用戶登入
用戶名稱:
密      碼:
搜索
教育王國 討論區 國際學校 讀local 出身的父母,如何幫助讀國際學校的小朋友 ...
查看: 24895|回覆: 55
go

[小學] 讀local 出身的父母,如何幫助讀國際學校的小朋友

Rank: 3Rank: 3


436
發表於 21-10-28 13:44 |顯示全部帖子
本人一直係讀local 長大,身邊朋友都係
因為工作關係,小朋友小一去咗國際學校讀書(grade 2 = p1)

上咗一個學期,學校冇書,每日都冇咩功課,冇教文法,冇dictation , 冇test , 但每星期都要作一至2篇英文,冇字數限制


我小朋友都係8-9成我協助下完成。老師都唔會改。

我好怕佢會唔會讀完個小學都好似冇學過野,同唔識寫同串字

究竟作為家長,可以點支持讀國際學校的小朋友


Rank: 5Rank: 5


3258
發表於 21-10-28 14:28 |顯示全部帖子

回覆樓主:

你小朋友間國際學校係行咩課程?文法、串字其實好多IS課程都會教的,佢哋上堂都有assessment只不過唔係我哋熟悉嗰啲測驗模式,雖然冇乜功課但佢哋上堂已做咗好多嘢。建議你揾老師講出你嘅疑慮,了解吓小朋友喺學校表現及進度,好可能會有驚喜,小朋友喺學校做到學到嘅嘢嚇你一跳。

Rank: 8Rank: 8


15690
發表於 21-10-28 14:37 |顯示全部帖子
你之前在local school? 要習慣to learn English as first language
首先小朋友一定要睇好多書,fictions non fictions都要睇,及provide足夠英文語境(學校,電視etc), native speaker 係自動會知幾時用past tense, future tense, K2已經口語用啱tense, 日常巳經講緊唔洗教,再深入的高年班可以睇吓grammar 書學。
Y2應該開始有spelling (不是叫dictation)
如果自細IS上來,Y2作文應該沒有問題,我手寫我口,長短適隨專便,你在LS逐個字教未習慣writing, 腦裏未有英文所以難,你不如叫佢自己作,少少串錯不要緊, 鼓勵比不停改佢錯,等佢有自信寫更好,到佢大D有要求便會修正。
點會學唔到野,佢地上堂做好多野,或者你parent day再了解下,我小朋友已高小,身邊親友孩子有高中有大學,點會學唔到野。
Btw我哋Y2時功課都未有,只有reading assignments。

Rank: 5Rank: 5


2088
發表於 21-10-28 16:00 |顯示全部帖子
我覺得習慣local school一套嘅家長對讀IS小朋友嘅最大幫助係放手。

放手俾佢跟學校進度,唔使催谷佢。日常鼓勵佢睇多啲書(不限種類),放手俾佢「錯」,就係最大幫忙。

當然都要同老師溝通,了解課程,了解小朋友校園生活,參與學校活動(家長),安排play dates。有疑問就同老師傾下。幫佢做功課冇用的,佢學唔到嘢,一路讀上去,家長幫到幾多呢?

Rank: 3Rank: 3


436
發表於 21-10-28 20:25 |顯示全部帖子
dem0cracy 發表於 21-10-28 14:28
你小朋友間國際學校係行咩課程?文法、串字其實好多IS課程都會教的,佢哋上堂都有assessment只不過唔係我哋 ...

行Cambridge

因為我仔香港讀好local 幼稚園,又係happy school , 佢連car, cat , Apple 都唔識串,我冇問老師,佢成日話慢慢嚟,唔好急,叫我step back , 但佢完全會交白卷囉

Rank: 3Rank: 3


436
發表於 21-10-28 20:54 |顯示全部帖子
964000 發表於 21-10-28 14:37
你之前在local school? 要習慣to learn English as first language
首先小朋友一定要睇好多書,fictions n ...

