睇高過適合自己年歲既書問題

Kaoru.Lavender

小朋友八歲，睇age level十歲的書，我知道指引唔係限定，但我又覺佢真係未必睇得明好多字同句子既講法。
我抽問過佢一些字什麼意思，佢都唔明，
但佢又真係會好專注拿住本成吋厚，冇圖畫的英文書睇一兩個鐘。

如果我下下提佢查字典一定會好掃興，可能會搞到佢寧願唔睇，
係咪應該由佢？佢咁認真睇咁耐，會完成本書，應該看得明大部份（例如故事大綱）？

ckmammy

Kaoru.Lavender 發表於 21-11-6 11:55
小朋友八歲，睇age level十歲的書，我知道指引唔係限定，但我又覺佢真係未必睇得明好多字同句子既講法。
我 ...

好正常。我仔8歲嗰陣都係睇 8-12 歲既書。 我從來都冇叫佢查字典，亦都唔會抽問佢本書內容。 幾十本唔同系列嘅書都係咁睇。 最緊要佢鍾意，睇睇下就會明。

Kaoru.Lavender

ckmammy 發表於 21-11-6 12:40
好正常。我仔8歲嗰陣都係睇 8-12 歲既書。 我從來都冇叫佢查字典，亦都唔會抽問佢本書內容。 幾十本唔同系 ...

係咪即係完全唔使理佢？

ckmammy

Kaoru.Lavender 發表於 21-11-6 12:52
係咪即係完全唔使理佢？

我就真係完全冇理佢。我有提佢唔明可以查字典， 但如果佢唔想我都唔會迫佢， 費事佢覺得麻煩唔睇仲衰。

Radiomama

Kaoru.Lavender 發表於 21-11-6 12:52
係咪即係完全唔使理佢？

小朋友喜歡閱讀，只需要俾多啲鼓勵，例如：多去圖書館、書店，借書買書和打書釘都可以。
從來都不會查字典、也不會問佢明幾多，有興趣是最重要的。

poonseelai

我自己睇書報紙都唔一定個個字都識啦，reading is fun, reading is input, 無須去測試孩子識唔識

melobi12

佢一定係揾到樂趣先會咁專注去睇咁耐，我會鼓勵佢繼續。

小寶貝兒

Kaoru.Lavender 發表於 21-11-6 11:55
小朋友八歲，睇age level十歲的書，我知道指引唔係限定，但我又覺佢真係未必睇得明好多字同句子既講法。
我 ...

我小三開始睇金庸，都有好多字唔識，有啲靠估，真係好想知會自己查字典，所以而家阿女睇書，小說我唔會理，非小說類我只會提佢有唔明可以問我哋。
keep住佢閱讀既興趣比識多幾個字重要得多。

swarovski2011

我小朋友會成日睇某系列嘅書，不過好快睇完（即是大約40分鐘睇完一本都算多字中庭厚薄的書），我有時抽問佢某些字，原來是唔明，我有間唔中同佢講唔識要查字典，不過佢冇咩咁做，我都唔知可以點….但佢又會keep住睇嗰套書，或每次借書都係嗰個系列，有時我懷疑佢大概估嗰頁講咩快睇左就算，因為正常scan書都要時間吧！佢好似快過scan

Kaoru.Lavender

swarovski2011 發表於 21-11-7 10:33
我小朋友會成日睇某系列嘅書，不過好快睇完（即是大約40分鐘睇完一本都算多字中庭厚薄的書），我有時抽問佢 ...

明你呀！有啲書明明好深㗎，怎麼可能咁快睇完？即係糊裡糊塗「立」下就算。好似浪費左

木子兔媽媽

我細個睇書都糊塗地快，因為閱讀為興趣唔同刨書為考試.

Radiomama

Kaoru.Lavender 發表於 21-11-7 11:52
明你呀！有啲書明明好深㗎，怎麼可能咁快睇完？即係糊裡糊塗「立」下就算。好似浪費左
...

