各位媽媽，請聽我呻下，再指點迷津

tigrenok

我仔就7歲。幼稚園一直排早期訓練。到升小學幾個月前先到。之後因為要額外收費同地點太遠，上咗一排就無咗。

到小學，校內好多問題，尤其行為情緒。基本上日日學校收電話，幾星期就見家長。
*** 出位，唔專心就緊。最大問題係脾氣暴躁伴有攻擊性行為。。。仲有好多好多。
**小一幾個缺點，學校話佢再控制唔到就call白車，整到人就call警察等等。。。
我每日都好大壓力，怕佢傷害到人哋同自己。

期間，學校社工寫咗轉介信，就去排/見政府醫院兒童精神科，見咗幾次醫生。
第二次見醫生，佢只係話再觀察同幫我排咗啲行為訓練course (只係收過一次電話後就無消息了)。
第三次見，講咗好多校內問題，最後醫生俾咗藥。但仔個呀爸好stubborn唔俾佢食，話對佢唔好......我只能用心同耐性去教

依家二年班，班主任話佢有改善，但都唔可以當佢係正常學生。呢幾日又突然變得好易發脾氣同情緒差。今日又有啲攻擊行為（無整到人）。

究竟我仲可以點做？小學只俾壓力，話再係咁接受唔到。除排政府訓練課程外。。。help help me

au1111

點解之細個無去治療?越大個越難搞⋯⋯快點找一個專業的行為治療師評估一下，行為治療不鼓勵食藥，一食藥就不系行為治療。

au1111

以前不系太淸楚，後期因為朋友都幾個有SEN 等問題但傳統學校又不識搞，到中學時期已經太遲啦⋯⋯

tigrenok

回覆 au1111 的帖子

係K3尾段先有位讀。課程係幼稚園返學後，下午出半山個到上訓練
一星期4日，每日三個鐘。車程差唔多要二個鐘
但因為車程，無休息。小朋友情緒仲差咗。。。
所以最後放棄個位

au1111

回覆 tigrenok 的帖子

太可惜。應該要繼續治療。

fasola

佢7歲前排早期訓練, 當時評估結果係點?
小學再去兒童精神科, 又評估成點?
你只講醫生開藥, 我只能估計起碼有ADHD. ADHD 食藥好普通.
書本上係寫食藥+行為治療成效係最高, 其次係只食藥, 最差係只做行為治療.
所以無需要太抗拒食藥

fasola

你自己覺得佢係屋企表現如何?
如果佢係屋企ok, 咁有可能係學校誇大. 唯有轉其他小學.
有啲教師好衰, 特別係年長, 50歲以上. 佢地好憎SEN. 最想踢晒學生去特殊學校, 唔好係主流阻住佢地. 我自己識啲教育界朋友都係咁態度, 猛咁鬧SEN.

如果你覺得佢係屋企都大問題, 咁就轉去特殊學校.

tigrenok

fasola 發表於 21-10-17 00:05
佢7歲前排早期訓練, 當時評估結果係點?
小學再去兒童精神科, 又評估成點?
你只講醫生開藥, 我只能估計起碼 ...

排早期時。。。k1己排...評估係development delayed 7個月但到有訓練時就話疑似ADHD....最大問題係情緒行為
小學社工寫信去兒童精神科，見醫生時，醫生覺得唔嚴重，因為見我仔時，我仔係同普通小朋友一樣。坐得好，有眼神交流同對答。。。
到之後學校繼續發生好多好多問題，我同醫生講返。佢原來叫我再俾啲時間。但我話真係好嚴重，佢先開藥。

今日班主任又打嚟，話仔呢幾日情緒唔穩定。小朋友都怕咗佢。

tigrenok

回覆 fasola 的帖子

我覺得班主任同老師都有包容個仔。訓導就一定好憎佢。學校其他家長都可能唔鐘意佢。係呀，佢地有意思，叫去特殊學校

我只係想知點解去到兒童精神科後，只見醫生，無再評估個仔？
同有咩地方有好嘅情緒行為治療。。價錢合理個啲

有攻擊性真係好危險
真係發生好多事。。。好崩潰

fasola

tigrenok 發表於 21-10-18 19:11
回覆 fasola 的帖子

我覺得班主任同老師都有包容個仔。訓導就一定好憎佢。學校其他家長都可能唔鐘意佢。係 ...

醫生就已經評估左. 特別係講ADHD 要開藥, 只能夠係由醫生斷症. 即使其他專業可能亦有豐富經驗面對學童.

fasola

tigrenok 發表於 21-10-18 19:05
排早期時。。。k1己排...評估係development delayed 7個月但到有訓練時就話疑似ADHD....最大問題係情緒行為 ...

K1 已經排, 但中間無再做連續性評估? 特別係升小一前
我會覺得現時最重要, 係豬隊友要合作. 或者一齊見下社工. 希望社工可以說服佢. 你地可以觀察下小朋友有食藥後表現. 呢點重要. 醫生都會調節劑量.

早前有朋友聚會. 有位媽媽帶左兩兄弟我以前無見過. 兩兄弟行為都幾危險. 一望就知嚴重. 大嘅就小二左右. 係有BB 在場都爭啲俾佢地整親. 事後託人問, 平時係有食藥. 大概見放假就停藥, 所以就完全失控.