啟思小學

winkymomobb

我喺小朋友幼稚園嘅家長群組都好少聽到人報，但我自己有朋友讀緊，comment 都係好好，我都好鍾意。我自己其實本來諗住25分入到津校，因為都唔算係神級嘅津校，但係竟然入唔到，我即刻去報啟思，可能佢哋第一輪派Offer嘅時候有人放棄冇註冊，岩岩趕得切第二輪面試，好彩收咗，不過我之前從來冇諗過行IB條路線，雖然佢教嘅係本地課程，我都好欣賞佢哋用learn to learn learn to think 嘅教學理念，不過始終擔心中學銜接問題，不過都註冊咗先，但出年都會試下叩吓啲津校

pkjanel

我1st round放左offer. 始終擔心中文學校既問題

minichong28

回覆 pkjanel 的帖子

如果CPS係用返英文IB, 應該會更多人選擇

唔明點解要中文教IB, 個人經驗, 中文又唔係教得特別好, 英文又睇唔到用咩標準去教

DarlingS

回覆 minichong28 的帖子

我女讀緊小二。  我係因為校長一句話要入呢間中文小學而我自己真係覺得完全正確。  校長當年簡介會講過, 佢地絕對有能力師資去做一間英文小學, 但佢地堅持中文先行, 再逐漸加英文。因為佢地睇了很多研究, 發現如果比小朋友有同等學習中文及英文分既分量時, 小朋友會偏去英文, 因為對小朋友黎講英文係簡單d 。  我女女就正正係因為從小多英少中 (幼稚園也是英全幼稚園), 一直中文學唔好, 英文睇小說各樣已經可以自行處理。  我當年係由英文小學轉入去插班啓思小一下學期的, 比佢多點接觸中文。  在我這個case而言, 我冇後悔。 有人話啓小課程淺....是嗎? 可能吧? 不過, 我女既中文仍然未完全跟上啓小要求的 哈哈哈~  啓小既英文其實也做得很好。

DarlingS

回覆 minichong28 的帖子

在 IB 的要求裡, 校長話冇規定一定要用英文教。  只是香港辦 IB 既學校比較多係國際學校或英文直私而令人以為應該要用英文教。  在啓思既探研課課內, 中英都會用到。  我一開始有 hesitate 比咁貴學費去讀中文 IB, 直至見到我女既中文水平去到 OH MY GOD 既程度, 就無悔了。  不過, 啓小真係冇乜壓力, 功課默書都淺, 家長唔想學生變懶, 要跟貼少少, 因為佢地冇交功課都唔會話小朋友的。  如果用放養學習, 去津校有規管, 安全少少。  除非學生自己高度自律。   (個人意見Only)

minichong28

回覆 DarlingS 的帖子

我因為小朋友讀左兩年CPS, 之後插班一間英文小學, 小四再插班去龍校, 所以了解左幾間學校課程

純粹個人意見, CPS課程, 同出面津校分別不大

abbiezone

DarlingS 發表於 21-12-15 09:53
回覆 minichong28 的帖子

我女讀緊小二。  我係因為校長一句話要入呢間中文小學而我自己真係覺得完全正確 ...

我小朋友上年入讀啟思小一, 作為用家雖然短短幾個月, 但我地都感到滿意的。就好似其他家長既COMMENTS一樣, 小朋友讀得開心, 亦都學倒野, 而中文亦係有大進步既。因為小朋友以前係讀英普幼, 中文既能力相對係弱, 但短短一段時間的確係有進步既, 唔可以話好驚人, 不過我地係滿意既。小朋友亦都好喜歡番學, 壓力亦都唔大。除左功課, 佢都有D網上做既練習,   而大部份都係彈性可選擇做或唔做， 咁都幾好呀， 想學多Ｄ就做， 自己調節。

其實我覺得家長選擇學校, 應該了解下小朋友既能力, 性格, 同自己既𧘻望去搵一間合適既學校。啟思我諗學術唔算差, 亦都無教特別深, 但就係教小朋友既方法比較傳統既學樣係唔同,強調自學能力。而我地喜歡佢用中文教IB,因為本身小朋友喜歡用母語多一D, 而我地亦都覺得用母語學習係比較容易明白(如果你家庭日常係以中文為主).   暫時自學能力當然未見成效啦,   而我地亦相信係要一段時間先會見倒成果。學習慢慢長路, 我地唔介意佢初時走慢一D,   但希望佢有好既學習動機, 厘個就係我地既𧘻望。 所以無話間學校絶對好唔好, 只有乎唔番合倒自己既𧘻望, 同埋合唔合適小朋友。