St Mary vs St Paul Convent primary section

ok3

JannyYin 發表於 21-11-24 10:46
對比好全面，多謝！

唔好客氣, 希望幫到你作考慮. 仲有一樣好重要我冇講, 就係成績. EK有好多相關post, 不妨自己去比較下. 不過我覺得兩間其實差不多, 除非你下下要計埋個馬鼻.

samprasc

st paul 中學好多功課同測驗,中學係冇IB 揀。中四開始要考GCSE，除非你中六前離開香港讀書，否則中六要考埋DSE。

大當家

____

Priscilla_1999

多謝大家既資料和分析，我同屋企人商量完，都已經有所決定。會放棄其中一個學位。
希望我既選擇適合女女

piglover

JannyYin 發表於 21-11-23 14:07
借位一問：如果是德望與聖瑪利，點睇？邊間會較優？多謝！

一定會選St Mary

kaboBB

piglover 發表於 21-11-24 15:15
一定會選St Mary

樓主果兩間選，會掙扎；
呢兩間，冇懸念

Azzurro

我覺得 spc 幾特立獨行

前幾年見到 spc 參加直資學校協會的展覽，幾乎係唯一的直資名校中學
最近公事聯繫一些排名靠前中學， spc 是唯一積極反饋的學校

中學部六個班，最後幾年兩個班英制，四個班 DSE
係呢個分流底下，依然 DSE 成績出色我覺得幾犀利

chrisycy

Azzurro 發表於 21-11-24 22:25
我覺得 spc 幾特立獨行

前幾年見到 spc 參加直資學校協會的展覽，幾乎係唯一的直資名校中學

勁

yffimyma

本人路過, 但想以St mary 舊生及St paul convent 家長的身份給大家一些分析:

St. mary係龍校, SPCSPR 中學都會收番很大部份小學生.

當年St. Mary的英文水平好高. 一例是本人當年是小學的插班生, 成績優良.  入學後, 成績keep到但英文差人好多, 他們有unseen dictation的習慣, 讀英文都係讀高一級(P.5讀P.6書).  

而SPCSPR其實同st. mary的水平差唔多, 都有unseen同英文都係讀高一級.
St mary現在英文水平點唔肯定, 但相信都唔會差.


功課方面, SPCSPR好少(很多時只有3,4份). 比較上來當年St. Mary多D (但也是可接受的).  SPCSPR 的校長 sister joanna(好似已經退休)好注重學生的德育, 所以學術上唔多谷.

資源方面, 小女6年前還在SPCSPR時, 我覺得冇咩特別多.  小學係happy school.  中學部culture同小學好唔同, 因中學校長好有競爭心態, 好aggressive攞政府資源.  


我只覺得兩間學校都好:  如女兒性格好進取, 讀SPCSPR而將來去SPCS會合適, 因有SPCS很多exposure.  


但St mary12年學費全免, 亦係band 1頭,12年免費教育可慳番好多學費來補習.  我強調, 今時今日, 無論係讀band 1定band 3, 都必須補習, 因為補習社係教你子女公開試的技巧.  日校老師有好有唔好, 但佢地唔係public exam orientated (尢其是band 1校老師, 唔識教果D的學生都會自己5**).  SPCS現在學費5xxx, 中學3xxx.

964000

Priscilla_1999 發表於 21-11-22 21:21
女女已經有St. Paul offer.
今日自行收生，St Mary好好彩都入到。

兩間都風格類似，如果一心稔住考DSE就St Mary, 少數中英兼備的傳統名校，舊年個超級狀元也是小學升上，雖然收band 3生但仍保持拔尖能力，本地學校罕見24人小班也是一大優勢，一條龍後普遍家長反映壓力細。
如果有傾向英強中弱就SPC, 英小及有non-DSE課程，話功課少但其實個個都會外補做習作。交個讀書報告便可升中都壓力細，不過朋友女兒多年前都為了升中去參加面試班，因為比較怕醜（小學老師叫的）。
課外活動就一般運動音樂制服團體大路野間間都有，相信兩間分別不太大。