佢仲係睇書只睇圖片,唔睇字。佢只係要我讀。

可以點吸引佢呢

Rank: 6Rank: 6


7737
發表於 21-10-29 06:51 |顯示全部帖子
Nanacats 發表於 21-10-28 13:44
本人一直係讀local 長大,身邊朋友都係
因為工作關係,小朋友小一去咗國際學校讀書(grade 2 = p1)

本帖最後由 conniewktang 於 21-10-29 07:04 編輯

美式grade 2是P2,
英式Year 2是P1.
我小朋友讀保良局學券幼稚園,並且讀完Local中文津小小五才入IS中學部 Grade 6(中一),我都尤得佢自己學,因為中學日日有功課,佢唔識會問我,暫時科科教到(中英數Sci, Social Studies), 我見我仔果間學嘅嘢唔會淺,中學學中文繁體,第一組用local 課本,作文字數比本地官津還要多(可能跟內地要求),e.g.Grade 6 Science學Body systems, periodic table, Cell Biology, Newton’s three laws, project用環保物料自己設計個machine,仔整了個飲水器。早知咁多嘢學,Kg同小學就讀IS了!唔覺冇嘢學,日日都好忙好充實。

Rank: 8Rank: 8


15690
發表於 21-10-29 07:07 |顯示全部帖子
Nanacats 發表於 21-10-28 20:54
佢仲係睇書只睇圖片,唔睇字。佢只係要我讀。

可以點吸引佢呢

本帖最後由 964000 於 21-10-29 07:20 編輯

Reading level 似乎比較落後
學校有沒有English as second language support?
學校冇派reader?
學了phonics未?(IS K2/Y1教)
家長要每天伴讀起碼20min
讀大量有趣的書比佢聽,少字的用手一路讀一路用手指D字,多字的當故事聽,不要一路讀一路問佢點讀。
另初初可試用Peter and Jane引導佢讀,初階比ORT有系統已上手(試讀和讀比佢聽的書不同),之後讀下ORT level 4開始比較有趣。
每星期串5-10個common sight words
家長要勤力少少追下英文
未適宜「放手」

Rank: 8Rank: 8


15690
發表於 21-10-29 07:16 |顯示全部帖子
Nanacats 發表於 21-10-28 20:25
行Cambridge

因為我仔香港讀好local 幼稚園,又係happy school , 佢連car, cat , Apple 都唔識串,我冇 ...

我地在幼稚園都未串字過字,但置身native English 環境,腦裏面已儲了大量字庫,再加伴讀大量書,對英文字已有印象,所以一學phonics d字巳出哂來,不是像local school逐個英文字學。
你先加強聽和閲讀。

Rank: 3Rank: 3


436
發表於 21-10-29 07:32 |顯示全部帖子
964000 發表於 21-10-29 07:07
本帖最後由 964000 於 21-10-29 07:20 編輯

Reading level 似乎比較落後

本帖最後由 Nanacats 於 21-10-29 07:33 編輯

Phonics 之前有上monkey tree 已經讀完,學校每星期有一本phonics reader, 咁我就同佢讀同温

ORT 我仔可以自己讀到level 5-6.不過係我迫佢要讀出聲,佢就會讀
如果唔係,佢都只係睇公仔就算
我家下買咗d bb 班copy book , 每日5個bb 班生字要佢温同默書(淺如sun, car, toy)

同埋買咗d 練習,教緊佢aeiou 要用an

Rank: 3Rank: 3


436
發表於 21-10-29 07:34 |顯示全部帖子
conniewktang 發表於 21-10-29 06:51
本帖最後由 conniewktang 於 21-10-29 07:04 編輯

美式grade 2是P2,

我比我自己功課時,個仔成日講,媽咪我唔係冇功課,係喺學校做曬

Rank: 8Rank: 8


15690
發表於 21-10-29 08:11 |顯示全部帖子
Nanacats 發表於 21-10-29 07:32
本帖最後由 Nanacats 於 21-10-29 07:33 編輯

Phonics 之前有上monkey tree 已經讀完,學校每星期有一 ...

