學琴只操考試歌？

lambeanmama

LeeCC 發表於 22-5-10 09:43
我小朋友學琴10年，什麼”學咗幾年先三級？”，“下？小學畢業都未八級？”，“你個老師梗係搵你笨，拖你 ...

其實真係好睇家長，我仔四年來轉過三位琴老師。最初是一位收得貴的演藝鋼琴科老師，不停叫我地考級去幫考小。我好抗拒；佢也覺得我「唔配合」；之後轉了一位上了年紀的老師；教基礎很好；但好嚴又悶；我仔講到明，唔係唔想學，係唔想跟呢位老師學；Ok； 又轉；宜家搵左一位教；我仔學得開心。久不久自己會想彈琴。我覺得已很足夠。

當然，四年未考過級，也有不少家長朋友覺得我奇怪同浪費。(emoji)

LeeCC

lambeanmama 發表於 22-5-10 10:38
其實真係好睇家長，我仔四年來轉過三位琴老師。最初是一位收得貴的演藝鋼琴科老師，不停叫我地考級去幫考 ...

考唔考級，比唔比賽其實係睇小朋友性格

我小朋友係那種唔考試唔比賽就唔上心練琴，只是不停自己彈中意的歌，什麼scale，sightreading，技巧歌可以完全拋諸腦後，但話要考試比賽，就會肯去練下，雖然都唔係好認真，但好過無練

所以學咗兩年半，老師話考試啦，畀個理由要佢認真練琴啦

但這個理由有效期只到七級，到八級又係中意就練下考試歌，平時主力彈流行曲

964000

所以如果真係考樂團/考學校，認真個D唔會只睇你幾級，通常要audition, 仲會考埋sight reading, 一試就現形了。

babyG2015

我女女考樂團的時候考級證書根本沒有看，直接要求拉兩首不同曲風的作品同埋視奏樂團的第一小提琴聲部的樂譜

Momobaba012

964000 發表於 22-5-10 16:20
所以如果真係考樂團/考學校，認真個D唔會只睇你幾級，通常要audition, 仲會考埋sight reading, 一試就現形 ...

唔啱音唔啱拍子，就算八級distinction都無用

ratafan

其實學音樂應從theory 開始，大部分鋼琴老師只是從五線譜 and middle C 開始. 西方音樂最重中之重是harmony 及chord. 一定要先掌握scale 及chord的pattern, 其他技巧便好快上手⋯⋯我發現很多八級的也不懂chord progression or 變化，沒有譜便乜都彈唔到

ratafan

LeeCC 發表於 22-5-10 10:58
考唔考級，比唔比賽其實係睇小朋友性格

我小朋友係那種唔考試唔比賽就唔上心練琴，只是不停自己彈中意的 ...

其實學樂器要掌握好技巧，首要是學好scale and arpeggios ,chord 便自然好，天下所有樂曲underlying 的chord pattern 也是follow 一些logic 㗎，如果懂得這些progression 的pattern, sight reading 便會進步，甚至自己編曲

Momobaba012

ratafan 發表於 22-7-16 02:03
其實學音樂應從theory 開始，大部分鋼琴老師只是從五線譜 and middle C 開始. 西方音樂最重中之重是harmony ...

好多老師自己都唔識chord progressions

LeeCC

ratafan 發表於 22-7-16 02:08
其實學樂器要掌握好技巧，首要是學好scale and arpeggios ,chord 便自然好，天下所有樂曲underlying 的cho ...

係呀，我小朋友細個時候的老師好注重scale，我小朋友五級左右懂得自己編曲

ratafan

LeeCC 發表於 22-7-16 06:32
係呀，我小朋友細個時候的老師好注重scale，我小朋友五級左右懂得自己編曲
...

你小朋友是少數有此concept. 大部份所謂老師都把最重要的harmony concept放係一邊。學語言有「聽說讀寫」，音樂也類似，但係好多老師淨係教學生彈奏樂章只係cover「聽說讀寫」其中「説及讀」的部份，完全冇cover聽力及寫作嘅技巧。學生只懂跟譜彈，好似學語言時玩朗誦，但音樂可以創作的，要有chord progression 及不同chords 的特性等知識才能做到，但老師們常常把這些東西在考theory 時一次過狂谷學生，小朋友考完有90分以上也唔知點apply.

ratafan

有次公司攪annual dinner, 我哋几個同事組個band 表演，揀咗歌，要招募同事做唔同嘅崗位，個後生女同事來話做keyboard, 但係不停問我哋有冇譜，我只係喺網上搵到一啲結他chord譜，其實好容易就可以用鋼琴或者keyboard即興彈出嚟㗎啦，但係佢話冇五線譜搞唔掂喎，結果又係我做埋囉

ratafan

LeeCC 發表於 22-5-10 10:58
考唔考級，比唔比賽其實係睇小朋友性格

我小朋友係那種唔考試唔比賽就唔上心練琴，只是不停自己彈中意的 ...

