到了今天仍然沒有offer，我的心很平靜。

超能爸爸

到今天為止，超能仔仔暫時in了3間直/私校，仍然未收到offer，我也是平常心。
原因，最近身邊朋友發生了1件事和看到了1篇報導。

昨天，得悉朋友女兒患了罕見疾病，短期也不能上學，看見她媽媽很擔心的樣子，然後，回家看到超能仔仔和超能囡囡健健康康，我還有什麼不滿足呢？沒有。在此，為她女兒祈禱，祝早日康復。

我曾經看過很多書，也說明了0-6歲小孩子右腦發展很重要(這裡我不多解釋，相信很多家長也了解，亦可參考下面連結)，所以我刻意多給超能仔仔學習語文、圖畫、影像和圖像，比較不著重其他如數學和邏輯等操練。我今天做的不是為入讀什麼小一，是為他長遠的未來。

入讀什麼小學，只佔小朋友人生的極小部分，希望大家放鬆一點，有很多offers的，為小朋友選擇最合適的，沒有offer的，也不要太緊張，you are not alone，有我仔仔陪你！大家一起繼續努力，路，是人行出來的。

【幼兒教育】把握零至6歲黃金早教期　影像和印刻學習模式加強記憶

https://topick.hket.com/article/3077664?r=cpsdlc

小曳人

其實，大部份好d嘅學校都未出offer，又真係唔駛太心急，隨緣啦，又唔係收集閃卡，越多越好

其實，真係一間就夠，我好阿Q，我家超人當年都係得一個offer (SFA) 然後抽中乙一 (但其實我唔係太鍾意)
結果呢個係我唯一要做嘅決定！之後插班又係得一個offer...
所以到中學，我都唔駛做大決定，我覺得咁比大家d 選擇困難症，幸福得多！

kenyuenkc

我大女入左好好既直資，細女今年考小學，仍然未有任何offer or 2nd in
那又如何，最重要搵到適合佢既學校
我不想拿她跟其他同學比，亦不想同姐姐比
同路人。共勉之

lflxl

我幫細仔報咗3間，in咗2間，1間未in，全reject。之前決定幫大仔轉校離開舒適層，細佬要自己闖，預咗會麻煩啲但不迷茫。兒女自有佢自己際遇。
大仔當年in咗十幾間幼稚園，只有一個正取offer，一個備取。插班考3也只有一個最心儀offer。所以睇化咗，無得揀有時都幾好唔駛煩。

bbellchung

超能爸爸 發表於 21-10-9 03:07
到今天為止，超能仔仔暫時in了3間直/私校，仍然未收到offer，我也是平常心。
原因，最近身邊朋友發生了1件 ...

見到你篇文，回想BB出世時嘅感動同初衷，都係想佢健康成長啫。希望你朋友的女兒能早日康復！

我哋都未有offer，不過都係平常心，唔想比小朋友太大壓力。緣份到了，自然有學校收。

Sing13

兩種心態既家长都唔太擔心：
1.本打算大抽獎，考直私只是玩下，試下
2.已经作好左持久戰准備，玩到出年七八月，考直私，大抽奬，玩埋叩門，offer唔使多，一個心儀既就足夠.

Hwtsui

我是擔心到每晚睡得不好
我有幫小朋友報面試班，每天早上和晚上都陪他學習。但他記性不好，所以要花好幾倍時間去幫他記字 logic presentation etc. 他每次面試總是遇著他不慬得的題目，總有錯 (其他人的題目 我問他 他懂的)。 他最專長的數學一係唔問 一係問好淺 發揮不了他的長處
當身邊人有offers的時候 我兒子卻只是waiting or reject
我有埋怨過他不小心 不盡力 事後也感後悔. 現在我很累了 不想玩這遊戲，但我還不能放棄 因為放棄了 他便錯失好學校的機會.
所以每天感覺也很累…但知道就算他有2nd in 機會也不大 因為現在的孩子真的很出色. 我以前只著重孩子的興趣 如劍擊 畫畫 (因為他喜歡), 現在有點後悔為何不再花多點時間為他準備學術 讓他迎來一次次的失敗…我真的做得不夠好…
我還在面試路上浮沈 也準備定下年要常寫求位信了…希望這些日子快完…

dupbuu

Hwtsui 發表於 21-10-9 18:06
我是擔心到每晚睡得不好
我有幫小朋友報面試班，每天早上和晚上都陪他學習。但他記性不好，所以要花好幾倍 ...