唔洗做copybook同英文練習,我女完全冇做過。

你搵100/ 300 common sightwords 個list, 得閒串下, 唔係bb班生字。
日常寫下message, 寫下card便是練習writing, 輕輕提下aeiou要用an, 睇書多便知道唔順,慢慢便會,做乜鬼練習,local school style 先乜都做練習,嘥時間。

Reader用來速讀,不用溫,睇完可以傾下內容,open questions , 不是考佢問題,另外你迫佢讀出聲只會令佢覺得reading is not fun. 可以同佢玩「鬥讀得好聽」,扮「錄audiobook」,扮「公仔讀」,be creative,IS啲老師真係好多方法令小朋友學識一樣野。不像LS只係「坐定聽,回家背,測考」一招。

記住唔好咁多電子野,你仔現在係冇興趣,培養興趣為主,搵佢鐘意的題材,乜都得,不要批評只需鼓勵。
local style 係興趣殺手,你睇local到高小仲有幾多小朋友話鐘意番學?我哋IS的小朋友反而愈戰愈勇。
你也要改下local 家長mindset, 比空間make mistakes. Be creative, 不是逼

點評

靛青女    發表於 21-10-29 10:33

Rank: 8Rank: 8


19033
發表於 21-10-29 08:34 |顯示全部帖子

回覆樓主:

本帖最後由 poonseelai 於 21-10-29 08:43 編輯

IS 英文係母語,樓主你自己怎樣學母語?係聽講讀寫四個階段,係透過 immersion, 浸出來。本地學校英文係 2nd language,學串字,背默,係相對小資源下用這些方法。 Reading is fun, 孩子在吸收,無這些 input 何來日後有 output (寫作)? 而家最重要係令孩子愛上閱讀,最好父母一齊閱讀。千萬不要讓孩子覺得閱讀係功課。

Rank: 5Rank: 5


2724
發表於 21-10-29 08:49 |顯示全部帖子
回覆 Nanacats 的帖子

放心, 學期完0左學校應該會派番晒小朋友0係學校做0既0野返黎, 你到時就會驚訝原來佢地學0左同做0左咁多咁深0既 tasks
我仔Y1 放暑假前拎番晒學校 D 0野返黎, 有4-5本做滿晒, 寫滿晒0野0既 workbooks, 所以佢冇呃你, 佢地只係0係學枚做晒 :)

Rank: 5Rank: 5


2088
發表於 21-10-29 10:36 |顯示全部帖子
964000 發表於 21-10-29 08:11
唔洗做copybook同英文練習,我女完全冇做過。

你搵100/ 300 common sightwords 個list, 得閒串下, 唔係bb ...

100% 贊成。

或者我上面用「放手」用得唔好。我意思係家長要放棄local style諗法,用open mind 接受IS模式、俾小朋友跟隨新嘅模式學習。

咁係咪咩都唔做,唔係,同老師溝通好重要,佢會話俾你聽佢想你點幫助小朋友。如果唔係,家長係咁用自己嗰套,分分鐘仲會打亂老師嗰套。

以writing為例,IS 唔會捉串錯字,寫到外星文咁樣,但用啱phonics拼法,老師一樣讚good effort, interesting, creative, very nice。咁小朋友覺得自己寫嘅嘢你睇得明,仲認同佢,佢自然有興趣再寫。慢慢隨住佢睇多左書、phonics掌握得更好,自然會寫得啱、寫得多、寫得更好。根本冇需要經歷滿版紅圈紅交差+改正+俾阿媽擦左佢啲字要佢重寫一百次呢啲痛苦嘅經歷。呢啲正正係嚇窒小朋友唔想再寫嘅原因呀。

