5歲小朋友唔鐘意做運動 點算好

csbaik

DINGCHU 發表於 22-1-5 12:01
彈網即係跳彈床嗎？

請問五歲仲可以玩到咩運動？宜家唯有咩都試下！

彈網4歲以上可以玩。我呀女4歲開始hea玩，因為大班，要輪樓跳，所以跳十分鐘又要排排坐等，算ok。後尾玩落左又鐘意左，入左隊，頂唔順玩到佢中四要放棄。宜家大學啦，佢話有時身癢，都好想去練返。

DINGCHU

twinkle00 發表於 22-1-5 15:52
回覆 DINGCHU 的帖子

我覺得如果玩過, 佢又唔抗拒的話, 就做住Ring fit 先, 由一星期一次, 慢慢加上去, 至 ...

宜家疫情又嚴重咗，睇黎都要keep住

DINGCHU

csbaik 發表於 22-1-5 21:02
彈網4歲以上可以玩。我呀女4歲開始hea玩，因為大班，要輪樓跳，所以跳十分鐘又要排排坐等，算ok。後尾玩落 ...

嘩！可以幫小朋友揾到真正嘅興趣！太好了！

twinkle00

回覆 DINGCHU 的帖子

yes

Azzurro

你好似冇提過籃球 足球？
我覺得呢兩個係運動之母，容易入門又效用大

走路走郊野公園當然無聊，邊個小朋友鐘意睇風景？
你同小朋友講去 toysrus， lego land，去迪士尼海洋公園，幾遠都同你去。。

964000

Azzurro 發表於 22-1-7 03:16
你好似冇提過籃球 足球？
我覺得呢兩個係運動之母，容易入門又效用大

籃球足球我本來都想介紹，不過唔知樓主小朋友是否鐘意咁多人一齊。
成班小朋友跑來跑去追住個波，通常都鐘意我小朋友細個都有玩齊，五六歲再玩其他球類。
有好多外國人搞球會有幼兒班，例如kinder kicks 我女話比較好玩，佢跟過學校ECA參加另一間攪的話kinder kicks好玩D。不過好多女仔六七歲之後就冇咁鐘意足球，因為D男仔會開始粗魯。
「toysrus， lego land，去迪士尼海洋公園，幾遠都同你去」Spot on! 興趣問題。
疫情之後，好多運動都取消，公園又封泳池又封，比賽冇哂，其實普遍小朋友體能都差哂，本地家長不要只顧學業，忽視體能。

chriskaan

回覆 DINGCHU 的帖子

不要放棄 , 但係首先 , 家長要看看小朋友每星期除了返學 , 做功課同溫習外仲有幾多時間 , 俾小朋友參加活動

以我仔為例 , 由3歲開始安排各樣活動俾佢 , 起初只學平衡單車同游泳 , 現在已經6歲 , 讀緊小一 , 但我仔讀國際化私小 , 除了星期五 , 平日學校無功課 , 放學返屋企就喜歡 hea , 玩玩玩 , 睇 ipad , 總之係屋企做宅男就最好 ...!!

平衡單車 , 暫時耐唔耐落公園玩都會踩

游泳 , 由3歲學到現在6歲 , 間中因為疫情又停下課 , 3,4,5歲學游水佢都話唔喜歡 , 學到6歲佢現在才話喜歡了游泳

籃球 , 經過球場現到D哥哥打得好勁就話鍾意 , 俾佢參加左第一堂籃球班又話唔鍾意 , 可能因為每堂要上2小時 , 佢太攰 , 原本都想放棄 , 點知新一季開班見到學校同學仔一齊參加 , 之後上多一堂又話喜歡籃球

冰球 , 原本係屋企附近的溜冰學校報了基本的溜冰課程 , 點知老師教得一般般 , 小朋友學到怕了 , 上了兩堂就無再上 , 之後轉了另一個私人教練同場地 , 由頭學起 , 現在學了4堂 , 可以放手學企鵝行路 , 小朋友亦慢慢喜歡



所以 , 家長真係要想出不同方法同 , 陪小朋友附出時間同金錢去培養興趣 , 加油 !!

DINGCHU

Azzurro 發表於 22-1-7 03:16
你好似冇提過籃球 足球？
我覺得呢兩個係運動之母，容易入門又效用大

我小朋友係公主控嘅女仔，覺得藍球 足球好男仔，未試已經話唔玩。。

反斗城、Lego land, theme parks 全部都有去呀！但真係要做運動，佢就另一個樣

DINGCHU

964000 發表於 22-1-7 07:45
本帖最後由 964000 於 22-1-7 07:46 編輯

籃球足球我本來都想介紹，不過唔知樓主小朋友是否鐘意咁多人 ...

前幾日我都開始揾球類，點知又話運動場地要關。。

DINGCHU

chriskaan 發表於 22-1-7 15:17
回覆 DINGCHU 的帖子

不要放棄 , 但係首先 , 家長要看看小朋友每星期除了返學 , 做功課同溫習外仲有幾多時 ...

