用戶登入
用戶名稱:
密      碼:
搜索
教育王國 討論區 資優教育 喜歡數學的小朋友
發新帖回覆
查看: 1499|回覆: 8
go

喜歡數學的小朋友

Rank: 3Rank: 3


244
發表於 21-11-4 10:47 |顯示全部帖子
本帖最後由 rowanmama 於 21-11-4 15:09 編輯

我唔會話小朋友數學資優,但佢係好鍾意。未夠一歲時最鍾意既玩具就係月曆,睇書都鍾意睇頁數,未識講野就用手勢指數字。但呢啲都係我地放工前工人姐姐陪住玩。我地係要求姐姐引導小朋友去玩唔同類型既活動(滑梯、泥膠、唱歌跳舞等),希望可以綜合提升小朋友多方面能力。但姐姐話,小朋友唯獨玩數字遊戲時非常專心,其他都會好快就行開。

數學不限於數字,我地識左空間感、推理遊戲(積木、smartgames等),小朋友又係馬上沈迷。

但我地發覺小朋友社交表達好弱,同同齡小朋友好難埋堆。所以我地大幅「剝削」小朋友玩數學遊戲時間,幫佢報左好多需要社交既活動(例如球類、藝術等)。小朋友一開始不適應,而家慢慢發覺佢唔單止社交好左,大小肌肉協調等都進步好多,想像力都豐富左(以前係非黑即白)。

佢對數學既興趣依然在,但唔再每日淨係做呢樣嘢。就算淨係同姐姐係屋企既時間,佢都開始會玩唔同類型既活動。因為時間大幅減少,所以小朋友進度上冇變,但開始可以在生活中利用呢啲能力解決問題。例如屋企同爸爸運動比賽,佢會講得出,爸爸五分我三分,爸爸多我一分,如果我攞多五分我就贏!我地見到佢終於可以在生活中運用數學能力。

我好開心見到佢各方面進步,但都有身邊家長講,我浪費左佢既數學天賦。在比賽中,認識左同我小朋友一樣細細個就熱愛數學既小朋友,部分家長就選擇提前教同長時間操,小朋友的確進度驚人。

希望聽下更多喜歡數學既小朋友家長既意見,謝謝。

Rank: 4


659
發表於 21-11-4 19:52 |顯示全部帖子

回覆樓主:

本帖最後由 daijuju 於 21-11-4 20:07 編輯

你好。我仔自小很喜歡數學,畫畫也是畫一堆數字,排序等。細個佢喜歡玩IQ珠,lego,大個玩boardgames。他表達也是麻麻,當年根據醫生建議2歲就比佢返pn,之後返全日,開朗健談咗好多。開頭佢自己睇書睇片學數,之後發覺佢不愛寫step,就請老師根據課程來教佢,這樣也比較有系統。佢好中意上深嘅數學堂,亦可能想有人同佢傾下數吧。而家佢都好喜歡玩奧數比賽,同時學緊高中數學,我哋會比佢一直學落去,不過就唔考慮跳級,因為佢都enjoy同齡生活,同同齡小朋友玩,同埋我地都想佢繼續學習社交人際同完善其他科目。我覺得學習數學令佢更有自信,因為佢可以發揮所長。沒必要襟住佢,佢學得好開心的。當然其他弱項也不要忘了提升。

Rank: 3Rank: 3


129
發表於 21-11-5 13:38 |顯示全部帖子
本帖最後由 iloveapplepie 於 21-11-5 16:06 編輯
rowanmama 發表於 21-11-4 10:47
我唔會話小朋友數學資優,但佢係好鍾意。未夠一歲時最鍾意既玩具就係月曆,睇書都鍾意睇頁數,未識講野就用 ...

請問你的小朋友在邊度學數呢? 我都搵緊啱的課程, 謝謝

Rank: 2


42
發表於 21-11-5 22:07 |顯示全部帖子
iloveapplepie 發表於 21-11-5 13:38
請問你的小朋友在邊度學數呢? 我都搵緊啱的課程, 謝謝

我地仲細個,自己係屋企玩下數學遊戲咋。幾粒波子都可以有好多種玩法,可以分類可以計下數(eg十粒波子眯埋眼爸爸拎走左部分淨返七粒要小朋友估拎左幾多粒)可以統計(eg今晚想食咩全家投票)…再唔係淘寶都好多數學教具。

但最近參加一啲比賽就買左新加坡數學練習題試下,好易上手。

坊間數學機構聽朋友講都係操卷,或者教考試技巧,我覺得不如自己係屋企玩下,保持興趣


Rank: 2


42
發表於 21-11-5 22:11 |顯示全部帖子
daijuju 發表於 21-11-4 19:52
你好。我仔自小很喜歡數學,畫畫也是畫一堆數字,排序等。細個佢喜歡玩IQ珠,lego,大個玩boardgames。他表 ...

謝謝分享!

