有限度智能升中問題

Marcusmam

小朋友由小一一直追，追極都追唔到，真係好心痛，要選中學，唔知點選，小朋友樣樣都比人差，但服從性高，非常合作，只是讀唔到書，理解能力弱 ，去到B3 中學，一係學壞，一係比人欺凌，好擔心，有冇同路人分享下？

swis

Marcusmam 發表於 21-10-20 09:20
小朋友由小一一直追，追極都追唔到，真係好心痛，要選中學，唔知點選，小朋友樣樣都比人差，但服從性高，非 ...

我曾經在中學工作，都接觸過有限智能同學，有些真是很乖又合作，但一講到讀書就真是很痛苦，因真是能有限。
總有些中學是較有愛心及校風好的，試試這些吧。

kingkong1104

我都想知道，阿仔又係有限智能，讀書好辛苦

kksam

4,5年前我都遇到咁情况, 最終我地選擇志蓮中學. 小兒升中後終於變得喜歡上學, 自信亦返左來.
但志蓮不是主流中學,亦不會參加DSE,所以要考慮凊楚,不要後悔.
類似學校還有炮台山循道.

unfunny

kksam 發表於 21-12-12 22:05
4,5年前我都遇到咁情况, 最終我地選擇志蓮中學. 小兒升中後終於變得喜歡上學, 自信亦返左來.
但志蓮不是主 ...

我小六的仔仔係有限智能，讀書讀得很吃力辛苦，現今主流教得快又多，遇到深唔識好不知所措又有些焦慮，我跨區的去選志蓮中學，希望阿仔可以愉快學習有返自信心，請問你仔仔宜家情況同校風好嗎？我其實最擔心係校風有冇欺凌，成績上我不太計較只希望佢學得幾多得幾多，品德最重要。

a_for_apple

識人讀大埔卍慈中學，評價幾好。亦識人讀天主教伍少梅中學，校長好好，你可以睇下

kksam

回覆 unfunny 的帖子

不知你小朋友情況, 若果長期跟不上進度, 例如長期考試或測驗都不合格, 而且很低分可以考慮志蓮.
志蓮會視乎學生程度而编組上課, 學校不是以學業為主向, 大部份課程是自編所以不會參加DSE. 學生完成六年中學生涯, 可能只有中三戓更低程度.

學校在放榜後會安排家訪(太約八月), 詳細了解新生情況. 由於學生中有人會有情绪問題, 而在課堂發作. 老師會為同學引導.但未聞有希零事件.
中一至中三在學校午膳, 只有素食.

kksam

回覆 kksam 的帖子

我仔仔已經中五, 佢當年入左志蓮, 我明顯感覺佢冇小學時對返學的抗拒. 而且不時拿張高分功課或test result 比我地睇. 感覺到佢開心.

unfunny

kksam 發表於 22-1-12 21:44
回覆 unfunny 的帖子

不知你小朋友情況, 若果長期跟不上進度, 例如長期考試或測驗都不合格, 而且很低分可 ...

謝謝你回覆，我仔情緒沒有問題，測驗考試全科不合格約40-55分，自閉譜系，言語理解表達弱，社交弱，怕去band3尾主流中學有欺凌，比人蝦都不能表達過程，成為比人蝦目標，之後佢不想返學，我希望佢愉快學習，學到日常生活所需有用嘅嘢，有自信心，學習與人相處，品格好，成績不計較。老師有愛心。

kksam

回覆 unfunny 的帖子

志蓮雙班主任制, 老師及社工都有keep contact with us.

unfunny

kksam 發表於 22-1-12 21:55
回覆 kksam 的帖子

我仔仔已經中五, 佢當年入左志蓮, 我明顯感覺佢冇小學時對返學的抗拒. 而且不時拿張高 ...

讀書要開心，不是一件苦差，放學個樣要笑住返屋企架，不是唉聲嘆氣，苦口苦面，放學不需應付大量功課，而係可以去學游水、打波、自己有興趣活動，不是活在功課、測驗和考試中，沒有人生樂趣！我昨天巳交表格，不知面試收生標準，我仔仔對答上有啲弱弱地。

kksam

回覆 unfunny 的帖子

志蓮収生不是收成绩好的.
而是視乎小朋友是否需要志蓮這樣學校. 我記得當年面視日學校講成绩好是不收的

kksam

回覆 unfunny 的帖子

我仔仔都有社交問題, 沒必要擔心影响面試

unfunny

我仔跟不到課程，遇到深嘅難嘅有時會喊住話好深唔明，個人緊張架，我哋成日話求學不是求分數，不講幾多分，我話多1分有進步就OK，佢大個仔咗小六知道自己成日不合格，有唔開心咁話又唔合格，我哋冇比任何壓力佢，但課室同學互相對話佢識聽到架，所以好慘跟不上。我怕佢成績不好，面試表現差例如對答不好，影響收佢機會。

irenelwl

回覆 a_for_apple 的帖子

我女係卍慈讀緊, 考試有調適卷, 英默用加分制, 初中三年直升加雙班主任制, 再加一個TA陪讀, 我覺得資源都算唔錯了~如果近可以去了解下間學校