《求救》小三脾氣大丶做功課超慢丶成績差

BMW@BENZ

早兩年升小一冇幾耐就疫情，跟住就停課一大段時間，初初以為係未適應小學節奏，直至二年級下學期開始正常實體課之後就發覺唔對路，脾氣好大丶做功課超慢，一般人用2小時可完成的功課，佢就要花上8小時(過程中大部份時間都是哭哭鬧鬧)，考試份份卷都唔夠時間做，成績更加唔洗講啦！現在已經小三，情況每況愈下，想死。求救！求救！

Liuvyn

回覆 BMW@BENZ 的帖子

小朋友認字如何？有冇讀寫問題？老師有冇反映問題？佢做功課慢的原因係咩？唔識做定唔想做？以前在幼稚園學習有冇問題？佢自理方面有冇困難？平時係咪一叫就能完成指令？定叫極都冇咩反應？

giver

回覆 BMW@BENZ 的帖子

如果孩子沒有樓上網友提出的學習障礙，一般的、有效的鼓勵方式：

1.   緞練小肌肉，如捏硬泥膠。
2.   坐定定不能太久。每隔20-30分鐘，便做點運動、傾吓偈、聽點音樂。
3.    在協議的時間內完成一份家課，便可以加分，獲得獎賞。（最好讓孩子自選奬賞。要慳錢，便做一個小小抽奬箱）

4.    任何些少進步，都要大大的讚！
5.    多擁抱，忌駡。（家長也是人，也有情緒，儘量啦）
6.    如果孩子在校內努力學習，便讓他選擇喜歡的課外活動，否則便要暫停囉。

還有以下的方法，比較另類，但朋友們試過，都有很好的效果。當然，小朋友性格、家中情况各異，唯有多花心思，耐心嘗試，加油！

A.   放學後太累，回家便立刻小睡，醒來後早點吃晚飯。小休後立即做家課，更有效率。
B.   阿大左手寫字太慢，我便叫他不要每份功課都寫太靚 >> 快咗 !（從此他的字愈來愈醜，我後悔已經太遲）

C.    起初，阿大和我把家課逐一研究，「一起」決定哪些可以 hea做。他的完美主義，也被我逐步打散了！（可能因此扼殺了一位藝術家)
D.  疲倦、飢餓時，阿細會變得暴躁。晚上她開始發作時，我們便火速哄她睡覺，然後早上會讓她早20-30分鐘起床。她為了趕校車，做家課的速度快了十倍，沒有誇大。

E.   可以在小息時、上堂前做些家課，但很難確保不會變成「抄襲」同學的家課。

BMW@BENZ

Liuvyn 發表於 22-1-2 20:42
回覆 BMW@BENZ 的帖子

小朋友認字如何？有冇讀寫問題？老師有冇反映問題？佢做功課慢的原因係咩？唔識做定 ...

小朋友認字如何？有冇讀寫問題？
答：例如抄寫課文仲要逐個字望住先寫得出，要記嘢默書就好似一個筲箕，早上記完默完，下午就唔記得晒。

老師有冇反映問題？佢做功課慢的原因係咩？
答：功課在家做，所以老師唔會好察覺佢會用多少時間。


唔識做定唔想做？
答：我覺得唔識做佔30%，唔想做佔70%


以前在幼稚園學習有冇問題？
答：幼稚園係happy School，冇乜學習壓力，都唔知係冇問題定係我哋察覺唔到問題！到小學功課/考試壓力都大。


佢自理方面有冇困難？平時係咪一叫就能完成指令？定叫極都冇咩反應？
答：自理唔算好，但都算正正常常啦！但就叫極都冇反應、唔肯做。

P.S. 一做功課丶溫習等等，就好容易發憫憎、發脾氣，做功課期間九成時間都係眼睛放空丶發白日夢，好像魂不附體一樣，一定要陪住佢做，行開半步就停下來。想死！

BMW@BENZ

giver 發表於 22-1-3 00:50
回覆 BMW@BENZ 的帖子

如果孩子沒有樓上網友提出的學習障礙，一般的、有效的鼓勵方式：

1. 緞練小肌肉，如捏硬泥膠。
答：ok我哋試吓

2. 坐定定不能太久。每隔20-30分鐘，便做點運動、傾吓偈、聽點音樂。
答：ok我哋試吓

3.  在協議的時間內完成一份家課，便可以加分，獲得獎賞。（最好讓孩子自選奬賞。要慳錢，便做一個小小抽奬箱）
答：我哋試過，初初有少少成效，之後佢都冇興趣，寧願唔要獎賞。

4.  任何些少進步，都要大大的讚！
答：試過，但成效不顯著。

5.  多擁抱，忌駡。（家長也是人，也有情緒，儘量啦）
答：試過，但我自認失敗，我會被佢太太太慢的節奏丶情緒及脾氣牽引住，不禁自己都會有情緒。

6.  如果孩子在校內努力學習，便讓他選擇喜歡的課外活動，否則便要暫停囉。
答：其實我哋都盡量俾佢玩，只係受制於佢蝸牛的功課速度，冇辦法俾佢多啲活動。

P.S.
我哋有搵學校老師/社工傾過，佢在屋企和學校的表現有啲不同，在學校很文靜，唔多講嘢，冇乜好朋友，冇乜自信。但响屋企就孫悟空托世，跳黎跳去冇時停，經常發憫憎、發脾氣，共通點係經常發白日夢，社工初步評語話佢唔算特別嚴重，但未做評估不能作準，排期等評估，但有排等，佢已經八歲，會唔會已經錯過咗評估的最佳時間呢！但係佢嘅情況已經令到我哋得返半條人命！

giver

回覆 BMW@BENZ 的帖子

未有政府的評估報告，不能獲得資助。等待期間，唯有自費：


可以參加協康會的訓練班。十多年前，阿仔曾自費參加一些小組，效果很好。希望疫情下仍有開班https://slp.heephong.org/cht/training-introduction

之後，我們亦曾自費到仁安醫院評估。係貴，但仔細，又有詳細報告，但當年的主診醫生應該已離職。
或者試問吓「香港兒童醫院」http://www31.ha.org.hk/hkch/Patients/Services/Psychology


朋友曾介紹靈實，評估的費用較平。https://www.hohcs.org.hk/content_42.html

BMW@BENZ

giver 發表於 22-1-3 19:44
回覆 BMW@BENZ 的帖子

未有政府的評估報告，不能獲得資助。等待期間，唯有自費：

等我去研究一下，謝謝你的資料！

Liuvyn

回覆 BMW@BENZ 的帖子

評估左先。佢情緒唔好，大人更加要控制好自己情緒。平日盡量比佢做多點運動，人郁個腦先會郁，腦部發展好，做事先會快點。

FilifalaW

BMW@BENZ 發表於 22-1-3 16:41
小朋友認字如何？有冇讀寫問題？
答：例如抄寫課文仲要逐個字望住先寫得出，要記嘢默書就好似一個筲箕，早 ...

以你嘅描述⋯我懷疑你個小朋友可能有ADHD！你盡快同佢出去做評估啦⋯睇吓有冇啲訓練幫到佢！