我地都3歲開始返full day,的確小朋友語言、自理、社交各方面進步左好多。有時同齡社交力量可以好大,同學之前各有長處,可以互相學習。

當一個興趣都好。我小朋友之前淨係得數學一個興趣,而家終於可以百花齊放。

Rank: 3Rank: 3


244
發表於 21-11-5 22:19 |顯示全部帖子
iloveapplepie 發表於 21-11-5 13:38
請問你的小朋友在邊度學數呢? 我都搵緊啱的課程, 謝謝

又或者可以試下khan academy嗰啲apps?我見好多家長都有用。。

Rank: 11Rank: 11Rank: 11Rank: 11

醒目開學勳章 貢獻勳章


31199
發表於 21-11-6 14:53 |顯示全部帖子
孩子年幼對數字有興趣,的確係最容易就係訓練佢數學
但事實上,好多細路三兩年轉一次興趣,而數學嘅出路有限,所以我係會接觸多d其他事物,培養其他興趣,數就唔駛點理,放d書响屋企,佢自己會攞嚟睇
我仔無讀奧數,不過都有去奧數比賽玩下,初中已考IAL 兩科數,但你叫佢大學讀數?佢話No way! 數學太悶!

其實除非上到高小遇到高人,發現佢真係人上人,否則,我傾向發展多方面嘅能力

剛好前幾日同一位孩子係數人嘅爸媽傾開,原以為佢係數人,點知"補習老師" 發現其實佢不求甚解,其實一直都係記性好,初中嘅佢,現時沉迷biomedical science,第時想讀醫

真係唔駛太早鎖定單一學科...


恐龍家

Rank: 4


659
發表於 21-11-6 18:08 |顯示全部帖子
poutpoutfish 發表於 21-11-5 22:11
謝謝分享!

我地都3歲開始返full day,的確小朋友語言、自理、社交各方面進步左好多。有時同齡社 ...

我仔也喜歡運動,游泳,打波,不過暫時最喜歡始終係數學。佢也喜歡參加群體活動例如圍棋,合唱團等。

Rank: 3Rank: 3


129
發表於 21-11-6 22:15 |顯示全部帖子
poutpoutfish 發表於 21-11-5 22:07
我地仲細個,自己係屋企玩下數學遊戲咋。幾粒波子都可以有好多種玩法,可以分類可以計下數(eg十粒波子眯 ...

多謝分享呀

我都認為自學最好, 可以因材施教
我仔仔細個時我地都有同佢玩吓啲簡單數學遊戲, 不過都好簡單
其實我都唔係好知點講....我仔仔性格有啲特別, 自己教佢係有啲困難

情況係咁的, 恕有啲長...
仔仔本身無表現出對數學有興趣,
在k2停課其間, 學校無堂上, 我地想教吓佢啲簡單加減數(之前數手指都未教過佢)
仔仔竟然話早已自己諗到計多位加減數的方法(我地完全唔知有咩啟發佢)
之後教佢3,4,6的乘數表, 想再教佢其他時, 佢就話已經知道規律, 便一口氣背晒其他乘數表(甚至發現到9的倍數的特別規律)
過多一排, 乘數概念較穩固後, 想教佢除數, 佢又話識....
我話無人教過你又識? 便故意俾條雙位有餘除數佢計, 佢真係心算計到正確的商和餘數

雖然啲數佢係計得啱, 但佢計的方法係自創, 所以計算戶法係有啲特別,
以及因為係全心算, 在計較多位數運算時, 速度上會計得慢過紙算
再俾多啲位數的計算佢, 其實個腦已經計唔到

當我地想教佢傳統的計法,
由於佢有好強的自尊心, 同埋佢認為自己已經諗到方法,
佢唔俾我哋教...堅持用自己的方法
所以就算佢識四式運算, 都仲未識用傳統直式方法計

另外, 佢有ADHD, 唔會坐定聽我地講嘢
而且佢經常在意想不到的情況下會情緒爆發到失控,
試過見佢諗一條問題好似諗唔到, 係咁易提咗佢一下, 佢就失咗控, 因為佢要自己諗
教佢係嘔心瀝血, 一來教唔到啲乜, 二來影響親子關係

因此現在我哋教數的方法都係啟發性,
有意無意地在生活中或遊戲中滲啲數學概念俾佢就算。
傳統的教學就交番俾老師,

早前我哋便俾佢去間數學連鎖學校上課,
對於老師的教導, 好彩佢係會聽,
不過每周一小時課程, 佢半小時做晒教師俾的堂課和家課,
老師卻叫佢擦番啲家課留番屋企做, 然後要佢畫公仔或者伏低訓一陣...
我地同老師了解過情況後, 老師就將同類的題目加倍俾佢做... 真係唔知好嬲定好笑,
所以學了幾個月便停了。現在繼續找吓合適的實體課程....

講番, 我個仔仔細個時, 興趣都係好單一, 迷上一樣嘢就會異常沉迷,
佢的社交好弱, 唔同同齡的同學玩, 有感統(五感都異常)和情緒問題,
專家評估話佢係接近自閉(話差一兩項徵狀理論上就係)...
所以我會引誘佢玩好多時下細路鍾意的玩具, 遊戲機和睇卡通片,
一齊同佢研究策略, 討論劇情等...
又同佢參加唔同的群體活動
等佢可以同其他小朋友相處, 多啲話題, 容易融入啲
比較希望佢可以均衡發展






你需要登錄後才可以回帖 登錄 | 註冊