比賽~

irisw

我見坊間有好多不同類型大大小小嘅比賽，書法，畫畫，朗誦，奥數。。。
其實點分邊啲比賽先有認受性呢？

0030

重在參與，結果不重要

lflxl

我仔玩開畫畫比賽。開頭我會揀啲報名費合理（低於300）嘅試下水溫。通常大藝術機構反而報名費平過細機構。要攞到三甲呢啲大獎都唔易㗎。好多畫室參加。

lflxl

音樂比賽仲多，真正拎到三甲名次，學校點都會睇，登下學校網頁以資鼓勵。

mcl203

lflxl 發表於 21-11-25 11:24
我仔玩開畫畫比賽。開頭我會揀啲報名費合理（低於300）嘅試下水溫。通常大藝術機構反而報名費平過細機構。 ...

畫畫，其實我估認受性不大，不妨睇吓唔同比賽，其實攞獎作品分別幾大，原因係不少畫室背後代工，同一年齡層可以出唔同水準嘅作品～～～

目標攞獎，要有認受性，最好係即場比試～～～

lflxl

mcl203 發表於 21-11-26 19:37
畫畫，其實我估認受性不大，不妨睇吓唔同比賽，其實攞獎作品分別幾大，原因係不少畫室背後代工，同一年齡 ...

我初初都低估咗畫畫比賽難度。啲畫室大量報名，作品完成度好高，構圖勁靚好專業，通常都雄霸三甲大獎。不過我仔跟到一個好嘅私人老師，以私人名義參賽都幾乎每次有獎拎。暫時最高成就解鎖係亞軍其實通知學校都無分加嘅，感恩學校都重視小朋友努力，喺官網登下公告開心下。

畫畫比賽有得玩即場嘅，我留意咗咁耐只得一個機構搞過。

音樂比賽我就真係鍾意實體比賽多過錄影。

lflxl

mcl203 發表於 21-11-26 19:37
畫畫，其實我估認受性不大，不妨睇吓唔同比賽，其實攞獎作品分別幾大，原因係不少畫室背後代工，同一年齡 ...

不過我唔清楚樓主問個認受性係咩用途就真。係幼稚園升小面試/叩門用定已經讀緊小學，用獎黎突出才藝。

mcl203

lflxl 發表於 21-11-26 20:30
我初初都低估咗畫畫比賽難度。啲畫室大量報名，作品完成度好高，構圖勁靚好專業，通常都雄霸三甲大獎。不 ...

話當年，連自己小朋友都知佢畫完走之後，哥哥姊姊會幫佢哋補筆/加色～

又某次，自己又去認識下同齡比賽展品，點解人哋咁豐富，出自幾間畫室，自己果啲咁BB，又睇吓另一個展出，人哋又係咁BB，更加明顯～

又一次參加小小太空人，啲出自小朋友嘅作品，真係哈哈哈～

連自己校內嘅比賽，小二都識用焚場去表達，由小二見到小六，同一畫功，就知道係出自家長手筆～

所以就算有獎都係咁話，有經驗嘅老師校長，一看就知作品是否來自何人，是否係小朋友嘅真跡～～～

mcl203

ar_mak 發表於 21-11-26 21:58
我又話下當年。

小朋友曾經跟過一位＜名師＞學野，係佢悉心指導下，幼稚園生都交出高小呈分水準。 ...

幼稚園生係幾多歲？揸咗幾耐筆先～～～

mcl203

ar_mak 發表於 21-11-26 22:16
幼稚園生頂盡又可以有幾多歲呢？

ＰＳ：你有冇睇網友講，自從換左位私人教練。。。畫畫我信係得囉 ...

4-5歲小朋友，係要有啲小肌肉和思維要配合，亦所以話，老師可以做好多野，令小朋友看似係非常有天份。全由老師指導和指示，似乎，我就唔係咁認同，畫畫係可以鍛煉小朋友嘅思考，要自然成長～～～

mcl203

ar_mak 發表於 21-11-26 22:19
我記得有一招係點呢，就係用畫筆，沾水彩潑上畫紙上，去做出一個滿天星既效果。喂，技巧上唔係難喎，係唔識 ...

呢啲，唔使大師級教下化，真正嘅美術老師應該識，層次感。不過，我都係對VA無認識，只係少少個人經歷～～～

lflxl

ar_mak 發表於 21-11-26 22:16
幼稚園生頂盡又可以有幾多歲呢？

ＰＳ：你有冇睇網友講，自從換左位私人教練。。。畫畫我信係得囉 ...

都係報黎玩下開心下 好多學校視藝科呈分前都唔落平均分。所以樓主都唔駛點執著「認受性」。因應小朋友特長決定玩咩。

不過我記起畫畫係有得經考評局報全國美術考級試。分為素描、油畫、水粉、漫畫等幾大類。現場考。有啲畫室會標榜自己學生考到幾多級。

mcl203

ar_mak 發表於 21-11-26 22:29
咁你咪心水清囉～

就係小朋友嘅成長期，第一位老師嘅第一堂意見，唔好阻佢嘅思維，佢要幫個天上乜嘢顏色，樹葉乜嘢色，由佢創作，唔好阻佢～～～

去到入小學，VA堂，老師評佢啲畫係C，原因係認為佢懶，個天唔上曬藍色。其實，係興趣班教佢用點，咁先有層次感。咁唯有佢認清學校位老師舊式要求，天空全部大大力上色，油滿佢，取返正常分數～～～

小朋友嘅KG和初小功力，可以有幾大分野。非常有天份者例外～～～

longlokma

有一樣好易分辨，就是有認受性的比賽通常是不收費的。

獲獎後頒發的獎杯/獎狀更不會加收什麼獎杯錢，得獎者反而有機會獲得書券/奖品等。