用戶登入
用戶名稱:
密      碼:
搜索
教育王國 討論區 資優教育 要否check資優(求指教)
查看: 3149|回覆: 29
go

要否check資優(求指教)

Rank: 3Rank: 3


295
發表於 21-10-19 11:43 |顯示全部帖子
小朋友6歲(已確診ASD),2-3歲時已觉得佢羅輯思維比同齡好,呢幾年都有2個CP和到校服務姑娘懷疑她是資優,但我沒有察覺佢好似呢度d分享咁記性好,lQ高,或者d嘢唔使教就識,反而成日諗好多嘢好焦慮,我應該同佢做資優評估嗎?
可以在哪裡做呢? 做完如果真係又有咩用途呢? 求指教,謝謝~

Rank: 11Rank: 11Rank: 11Rank: 11

醒目開學勳章 貢獻勳章


31199
發表於 21-10-19 14:32 |顯示全部帖子
做智力評估,主要係俾你了解多d孩子智力上嘅能力,從而了解佢一d行為上,情緒上嘅表現

但因為你本身已有一個特殊情況,所以資優特質有機會被呢個特殊問題而淹蓋

所以,問題係你覺得有無需要了解佢更多?或者現時係咪有d問題未能單純以對應ASD 方法解決?

評估其實都有唔少地方可以做,但既然見開CP,會唔會問佢地簡單d? 我知道嘅係HKAGE 有得做,協康會都有
恐龍家

Rank: 3Rank: 3


295
發表於 21-10-19 20:13 |顯示全部帖子
小曳人 發表於 21-10-19 14:32
做智力評估,主要係俾你了解多d孩子智力上嘅能力,從而了解佢一d行為上,情緒上嘅表現

但因為你本身已有一 ...

謝謝您呀,佢就係有好多問題,其中焦慮係一直解決唔到的,佢諗嘢諗得好深入,我估因為咁所以CP和姑娘都懷疑佢係資優,但係佢諗既嘢全部都好負面。。。

噚日見另一個CP,希望處理我小朋友問題,我講完佢情況,又係懷疑係資優,但我就話覺得佢唔係,因為4歲時評asd時有評過智力,當時佢都係被cP懷疑係資優,但評估時佢唔肯答人問題,最後評佢lQ屬正常範圍,因為我堅持,所以噚日cP都無再特別向呢個方向講,但身邊嘅人就話我唔應該咁,咁多人懷疑都唔理佢,但就算我帶佢做評估,知道分數,就可處理佢而家的情緒問題嗎? 我唔係好知應該点做。。。

Rank: 4


659
發表於 21-10-19 20:33 |顯示全部帖子
智力評估只是check智力,check唔到自閉/過度活躍。要分開做評估。協康好似有啲package包晒check某幾項,你打去問下。聖公會輔導處都有得check。

Rank: 3Rank: 3


295
發表於 21-10-19 20:52 |顯示全部帖子
daijuju 發表於 21-10-19 20:33
智力評估只是check智力,check唔到自閉/過度活躍。要分開做評估。協康好似有啲package包晒check某幾項,你 ...

謝謝你呀,她4歲時有在協康會評估,當時cP有懷疑佢係資優,但我囡唔肯答問題,仲話佢某d方面表現很好,例如砌lego,但我囡根本唔鐘意砌lego, 都唔玩的,最終智力評估屬正常範圍。之後有姑娘和CP也懷疑過佢係資優,精神科醫生也提過佢講嘅嘢有d屬於佢哋醫生要学的範疇,但當時也無理會,噚日另一CP又係咁懷疑,但也無理,咁如果我噚日答CP佢係資優,會唔會佢教我嘅處理方法就會唔一樣呢? 如果係,咁我一直否應佢,所以方法先用錯,以至一直處理唔到佢咁耐以來的情緒問題呢? 如果評估資優只評估1Q,咁佢明明4歲巳評佢1Q正常啦,咁又何必又評多次呢?


