面試需要。
K2升國際學校唔會顯示係小一入學名單，因為一早轉走左，但我目測k2轉IS的小朋友唔多，真係想入IS 有更好選擇，讀woodland 維記適合D。LH真係無IS咁free

Jean1769

蛋白超人 發表於 22-4-27 17:09
君豪係新校，去年派位唔多好，朋友個仔K1入讀，今年該校畢業，聽講今屆考直私都係唔理想，相反青衣總校好出 ...

聽朋友講，君豪有3個男拔3個spcc喎，全校得100人，都算非常唔錯啦

Chubu

Jean1769 發表於 22-4-27 22:31
本帖最後由 Jean1769 於 22-4-27 22:32 編輯

聽朋友講，君豪有3個男拔3個spcc喎，全校得100人，都算非 ...

今年其實考得幾好，百幾人3百幾 offer。當然青衣校講緊百幾人6百幾offer，實在太誇張，我都好想知點可以教到個個小朋友都咁犀利