運動資優，問升中選校及其他支援

GO5019

本帖最後由 GO5019 於 21-9-28 10:42 編輯

運動資優11歲，讀緊津貼小學，運動、跳舞、繪畫出色，學業成績普通，未入港隊前是band 1尾成績，入咗之後花太多時間訓練，學業成績跌到band 2，頭痛緊升中選校，呀女想考近屋企嘅band1 英中，佢鍾意嘅原因是近屋企可以瞓晏d，但我知道好谷多功課她會讀得辛苦，重點係應該唔會收佢。有朋友建議林大輝band2直資英中，但離屋企好遠…如入讀可能要搬屋。之前都諗過體藝，但連呀女教練都話唔同以前，又係好谷而且是band1未必收我女。我應該會自行一間近屋企的band2學校打打底。唔知沙田、九龍區仲有咩中學啱呀女，可以比佢試吓?預咗要搬屋，因為訓練地點太遠花太多時間搭車。

gracelam

GO5019 發表於 21-9-28 10:24
港隊運動員11歲，讀緊津貼小學，運動、跳舞、繪畫出色，學業成績普通，未入港隊前是band 1尾成績，入咗之後 ...

林大輝係band 3, 至於體藝大約band 2頭至band 1尾, 如果係band 2生, 建議可以試體藝!

不過無論林大輝定體藝, 呢2間都係英中,  如果英文科麻麻地, 學科上除咗中文及中史係中文, 入到去都會辛苦的!

0030

回覆 GO5019 的帖子

你好，想問下運動資優點知道的，同埋想知入港隊有咩要求，謝謝指教～

王家爸爸

GO5019 發表於 21-9-28 10:24
港隊運動員11歲，讀緊津貼小學，運動、跳舞、繪畫出色，學業成績普通，未入港隊前是band 1尾成績，入咗之後 ...

其實港隊運動員係唔係問教練會更好？

傻太

0030 發表於 21-9-29 10:42
回覆 GO5019 的帖子

你好，想問下運動資優點知道的，同埋想知入港隊有咩要求，謝謝指教～ ...

香港好多運動的港隊(代表隊/青年軍）都係由U10（小四）開始，由會薦去選拔

GO5019

0030 發表於 21-9-29 10:42
回覆 GO5019 的帖子

你好，想問下運動資優點知道的，同埋想知入港隊有咩要求，謝謝指教～ ...

其實係因為入選咗港隊，我先知道係資優，至於入港隊，每項運動都有個總會，他們會有甄選。

GO5019

王家爸爸 發表於 21-9-29 11:29
其實港隊運動員係唔係問教練會更好？

因為我女項運動沒有校隊，不是游泳田徑球類嗰d，所以選校都係家長自己諗，教練唔會有咩意見。

GO5019

gracelam 發表於 21-9-28 17:42
林大輝係band 3, 至於體藝大約band 2頭至band 1尾, 如果係band 2生, 建議可以試體藝!

不過無論林大輝定 ...

明白，謝謝。

0030

回覆 GO5019 的帖子

系參加左總會的訓練先會甄選？thx

GO5019

0030 發表於 21-9-29 17:07
回覆 GO5019 的帖子

系參加左總會的訓練先會甄選？thx

本帖最後由 GO5019 於 21-10-3 18:22 編輯

不一定，呀女是參加私人的訓練再考入去的。呀女幼稚園時老師叫我俾佢學跳舞，我就帶佢學芭蕾舞，到小學跳中國舞，暑假時學不同的運動，游水、網球、體操、踩單車，每項運動也是學起碼半年，不是同一時間學，如果佢好鍾意同埋有潛質，教練會睇到，而小朋友也會學到成績出嚟。
所以一開始不是因為要入港隊而學嗰樣運動，初心係希望佢健康，培養做運動嘅習慣，搵到自己嘅興趣。

傻太

GO5019 發表於 21-9-29 16:53
其實係因為入選咗港隊，我先知道係資優，至於入港隊，每項運動都有個總會，他們會有甄選。
...

入咗港隊=運動資優？還是港隊另有評估得出的結論？
你打算由佢不理學業繼續發展呢項運動落去？呈分試不嘗試拉返上band 1？
講真，孩子還小，呢啲嘢會堅持幾耐無人知，過兩年仲係咪港隊無人知，運動這條路真的很艱辛但入左一間中學就一定係6年，亦影響以後嘅路

csbaik

GO5019 發表於 21-9-28 10:24
本帖最後由 GO5019 於 21-9-28 10:42 編輯

運動資優11歲，讀緊津貼小學，運動、跳舞、繪畫出色，學業成績 ...

