SPK pm vs 坑真 pm

Chanelaholic

囡囡有呢兩間嘅offer，兩間都各有好處，坑幼上坑小感覺穩陣過SPK上SPCS, 但很難得有SPK offer, 可惜SPK課程淺，如果不幸上唔到SPCS, 考直私又唔夠fight,唔知點揀好。。。想問下大家有咩意見。謝謝

Lightwriter

2間都係好學校，學費又差不多，呢個係幸福的煩惱，先講句恭喜先。

坑幼同spk 一樣，都唔係100%直升，所以2邊家長都緊張小朋友表現。既然讀得都唔想比人foul，2邊都有家長外補，但唔補既人2間學校都有。

眼見普遍spk 囡囡都幾受附近小學歡迎，包括坑小。所以雖然話課程淺驚無offer, 但到最後都手執幾間直私offer 做back up升spcs.相反如果你好鍾意spcs, 讀坑幼就幫你唔到。

同埋課程以外都不妨爬文了解2間學校既教學理念、在校家長comment, 睇下岩唔岩自己，再作決定。

hlmami

其實2間都要靠外補，不過坑真相對活動教學多d，spk會更傳統一點

sumyimami

Lightwriter 發表於 22-4-15 22:56
2間都係好學校，學費又差不多，呢個係幸福的煩惱，先講句恭喜先。

坑幼同spk 一樣，都唔係100%直升，所以2 ...

請問你話知道有SPK小朋友手執幾間直私，請問係邊幾間？(emoji)(emoji)

Lightwriter

sumyimami 發表於 22-4-30 09:20
請問你話知道有SPK小朋友手執幾間直私，請問係邊幾間？(emoji)(emoji)

個個都唔同，點答你呀。好多會女校報女校, 收獲唔錯。學校附近既男女校都會比offer。至於神校，校方都會鼓勵同學出去考下見識見識。有無offer 就睇平日有幾努力，同出面d小朋友一樣。

其他九龍新界區既直私offer 都聽到有，但家長似乎鍾情港島區學校多d，所以都集中報港島學校...

Chanelaholic

Lightwriter 發表於 22-4-15 22:56
2間都係好學校，學費又差不多，呢個係幸福的煩惱，先講句恭喜先。

坑幼同spk 一樣，都唔係100%直升，所以2 ...

多謝你詳細分析和解答，你說得對其實兩間也是好學校，SPK比較傳統，而坑幼就比較活動教學，雖然好多人話傳統學校不合時宜，但我又覺得不是，我身邊也有很多朋友和同事也是傳統學校畢業，我反而覺得他們對學校歸屬感很強，腦根亦轉得很快。

另外想了解下傳聞中Sister和老師都不喜歡spk的小朋友出去外補，而且也不喜歡小朋友K3出去考學校，如果比sister 和老師知道就唔會有SPCS offer, 請問知不知道實況是否這樣呢？

Lightwriter

Chanelaholic 發表於 22-5-2 00:00
多謝你詳細分析和解答，你說得對其實兩間也是好學校，SPK比較傳統，而坑幼就比較活動教學，雖然好多人話傳 ...

k3出去考學校既迷思：唔會呀，上到k3就會清楚明白學校既立場了。其實學校好開明，老師亦都會鼓勵學生出去見下世面，所以唔明上網流傳既myth 係點黎。當然，學校比你去，家長會唔會有太多顧忌而唔放個囡出去考呢，呢個就自己諗了。

出去補習：我3年既經歷都睇唔出老師有唔鍾意。同埋點解老師會唔鍾意呢？點睇得出老師唔鍾意呢？我都想知。但至少，以前呀囡個班有升dgs, coed 既同學，素來係班中表現出眾(相信背後都有谷)，但觀課時見到老師都一視同仁，該讚就讚，該提點就提點，見唔到有咩特別處理有補習/無補習既學生。

相反，可以想像一下，如果小朋友因為咩都識，返到學校就口沒遮攔對人無禮，或者唔專心上堂騷擾同學既話就一定會比老師(emoji)實lor.

以我既認知就係咁。

feifei_baby

Chanelaholic 發表於 22-5-2 00:00
多謝你詳細分析和解答，你說得對其實兩間也是好學校，SPK比較傳統，而坑幼就比較活動教學，雖然好多人話傳 ...

K3果年見家長，老師鼓勵出去考學校同參加派位，阿媽回咗一句「即係當佢普通k3生咁預備？」老師連連點頭表示欣賞，阿媽心裏omg，即係暗示升唔到？後尾第一round有offer的。外補係風氣，有外補唔收，應該冇咩人升到小學