個音樂椅有排未玩完，唔洗咁灰。
學術我唔知你小朋友有幾弱，其實中英文都係要睇書，不二法門。死記爛記小朋友過眼雲煙，又悶又無趣味，不如由而家開始睇多啲書，自然會認到。

其實in 小一學術反而係少事，性格要外向多嘢講先著數。本人小朋友學術ok 但性格怕醜先最大鑊。所以放鬆啲啦，而家已經瞓唔著遲啲小學呈分點算？

tkhhung

小曳人 發表於 21-10-9 07:07
其實，大部份好d嘅學校都未出offer，又真係唔駛太心急，隨緣啦，又唔係收集閃卡，越多越好

其實，真係一間 ...

一切都看緣份 找到適合學校給小朋友已經好好

euniceyuyan

Sing13 發表於 21-10-9 17:31
兩種心態既家长都唔太擔心：
1.本打算大抽獎，考直私只是玩下，試下
2.已经作好左持久戰准備，玩到出年七八 ...

考直私确實是一場持久戰。我女舊年考直私，報左七八間，只有一間私校offer。我女口頭表達能力唔好，加上怕丑，面試表現唔好也是意料之中。意外的是，自行抽中跨區的一間有B1B直屬中學的女校。糾結了很久，放棄了私校，揀了女校。之後到咗今年七月，收到最心儀的一間直資學校offer，果斷放棄女校接受新offer。
今日再回頭看，offer不需要多，有一兩間心儀的就好。

大家加油💪

happyschooling

euniceyuyan 發表於 21-10-9 19:34
考直私确實是一場持久戰。我女舊年考直私，報左七八間，只有一間私校offer。我女口頭表達能力唔好，加上怕 ...

邊間直資呢

Ckw2019

Hwtsui 發表於 21-10-9 18:06
我是擔心到每晚睡得不好
我有幫小朋友報面試班，每天早上和晚上都陪他學習。但他記性不好，所以要花好幾倍 ...

我好明白你，我之前同你嘅心情好相似。總覺得自己小朋友做得唔夠好，內向，覺得無學校收等等負面情緒。但事實未必係你所想，我小朋友最後入到好多間2nd in(e.g. 港同……), 早兩日我仲收到心儀嘅直資Offer. 唔係要講風涼說話，而係要相信自己嘅小朋友，你教佢嘅嘢，相信佢會做返出黎。我會後悔當初自己點解要質疑佢，我知道佢一定會感受到我當初嘅晦氣。之後嘅面試，我會信佢做左佢嘅最好。
加油。

hkpapa852

短時間內連出兩個帖，真係無事？

超能爸爸

hkpapa852 發表於 21-10-10 01:48
短時間內連出兩個帖，真係無事？

多謝關心。
原本真係可以一個帖也不出，但我見到很多家長擔心，所以出帖支持下大家。

如果煩到你，在此講聲唔好意思。

我仔仔暫時只in了3間，又一間result都未出，其實真係唔知可以有咩事。

hkpapa852

要擔心的，乜都未發生也會擔心。
唔擔心的，天冧落嚟都唔緊張。

就算入到心儀學校，環境，校政，氣氛一樣可以不如預期。

記住一點，任你千算萬算，可惜人算不如天算，學會放鬆一點。

Zleep

hkpapa852 發表於 21-10-10 01:48
短時間內連出兩個帖，真係無事？

得你一個咁敢言

男仔頭

有啲二三線幼稚園8-9成升返上小學,又可以大抽獎,例如蘇浙,玫瑰崗,真光,德萃,YMCA

PTL_L

超能爸爸 發表於 21-10-10 01:56
多謝關心。
原本真係可以一個帖也不出，但我見到很多家長擔心，所以出帖支持下大家。

其實都唔係煩唔煩到邊個，就算煩到都唔需要理會，因為自己知自己就夠。反而你自己諗下係咪真心唔介意，唔擔心，又會keep住積極情緒向前行？呢個心態是必然，因為你同小朋友都係起點上的第一步，真係第一步咋，長路漫漫。

yhchanchan

Ckw2019 發表於 21-10-9 22:56
我好明白你，我之前同你嘅心情好相似。總覺得自己小朋友做得唔夠好，內向，覺得無學校收等等負面情緒。但事 ...

首先恭喜你，咁你小朋友好優秀
我可能係岩岩相反，我信佢做得到，但可能入到去唔係果回事

當初可能都係想試下阿仔實力，決定主打考直私，其實依家遊戲真係岩岩開始，好多都未開彩，但的確呢個開頭係令我有壓力，暫時都係reject/waiting多，尤其係先交portfolio screening果幾間，我好覺得係咪我累咗佢。有時身邊朋友無我咁多reject仲同我呻無offer，我會覺得係咪我太有信心？

beetle910

真心相信考小真係緣份遊戲，一心想入間二線直資，點知得waiting, 最後叩門階段，冇諗過有機會嘅官津反而收左，叩幾間全部收哂，直私waiting都有call, 所以唔未到最後都唔好放棄