老師喺學校培養佢興趣,家長喺屋企扼殺佢興趣,對老師嚟講一定係阻力。又或者變成佢喺學校好喜歡做,返到屋企對住家長就唔鍾意,然後家長更加迫佢同鬧佢,只是一個惡性循環。

帶佢去圖書館/書局俾佢揀佢有興趣嘅書,唔使樣樣都安排跟住level 1,2,3 咁成個系列去睇。當務之急係培養閱讀興趣,因為其他IS長大嘅小朋友已經好習慣睇書係日常生活一部分。深嘅咪讀俾佢聽,覺得係佢能力所及而佢又想讀咪叫佢讀下。如果佢話唔讀,會唔會可以輪流讀?或者你讀大部分,淨係叫佢讀兩隻字?都冇所謂的。什至冇字圖畫書,我地老師都好鼓勵我地小朋友(5歲)睇,一路睇圖一路傾下啲內容、圖畫detail位、估下故事發展、主角諗乜,都可以培養閱讀興趣。

記住讀書唔係一個task,更唔係一個test,而係一件好enjoyable嘅事情嚟。

仲要習慣下唔好咩都話小朋友錯,真係好discouraging,讚佢嘅effort,讚佢嘅attitude,咁會更有自信心同更有動力再試再做。

Rank: 3Rank: 3


436
發表於 21-10-30 00:15 |顯示全部帖子
melobi12 發表於 21-10-29 10:36
100% 贊成。

或者我上面用「放手」用得唔好。我意思係家長要放棄local style諗法,用open mind 接受IS模 ...

我會努力!我其實一直有爭扎比佢讀local 先打好個底,大d 中學時先轉, 但聽完大家咁講,我諗應該我知點做可以幫到佢,我會努力

Rank: 5Rank: 5


1458
發表於 21-10-30 00:50 |顯示全部帖子
不斷鼓勵,即便是寫不出做不了也要鼓勵,起碼嘗試了。回家最好全英語境。不要太緊張,俾多啲時間大家。應該說,國際學校冇課外功課。在學校佢哋真做唔少嘅,只不過冇帶返屋企。我覺得放學之後應該係做多d運動,而不是做多d功課。

Rank: 8Rank: 8


15690
發表於 21-10-30 07:48 |顯示全部帖子
Nanacats 發表於 21-10-30 00:15
我會努力!我其實一直有爭扎比佢讀local 先打好個底,大d 中學時先轉, 但聽完大家咁講,我諗應該我知點做 ...

如何在Local school就可以打好個底?做功課和做券技巧?呢D高小/初中先學未遲,反正IS是一條龍升中。
我反而覺得自細在IS更可以打好英文,社交,創意,自主,學習動機,親子關係個底。中學先轉,你可能會miss咗好多野。
我覺得其實local school 好多功課係無謂,學唔到野,重覆又重覆,測考亦死背多一堆無謂野,考答題技巧。上課形式普遍單向式亦沉悶,令小朋友不喜歡上學,仲有千古不變的「寫手冊」,寫親冇好野。
其實小學只需學好語文和數學,培養閲讀習慣,比空間思考,多啟發,保持好奇心和上進心,學習自律和自省,讀上去便愈戰愈勇。
最後一句,無論甚麼學校,家長的配合都好重要,一定要好了解自己小朋友再幫佢發展。

Rank: 8Rank: 8


19033
發表於 21-10-30 09:07 |顯示全部帖子
Nanacats 發表於 21-10-30 00:15
我會努力!我其實一直有爭扎比佢讀local 先打好個底,大d 中學時先轉, 但聽完大家咁講,我諗應該我知點做 ...

你要個什麼"底"?

Rank: 5Rank: 5


1626
發表於 21-10-30 10:14 |顯示全部帖子
From your previous post, I know the local KG you mentioned. The KG is very good in Chinese learning (and I also thought to let my kids be in it).

I know your concern. Have you talked with your kids’ teacher on his English level and their expectation?