港隊考直資都應該會入。不過升中後，追唔追得上冇人知。如果入左港隊，一星期起碼玩你三，四日，仲要每日三，四粒鐘，跟住仲要代表到香港出赛三，四次先有幾會有special  offer 入大學。

運動員唔易做，練完就散哂，如果手損腳爛，運動員生捱就bye bye, 愽唔過，咪搞。呀女當年中二玩左一年，即刻退隊，因為覺得條路難行。

GO5019

傻太 發表於 21-10-14 20:27
入咗港隊=運動資優？還是港隊另有評估得出的結論？
你打算由佢不理學業繼續發展呢項運動落去？呈分試不嘗 ...

細路可以堅持幾耐冇人知，但做父母一定會支持佢。成績差咗係事實，我接受到，反而佢有啲接受唔到，我仲要安慰同鼓勵佢，現在每星期訓練五天3-4小時，睇到佢好努力唔怕辛苦，我覺得呢種磨練對佢以後做人好有幫助，呢樣係書本上學唔到嘅嘢。

GO5019

csbaik 發表於 21-10-26 17:55
港隊考直資都應該會入。不過升中後，追唔追得上冇人知。如果入左港隊，一星期起碼玩你三，四日，仲要每日 ...

好多謝你回覆，現在港隊加私人訓練共5天3-4小時，因為小學返學只返半天，尚算應付到，所以今次揀中學真係要好小心。希望可以入到配合到訓練同比賽嘅學校。我是一個另類嘅家長，我係希望小朋友行啱佢自己嘅路，而我呢個女未必係行讀大學呢條路，不過咁細都未知，仲有3、4年，讀完初中佢應該會搵到自己嘅人生目標，而且讀書係可以讀到6、70歲，只要仲有精神同體力。
佢而家都成日訓練到損手爛腳，我可以做嘅就只有支持佢，睇醫生、湯水、叫佢休息，再次多謝你！

964000

GO5019 發表於 21-10-27 08:36
好多謝你回覆，現在港隊加私人訓練共5天3-4小時，因為小學返學只返半天，尚算應付到，所以今次揀中學真係 ...

林大輝
體藝
DG
協恩
以上都有體藝生

最大路林大輝，奧運獎牌得主都有幾個
之前楊文蔚在DG仲有專人補英文，又比佢repeat F3, 最後入了港大，但可能因為田徑可代表學校所以特別支持。
協恩的體藝生就多數都讀得
反而普通band 2學校，未必包容到體藝生
例如比賽缺課。
用運動員身份其實都可以入大學，不過都要保持入學最低要求，本身band 1尾/band 2 其實唔差，可以以此為目標。
運動員訓練非常艱苦，十分佩服，加油。

csbaik

GO5019 發表於 21-10-27 08:36
好多謝你回覆，現在港隊加私人訓練共5天3-4小時，因為小學返學只返半天，尚算應付到，所以今次揀中學真係 ...

你試考dg,以我所知，佢好鼓勵運動，因練習比缺席上堂，老師會另安排補上。

csbaik

GO5019 發表於 21-10-27 08:36
好多謝你回覆，現在港隊加私人訓練共5天3-4小時，因為小學返學只返半天，尚算應付到，所以今次揀中學真係 ...

你試下體藝，b1 又重運動，可能呀女仲可以揾到同路中人，仲開心

Kirin007

GO5019 發表於 21-9-28 10:24
本帖最後由 GO5019 於 21-9-28 10:42 編輯

運動資優11歲，讀緊津貼小學，運動、跳舞、繪畫出色，學業成績 ...

可以了解林大輝同體藝邊間更適合你囡囡嗰項運動，banding完全唔係考量范圍，體藝中學唔使交學費應該只能揀體/藝其中一項，另留意正取生是唔會再派其他學校的

b3410

GO5019 發表於 21-10-27 08:36
好多謝你回覆，現在港隊加私人訓練共5天3-4小時，因為小學返學只返半天，尚算應付到，所以今次揀中學真係 ...

佩服你，佩服囡囡！的確唔需要人人都走同樣的路，預咗辛苦也有心堅持落去，加油呀！

試試DG，喜歡收有個性有天份的女仔，也有機會搵到同路人

傻太

GO5019 發表於 21-10-27 07:35
細路可以堅持幾耐冇人知，但做父母一定會支持佢。成績差咗係事實，我接受到，反而佢有啲接受唔到，我仲要 ...

「呢種磨練對佢以後做人好有幫助，呢樣係書本上學唔到嘅嘢。」因為呢樣，我亦只好艱辛支持、支援佢。孩子剛升中，已出入代表隊不止一次，雖然疫情，但每次呈分時也有球會的操練。
這幾年要兼顧學業和運動，大人、細路都不容易，但我嘅底線係：一定要keep 到學業成績！因為我唔知邊一日瞓醒佢會同我講唔想繼續呢項運動。如果明明讀到而因運動放棄，我本人接受唔到，亦怕佢將來後悔。每個孩子也會有不太實際的夢想，但現實歸現實，伂儈嘅我明白（尤其在香港）運動這條路好難走得遠