比較幾所已有offer的學校，懇請用家給予意見。

Jean1769

myhappylife 發表於 21-12-23 19:02
真心想知仔仔in DBS當日表現如何？因樓主你講到仔仔各方面都仲係似K1…
介唔介意講仔仔係大中細b？
...

樓主仔仔數學超哂班，剩係呢樣就夠啦

areyouangry

首選DB，次選SMC

twhkleung

牛肉烏冬 發表於 21-12-23 14:35
我們不想兒子跳級就讀，只想隨正常年紀升班，發展各方面能力（包括社交） ...

選邊間好，網友們都俾左好多意見，咁我就講下應跳班但唔跳班既壞處吧。
我小朋友當年讀官小，老師常常投訢佢上課唔專心，有次更打電話泥，話佢上A堂拿B堂d書泥睇，老師重話，我雖然知道佢係個可以一心二用既小朋友，但佢都需要學識上堂規則嗎...我聽到後angry到爆. 返到屋企後鬧到佢死，佢當時驚到只係勁喊，喊住話我下次唔咁，下次唔咁，再自然自語咁話，唔知點解老師d咁簡單既野都要講咁多次，我真係覺得好悶...對唔住呀，對唔住呀，我下次唔咁...佢繼續喊...(講起我都有d內疚）
我係想講，唔係父母想唔想佢跳班，而係如沒法安排適當內容比個小朋友學，好可能會影響左佢既學習動機同學習態度

twhkleung

medicine 發表於 21-12-23 08:48
樓上甘多位,點解唔係一致建議揀SMC尼?

樓主手中咁多好嘢，就算簡邊間都重有大把好野會放番出泥喇，冇必要花口水去sell樓主去定唔去SMC吖，最重要係幫到哩類資優小朋友啫

yhchanchan

twhkleung 發表於 21-12-23 21:39
選邊間好，網友們都俾左好多意見，咁我就講下應跳班但唔跳班既壞處吧。
我小朋友當年讀官小，老師常常投訢 ...

其實呢個in principle又係雞頭定鳳尾既問題。。。係咪無一定答案呢
明白有啲家長比較關注全人發展既問題，學術得，心智人際未得，又未必係好事

有小朋友返地區小學，都係上堂唔專心，程度又淺，佢啲野識晒
老師見家長，投訴話佢上堂個頭不斷轉，前後左右望
（仲有上堂傾計傳紙仔，但捉唔到）

但佢又係一心幾用，上堂抽佢答問題永遠都答到
同埋佢習慣左自學，睇大人書，唔駛努力溫習成績都好好

因為學校唔俾跳級，屋企安排轉校，小朋友唔肯
最後小學考左24個級一，中學入左神校，大學再入神科



我係想話其實都好睇家庭support同小朋友本身點handle
學校配合到當然好，學校配合唔到又唔一定出事。當然家長要留意小朋友情緒

（同埋其實本身可以一心幾用的小朋友，跳左級都唔一定專心）

twhkleung

yhchanchan 發表於 21-12-24 01:25
其實呢個in principle又係雞頭定鳳尾既問題。。。係咪無一定答案呢
明白有啲家長比較關注全人發展既問題， ...

我都明白你意思，可能我講得唔請楚，我意思係跳班而不是跳级，既學生係小二年级，但例如數學特別好，等同小五水平，但其它科仍然是小二班，但數學是小五班，如此類推，咁又可以在心智發展上按小二水平教導，但某學科也可滿足小朋友的求知容。正如上例，小朋友愛看大人書，原因極有可能小二書本未能滿足佢，就好似食飯未食飽，為有繼續去揾野食一樣道理。
當然，學校制度下唔可比佢食飽d，佢咪返屋企食大人書來滿足囉，没問题的，反正可年年拿幾個级一都幾好吖！
但如果你比佢跳班，去到一個合適水(既深到佢必須專心先明白，咁佢上堂時個頭咪唔會两頭轉囉，因為水平已去到佢唔專心學，就會唔明，反屋企靠自己去睇又唔夠時間。但如果佢咁都重唔專心，既水平还仍未到達佢食飽的水平。
這里制度是要滿足大部份正常學生學習需要，特別叻果d，為有跟正常进度去，和海外制度不同，雖仍有级的概念，但每科都安個別學生能力來教。
比如，一個學生平一均能力係80%，咁個平均值可能係(80十80十80十80十80)/5=80,但也可能係(100十100十80十60十60)／5=80. 前者為大路的正常學生，後者為有個別能力特強，既資優學生，所以常听說，太叻既细路通常在其它方面會有不同的問題，差別是有沒有被發現而已。
都係果句，學生年纪小，未有能力為自已安排，靠父母了，什么形式最適合，父母应該是最清楚的。

twhkleung

BTW, db可能都好適合資優仔，我有個friend, 佢果仔讀完幼院还未能好好表達，给果小一入了特殊學校，点知两年后，学校話佢係資優，轉左去DB，一值讀到中學畢業，冇跳级，但DB对d仔真係訓練得好好，我friend話佢個仔S3暑假，已自己一個人跟義工團體去非洲幫人同做生活體驗！真正的全人教育。
    

小曳人

twhkleung 發表於 21-12-23 21:39
選邊間好，網友們都俾左好多意見，咁我就講下應跳班但唔跳班既壞處吧。
我小朋友當年讀官小，老師常常投訢 ...

sad but true
好多時，走過先知要考慮嘅野比預機多

我仔到呢一刻都無跳班，但我報寫過3次信比唔同校長，我發現有呢個仔，我連mission impossible 都敢做，明知唔可能都去試，為乜？ 邊個又忍心見到個仔日日喊唔要返學？

964000

twhkleung 發表於 21-12-24 04:14
我都明白你意思，可能我講得唔請楚，我意思係跳班而不是跳级，既學生係小二年级，但例如數學特別好，等同 ...