這是我矛盾的地方,唔知点做好。。。

Rank: 15Rank: 15Rank: 15Rank: 15Rank: 15


126998
發表於 21-10-19 21:51 |顯示全部帖子
Peace1234 發表於 21-10-19 11:43
小朋友6歲(已確診ASD),2-3歲時已觉得佢羅輯思維比同齡好,呢幾年都有2個CP和到校服務姑娘懷疑她是資優,但 ...
首先ASD同資優係無必然相關性既。我會建議唔好諗咁多,專心搞ASD,訓練好小朋友既社交能力、溝通技巧之類,而唔係諗其他野。如果有宗教信仰,就帶佢去教會,等佢多啲同人接觸。

Rank: 8Rank: 8


18992
發表於 21-10-19 22:15 |顯示全部帖子
本帖最後由 LeeCC 於 21-10-19 22:23 編輯
王家爸爸 發表於 21-10-19 21:51
首先ASD同資優係無必然相關性既。我會建議唔好諗咁多,專心搞ASD,訓練好小朋友既社交能力、溝通技巧之類, ...

同意,社交與溝通能力比資優更重要

Rank: 3Rank: 3


129
發表於 21-10-20 02:54 |顯示全部帖子
Peace1234 發表於 21-10-19 20:13
謝謝您呀,佢就係有好多問題,其中焦慮係一直解決唔到的,佢諗嘢諗得好深入,我估因為咁所以CP和姑娘都懷 ...

你講的情況同我仔仔有啲似,
不過照睇, 可能我仔仔仲嚴重啲

你有冇找專家團隊評估? 會較獨立專家評估準


Rank: 3Rank: 3


295
發表於 21-10-20 07:17 |顯示全部帖子
王家爸爸 發表於 21-10-19 21:51
首先ASD同資優係無必然相關性既。我會建議唔好諗咁多,專心搞ASD,訓練好小朋友既社交能力、溝通技巧之類, ...

謝謝您呀,好彩她小學仍有到校服務,有社交小組,也在學校識到好朋友,比幼稚園好很多,但她最大的問題是她的情緒,每天都為不同的事喊,有時喊到問我佢点樣先可以停,因為佢停唔到,由好細個巳問我好多生死問題,甚至有同我講過如果佢死咗就好啦,唔使經歷佢發夢或想像出來的負面嘢,更試過邀請我一齊死,她的情緒和焦慮問題比其他問題更嚴重,所以我先去睇CP,但CP第一句就問佢係咪資優而唔係問其他嘢,佢已經唔係第1個係咁,我有處理佢社交,感統,ST等問題,就只有焦慮情緒一直處理唔到,所以佢係咪資優我唔在意,而係如果知道係唔係之後,處理佢情緒的方法係咪就会有唔同呢,情緒會影響佢一世啊。。。

Rank: 3Rank: 3


295
發表於 21-10-20 07:25 |顯示全部帖子
LeeCC 發表於 21-10-19 22:15
同意,社交與溝通能力比資優更重要

(emoji)好似我以上回覆咁,資唔資優唔重要,我對佢功課無乜要求,我哋都係讀普通小學,欠交也試過 ,反而係佢情緒,我覺得非常重要,她要靠這過她的人生,佢其他問題我都好努力處理,就只有資優呢樣嘢一直無搞,人哋懷疑佢係,我反而一直話佢唔係所以唔使搞,但她的焦慮是天生的,也越來越嚴重,所以先想揾吓仲有無其他方法處理,唔想佢處處向死的方向解決問題

Rank: 3Rank: 3


295
發表於 21-10-20 07:40 |顯示全部帖子
iloveapplepie 發表於 21-10-20 02:54
你講的情況同我仔仔有啲似,
不過照睇, 可能我仔仔仲嚴重啲

