用戶登入
用戶名稱:
密      碼:
搜索
教育王國 討論區 小學雜談 比賽~
查看: 2994|回覆: 21
go

比賽~

Rank: 4


614
發表於 21-11-24 18:46 |顯示全部帖子
我見坊間有好多不同類型大大小小嘅比賽,書法,畫畫,朗誦,奥數。。。
其實點分邊啲比賽先有認受性呢?

Rank: 6Rank: 6


5720
發表於 21-11-25 10:44 |顯示全部帖子
重在參與,結果不重要

Rank: 3Rank: 3


379
發表於 21-11-25 11:24 |顯示全部帖子
我仔玩開畫畫比賽。開頭我會揀啲報名費合理(低於300)嘅試下水溫。通常大藝術機構反而報名費平過細機構。要攞到三甲呢啲大獎都唔易㗎。好多畫室參加。

Rank: 3Rank: 3


379
發表於 21-11-25 11:26 |顯示全部帖子
音樂比賽仲多,真正拎到三甲名次,學校點都會睇,登下學校網頁以資鼓勵。

Rank: 12Rank: 12Rank: 12


51682
發表於 21-11-26 19:37 |顯示全部帖子
lflxl 發表於 21-11-25 11:24
我仔玩開畫畫比賽。開頭我會揀啲報名費合理(低於300)嘅試下水溫。通常大藝術機構反而報名費平過細機構。 ...

畫畫,其實我估認受性不大,不妨睇吓唔同比賽,其實攞獎作品分別幾大,原因係不少畫室背後代工,同一年齡層可以出唔同水準嘅作品~~~

目標攞獎,要有認受性,最好係即場比試~~~

Rank: 3Rank: 3


379
發表於 21-11-26 20:30 |顯示全部帖子
mcl203 發表於 21-11-26 19:37
畫畫,其實我估認受性不大,不妨睇吓唔同比賽,其實攞獎作品分別幾大,原因係不少畫室背後代工,同一年齡 ...

我初初都低估咗畫畫比賽難度。啲畫室大量報名,作品完成度好高,構圖勁靚好專業,通常都雄霸三甲大獎。不過我仔跟到一個好嘅私人老師,以私人名義參賽都幾乎每次有獎拎。暫時最高成就解鎖係亞軍其實通知學校都無分加嘅,感恩學校都重視小朋友努力,喺官網登下公告開心下。

畫畫比賽有得玩即場嘅,我留意咗咁耐只得一個機構搞過。

音樂比賽我就真係鍾意實體比賽多過錄影。

Rank: 3Rank: 3


379
發表於 21-11-26 20:35 |顯示全部帖子
mcl203 發表於 21-11-26 19:37
畫畫,其實我估認受性不大,不妨睇吓唔同比賽,其實攞獎作品分別幾大,原因係不少畫室背後代工,同一年齡 ...

不過我唔清楚樓主問個認受性係咩用途就真。係幼稚園升小面試/叩門用定已經讀緊小學,用獎黎突出才藝。


Rank: 12Rank: 12Rank: 12


51682
發表於 21-11-26 20:59 |顯示全部帖子
lflxl 發表於 21-11-26 20:30
我初初都低估咗畫畫比賽難度。啲畫室大量報名,作品完成度好高,構圖勁靚好專業,通常都雄霸三甲大獎。不 ...

話當年,連自己小朋友都知佢畫完走之後,哥哥姊姊會幫佢哋補筆/加色~

又某次,自己又去認識下同齡比賽展品,點解人哋咁豐富,出自幾間畫室,自己果啲咁BB,又睇吓另一個展出,人哋又係咁BB,更加明顯~

又一次參加小小太空人,啲出自小朋友嘅作品,真係哈哈哈~

連自己校內嘅比賽,小二都識用焚場去表達,由小二見到小六,同一畫功,就知道係出自家長手筆~

所以就算有獎都係咁話,有經驗嘅老師校長,一看就知作品是否來自何人,是否係小朋友嘅真跡~~~

Rank: 7Rank: 7Rank: 7


12432
發表於 21-11-26 21:58 |顯示全部帖子
mcl203 發表於 21-11-26 20:59
話當年,連自己小朋友都知佢畫完走之後,哥哥姊姊會幫佢哋補筆/加色~

又某次,自己又去認識下同齡比賽展 ...
我又話下當年。

小朋友曾經跟過一位<名師>學野,係佢悉心指導下,幼稚園生都交出高小呈分水準。如果咁就以為小朋友骨格精奇,我就真係大錯特錯!第一,離開老師後立即變回正常幼稚園水準;第二,係任何人,只要有手有腳,在佢悉心指導下,都能夠得出如此水準。(PS:我偏見係畫畫係有得模仿。)

PS:如果講認受性,賽跑同游水呢類計時既比賽就肯定肯定係。第一,受名師既影響性較低,畢竟運動係野野硬食,真係要小朋友肯自己出心出力,第二,跑步游水唔使講姿勢講台型,做到個時間就係得到認受,唔需要話係參加邊個邊個既比賽咁耐人尋味,咁當然都要係有D睇頭既比賽啦,老豆自己幫個仔計時果D然後破全港紀錄果D,自己一家人閂埋門慶祝算啦~如果呢餐飯請埋我食,我緊去啦,大家高興呀!