在國際學校，如果數學高度資優，有需要是可以安排佢地過去中學部上數學的。
就算其他科目，如中英數也會按不同程度分stream教導，例如小時候spelling叻的考20個字，冇咁叻就10個，分派的reader也有不同levels, 因材施教。
佢哋又唔會叫咩精英班補底班，係班內好自然的發生。
就連PE如swimming lesson, 也有按程度分兩批教的。
所以個「沉悶率」係比較低的唔止活動教學咁簡單
津校有課程限制相信很難做到，直私可能彈性啲，不過都要看校長老師mindset，同始終有測考要比較，到時又比人話不公平

tummypooh

回覆 twhkleung 的帖子

呢樣嘢好似當年去PKC個校長有提過，英數強的學生會安排去高年班上個啲堂。

喇叭茶

牛肉烏冬 發表於 21-12-23 03:19
各位用家好，想請教各位以下幾所學校的校風、課程、教學模式及課外活動，以供在下比較哪所學校會較適合兒子 ...

睇完你嘅描述，我淨係諗到，如果你寫嘅係事實，你有個咁出色嘅仔，無論喺邊度，就好似漆黑中嘅螢火蟲一樣，咁鮮明，咁出眾…..喺邊間學校都好，都係好易俾人起底

kyleebc

回覆 牛肉烏冬 的帖子

你仔顯然是讀書材料。
我仔是就讀DBSPD的，課程比一般同級深兩年。學校是英小，所有通告或日常師生溝通著重英語。學校有要求學生選擇一種樂器去學，疫情前有安排課外活動給學生參與。父母的involvement(交齊功課、温書等)是需要除非佢好懂得自治。樓主可能少咗一批女仔競爭，所以我估男校中的機會相對高咗。

牛肉烏冬

kyleebc 發表於 21-12-24 17:17
回覆 牛肉烏冬 的帖子

你仔顯然是讀書材料。

謝謝提供意見亦多謝各位賜教及用心分享

DB 8/1 先係最後註冊日子
我們再商量一下

真心多謝各位提供意見
祝大家小朋友都能入讀心儀學校，聖誕節快樂

牛肉烏冬

喇叭茶 發表於 21-12-24 15:22
睇完你嘅描述，我淨係諗到，如果你寫嘅係事實，你有個咁出色嘅仔，無論喺邊度，就好似漆黑中嘅螢火蟲一樣 ...

多謝提點
我們現在很少參加公開比賽，因為不想兒子會有壓力，亦不想他過份著意比賽成績。
至於中英音體興趣班，每星期每項只上一堂，愉快享受學習過程。

資優的孩子其實很多，我仔的同學在N班時已能計算五位數加減了。當時我們聽到也很驚訝！
而這同學，現在收到的 offer 比我兒更多。

wonderfulsmile

牛肉烏冬 發表於 21-12-23 03:19
各位用家好，想請教各位以下幾所學校的校風、課程、教學模式及課外活動，以供在下比較哪所學校會較適合兒子 ...

好奇想問一下 ，YouTube search 那些key word 可以自學1000以內的加減、九因歌、25以內平方數？

sasa_mom

SMC 其實有冇基督教背景？

CXW

sasa_mom 發表於 21-12-25 03:10
SMC 其實有冇基督教背景？

天主教

小曳人

牛肉烏冬 發表於 21-12-24 20:13
多謝提點
我們現在很少參加公開比賽，因為不想兒子會有壓力，亦不想他過份著意比賽成績。
至於中英音體興 ...

想分享少少比賽壓力問題

從細細個俾仔去比賽 (佢K3開始學圍棋) 就唔覺得比賽係比賽，只係GAME!
輸咗一局喊，我問佢仲要唔要繼續玩，佢要！
贏咗，我贏佢鍾意睇圍棋書，比人努力，所以係努力嘅成果

佢今年中三，面對過大大少少嘅比賽 (科學、數學、圍棋、scrabble，音樂 etc ) 同公開試 (WCT, 5級樂理, IELTS，IAL) 校外考試 (科大雙修)，我最近問過佢，其實有無壓力？
佢話無，從來都無壓力，除咗IELTS，因為個氣氛好唔同 (無手機，無書响手，唔出聲，坐响度等叫入房考speaking)

所以，好好同孩子傾下，係咪真係覺得"緊張"，亦好好處理孩子抗逆力，過份保護係害咗佢，面對壓力又發揮到，係一種必需技能

我自己都覺得好變態，點解一個12-13歲嘅細路，可以兼顧日堂功課，仲要預備考公開試/操卷？但如果呢d野佢都處理到，成績又好，呢個training 絕對比 17-18歲去考公開試更辛苦，但仔~係要佢辛苦d，長大先有擔當！佢仲肯聽大人講野嘅時間好有限，資優兒好多時更早反叛！
我都打算出年俾佢讀boarding school，為之後入大學作"生活訓練" 準備 ，學習自理 (佢d時間的確放得太多响學習上面)

可能我多口咗，每個家庭有佢自己一套教養方針..

小曳人

btw 的確有唔少資優兒，咪就係大約2% 囉
如果响名幼，就更多，因為家庭對早期教育好重要

mybaby1668

Delete