她有見過CP和精神科醫生,在不同醫院没有聯繫的,你說的是怎樣的專家評估呢?在哪裡找? 謝謝你~

Rank: 11Rank: 11Rank: 11Rank: 11

醒目開學勳章 貢獻勳章


31199
發表於 21-10-20 07:53 |顯示全部帖子
本帖最後由 小曳人 於 21-10-20 07:54 編輯

我覺得,當孩子唔合作下所做嘅評估結果唔可信,而且,4歲本身就唔係最佳評估年齡,誤差好大

當然,孩子所出現嘅問題未必同資優有關,但既然係專家提出,我會反問:係唔係資優,同點幫小朋友嘅方法,有無關係

其實,我作為走過咗最難最辛苦年齡嘅家長,响評估課題上,我唯一建議家長係:無論孩子係有乜特質,甚至你無一個名稱去歸納出嚟,你要做嘅只有一樣:接受佢係獨特嘅
由呢點開始出發,用佢視覺去睇事物,慢慢有d問題可能已經可以解決

抱歉,我不停睇到嘅係否定佢,佢唔係資優 (因為一個唔可信嘅評估?!) 但其實親子關係上,佢有幾多個label 重要咩?家長接受孩子思想唔同,孩子接受自己跟其他人唔同,然後,先會慢慢因為唔同嘅經驗,改變一d負面諗法

我自己係一直要求孩子做到普通人做到嘅野,直至見到份評估報告,發現佢本身就係火星人,無可能做到地球人嘅野,所以先接納佢,了解佢,有好嘅親子關係,就有慢慢改善嘅情緒問題,家長可以多分享自己經歷 (我發現好多家長唔會講自己感受!) 孩子自然會少d對抗性思想同行為

加油呀!

點評

zaba    發表於 21-10-20 09:23
恐龍家

Rank: 3Rank: 3


129
發表於 21-10-20 08:26 |顯示全部帖子
Peace1234 發表於 21-10-20 07:40
她有見過CP和精神科醫生,在不同醫院没有聯繫的,你說的是怎樣的專家評估呢?在哪裡找? 謝謝你~
...


通常係由精神科醫生, 心理學家, 職業治療師, 護士, 社工等一齊做評估和治療
每個專家大約會見三數次, 每次約一至三小時做評估
做完評估專家團隊會開會討論
之後會有唔同治療訓練

公立醫院用醫生紙去排期就得
要快唔想等可以去私人機構, 收費都係一般按時專科/專家收費

Rank: 3Rank: 3


129
發表於 21-10-20 09:24 |顯示全部帖子
本帖最後由 iloveapplepie 於 21-10-20 09:29 編輯
Peace1234 發表於 21-10-20 07:17
謝謝您呀,好彩她小學仍有到校服務,有社交小組,也在學校識到好朋友,比幼稚園好很多,但她最大的問題是 ...

你的小朋友情況真係同我仔仔好似
我好明白你的心情

我仔仔係小火山, 一日爆幾次, 每次成個鐘...
佢有adhd, 輕微的ads, 妥瑞, 感統, 焦慮...等等一蘿問題
不過佢無自殺傾向, 但會攻擊人......
同佢出街我地都好大壓力....

資質方面, 佢係異常聰明....
老師和課外活動老師都話教咁耐未見過咁樣的小朋友
細節我就唔多講了

最早期我係由家庭醫生轉介到唔同專科醫生, (眼科,皮膚, 兒科.......)
唔同專科醫生又轉介唔同專科/心理學家, 可惜因為太多唔同問題, 佢地都攪唔掂
最後見咗幾個精神科醫生, 聽吓唔同意見...
情況都大同小異, 同仔仔傾咗一陣後, 主要都係都係用資優的特質去評估
話所有問題係佢腦部的網絡太發達引起, 都係副作用
呢啲副作用, 加上高智商, 話我地要預咗同佢鬥智鬥力, 蠢啲都會俾佢食住
最後醫生話以佢的資源都做唔到啲乜, 寫紙俾我地去公立醫院排期做全面評估和治療