Rank: 7Rank: 7Rank: 7


12432
發表於 21-11-26 22:05 |顯示全部帖子
lflxl 發表於 21-11-26 20:35
不過我唔清楚樓主問個認受性係咩用途就真。係幼稚園升小面試/叩門用定已經讀緊小學,用獎黎突出才藝。
話時話,而家信耶穌都要講認受性,同埋呀,唔好入錯教會喎!

我地果時邊使架,你話信就上天堂架啦。。。邊諗到連讀小學都要攪認證~

Rank: 12Rank: 12Rank: 12


51682
發表於 21-11-26 22:08 |顯示全部帖子
ar_mak 發表於 21-11-26 21:58
我又話下當年。

小朋友曾經跟過一位<名師>學野,係佢悉心指導下,幼稚園生都交出高小呈分水準。 ...

幼稚園生係幾多歲?揸咗幾耐筆先~~~

Rank: 7Rank: 7Rank: 7


12432
發表於 21-11-26 22:12 |顯示全部帖子
其實香港小姐又有冇認受性呢?
咁亞洲小姐,係咪應該勁過香港小姐呢?

想當年,我都諗左一陣,最受歡迎男歌星勁D,定最受歡迎亞太男歌星勁D?唔係喎,拎親亞太果D歌星都黑面架喎,攪咩呀!

Rank: 7Rank: 7Rank: 7


12432
發表於 21-11-26 22:16 |顯示全部帖子
mcl203 發表於 21-11-26 22:08
幼稚園生係幾多歲?揸咗幾耐筆先~~~
幼稚園生頂盡又可以有幾多歲呢?

PS:你有冇睇網友講,自從換左位私人教練。。。畫畫我信係得囉!就係因為有咁既情況,所以我覺得都係冇咩認受性可言。

Rank: 7Rank: 7Rank: 7


12432
發表於 21-11-26 22:19 |顯示全部帖子
mcl203 發表於 21-11-26 22:08
幼稚園生係幾多歲?揸咗幾耐筆先~~~
我記得有一招係點呢,就係用畫筆,沾水彩潑上畫紙上,去做出一個滿天星既效果。喂,技巧上唔係難喎,係唔識咋喎~

Rank: 12Rank: 12Rank: 12


51682
發表於 21-11-26 22:25 |顯示全部帖子
ar_mak 發表於 21-11-26 22:16
幼稚園生頂盡又可以有幾多歲呢?

PS:你有冇睇網友講,自從換左位私人教練。。。畫畫我信係得囉 ...

4-5歲小朋友,係要有啲小肌肉和思維要配合,亦所以話,老師可以做好多野,令小朋友看似係非常有天份。全由老師指導和指示,似乎,我就唔係咁認同,畫畫係可以鍛煉小朋友嘅思考,要自然成長~~~

Rank: 12Rank: 12Rank: 12


51682
發表於 21-11-26 22:28 |顯示全部帖子
ar_mak 發表於 21-11-26 22:19
我記得有一招係點呢,就係用畫筆,沾水彩潑上畫紙上,去做出一個滿天星既效果。喂,技巧上唔係難喎,係唔識 ...

呢啲,唔使大師級教下化,真正嘅美術老師應該識,層次感。不過,我都係對VA無認識,只係少少個人經歷~~~

Rank: 7Rank: 7Rank: 7


12432
發表於 21-11-26 22:29 |顯示全部帖子
mcl203 發表於 21-11-26 22:25
4-5歲小朋友,係要有啲小肌肉和思維要配合,亦所以話,老師可以做好多野,令小朋友看似係非常有天份。全由 ...
咁你咪心水清囉~

Rank: 3Rank: 3


379
發表於 21-11-26 22:32 |顯示全部帖子
ar_mak 發表於 21-11-26 22:16
幼稚園生頂盡又可以有幾多歲呢?

PS:你有冇睇網友講,自從換左位私人教練。。。畫畫我信係得囉 ...

都係報黎玩下開心下 好多學校視藝科呈分前都唔落平均分。所以樓主都唔駛點執著「認受性」。因應小朋友特長決定玩咩。

不過我記起畫畫係有得經考評局報全國美術考級試。分為素描、油畫、水粉、漫畫等幾大類。現場考。有啲畫室會標榜自己學生考到幾多級。

點評

ar_mak    發表於 21-11-26 22:49

Rank: 12Rank: 12Rank: 12


51682
發表於 21-11-26 22:38 |顯示全部帖子
ar_mak 發表於 21-11-26 22:29
咁你咪心水清囉~

就係小朋友嘅成長期,第一位老師嘅第一堂意見,唔好阻佢嘅思維,佢要幫個天上乜嘢顏色,樹葉乜嘢色,由佢創作,唔好阻佢~~~

去到入小學,VA堂,老師評佢啲畫係C,原因係認為佢懶,個天唔上曬藍色。其實,係興趣班教佢用點,咁先有層次感。咁唯有佢認清學校位老師舊式要求,天空全部大大力上色,油滿佢,取返正常分數~~~

小朋友嘅KG和初小功力,可以有幾大分野。非常有天份者例外~~~

點評

ar_mak    發表於 21-11-26 22:50

Rank: 6Rank: 6


8041
發表於 21-11-26 23:43 |顯示全部帖子

回覆樓主:

本帖最後由 longlokma 於 21-11-26 23:44 編輯

有一樣好易分辨,就是有認受性的比賽通常是不收費的。

獲獎後頒發的獎杯/獎狀更不會加收什麼獎杯錢,得獎者反而有機會獲得書券/奖品等。
你需要登錄後才可以回帖 登錄 | 註冊