TWHTYH

JannyYin 發表於 21-11-23 14:07
借位一問：如果是德望與聖瑪利，點睇？邊間會較優？多謝！

本帖最後由 TWHTYH 於 22-5-25 09:01 編輯

我唔明點解咁多人會講一定st mary，其實呢兩年我識唔少人有GHS offer再叩到st mary，最後都唔少放st mary揀GH，俾我感覺（我唔知啱唔啱，如有得罪請見諒）st mary 真龍+免費+小班確實喺最吸引嘅地方，但GH教得好系統好仔細，課外活動豐富，真喺好用心教小朋友，小朋友返學好開心，缺點也好明顯：大班+嚴格（有人會話冇愛心，但我唔覺）
每年都唔少人玩插班再跳船，maryknoll、st mary甚至DG都鍾意收GH
我覺得蘿蔔青菜各有所愛，呢兩間比較都唔會for sure一定邊間咯

964000

TWHTYH 發表於 22-5-25 08:59
本帖最後由 TWHTYH 於 22-5-25 09:01 編輯

我唔明點解咁多人會講一定st mary，其實呢兩年我識唔少人有G ...

呢兩間最大分別係St Mary一條龍，EK家長比較緊張升中。
不過GH多啲野玩，又有泳池都有吸引之處，我記得我女在國際學校，以前參加過某課外活動，見到on list 全部都是IS只有GH一間LS, 不代表甚麼不過覺得佢的活動會比一般津校多元化。

ok3

TWHTYH 發表於 22-5-25 08:59
本帖最後由 TWHTYH 於 22-5-25 09:01 編輯

我唔明點解咁多人會講一定st mary，其實呢兩年我識唔少人有G ...

GH最大唔好處就係要俾學費，如果佢係津學相信受歡迎程度會更大自從st. Mary一條龍成績有所下降後，相信已經唔係嗰班aggressive要插班嘅gh家長嘅target了。

TWHTYH

ok3 發表於 22-5-25 10:48
GH最大唔好處就係要俾學費，如果佢係津學相信受歡迎程度會更大自從st. Mary一條龍成績有所下降後 ...

喺咯，所以我覺得呢兩間VS會喺一定揀st mary。

TWHTYH

964000 發表於 22-5-25 09:36
呢兩間最大分別係St Mary一條龍，EK家長比較緊張升中。
不過GH多啲野玩，又有泳池都有吸引之處，我記得我 ...

同意

yffimyma

回覆 ok3 的帖子

st. mary 好多年前已經係龍校.  (廿年前我小六升中時全級只踢走了一個好唔得嘅同學仔.)

yffimyma

回覆 964000 的帖子

仲有一個問題, SPCS因有IGCSE嘅課程, F.3及F.4 compulsory要讀IGCSE.


但如果F.4下學期決定要讀DSE, 咁就要F.5同F.6兩年讀DSE三年嘅課程.

雖然學校話DSE同IGCSE有部份課程相似, 但亞女同D同學都讀到媽媽聲.

同留其他SPCS嘅家長傾開, 佢地話宜家GCE已經唔係當年咁easyjob, 因為英文同理科都好深(Chem, Bio勁深), 相反, DSE就越來越容易.


所以如果女兒的中文唔係太好, 可以SPCS, 為日後多一個唔洗考DSE中文嘅選擇; 但如果中英文都好, 讀SPCS嘅IGCSE課程冇特別優勢.

Jean1769

兩間學校畢業生出黎風格都唔多同，想想自己想要咩風格啦

falalum

Jean1769 發表於 22-6-1 12:10
兩間學校畢業生出黎風格都唔多同，想想自己想要咩風格啦

Spcs 會係咩風格？

ok3

yffimyma 發表於 22-6-1 11:11
回覆 ok3 的帖子

st. mary 好多年前已經係龍校.  (廿年前我小六升中時全級只踢走了一個好唔得嘅同學仔.)

咁效果都唔會即時浮現的