不過見咁多唔同的專家和做咁多評估,
都無人同佢測IQ (我網上找了啲類似wics題目問佢有冇見過, 佢話無)
所以我諗IQ應該唔係重點

主診醫生同你的諗法一樣, 話其他嘢都唔好理住, 幫佢攪掂咗情緒先



Rank: 8Rank: 8


18992
發表於 21-10-20 10:54 |顯示全部帖子
Peace1234 發表於 21-10-20 07:25
(emoji)好似我以上回覆咁,資唔資優唔重要,我對佢功課無乜要求,我哋都係讀普通小學,欠交也試過 :wahaha ...


系情緒社交溝通方面打好底,上到中學,呢D挑戰更大

加油

Rank: 4


659
發表於 21-10-20 13:05 |顯示全部帖子

回覆樓主:

聖公會輔導處有D情緒小組/治療/遊戲治療等服務,你可以問下

Rank: 3Rank: 3


295
發表於 21-10-20 13:57 |顯示全部帖子
小曳人 發表於 21-10-20 07:53
我覺得,當孩子唔合作下所做嘅評估結果唔可信,而且,4歲本身就唔係最佳評估年齡,誤差好大

當然,孩子所 ...

多谢您呀,佢d情緒真係我最擔心的,佢而家仲細,仲会乜都同我講,大d收埋自己唔講真係怕佢会亂諗嘢,有姑娘也提醒我哋青春期時更加要注意。

我哋有揾人同佢做輔導,有做遊戲治療,父母也有學遊戲治療同佢溝通和相處,感覺上可以做的都做過了。你說的label我曾經在她確診asd時矛盾過,有個姑娘就好似你咁

Rank: 3Rank: 3


295
發表於 21-10-20 14:09 |顯示全部帖子
小曳人 發表於 21-10-20 07:53
我覺得,當孩子唔合作下所做嘅評估結果唔可信,而且,4歲本身就唔係最佳評估年齡,誤差好大

當然,孩子所 ...

唔小心post咗

有個姑娘就好似你咁講,呢d只係一個label, 無論叫乜都好,都係要處理佢d問題。所以我去学遊戲治療,聽好多講座去明白她,改變自己,同佢一齊学習,但她的焦慮尤在,我都明白有情緒好正常,最怕佢向死裹想,我想襯佢仲細,多d幫佢正面d解決問題。。。謝谢你的分享,可能之前的評估佢仲細未必作準,再問吓d專業人士有無需要,如果能處理她的焦慮就值得再做(emoji)

Rank: 3Rank: 3


295
發表於 21-10-20 14:11 |顯示全部帖子
iloveapplepie 發表於 21-10-20 08:26
通常係由精神科醫生, 心理學家, 職業治療師, 護士, 社工等一齊做評估和治療
每個專家大約會見三數次, 每 ...

謝謝你,我下星期去見精神科醫生時再問吓

Rank: 3Rank: 3


295
發表於 21-10-20 14:27 |顯示全部帖子
iloveapplepie 發表於 21-10-20 09:24
你的小朋友情況真係同我仔仔好似
我好明白你的心情

謝謝你的分享呀,情緒真係好重要,佢之前發惡夢,話要同我一齊,我都好驚佢有自殺倾向,即刻攞個快期同精神科覆診。。。

你說了我想知的,佢lQ高唔高都係咁過生活,反而係如果真係資優,好似你咁講個腦同人哋唔同,eg諗嘢好快,但佢動作跟唔上,佢可能好辛苦之類,咁個處理情緒方法會唔會唔同呢? 我囡又係要睇好多科,敏感,兒科,營養科等,她也有一大堆感統需要,但升小後到校服務無咗就無再做訓練,在外面揾緊,但要排好耐,又好貴。。。

想問吓如果呢d專家評估後,有其他支援嗎?如何處理她的問題呢?
你需要登錄後才可以回帖 登錄 | 註冊