你小朋友有創作音樂的能力

LeeCC

ratafan 發表於 22-7-16 08:50
你小朋友是少數有此concept. 大部份所謂老師都把最重要的harmony concept放係一邊。學語言有「聽說讀寫」 ...

我小朋友懂編曲時還未正式學樂理預備考試

不過佢4歲學左幾個月琴，已經自己靠記憶彈兒歌，而且配埋左手伴奏，我自己唔識聽，但樂器老師朋友話係配得好好

LeeCC

ratafan 發表於 22-7-16 08:56
有次公司攪annual dinner, 我哋几個同事組個band 表演，揀咗歌，要招募同事做唔同嘅崗位，個後生女同事來話 ...

我小朋友小學時，詩歌班練習一首新歌，負責彈琴的老師病左，臨時搵音樂科實習老師來幫手，原來個譜只有chord，實習老師唔識彈，老師叫我小朋友出來試下，結果一彈就得，佢都係個一堂才見到個譜

ratafan

LeeCC 發表於 22-7-16 10:03
我小朋友小學時，詩歌班練習一首新歌，負責彈琴的老師病左，臨時搵音樂科實習老師來幫手，原來個譜只有ch ...

太好了，你小朋友已好好掌握了運用的技巧！我好奇怪，好多學琴的人冇五線譜便好似唔識彈，佢地根本唔可以叫識音樂

LeeCC

親戚幾個同年齡層的小朋友都有學琴，除了我個，幾乎人人都要係每次考試distinction, 校際得獎，我個只係合格merit之流

家庭聚會幾個小朋友都會打開琴一起玩下，其他小朋友次次都係彈老師教緊的歌／考試歌／比賽歌，甚至有人帶埋譜來，唯獨是我小朋友次次都係彈流行曲，連最新的歌都有，每次都畀cousins 追問要琴譜，有人還質疑無理由無琴譜，你一定係背咗譜先來show off ，我都覺得好好笑，我話，呢首我都係第一次聽佢彈，係屋企都未彈過
其實學音樂，可以自得其樂才重要

ratafan

LeeCC 發表於 22-7-17 06:53
親戚幾個同年齡層的小朋友都有學琴，除了我個，幾乎人人都要係每次考試distinction, 校際得獎，我個只係合 ...

親戚中只有你小朋友明白怎樣apply harmony concepts. 某程度上是可以本身自己領悟，但老師的focus 也很重要。大部分學生只會認音，但未領略到chords 的變化, cadence , progression 等關係，更不會馬上做到transpose (轉key). 其實如果明白，真係好好玩的，本身music theory 其實好mathematical 同logical…

LeeCC

ratafan 發表於 22-7-17 14:19
本帖最後由 ratafan 於 22-7-17 14:19 編輯

親戚中只有你小朋友明白怎樣apply harmony concepts. 某程 ...

我自己本身唔識音樂，但小朋友好4,5歲已經經常自己將d歌轉key,我當時以為個個小朋友學左一年半載都做到，直至有個八級鋼琴朋友睇到佢咁樣玩琴，就話唔係人人做到，至少佢考到八級多年都做唔到

ratafan

LeeCC 發表於 22-7-17 06:53
親戚幾個同年齡層的小朋友都有學琴，除了我個，幾乎人人都要係每次考試distinction, 校際得獎，我個只係合 ...

要考distinction, 其實最緊要係音樂感，但做到音樂感不太難，要夠放，但無論distinction/merit, ABRSM 考試模式也只會令你停留在演奏能力，尤其那些追求十歲前考完八級的學生，我以前去learn harmony ,是要坐在琴前自己去聽不同chord的特性，可以攪上一整天。我也試過用六小時狂練Liszt也練唔到，，但有時會發現一些pattern ，用chord 的pattern 再重組我的思維，好快找到方法

LeeCC

ratafan 發表於 22-7-17 14:30
要考distinction, 其實最緊要係音樂感，但做到音樂感不太難，要夠放，但無論distinction/merit, ABRSM 考 ...

你咁講，我又記起佢4，5歲時，中意自己玩琴玩半日，當時我唔識呢d叫做scale，chord ，只係見到佢成個keyboard 都有彈下，試下高音，又玩下低音，黑白鍵又玩下，而且係有規律的，問佢點解咁玩，佢就話係琴行隔離房d哥哥姐姐都係咁彈