你小朋友8歲，如果讀國際學校的，有大把空間、時間、書本讓他自由地閱讀，怎會浪費呢？而且書，是可以重複再讀，點解要咁pushy?
我的孩子17歲，在他喜歡閱讀的時候，我哋真係一屋都係書，佢連去廁所都會捧住入去去睇。Reading is fun! 千萬不要打擊讀書的興趣，到頭來他轉去玩手遊，就真的無得返轉頭。
要考核comprehension 就留番俾學校做，一般愛閱讀的學生在reading and writing方面都會不錯。

Kaoru.Lavender

Radiomama 發表於 21-11-7 15:15
你小朋友8歲，如果讀國際學校的，有大把空間、時間、書本讓他自由地閱讀，怎會浪費呢？而且書，是可以重複 ...

咁如果佢睇特別多漫畫呢？係咪都唔好阻止？真心問🙏🏻🙏🏻

Radiomama

Kaoru.Lavender 發表於 21-11-7 20:01
咁如果佢睇特別多漫畫呢？係咪都唔好阻止？真心問🙏🏻🙏🏻 ...

我仔以前也有睇Wimpy Kid, Captain Underpants, Geronimo Stilton and etc, 我都會買俾佢; 當然也會介紹佢睇好多不同嘅圖書。

ckmammy

Kaoru.Lavender 發表於 21-11-7 20:01
咁如果佢睇特別多漫畫呢？係咪都唔好阻止？真心問🙏🏻🙏🏻 ...

我仔最鐘意 Big Nate, Dog man , Whimpy kid，我都由得佢睇， 不過都要佢睇其他故事 fiction同 non fiction嘅書。

木子兔媽媽

Kaoru.Lavender 發表於 21-11-7 20:01
咁如果佢睇特別多漫畫呢？係咪都唔好阻止？真心問🙏🏻🙏🏻 ...

我係睇漫畫睇到大

Saboc

基本上讀德國際學校嗰啲好多都會睇書喺advance個自己嘅歲數好多.
我啲細路真係由細到而家都係一路advance佢哋 age,我完全冇理佢哋,只要佢哋保持喜歡睇書嘅心就已經好足夠

swarovski2011

Radiomama 發表於 21-11-7 15:15
你小朋友8歲，如果讀國際學校的，有大把空間、時間、書本讓他自由地閱讀，怎會浪費呢？而且書，是可以重複 ...

我小朋友係讀IS，睇了好多書，但writing不好呀！他沒應用出來，所以我覺得佢只是大概明內容就由佢，冇逐隻字睇和寫，所以導致writing 都唔豐富，至於comprehension 就真係唔肯定了

mandy_ng207

哈哈，我自己睇英文書都唔鐘意停低逐隻字查字典，細路仔更加無心機！我仔reading level唔高，有時我哋印啲大人報紙一齊睇，佢遇到啲又長又未見過嘅字，就會停低問我。所以我覺得佢哋如果唔停低問，其實都係睇得明嘅。

Radiomama

swarovski2011 發表於 21-11-8 13:33
我小朋友係讀IS，睇了好多書，但writing不好呀！他沒應用出來，所以我覺得佢只是大概明內容就由佢，冇逐隻 ...

Reading 可以看作是一個input語言的過程，但同時也是一個消磨時間、享受快樂嘅時光。
Writing需要鍛鍊，也要適當指導；但不是每個孩子都會成為大作家的，有些靠天份、有些靠後天培育。
小朋友在初小階段學recount, 有些好快上手可以寫過千字嘅故仔，但不會個個寫得好。當年我也有鼓勵阿仔參加story writing competition, 但讀完得奬作品集之後就明白，自己個仔能寫但不是寫得精彩。
高小時，他們慢慢也學會了argumentative writing及reporting的技巧，我記得讀過他寫的第一篇science write-up, 講electro magnet, 好幼稚，也用錯「I」及「You」在文章內，但無阻他發表意見。
有時讀到有些同學在校內不同平台活動，會寫一些有趣的文章，更加明白，幽默感是文章的靈魂。
説得有點長，是想說明，成長過程是好有趣的，不要太擔心。