我小朋友學術算ok, 係體能差搞到唔多願做運動

多謝你嘅鼓勵！我會繼續用盡所有辦法令小朋友做運動的

DINGCHU

多謝大家嘅鼓勵，不如大家比d提議，5歲小朋友可以做咩運動

足球、藍球、彈網、roller,溜冰，游水，跳舞，劍擊，單車，平衡車，乒乓球，大家可以brainstorm下嗎？

964000

DINGCHU 發表於 22-1-7 16:02
我小朋友係公主控嘅女仔，覺得藍球 足球好男仔，未試已經話唔玩。。

反斗城、Lego land, theme parks 全 ...

五歲仲有體操, tennis, 羽毛球
其實你唔好同佢講係做運動，好似逼佢咁，當係玩，初初大人都要陪下玩
公主控應該鐘意ballet/Jazz個D，D衫靚

zaba

DINGCHU 發表於 22-1-7 16:12
多謝大家嘅鼓勵，不如大家比d提議，5歲小朋友可以做咩運動

足球、藍球、彈網、roller,溜冰，游水，跳舞， ...

其實最緊要小朋友自己鍾意可以逐樣試下, 揾啱項目
同埋我會傾向揀方便去學既, 唔駛花太多時間坐車
我小朋友學緊游水, 跳舞, 武術, 間唔中去下攀石

之前都有學體操

Dybala

DINGCHU 發表於 22-1-7 16:12
多謝大家嘅鼓勵，不如大家比d提議，5歲小朋友可以做咩運動

足球、藍球、彈網、roller,溜冰，游水，跳舞， ...

個人建議搵啲團體運動可以一大班人玩, 又可以跑黎跑去, 活動範圍大, 而唔係自己一個企定定不斷重覆練習一兩個動作嘅會好啲
所以比我會喺呢個階段foul走劍撃同乒乓波先

Taiko0_0

DINGCHU 發表於 22-1-7 16:02
我小朋友係公主控嘅女仔，覺得藍球 足球好男仔，未試已經話唔玩。。

反斗城、Lego land, theme parks 全 ...

公主控好適合去跳舞，表演啲裙好靚

DINGCHU

zaba 發表於 22-1-10 09:48
其實最緊要小朋友自己鍾意可以逐樣試下, 揾啱項目
同埋我會傾向揀方便去學既, 唔駛花太多時間坐車
我小朋 ...

我都係諗住咩都試，但小朋友就咩都話唔鐘意，所以先咁灰心。。(emoji)

DINGCHU

Dybala 發表於 22-1-10 12:25
個人建議搵啲團體運動可以一大班人玩, 又可以跑黎跑去, 活動範圍大, 而唔係自己一個企定定不斷重覆練習一兩 ...

本身都係想小朋友參加團體運動的，但由兩歲幾開始疫情到宜家，要揾同埋keep團體運動唔係咁容易

DINGCHU

Taiko0_0 發表於 22-1-10 17:38
公主控好適合去跳舞，表演啲裙好靚

但小朋友又覺得練習悶

DINGCHU

964000 發表於 22-1-7 18:26
五歲仲有體操, tennis, 羽毛球
其實你唔好同佢講係做運動，好似逼佢咁，當係玩，初初大人都要陪下玩
公主 ...

多謝你嘅建議，因為運動場唔開，所以買咗羽毛球同小朋友喺樓下玩下先，希望佢鐘意

melobi12

其實有嘅小朋友你真係迫佢唔到。

我妹由細到大都手腳唔協調，做任何運動都嗌攰，完全冇興趣（以我記憶佢玩過嘅跳舞、溜冰、游水、球類、田徑、golf、kayak、單車冇一樣嘢佢有興趣）。佢淨係喜歡用腦、睇書、畫畫（佢讀書好叻）。

我女都好怕運動、好怕外出，我地好辛苦、偷呃拐騙咩都齊，先間中的到佢去做啲active d嘅嘢。

不過佢係公主系，所以佢好鍾意跳芭蕾舞，亦有溜冰（雖然佢話攰）。你女都鍾意公主，不妨由有靚衫著嘅運動著手。

我女3歲左右玩balance bike 同scooter佢最初好抗拒，好驚跌（我同我老公明明都係唔怕佢跌，又好有愛心地鼓勵佢、陪佢試新嘢）。後嚟有排工人日日都的佢落平台玩，佢見其他小朋友玩，佢又試下試下，我地見佢有興趣，就成日offer同佢練習，有時就氹佢踩scooter去商場買雪糕之類，久而久之佢捉到竅門知道點平衡，就比較願意玩（但都有好多日子係prefer「留喺屋企玩」…）

如果你小朋友好social，就考量群體活動，成班人一齊追波嗰啲。

如果好似我女咁，緊張怕羞型，試下揾一個好朋友一齊學一樣嘢。我女初時就係咁樣同一個朋友一齊開始學溜冰，咁佢先比較願意去。未必一玩就鍾意的，特別係緊張啲嘅小朋友，可能要慢慢上左手先會開始享受嗰個活動。

同埋以我自己為例，我係好怕用身體直接接觸嘅球類（足球、藍球）唔知點解我完全控制唔到佢地… 但有隻拍（羽毛球、網球）我又ok㗎喎。

練手腳協調同平衡，我地成日都會叫個女行下啲花槽邊、石壆、捐下欄杆（即係好多家長會制止小朋友做嘅嘢…），情況許可嘅話我地會一齊做添。呢啲位佢覺得有趣佢肯做下，我地盡量把握每個機會俾佢郁下…