喺英國讀書嘅前景

王家爸爸

cantona2001 發表於 21-10-16 19:56
電子，機械，工業工程係香港已經式微，但基建相關例如土木，土力工程沙士後旺到宜家，開始走下坡時，政府又 ...

跨國公司既10萬同政府工既10萬好唔同，國際人材既人工係外循環既結果，公務員人工係內循環結果。如果夠叻，私人公司既人工係無封頂，有人挖角，人工就再上一層樓。相反，依照現在既發展方向，國內工程師遲早可以打政府工，所以唔好對政府工程師呢啲工作有太大既期望。

chanti

skIII 發表於 21-10-16 06:53
好多英國住的反而有唔同睇法，香港過去十幾廿年通脤好高，而英國就相反，加上貨幣貶值，因此以大學畢業五年 ...

我仔唔叻、而家讀緊GCSE, 我只希望佢可以搵到興趣及一技之長, 可以係英國養妻活兒.
讀廚都好,不過唔知有冇什麼出名/有質素的廚校

skIII

回覆 chanti 的帖子

感覺上在英國做廚絕對可以養妻活兒，而且工作環境、社經地位及收入等，會比較香港的好，華人面孔所受的歧視會較細，相反可能會更好，正如華人細路會被認為數學好叻，大人會被認為煮嘢叻，(當然有人覺得呢樣都係一種歧視)，上一代的香港移民，好多都係從事呢方面的工作，有啲都搵到錢。

另外呢行係可以轉移返香港，若果第日香港前途更好，返去香港做都唔駛從低做起，但英國有質素的廚校真係唔識，要自己網上搵下。

cantona2001

王家爸爸 發表於 21-10-16 20:21
跨國公司既10萬同政府工既10萬好唔同，國際人材既人工係外循環既結果，公務員人工係內循環結果。如果夠叻， ...

土木工程香港重有好多跨國公司，好多上到高位十零廿萬人工未計分紅，至叻果d都近千萬年薪
香港成套基建都行英制，就算澳門起輕軌搵大陸判頭design and build都重要跟澳門specification, 2047前應該無咩可能見到你講個情況, 因為大陸土木工程係無註冊制度，香港政府工程師呢個係基本入職要求，要呢個制度反轉，唔同大陸西醫生入香港咁易

skIII

有一點我之前冇講，大家送得仔女出國讀書，在香港的工作、收入及人脈唔會低，將來仔女返香港工作，一定可以比到唔同意見甚至幫助，但你在英國會有同樣網絡嗎？你可以幫在英國仔女去某公司做intern以至工作嗎？如果可以就認真恭喜，但一般情況下會好難，好多細路只可以在一個不利的情況下單打獨鬥。
另外要明白在外國讀書及工作是兩回事，讀書的表現是考卷，審核者只憑考卷評核讀書成績；但在工作上，你的人際關係、談吐說話等往往重要過你的工作表現，但這卻是很多華人學生的弱項。

知道我不斷放負，好多人唔會喜歡聽，我其實都好想話英國生活好好，對香港人好友善，唔會有人歧視你，搵嘢做好易，生活好自由，隨時想去邊就去邊，治安好到出夜街都唔駛擔心，不過好可惜，以上情況在英國並不會出現。

beastiebistro

大家可能兜遠咗。樓主講話要三思移民，好可能係舉家移民，小朋友讀state school再上大學，未必關independent/boarding school事。
至於讀state school可唔可以入到好嘅大學再到時出嚟揾到好工，我諗取決於小朋友能力、佢讀（或者入到）咩科、同埋佢諗住揾咩工囉。

我諗最多只可以話，入到好嘅大學，讀到一科對想揾嘅工relevant嘅科目，揾到工嘅機會係有嘅。（我自己都覺得個答案好「阿媽係女人」）。

chanti

skIII 發表於 21-10-16 22:28
回覆 chanti 的帖子

感覺上在英國做廚絕對可以養妻活兒，而且工作環境、社經地位及收入等，會比較香港的好 ...

Thank you , 我了解下先

王家爸爸

chanti 發表於 21-10-16 20:58
我仔唔叻、而家讀緊GCSE, 我只希望佢可以搵到興趣及一技之長, 可以係英國養妻活兒.
讀廚都好,不過唔知有 ...

小朋友只要夠努力，有決心就一定會成功，讀邊間唔係重點，讀得好先至係。Jamie Oliver 都係讀 Westminster Technical College 既  City & Guilds 課程。

Ozguy

王家爸爸 發表於 21-10-16 20:21
跨國公司既10萬同政府工既10萬好唔同，國際人材既人工係外循環既結果，公務員人工係內循環結果。如果夠叻， ...

(emoji)好清楚

chanti

王家爸爸 發表於 21-10-17 17:04
小朋友只要夠努力，有決心就一定會成功，讀邊間唔係重點，讀得好先至係。Jamie Oliver 都係讀 Westminster  ...

