德望vs港同

fluty

樓主會唔會考慮來年插班其他更上一層的女校？中小vs 英小？
如果有考慮，就應該揀GH .

ok3

fluty 發表於 21-11-29 16:05
樓主會唔會考慮來年插班其他更上一層的女校？中小vs 英小？
如果有考慮，就應該揀GH .
...

我見轉校嘅好少會轉返ls. 多數係轉去is或者移民

klam1

honeybunny8 發表於 21-11-29 15:00
"正向心理學則著重全人發展，以發掘、培養和發揮個人的長處和潛能為目標，推動個人發展正面的元素如樂觀、 ...

其實有哪一間學校不是sell自己注重全人發展、正向教育、多元教育, etc etc.? 又有哪一間學校會話自己注重背誦、催谷學生、教學死板？
所以個人覺得睇學校官方資料冇大作用。

Vana

ok3 發表於 21-11-29 16:52
我見轉校嘅好少會轉返ls. 多數係轉去is或者移民

Good hope 每年都有唔少女仔去考其他女校， 去咗考但唔成功嗰啲唔會特登同人講啦
淨係mcs 一級好多時都收 2-3個 good hope, 當然年年唔同，但 mcs 插班生 good hope 算係大戶

仲有 dgs, 朋友女都係今年 good hope 轉過去

ok3

Vana 發表於 21-11-29 17:25
Good hope 每年都有唔少女仔去考其他女校， 去咗考但唔成功嗰啲唔會特登同人講啦
淨係mcs 一級好 ...

咁呢兩間都值得去轉嘅。一間成績更好又唔使怕上唔返中學部（假設插得班都應該讀得掂）。另外嗰間，淨係每個月慳返啲學費都有賺

fluty

ok3 發表於 21-11-29 17:34
咁呢兩間都值得去轉嘅。一間成績更好又唔使怕上唔返中學部（假設插得班都應該讀得掂）。另外嗰間，淨係每個 ...

也有同學轉了去st mary , Marymount
基本上德望小朋友出去都係好打得

fufu17

坊間常講到港同新派學校唔谷, 小朋友讀得好舒服.
但我見我朋友(阿媽)兩小讀港同後要轉半職, 當然話想有多些時間陪小朋友. 亦有朋友的女一年班父母收老師電話叫父母跟多些小朋友認字, 話小朋友未跟到學校進度.

很好奇, 怎樣可以唔谷, 讀得輕鬆, 但小朋友又可考得好成績. 真心想了解, 有無高小用家可分享?

PTL_L

fufu17 發表於 21-11-30 11:54
坊間常講到港同新派學校唔谷, 小朋友讀得好舒服.
但我見我朋友(阿媽)兩小讀港同後要轉半職, 當然話想有多些 ...

其實問初升小的家長真係未必可以理解又或未經歷，如果有高小家長又或已升的家長分享下就好喇。起香港地讀書考dse但可以輕鬆愉快學習又有好成績？

kitkit89

大女港同高小，從來冇補習，初小時學校輕鬆冇測考，學校訓練小朋友自主學習能力，著重閱讀

每科跟不上進度，每班再抽出來補底，我女就入過中文小班，但完全冇壓力，試過數學老師有打過嚟小息幫下小女，問我介唔介意，我完全好同意，所以老師打嚟，係咪一定負面？
我知好似中英數都有分程度小組上堂。

坦白講港小英文校本，真係好難溫，因為不同操工作紙grammar （細佬學校）家長係會慌嘅

中文數學正常程度

知道有催谷的家長想更想一層樓，但一條龍我就非常hea, 家長要夠膽「放手」

或有少量家長覺得學校不夠谷，自己谷

PTL_L

kitkit89 發表於 21-11-30 13:05
大女港同高小，從來冇補習，初小時學校輕鬆冇測考，學校訓練小朋友自主學習能力，著重閱讀

每科跟不上進度 ...

咁中學呢？點都要應乎DSE喎，模式都係沿用小學那套？因為小學階段著重閱讀、德育、小班輔導等等，又唔駛補習都唔奇，大把津小既安排都係咁，但真係可以keep住hea 到中學？

kitkit89

PTL_L 發表於 21-11-30 13:12
咁中學呢？點都要應乎DSE喎，模式都係沿用小學那套？因為小學階段著重閱讀、德育、小班輔導等等，又唔駛補 ...

本帖最後由 kitkit89 於 21-11-30 13:16 編輯

小女未升中，要等升中家長分享

Hea 係指家長

唔使補習係學校教已經足夠

PTL_L

kitkit89 發表於 21-11-30 13:15
本帖最後由 kitkit89 於 21-11-30 13:18 編輯

本帖最後由 kitkit89 於 21-11-30 13:16 編輯

明白，我都係想了解下，謝謝告知！

Charlotte_mom

其實港同從來都唔hea，有認真睇家長分享就知
我仔女港小畢業多年，我都係「話當年」。其實港小不嬲係會教應教嘅嘢，最多叫稍深，唔會要學生超級努力理meet到學校要求（咁當然十隻手指有長短總有能力高能力低）
但同時要求學生自學。學生如對自己無要求水過鴨背，可以好hea咁過關。學校係（即使講緊咸豐年我女讀嘅年代）好勤力地review改良課程，亦擺好多學習資源上網，甚至有參考flipped classroom嘅概念（當然不能100%採用，大家都知唔得），就係講自主學習，自己控制進度，老師隨時歡迎接招
果時我仔女買書，好多時會轉出版社，或書買得多多但每本只用少少，因港小以校本為主，坊間課本輔助

但講咗咁耐，如果有人問港小谷唔谷，我會無需考慮答「唔谷」（上面形象的點叫做谷？）

至於話讀得舒服，我會解讀為，要minimal地應付學校要求，唔難，而學生係被鼓勵去學多d了解多d，係個人去決定同掌握。咁解唔解答到疑問？

Charlotte_mom

至於港中，始終要面對公開試，hea唔到喇掛？我之前都有講過一開學3科test， 相比起港小，學業一定係繁重了。你問學咩，我又無理了咁大個。我會形容話比起傳統中學（以得自己果間做比較），港中係俾機會你參考好多活動，想玩就大把嘢玩。俾學生自主嘅自由度較大（唔舉實例了，但從仔女分享中不乏「咁都得你老師咁都頂得住？」嘅例子（嗯….唔知好嬲定好笑果d事）算係繁忙之中樂趣多囉，但話輕鬆考DSE，無可能！

honeybunny8

klam1 發表於 21-11-29 17:00
其實有哪一間學校不是sell自己注重全人發展、正向教育、多元教育, etc etc.? 又有哪一間學校會話自己注重 ...

所以，在比較 HKUGA 和 GH 時，如果用[正向心理]作為優於 GH 的優勢，選擇HKUGA 的原因，就不太合理。兩所學校都強調[正向心理]。 也許GH沒有在他們的網站上推銷它（我不知道，沒有搜索過），但他們在學校實施，學生們自信而有能力。 在 GH 讀書的人會知道。兩所學校教學風格略有不同應該是重點，但也要看差別的程度。
All-girl vs. Co-educational 也是重點，因為有些人不喜歡單一性別的環境，或者有些人有弟弟/妹妹跟尾。