我仔係九型人格的7 號人, 佢字典裏沒有成功不成功, 努力不努力…佢對自己既前途好似冇乜感覺, 係我已經著急發掘佢長處、優點、興趣, 希望佢搵到一技之長,有方向

chanti

skIII 發表於 21-10-17 01:17
有一點我之前冇講，大家送得仔女出國讀書，在香港的工作、收入及人脈唔會低，將來仔女返香港工作，一定可以 ...

以上情況唔係唔會係英國出現,係睇下英國邊個地方。

Yanamami

beastiebistro 發表於 21-10-17 03:44
大家可能兜遠咗。樓主講話要三思移民，好可能係舉家移民，小朋友讀state school再上大學，未必關independen ...

好似無人講融入社會……極奇量衹會講人脈。我既同學當年去美加澳（就唔知點解無英）留學，落地生根，有做記者，有做建築，有係大有名大學做admin,有做牙醫助理，IT……各式其式(就偏係無做餐館），佢地第二代係果邊出世，自己更無問題。佢地共通點係，唔會衹埋香港人堆，係會有好多local 朋友，打成一片。

至於我自己，你知我大女，都係考完DSE先去讀U, 不過未畢業都揾到工。佢係樓上講既“單打獨鬥”情況下揾工。佢自己結論係，越早係果邊升學，越多local experience(乜工都做，唔好太計較。佢自己四年大學，係無人脈關係下，賣過bubble tea, 係超市promote過vegan 食品，係升學顧問公司做過，係稅局做過casual)越有機會揾到工。一般香港學生，如果乜local experience都無，畢業先去揾工，係會難。

beastiebistro

回覆 Yanamami 的帖子

所言甚是。
我有個boarding school同學，係巴基斯坦移民第二代。畢業入咗U of Reading讀psychology（唔係G5亦唔係熱門科）。佢夠膽跟住入軍校當咗幾年兵，然後軍隊保薦佢去讀master。跟手入咗ibank，三十五歲前已經係global head，四十歲就退休去咗毛里裘斯住做土皇帝。後來悶得滯，四十五再返倫敦自己開boutique ibank，而家專幫財團收購礦場。

有心就有機會。

bkfans123

其實宜家到英國升學是否就是為日後移民鋪路呢？英國教育應比香港好吧....
有英國學位再回香港發展又如何呢？

貝珠

印度人中東人係英國一樣可以立足，你立唔到足，可以係好大個先過去，自己身份認同都有問題。我現在屋企加建的建築師係香港人，細細個過左去英國，surveyor 係印裔，反而builder 係英國人

王家爸爸

bkfans123 發表於 21-10-18 00:03
其實宜家到英國升學是否就是為日後移民鋪路呢？英國教育應比香港好吧....
有英國學位再回香港發展又如何呢 ...

如果為移民鋪路，其實美加澳會好啲。美國地方大，機會多；加拿大、澳洲，更加歡迎香港人。

brother4

bkfans123 發表於 21-10-18 00:03
其實宜家到英國升學是否就是為日後移民鋪路呢？英國教育應比香港好吧....
有英國學位再回香港發展又如何呢 ...

又路過！每個人選擇不同，孩子說不…連二等移民都冇因留學芵多年。。反而英國專科好多選擇，如医科／律師／物理治療／語言治療等。。。回來如有經驗多有工做～但港醫療壓力大，正苦普通／專科好似15分鐘見完，英國又看豆豆先生普通科睡了幾覺也未到 不過揾＄本地好好揾，揾牙醫洗牙基本要預約

王家爸爸

貝珠 發表於 21-10-18 01:05
印度人中東人係英國一樣可以立足，你立唔到足，可以係好大個先過去，自己身份認同都有問題。我現在屋企加建 ...

無可否認，唔少中國人都有被歧視妄想症，源於短缺自信，亦可能係其他原因或者不幸。我讀書年代，讀電腦，班裡面被歧視得最多既係一個上堂唔鍾意舉手，就問埋晒啲唔啦更既問題既當地人男仔。而最無朋友既係一個唔喜歡講話既本地人女仔。我既朋友唔少，本地既、英國其他地方既、歐洲人、非洲人、印巴人、馬拉人都有。我估原因係我鍾意傾偈，而且我程式寫得快，又幫到佢哋揾到bugs。反而我無大陸人朋友，一來當年大陸出國留學既人比較少，二來當時啱啱係64之後，佢哋都好摺，只係互相圍爐取暖，唔同其他人傾偈。

王家爸爸

beastiebistro 發表於 21-10-17 22:55
回覆 Yanamami 的帖子

所言甚是。

我認識既印巴同以色列人都比較識爭取機會，而且口才都比較好，可能呢個就係佢哋成功既因素之一。

beastiebistro

回覆 王家爸爸 的帖子

所以喺英國有冇出路係睇個人，同咩種族無咩關係。我覺得歧視只係嗰啲搵唔到好工嘅人（會唔會心頭過高？），安慰自己嘅藉口。始終話係社會嘅錯容易過話自己不足...